ايه اخبار تعيين أوائل الكليات ياجماعة؟

[vetcubo24]

[COLOR="Cyan"][/CLOR]
للوصول الى الجهاز المركزى للتنظيم والادارة بالقاهرة اركب من رمسيس المينى باصات والميكروباصات المتوجهه الى مسجد رابعة العدوية بمدينة نصر وخليه ينزلك هناك امام المسجد وهناك حتسال على الجهاز المركزى للتنظيم والادارة حيدلوك علية والمسافة لا تتعدى 50 م
المهم ممكن تسال على الجهاز مباشرة لوحتركب تاكسى بس المشكلة انة ممكن يتلغبط مع الجهاز المركزى للمحاسبات فلازم تقولة التنظيم والادارة

[د.عبدالرحمن المنياوي]

دى مواعيد الجدول الزمنى ولكن من الممكن التعديل عليها .. وسنؤكد عليها غدا وسننشر الجدول الزمنى الخاص بها ... وسيتم نشر الجدول فى الجرايد الاسبوع المقبل 1-بنى سويف 2-دمنهور 3- المنيا 24-12 4-كفر الشيخ 5-جنوب الوادى 6- سوهاج 25-12 7-عين شمس 8-... اكاديمة الفنون 26-12 9-المنوفية 27-12 10-القاهرة 28-12 11-اسيوط 12- الاسكندرية 5-1 13- بنها 14-اكاديمة السادات 1-1 15-طنطا 2-1 16- بورسعيد 17-قناة السويس 6-1 18-الزقازيق 19-الفيوم 8-1 20-المنصورة 9-1 21- حلون 12-1 22- الازهر : لم يتم تحديدة بعد

[mmm513654]

ايه سبب تاخر الازهر رغم لني كنت في الجامعه فرع اسيوط وقالولي انهم بعتوا الكشوفات من فتره

[zoom_mak]

سؤالى الى دكتور عبد الرحمن
الناس اللى مسافرة برة مصر يا ريت توضح لنا يعملو ايه بالظبط وكمان المدة القصوى للتاخير عندهم
ضرورى جدا ترد عليا جزاك الله الف خير

[zoom_mak]

على فكرة دكتورنا العزيز انا عامل توكيل رسمى لاخويا بمتابعة هذا الموضوع وتسلم وتسليم واتخاذ كافة الاجراءات اللازمة فى هذا الموضوع

[amralaraby]

حسبى الله ونعم الوكيل

[shadwa allam]

انا عندى استفسار يا استاذ عبد الرحمن انا رقم عشرين مكرر فى الكشف والكشف مفيهوش مكرر غير فى رقم عشرين وسمعت ان التكرار مش مسوح الا فى رقم عشرين بس انا قلانة لاننا حوالى عشرين مكرر فى رقم عشرين فخايفة انهم يشيلوا حد وحرام انزل واسافر للقاهرة وبعد الشر ملقيش جواب ليا فازاى اقدر اتاكد من اسمى ول حد يقدر بس يتاكدلى من لسمى عشان منزلش المشوار ده كله على الفاضى وشكرا لحضرتك

[m.shemes]

ما هو قصد حضرتك بالاستمارات التى قدمناها فى شهر نوفمبر احنا قدمنا فى شهر اكتوبر

[sarah_10]

هم بيقلوا فى اخر تقرير ان خريجى كليات التربيه مش كلهم هعيزعوهم على التربيه والتعليم طيب ايه هى لتخصصات دى وافرض حد نم الاوائل بيشتغل بالعقد ومش عاوز لتربيه والتعليم هيعنيوه فى نفس لمكان؟ ولا لوظيفه هتجى وهو يختار؟ ارجوووووووووو الرد مع العلم انا تخص حاسب الى تربيه نوعيه واعمل بالعقد بس نفسى اشتغل فى اماكن تانيه

[METO4050]

زعلان منك جدا والله يا دكتور
ده انا سالتك اسئلة كتير اوى وما ردتش علية

[METO4050]

انا عايز اعرف ازاى هتاكد من اسمى قبل ما اسافر القاهرة وان من دمياط جامعة المنصورة
هتر د علية بقى

[sarah_10]

يا ريت حد يفهمنى بجد يعنى ايه الفايده يجيلنا التعيين فى التربيه والتعليم واحنا اصلا هنتعين هناك وقلنا اى وظيفه والسلام ومحدش مقدرنا اصلا هناك وفى الى متعين اصلا هو ده التميز الى يستحقه الاوائل ؟ ليه مفيش اختيارات ؟؟؟؟

[sarah_10]

انا كمان عاوزة اتاكد قبل ما نروح المشوار لسخن ده انا من كفر الشيخ وعايزة اعرف كمان نروح موقف عبود نعمل ايه عشان نروح التنظيم والادارة ؟؟

[kimifawzy]

المشاركة الأصلية كتبت بواسطة sarah_10

انا كمان عاوزة اتاكد قبل ما نروح المشوار لسخن ده انا من كفر الشيخ وعايزة اعرف كمان نروح موقف عبود نعمل ايه عشان نروح التنظيم والادارة ؟؟

لما تنزلي موقف عبود فيه هناك ميكروباصات كتير هتلاقيها رايحة رمسيس ممكن تركبي أي حاجة منهم و تنزلي عند مسجد الفتح و هتلاقي هناك حاجات كتير رايحة مدينة نصر .. اركبي أي ميني باص أو ميكروباص رايح عند جامع رابعة العدوية و قولي له ينزلك عند شارع يوسف عباس .. الجهاز على ناصية شارع يوسف عباس

و فيه ميني باصات من عبود بتروح مدينة نصر على طوول بس ساعات بتتأخر اسألي عليها برضو ... و برضو نفس الكلام تنزلي عند شارع يوسف عباس

[METO4050]

انا عايز اعرف ازاى هعرف ان اسمى موجود بدل ما اروح القاهرة وارجع ع الفاضى