ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة فاطمة الزهراء 86

جزاك الله خيرا يا دكتور عبد الرحمن لأنك والله بتريحنا كتير بس السؤال هو إن يوم 23/12/2011 يوم جمعة يعنى لازم اليوم ده اللي نستلم فيه الجواب ولا هما المفروض يبدأوا الموضوع ده من الأسبوع الجاي .

سؤال تاني معلش هو الجواب هيكون مكتوب فيه المكان اللي أحنا هنشتغل فيه علطول يعني مثلا خريج تربية هيكتب له إسم المدرسة علطول ولا هما هيكتوا مديرية التربية والتعليم التابع لها وهما هيبقوا يوزعوا بعد كده .

طيب لو واحد مش عاجبه الوظيفة اللي مبعوتاله يعمل إيه ؟؟

وبعدين إيه موضوع الحصر اللي لسه عاملين بيقولوا عليه وإحنا مش خلاص رحنا وملأنا الرغبات عايزين إيه تاني ؟؟

معلش والله أنا عارفه إني أسئلتي كتير بس دي أكيد أسئلة بتدور في ذهن ناس كتير وشكرا .

موضوع الجمعة ده مش عارفه بصراحة .. مش هتقف بدري يوم او متأخر يوم يعني ..

موضوع خريج تربية هيتكتب له مديرية التربية والتعليم .. والمديرية توزعه على الإدارة والإدارة التوجيه هناك يوزعوه على مدرسة

مونضوع اللي متعجبوش الوظيفة يتظلم في التنظيم والغدارة ولو إني أشك في التغيير ..

موضوع الحصر ده مش مؤثر ده بس كان فيه بعض الجامعات باعته بيانات ناقصة ..

موضوع أسئلتك كتير .. معلش أهو كله بثوابه ..

[cwetty71]

الابناء الاعزاء/ القائمين على اللجنه لتعيين الاوائل معيدين بجامعة الازهر
السلام عليكم ورحمة الله وبركاته
طبعا احنا نبعبد مسافات بعيده عن القاهره لاننا فى اسوان ولاندرى كيف نتواصل معكم للمؤازرة اولا وللمتابعة ثانيا وانا دائم الاتصال مع مدير كلية الزراعة بازهر اسيوط حيث ان ابنى من خريجيها ولكن رد مدير الكلية رد الغير ملم بالامر تارة يقول لم تنتهى المراجعة وتاره يقول ستشكل لجنه ولم تبدأ الى الان المرحلبه الثانية فمن عنده اى معلومات فليرد علينا مشكورا وان كان هناك اعتصام اخبرونا وسنكون معكم انشاء الله واى فعل اوامر اومطلب فنحن تحت تصرفكم
افيدونا جزاكم الله خيرا
رمضان عبد الحفيظ عثمان ـ والد الخريج عبدالحفيظ رمضان عبد الحفيظ ـــــــ اسوان ـ ـت 01113063368

[METO4050]

المشاركة الأصلية كتبت بواسطة د.عبدالرحمن المنياوي

السلام عليكم ورحمة الله وبركاته .. بالنسبة لأوائل العام .. التعيين كلام نهائي .. استلام الجوابات بتاعت الترشيح يوم 23/12/2011 ودي خطابات هيكون فيها المكان المخصص للعمل فيه وتروح بيه هناك وتستلم بيه .. لاجدال على الموعد ولاعلاقة بتغيير الوزارة عليه .. الاختلاف فقط أن هناك من يقو أن الخطابات ترسل على العناوين بالمنازل .. وهناك أخبار عن توزيع الخطابات باليد في أكاديمية العلوم الإدارية بالقاهرة .. شكرا عن كل من سأل عني الفترة الماضية ولو إني زعلان علشان أعداد الناس بدأت تتراجع ومابقناش نشوف ناس اتعودنا عليهم ..

معنى كلامك يا دكتور انى هروح القاهرة علشان استلم الخطاب وانا من محافظة دمياط

[ahmed waheed waheed]

المصدر : بوابة الاهرام بتاريخ : 2/12/2011

طالب ائتلاف أوائل الخريجين في بيان له اليوم الجمعةالجامعات المصرية بسرعة إنهاء إجراءات تعيين العشرين الأوائل على مستوى كل كلية بدءًا من عام 2003 إلى 2010 في موعد أقصاه الإثنين المقبل، وإرسالها للجهاز المركزي للتنظيم والإدارة، تمهيدًا لإرسال خطابات التعيين من الجهاز للأوائل خلال الأسابيع المقبلة.

من جانبه دعا أيمن سعد، المتحدث باسم ائتلاف أوائل الخريجين جامعات الفيوم وحلوان وطنطا وبورسعيد إلي إنهاء عملية الحصر الخاصة بأوائل الخريجين بأقصى سرعة، وحملهم مسئولية تأخير إجراءات تعيينهم بسبب الأخطاء المتكررة في كشوف الحصر.

