مستقبل فنون جميلة أكثر من عظيم هتغير رايك ليها

[jasminfarouk]

طب انا سئلت قبل كدة ومحدش رد عليا
انا جايبة 57 في تانية ياتري اقدر ادخل الكلية مع العلم اني بعرف ارسم ارجو الافادة

[bahaaeldeen]

المشاركة الأصلية كتبت بواسطة jasminfarouk

طب انا سئلت قبل كدة ومحدش رد عليا
انا جايبة 57 في تانية ياتري اقدر ادخل الكلية مع العلم اني بعرف ارسم ارجو الافادة

57% يبقى تدخلى تربية فنية ودى كويسة زى فنون متقلقيش

[jasminfarouk]

المشاركة الأصلية كتبت بواسطة bahaaeldeen

57% يبقى تدخلى تربية فنية ودى كويسة زى فنون متقلقيش

يعني مينفعش.فنون جميلة.خالص حتي لو المجموع في السنتين 75%
ولو مينفعش ياتري ايه مستقبل تربية فنية
ودراستها حلوة ولا لا
لاني.كنت حابة قسم الجرافيك فنون جميلة في دراسته ومستقبله
ارجو الرد واسفة عالازعاج

[bahaaeldeen]

ربنا يكرمكم

[bahaaeldeen]

المشاركة الأصلية كتبت بواسطة jasminfarouk

يعني مينفعش.فنون جميلة.خالص حتي لو المجموع في السنتين 75%
ولو مينفعش ياتري ايه مستقبل تربية فنية
ودراستها حلوة ولا لا
لاني.كنت حابة قسم الجرافيك فنون جميلة في دراسته ومستقبله
ارجو الرد واسفة عالازعاج

دراسة تربية فنية حلوة جدا برضو
ومستقبلها كويس لانى اعرف ناس كتير خريجين منها بس لازم تاخدى كورسات وتتدربى كتير

متقلقيش

[hefzy]

طيب التعبير الفني ده طبيعه عمله ايه بي نسبه يعني لبعد التخرج و المشروع عباره عن ايه

[bahaaeldeen]

المشاركة الأصلية كتبت بواسطة hefzy

طيب التعبير الفني ده طبيعه عمله ايه بي نسبه يعني لبعد التخرج و المشروع عباره عن ايه

ما المقصود بالضبط بالتعبير الفنى؟

[هـ*ـبـ*ـه]

جزاك الله خيرا
وفعلا الموضوع افادني في معلومات كتيرة مكنتش عارفاها عن الكلية

[22shimaa]

طيب انا معهد كنت عايزه ادخل فنون قسم عماره هو انا لازم اخد كورس العماره فى سنتر بره ولا افضل لى انى اخده فى كليه وبالنسبه لكورس كليه هو كويس ممكن يحسن من قدراتى

[bahaaeldeen]

المشاركة الأصلية كتبت بواسطة 22shimaa

طيب انا معهد كنت عايزه ادخل فنون قسم عماره هو انا لازم اخد كورس العماره فى سنتر بره ولا افضل لى انى اخده فى كليه وبالنسبه لكورس كليه هو كويس ممكن يحسن من قدراتى

زى ما تحبى

[وفقني يا رب ( بندقه )]

لا بصراحه بصراحه بصراحه تجنن انا صحابي والمدرسين كلهم عمالين يقنعوني اني ادخل الكليه دي لاني انا عندي موهبه في الرسم كويسه اوي وانا مش راضيه ع اساس ان الي بيتخرجو منها مدرسين رسم بس بس الواضح انها رهيبه فعلااااااا بجد تجنن وبالمره كمان انمي الموهبه الي عندي في الرسم لاني بجد بحبو جداااااا والمدرسين عمالين يقنعوني اني ادخل الكليه دي ... ^________^ تسلم ايدك

[bahaaeldeen]

المشاركة الأصلية كتبت بواسطة وفقني يا رب ( بندقه )

لا بصراحه بصراحه بصراحه تجنن انا صحابي والمدرسين كلهم عمالين يقنعوني اني ادخل الكليه دي لاني انا عندي موهبه في الرسم كويسه اوي وانا مش راضيه ع اساس ان الي بيتخرجو منها مدرسين رسم بس بس الواضح انها رهيبه فعلااااااا بجد تجنن وبالمره كمان انمي الموهبه الي عندي في الرسم لاني بجد بحبو جداااااا والمدرسين عمالين يقنعوني اني ادخل الكليه دي ... ^________^ تسلم ايدك

لا فنون جميلة عمرها ما بتخرج مدرسين رسم ولكن تربية فنية ونوعية بشكل استثنائى هى الخاصة بالتعليم والتدريس لمادة الرسم
ربنا يوفقك
حطى فنون فى اول رغبة بقى وشدى حيلك عشان امتحان القدرات

[محمد محمود بدر]

جزيل الشكر والتقدير لحضرتك
مجهود طيب
جزاك الله خيرا وبارك الله فيك

[Mohamed001]

شكرا جداا

[عصام الفنان]

المشاركة الأصلية كتبت بواسطة bahaaeldeen

انا لاحظت ان ناس كتير اوى اوى فى مصر متعرفش ايه قيمة كليات الفنون الجميلة وفاكرين اننا رسامين وفاكرين اننا فنانين وبس وفاكرين اننا بنتخرج مدرسين رسم
اولا الكلام دة كله غلط فى غلط
والاخر طلع فيلم فاشل بيسوء فى سمعة الكلية

