دفعة ثانوية عامة 2016

[Mohamed_Hamza]

تمام كدا كويس

[علا علي ٣٣٣]

المشاركة الأصلية كتبت بواسطة duke tefa

تمام انا وصلت لرقم 10 يا علا
وفعلا زي ما قالت نيتشان
f هتزيد للضعف يبقي هيترتب عليها xl هتزيد زيها للضعف "علاقة طردية" اما xc هتقل للنصف " علاقة عكسية"
وبس كدا هيطلع معاكي الإثبات صح

اه تمام خلاص طلعت معايا هي بس خطوة كانت مخلية الناتج غلط
جزاك الله كل خير

[علا علي ٣٣٣]

المشاركة الأصلية كتبت بواسطة mohamed_hamza

انا بقول تكمل مع نفسك، الفترة دي محتاج تكون فيها مع نفسك اكتر،
انت عارف نفسك اكتر من المدرس، عارف ايه اللي ناقصك ومحتاج تركز عليه وتثبته وتديله اهتمام اكبر في المراجعة وايه اللي انت حافظه كويس ومحتاج مراجعة بسيطة، اما المدرس مش بيفرق بين الاتنين دول، ثانيا الدرس هيضيع منك وقت جامد سواء وقت الحصة نفسه اللي بيشرح فيه حاجات انت عارفها اصلا او وقت واجب الدرس آللي بتحل فيه حاجات مش مستاهلة حل او الوقت اللي المدرس بيرغي فيه اثناء الحصة، او.... وانت ممكن تستغل الوقت دا في مراجعة حاجة من اللي انت عايز تثبتهم وتركز عليهم بدل ماتضيعه ع الفاضي.
سادسا ايه دا؟ هيراجع مرة واحدة بس و هيراجع على شهرين ليه يعني وبعدين هيحل امتحانات في الاخر خالص كدا ليه ما يبدأ معاكوا من دلوقتي ويحل مع المراجعة آيه المشكلة فكدا
دا لو قاصد يوتركوا مش هيعمل كدا، الامتحانات دي هيا اللي هتخليك مطمن للمنهج ومش هتحس انك لميته غير بالامتحانات الشاملة دي ، فانتوا بالطريقة دي هتسيبوا الفصل التامن دا شهرين لحد اخر خمسة وعلى ما توصلوا للفصل دا اصلا هتكونوا ناسيين اول المنهج وهوب هتلاقوه بيقولكم حلوا امتحانات وانتوا ناسيين كدا، و امتحان العربي فاضله اسبوعين، وهتتوتروا ولو اتوترتوا في الوقت دا يبقى عليه العوض في السنة كلها...
ثامنا انت خليك مع نفسك، حط جدول وامشي عليه، التزم بيه كويس، قسم فيه المواد ع الوقت اللي عندك في اليوم، ذاكر وليكن 4 مواد في اليوم دا لو انت هتعيش مع نفسك يعني، ادي كل مادة حقها يعني متعملش عدد ساعات مذاكرة العربي زي الفرنش مثلا، أعمل لنفسك نظام للمراجعة بحيث وأنت بتراجع تحل امتحانات بردو، تاخد الاتنين مع بعض، حدد كل حاجة في الجدول دا ماتسبش حاجة للظروف
انت مع نفسك تقدر تنجز أكتر من الدرس بعشرين مرة، احسن من ناس بيروحوا الدروس وسايبين للمدرس دماغهم يشكّلها زي ماهو عايز، فاكرين المدرس دا المنقذ مثلا، وبيصدقوا كلامه حتى لو كان غلط.
بص م الاخر انت تقعد مع نفسك، وماتحسش بالذنب ان الناس بتاخد دروس وأنت لا، سيبك منهم أصلا وخليك في نفسك.
يا اما لو مضطر تاخد دروس، روح لواحد غير دا عشان دا انت عارف كل المعلومات اللي عنده من خلال شرحه طول السنة، هيعيد ويزيد فيها تاني أثناء المراجعة مش هيضيف جديد يعني، فأنت روح لواحد تاني عشان تكتسب خبرة اكتر، واكيد الواحد التاني دا هيكون نظام مراجعته احسن من نظام صاحبنا اللي انت معاه دا، دا لو انت مضطر يعني وتبع الجماعة اللي مبتقدرش تعيش من غير درس
بس انا بفضل طبعا انك تقعد مع نفسك تخطط للشهرين الباقيين دول على هداوة كدا وبدون مؤثرات خارجية، عشان تستغلهم صح.