كما طالب سعد، الجهاز المركزي للتنظيم والإدارة بتوزيع الأوائل على أفضل الأماكن بالجهاز الإداري للدولة، بما يتناسب مع تفوقهم العلمي طوال سنوات تعليمهم.

[إياد العزازي]

احبكم في الله

[عبدالرحمن ر]

احبك الله الذي احببتنا فيه جزاك الله كل خير

[msaleh2000]

أنا دفعة 2002 كلية زراعة جامعة الأزهر
جاني جواب ترشيح في وظيفة معيد بالكلية
رحت قدمت الورق المطلوب
يا ريت لو حد عنده أي معلومات يوضحها لنا

[aog2011]

انا عضو جديد وكنت احب استفسر عن حاجة
انا خريج تربية المنيا 2008
هو كل خريجى تربية ها يتعينو فى التربية والتعليم ولا ايه بالظبط
ومعلهش كانو قالوا فى التنظيم والادارة ان هناك جزء من اوائل الخريجين ها يتعينو معيدين هم كام واحد من الاوائل وعلى اى اساس
ارجو الرد بسرعة
وجزاكم الله خيرا

[METO4050]

عنى كلامك يا دكتور انى هروح القاهرة علشان استلم الخطاب وانا من محافظة دمياط

[إياد العزازي]

السلام عليكم
سمعنا اخبار ان كلية لغات وترجمة خلصت اوراقها وهتستلم حد عنده اخبار الازهر

[د.بتول]

أيه يا جماعة روحتوا فين وفين دكتور عبد الرحمن؟؟؟؟؟
وايه الجديد يا جماعة ؟
طمنا يا دكتور

[ابراهيم ابو الندى]

اوائل دراسات اسوان انا ذهبت الى الكلية اليوم وسلمت اوراق المرحلة الاولى ووجدت الموظف يكتب الجوابات لارسالها
فكل من يعرف اى واحد من الاوائل يبلغة حتى ننتهىبسرعة من هذة المرحلة

[منى أبو الجود]

بسم الله الرحمن الرحيم
الاخوة والاخوات تحية طيبة وبعد :
كثرت تساؤلات الاخوة عن مجريات الاحداث في اليومين الماضيين ومسار الورق سواء بالهاتف المحمول او على صفحات الجروب
والحقيقة ليس ثمة امر جديد لنخبركم به وغاية الامر اننا قلنا على الاخوة ان ينشغلوا بانهاء امور كلياتهم لنتمكن من التعجيل بتسليم جميع الكليات بامر الله تعالى

رئيس الجامعة لم يحضر بالامس وحضر اليوم لمدة 5 دقائق وانقلب مسرعا لان الشيخ ارسل في طلبه ..
وللحق فان لغات وترجمة لم تكن حتى اليوم انهت اجراءات بسيطة ف يالورق وهناك 3 اخوة للاسف تاخروا في تقديم اوراقهم حتى البارحة ولكن الجامعة مع ان الاصل ان الباب اغلق في تفهم منها للموقف فقد اوصى ا محمود شعيب بقبول الورق حتى لايحدث شوشرة على المذكرة وحتى تكون تامة العدد وبفضل الله تعالى تم استدراك ورق هؤلاء الاخوة
انتم تعلمون ايضا ان الاثنين والثلاثء نصف يوم والموظفين يداومون حتى 12 ظ والعمل في الجامعة اشبه بالميت في هذين اليومين
الاخوة في اللجنة يتابعون الورق يوميا و د احمد الصيني عضو اللجنة متواجد يوميا في الجامعة لمتابعة سير الورق واللجنة ستذهب ان شاء الله تعالى يوم الاربعاء للوقوف على كثير من التفاصيل التي وردت الينا من بعض الكليات ..

نسال الله تعالى التوفيق والسداد

ارجو ان ينشغل الاخوة بكلياتهم وان يلتفتوا لها لاهمية هذا الامر لانه لاضغط على الكليات الا من قبل حضراتكم فاكثروا الضغط عليهم الان.

منقول عن اللجنة التنسيقية : الدكتور محمد الصافوري (من صفحة مظاليم الأزهر)

[mazen m]

قال رسول الله صلى الله عليه وسلم { ما على الأرض رجل يقول : لا إله إلا الله ، و الله أكبر ، وسبحان الله , و الحمد لله ، ولا حول ولا قوة إلا بالله ، إلا كفرت عنه ذنوبه ولو كانت أكثر من زبد البحر} ثبت في المسند ، وسنن الترمذي ومستدرك الحاكم

[msaleh2000]

المشاركة الأصلية كتبت بواسطة إياد العزازي

السلام عليكم
سمعنا اخبار ان كلية لغات وترجمة خلصت اوراقها وهتستلم حد عنده اخبار الازهر