اولا على فكرة مستقبل الكلية مش زى ما الناس فاكراه انه بيخرج مدرسين رسم وخلاص
ثانيا الفيلم دة اركنوه على جنب لانه مش بيعبر عن الكلية ابدا غير انه بيسيئ ليها
وعلى فكرة دكاترة الكلية رفعوا قضية على الفيلم وخدوا تعويض ممتاز جداا ودة اللى جاب الفيلم الارض برضو

اولا الناس اللى فاكرة ان الكلية مجموعها قليل وبتاخد خمسينات وستينات الكلام دة تعبان
الكلية بتاخد فوق التسعين لعلمى اللى هما قسم عمارة وديكور وادبى بتاخد فوق 85 غالبا واقل حاجة 84

ركز فى كل كلامى ولو انت مش ناوى فنون جميلة متاكد انك هتنويها باذن الله

اولا قسم العمارة
بتدرس كل المواد الهندسية والفنية يعنى بتدرس 5 سنين منهم اعدادى كل حاجات هندسة وزايد عليها مواد فنية ودة اعلى قسم فى المجموع وتنسيقه خاص بيه
وخريجه بيتبع نقابة المهندسين وبيدرسوا كمان شغل ديكور وبيتقووا فى برامج الكومبيوتر اللى بيشتغلوا بيها زى اوتوكاد وثرى دى ماكس وفوتوشوب
غير طبعا بتاع هندسة عمارة اللى بيدرس 4 سنين بس عمارة ومبيدرسش اى ناحية فنية ف بيكون ضعيف بالنسبة لبتاع عمارة فى فنون جميلة والمواااااااد هندسية 200% وباضافة مواد فنية كمان

ثانيا قسم الديكور
ودة تبع فنون فى التنسيق وامتحان القدرات لكن بياخد علمى ومجموعه اقل بفروق بسيطة يعنى عايز تعرف ديكور خد كام يبقى شوف تنسيق فنون جميلة فنون لعلمى
وبتدخل اعدادى ديكور وتدرس 4 سنين وتتخصص جواة على حسب اختيارك لعمارة داخلية وفنون تعبيرية والشهادة هى بكالريوس عمارة داخلية او بكالريوس فنون تعبيرية
عمارة داخلية بتكون مهندس معمارى وديكور ومصمم لكل حاجة ودى ناحية هندسية اكتر
وفنون تعبيرية اللى هى ديكور السينما والمسارح ودى ناحية فنية اكتر
القسم دة ملوش علاقة بفنون بس بتدرس كل حاجة تتخيلها يعنى بتدرس مواد عمارة ومواد فنية بحيث تتعلم كل مبادئ التصميم من الابرة للصاروخ ومن الشقة للعمارة والمؤسسات
بتتخرج بتشتغل مهندس ديكور ومعمارى ومصمم وكل حاجة لان امكانياتك بتكون جامدة وبتاخد خبرة فى الالوان يعنى القسم دة اكتر من قسم عمارة وبتدرس كل مواد قسم العمارة واكتر كمان والناحية الفنية اكبر شوية ومشروع التخرج بيكون مثلا تصميم مدرسة بتصممها من ناحية معمارية وبتعمل البوستر بتاعها وبترسم كل جزء منها برسم هندسى وبتصمم الالوان وبتقسم الفصول لمساحات وبتعمل استخدام كامل وشامل للمبنى دة غير طبعا التقوية الشاملة لاستخدام برامج الكومبيوتر

ملحوظة هامة جداا::
طلبة ديكور بتدرس فى اول سنين ليها عمارة داخلية وتصميم داخلى وبعدين التخصص وبيدرسوا تصميم معمارى فى اخر سنتين
لكن طلبة عمارة وهندسة عمارة بيدرسوا العكس فى اول سنين تصميم معمارى واخر سنتين تصميم داخلى

ثالثا اقسام فنون بتاخد علمى وادبى بس الاولوية لادبى:
اللى بيدخلها بيكون اعدادى فنون بعد كدة بيتخصص ع حسب المجموع لتلات اقسام هما جرافيك وتصوير ونحت
وملوش اى علاقة بالاقسام التانية

قسم جرافيك بيخرج مصممين جرافيك وشغلهم فى الانيماشن والكارتون وكله تمام طبعا يعنى بتصمم كل حاجة ثرى دى من افلام الكارتون لحد خدع السينما وشغل الافلام وشغل المراكز الثقافية
قسم تصوير بتتخرج تكون فنان جدارى او مصمم تشكيلى يعنى وظيفتك مثلا ترسم لوحة فنية واجهة فى فندق او اى ارت ورك
قسم نحت بتشتغل فى مصانع نحت كل حاجة تتخيلها خصوصا الارت ورك

من الاخر مرتباتهم جميلة جدا

وانا مش بجبرك على الكلية بس الكلية نظامها مختلف وجميل جدااااااا يعنى بتدخل الكلية عددكم قليل جدااااااا عكس الكليات التانية اللى عددكم فيها بالالاف
دة غير ان التانيين بتدرس حاجات نظرى والاخر تتخرج وانت حافظ مش فاهم ومش هتعرف تلاقى شغل
دة غير ان خريجين الكلية بالمئات مش بالالاف واظن هاتلى واحد بس خريج فنون جميلة ومش لاقى شغل
دة غير ان الدراسة اغلبها عملى مش كلها نظرى يعنى بتعمل تطبيق للواقع قدامك

اتمنى انكوا تغيروا قرارتكم

وشكرااا

تصحيح لاخويا الكريم فرع فنون فيه خمس اقسام
1- رسوم متحركة ولا يتبع قسم الجرافيك
2- قسم الجرافيك
3- قسم التصوير
4- قسم النحت
5- قسم ترميم الآثار
وهذا للتوضيح فقط وشكرا