معاك حق انا دلوقتي نفسي اقعد الم المنهج مع نفسي حاسة اني مش لاحقة انجز حاجة بسبب الدروس
انا ان شاء الله هقعد من الجيولوجيا و الفرنساوي
و كمان شهر كدة هقعد من الاحياء و العربي كمان يكون المدرسين خلصوا مراجعة
هل دا كفاية ؟؟
انا كمان لسا مخلصتش منهج الكيمياء بس المستر ممشينا بنظام كويس يعني خلصنا الدليل لحد ما وقفنا و قربنا نخلص امتحانات مصر
و كذلك الفيزياء فاضلنا اخر باب حديثة بناخده مع المراجعة و حل الامتحانات
فالمادتين دول مش هينفع اسيبهم
اي راي حضرتك ؟؟
ممكن سؤال بس ... اي اكتر مادة نزلت مجموعك ؟؟

[علا علي ٣٣٣]

المشاركة الأصلية كتبت بواسطة ahmedtarea

خلال يومين
باذن الله هيتحذف المسرحية والواقعية و درس قراءة و ممنوع من الصرف
2 شابتر انجليزي
الفينولات لاخر العضوية
rna احياء
الباب الرابع جيولوجيا
ههههههههههههههههه كلها اماني

الكلام دا بجد

[ahmedtarea]

المشاركة الأصلية كتبت بواسطة علا علي ٣٣٣

الكلام دا بجد

لا هزار طبعا وذي ما قال مصطفي احنا دفعة فقر فمش هيحذف المهم فيه اجتماع بكره واحتمال يتحذف لينا

[NeVeR CoMe BacK]

اخباركم النفسية ايه

[Mohamed_Hamza]

المشاركة الأصلية كتبت بواسطة علا علي ٣٣٣

معاك حق انا دلوقتي نفسي اقعد الم المنهج مع نفسي حاسة اني مش لاحقة انجز حاجة بسبب الدروس
انا ان شاء الله هقعد من الجيولوجيا و الفرنساوي
و كمان شهر كدة هقعد من الاحياء و العربي كمان يكون المدرسين خلصوا مراجعة
هل دا كفاية ؟؟
انا كمان لسا مخلصتش منهج الكيمياء بس المستر ممشينا بنظام كويس يعني خلصنا الدليل لحد ما وقفنا و قربنا نخلص امتحانات مصر
و كذلك الفيزياء فاضلنا اخر باب حديثة بناخده مع المراجعة و حل الامتحانات
فالمادتين دول مش هينفع اسيبهم
اي راي حضرتك ؟؟
ممكن سؤال بس ... اي اكتر مادة نزلت مجموعك ؟؟

لا مش كفاية، حاولي توقفي دروس على قد ماتقدري عشان توفري وقت، العربي دا مثلا معاكي كتاب الرسالة كل حاجة فيه متجاوبة هتحتاجي المستر في ايه؟ كل الأسئلة بيجيبوها من أسئلة السنين اللي فاتت مفيش جديد حتى افتحي كتاب الرسالة هتلاقيها متكررة كلها.
والأحياء براحتك، بس انتوا مش عندكوا وراثة آللي شوية كان فيها فهم يعني الأحياء بقت حفظ بنسبة 100%، قصدي أن الدرس ملوش لازمة في دي كمان ..

رأيي انك تقعدي مع نفسك وتعملي خطة كويسة لمراجعة ال4 مواد دول واعتمدوا على نفسكوا شوية

اما الفيزيا والكيميا طالما المدرس بيحل امتحانات مع المراجعة وطالما الدرس مش بيعطلك عن اللي أنتي عايزه تعمليه يبقى خلاص كملي فيه، يعني على كلامك دا ممكن تكملي في الفيزيا والكيميا عادي بس بلاش درس في باقي المواد

دا رأيي مش اكتر، بس كل واحد ادرى بمصلحته بردو وهو حر

الاحياء نقصت فيها 7 درجات... عشان مانمتش ليلة الامتحان بس، فمكنتش مركز خالص وانا بحل، كنت عامل زي السكران بالظبط ونايم على نفسي في اللجنة، حاجات كنت عارفها وحليتها عشرين مرة قبل كده بس مش قادر أجمّع الإجابة ولا عارف امسك القلم اصلا، ودا كله بسبب عدم النوم، بس كدا، انا كنت على طول اقفلها لما كنت باخد درس، ومواد تانية عمري ماقفلتها في الدرس وقفلتها آخر السنة، ومواد تانية ماخدتش فيها درس خالص وقفلتها، الدرس مش مقياس يعني، اصل فيه ناس قلقانة من درجاتها في الدروس عايز اطمنهم.. المهم تتعلموا من غلطاتكوا

ناموا كويس بئا ليلة الامتحان مش تكرروا غلطتي.

