انا مخنوقة اوى اوى

[princess nona95]

وربنا ياهالة الدرجة ال انتى جبتيها دى احسن من ناااااااس كتيييييير وناس كتييييييييييير اكيد بتحسدك عليها وربنا اكيد كااتبلك خير فى الكلية ال هتدخليها وممكن ربنا اخد منك حياتك العلمية وجابلك حاجات احسن منها بكتير ممكن حياتك العملية هتبقى افضل بكتييييير
اكيد ربنا عينلك الاحسن دايما لازم يبقى عندك ثقة فى ربنا وفى نفسك
لازم تحسسى اى حد بيقولك كلمة تضايقك انك اقوى من كدا وانك راضية بال ربنا يجيبه ومش زعلانة على حاجة
ممكن الكلية ال تدخليها دى تعملى فيها ماجستير ودكتوراة وتبقى احسن من ناس كتير برده كان ممكن تدخلى الكلية ال كنتى عايزاها وكنتى تفضلى تسقطى ايه بقا احسن ياهالة

[princess nona95]

ارضى بال ربنا كتبه ليكى ياهالة انا عارفة انك راضية وان زعلك دا غصب عنك بس لازم تبقى اقوى من كدا مش اى حاجة بنبقى عايزينها بناخدها ودايما خليكى واثقة فى نفسك فى قدراتك وخليكى واثقة ان دايما فى الاحسن

[To Be Is To Do]

المشاركة الأصلية كتبت بواسطة princess nona95

ارضى بال ربنا كتبه ليكى ياهالة انا عارفة انك راضية وان زعلك دا غصب عنك بس لازم تبقى اقوى من كدا مش اى حاجة بنبقى عايزينها بناخدها ودايما خليكى واثقة فى نفسك فى قدراتك وخليكى واثقة ان دايما فى الاحسن

فعلا والله عندك حق 10000000000000 %
جايز ربنا شايلك الأحسن
أنا دايما كنت بقول أيام الإمتحانات السنادى لما كنت ألبخ ف ماده
" الحمد لله ع كل شئ أكيد ربنا شايلى الأحسن حتى لو م دخلتش الكليه إللى نفسى فيها "
" وعسى أن تكرهوا شيئا وهو خير لكم "

[princess nona95]

اه فعلا وعسى ان تكرهوا شيئا وهو خيرا لكم
شوفتى ياهالة كلنا جنبك ازاى
دى بقا احلى من اى كلية واى نتيجة

[ahmed H capo]

انتي كان ليكي ردود كتير علي مواضيعي كنتي بتديني امل
لازم تكوني اجمد من كدة وتحمدي ربنا
وصدقيني محدش تعبه بيروح
ربنا اكيد هيعوضك في حاجة تانية احسنلك
وعلي فكرة كلنا هنا حاسين بيكي

[هالة محمد 2]

انا مكونتش متخيلة حد هيعبرنى فى الموضوع اصلا
بجد شكرا ليكم فعلا انا خلاص رضيت بالى ربنا كاتبهولى وان شاء الله اثبت نفسى وافرح بابا وماما

[Yes We Can]

الله عليك يا جديد دنتا طلعت استاذ فرفشة خلاص لو حد زعلان بعد كدة حنعملك ابلاغ علطول
ربنا يوفقك يارب ويفك عنا جميعتا اى حزن او كرب ولا شفشف لحظة زعل فيكى ايب هالة ولا اى حد من المنتدى الجميل دة
تقبل مرورى

هههههههههههه انت تأمرى بس
اى حد اجى افرفشه
هههههههه
نورتى الموضوع

[Yes We Can]

انا مكونتش متخيلة حد هيعبرنى فى الموضوع اصلا
بجد شكرا ليكم فعلا انا خلاص رضيت بالى ربنا كاتبهولى وان شاء الله اثبت نفسى وافرح بابا وماما

اوعى تقولى انك متخيله ان مفيش حد هيعبرك
لا بجد و بدون مجاملات
انتى سمعتك هنا فوق القسم كله
و كفايه انه كله بيحترمك و يتمنالك الخير
و على ماعتقد الموضوع ده بين حب الناس ليكى قد ايه
تحيــــــاتى

[ساره جمعه]

ياهاله اوعى تزعلى ان شاء الله هتبقى احسن فى الكليه الى هتدخليها والله وربنا مبيديناش حاجه وحشه مش يمكن لو كنتى دخلتى الكليه الى انتى كنتى عوزاها مكنش ربنا وفقك فيها لكن ربنا بيودى كل واحد فى المكان الى هيدى احسن ما عنده فيه ياهاله

[dandana.s]

يا هالة يا حببتى كل الشكوى دى قدميها لربنا
قومى صلى ركعتين فى جوف الليل وقولى لربنا كل اللى نفسك فية
اكنك بتحكى مع حد من البشر وتوسلى لة واحكيلة مل اللى انت عايزاة
وان شاء الله هو ارحم بيكى منا وهو اللى هايقدر ليكى الخير
ماكنتش احب ابدا انى اشوف هالة اللى احنا عرفناها ضعيفة كدة فى يوم من الايام
بس انا بردو عارفة ان احيانا الحالة النفسية السيئة بتتغلب على الواحد وبتسيطر علية
بس احساسك ان هالة محمد 2 ربنا كاتبلها انها هاتدخل الثانوى وتجيب المجموع الفلانى ومش هاتلحق الكلية الفلانية وهاتخش الكلية الفلانية لان دة هو الخير ليها
وربنا عارف انك هتبقى افضل ومستقبلك افضل فى الكيلة دى
فاوعى تزعلى
وبالنسبة لبابا وماما هما اكيد عارفين ومقدرين قد اية انتى تعبتى وهما مش زعلانين منك
وبالتوفيق وربنا يقدرلك الخير
ويارب اشوف او اكلمك على كول وانتى مبسوطة

[أبوبسملة ياسر خليفة الطحاوى]

يا هاله

قال الشافعى

سهرت اعين ونامت عيون ،،،،،،،،، فى شئون تكون او لا تكون

فدع الهم ما استطعت ،،،،،،،،،،،،،، فحملانك الهموم جنون

إن ربا كفاك ما كان بالامس ،،،،، سيكفيك فى غد ما سيكون




يا هاله ربنا مقدر الخير للانسا ن فى اى مكان

وفى اى مجال

ربنا معاكى

[Shifo_1]

المشاركة الأصلية كتبت بواسطة هالة محمد 2

فعلا عندك حق وانا اصلا مش بتكلم مع حد كتير عن نفسى انا بسمع لكن مش بتكلم عن الى جويا غير معاكم هنا
وفعلا انا عندى صحبتى بقولها اعلام ممكن تاخد من كامم
قالتى انتى مش هتلحقى اعلام يابنتى حتى لو رحتى الصين وقالت تجارة ملهاش لازمة فضلت تسميلى كل الكليات وطلعت كل كليات ملهاش اى لازم خلتنى بجد قلبنى هيوقف

هو انا نفسى فى هندسة او تخطيط عمرانى ودخلت مرحلة اولى وهروح هقدم اخر يوم ماشى !!!!!!!!...
بس نفسى لما اشتغل انى اوصل لمركز زى بابا وماما اللى وصلولوه واللى أختى لما اتخرجت بدأت فيه
وبابا وماما وأختى كلهم خريجة تجارة ......بابا وماما تجارة عين شمس ...واختى تجارة القاهرة.......مركزهم دا احسن من 100 مهندس ودكتور اعرفهم ....
فسواء اعلام ..اقتصاد وعلوم سياسية ....تجارة ...كلهم تقدرى تعملى فيهم حاجة انشاء الله ...واهم حاجة اننا لازم نؤمن ان ربنا عمره ما هيكتبلنا حاجة وحشة انشاء الله...وان الجاى لازم نركز فيه مهما كان.

[دكتور كريم الزعيقي]

وتانية ولا تالتة ادبي ولا علمي واية المواد اللي اتظلمتي فيها يعني

[البدري60]

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

فكري في الاية دي كويس
واعلمي جيدا ان ربنا له حكمة في كل قضاءه وقدره

[عاشقـــ الانمى ـــة]

انا عاوزوة بس اقولك على حاجة يا هالة مش شرط انك تدخلى كلية قمة عشان تقدرى تثبتى نفسك انا ارف ناس جايبة مية فى المية السنادى ووالله هيدخلوا حقوق واداب ممكن ربنا رايدلك انك تدخلى كلية مش قد مستواكى عشان تتخرجى منها دكتورة وبعدين يعنى يا هالة ال جابوا مجاميع عاملوا بيها ايه ولا اى حاجة قاعدين فى الببيت حتى ال بيشتغلوا بيشتغلوا بالملاليم