[Duke Tefa]

[QUOTE=رفيقة الامل;6404872]تفائل بما تهوى يكن يا مصطفى [/QUO

انا الحمد لله متفائل جداً وراضي بنصيبي

[Duke Tefa]

المشاركة الأصلية كتبت بواسطة ahmedtarea

اعم بيقولك مخلصش الكيميا لسه هيسيب الدرس ازاي مين هيشرحه الي فاضل ؟؟؟؟

لا ادام مخلصش المدرس يبقي استمر معاه لحد ما يخلص انما في المراجعة سيبه

[Duke Tefa]

المشاركة الأصلية كتبت بواسطة علا علي ٣٣٣

اه تمام خلاص طلعت معايا هي بس خطوة كانت مخلية الناتج غلط
جزاك الله كل خير

وجزاكِ اياه

[Duke Tefa]

انا قعدت من العربي والانجلش
انما الرياضة مينفعش ومقدرش اسيب الدرس بتاعها لاني الاستاذ ماشي بنظام احنا كطلبة منعرفش نمشي بيه والفيزياء والكيمياء كذلك مش هقدر اسيبهم لاني في اسئلة كتيرو بتقف معانا فلازم محتاجة مُدرس وخصوصاً اني احنا بنحل الدليل واسئلته كلها افكار وكدا

[علا علي ٣٣٣]

المشاركة الأصلية كتبت بواسطة mohamed_hamza

لا مش كفاية، حاولي توقفي دروس على قد ماتقدري عشان توفري وقت، العربي دا مثلا معاكي كتاب الرسالة كل حاجة فيه متجاوبة هتحتاجي المستر في ايه؟ كل الأسئلة بيجيبوها من أسئلة السنين اللي فاتت مفيش جديد حتى افتحي كتاب الرسالة هتلاقيها متكررة كلها.
والأحياء براحتك، بس انتوا مش عندكوا وراثة آللي شوية كان فيها فهم يعني الأحياء بقت حفظ بنسبة 100%، قصدي أن الدرس ملوش لازمة في دي كمان ..

رأيي انك تقعدي مع نفسك وتعملي خطة كويسة لمراجعة ال4 مواد دول واعتمدوا على نفسكوا شوية

اما الفيزيا والكيميا طالما المدرس بيحل امتحانات مع المراجعة وطالما الدرس مش بيعطلك عن اللي أنتي عايزه تعمليه يبقى خلاص كملي فيه، يعني على كلامك دا ممكن تكملي في الفيزيا والكيميا عادي بس بلاش درس في باقي المواد

دا رأيي مش اكتر، بس كل واحد ادرى بمصلحته بردو وهو حر

الاحياء نقصت فيها 7 درجات... عشان مانمتش ليلة الامتحان بس، فمكنتش مركز خالص وانا بحل، كنت عامل زي السكران بالظبط ونايم على نفسي في اللجنة، حاجات كنت عارفها وحليتها عشرين مرة قبل كده بس مش قادر أجمّع الإجابة ولا عارف امسك القلم اصلا، ودا كله بسبب عدم النوم، بس كدا، انا كنت على طول اقفلها لما كنت باخد درس، ومواد تانية عمري ماقفلتها في الدرس وقفلتها آخر السنة، ومواد تانية ماخدتش فيها درس خالص وقفلتها، الدرس مش مقياس يعني، اصل فيه ناس قلقانة من درجاتها في الدروس عايز اطمنهم.. المهم تتعلموا من غلطاتكوا

ناموا كويس بئا ليلة الامتحان مش تكرروا غلطتي.

تمام هحاول برده اقلل دروس عن كدة
انا فعلا محتاجة وقت اكبر
جزاك الله كل خير علي كل كلمة بنستفيد بيها

[علا علي ٣٣٣]

المشاركة الأصلية كتبت بواسطة ahmedtarea

لا هزار طبعا وذي ما قال مصطفي احنا دفعة فقر فمش هيحذف المهم فيه اجتماع بكره واحتمال يتحذف لينا

خير
ان شاء الله يحذفوا حاجات بس تكون رخمة مش يجوا عند السهل و يحذفوه

[Duke Tefa]

المشاركة الأصلية كتبت بواسطة NeVeR CoMe BacK

اخباركم النفسية ايه

والله ربنا يستر علي حالتنا النفسية

[Duke Tefa]

المشاركة الأصلية كتبت بواسطة علا علي ٣٣٣

خير
ان شاء الله يحذفوا حاجات بس تكون رخمة مش يجوا عند السهل و يحذفوه

انا نفسي يحذفوا العضوية والفيزياء الحديثة خصوصاً الفصل 8 والعربي يحذفوا القصة الجزء الثاني والانجليزي يحذفوا 8 وحدات واربع فصول قصة وبس
بس كلها اماني واحلام زي ما قال أحمد