علمتني أمريكا

[.::Nada::.]

مش عارفة ليه في تشاؤوم في الردود كلها او معظمها وده للاسف اللي هيخلي بلدنا عمرها ما تتقدم صدقوني ناس كتير لو لقو فرصة للهجرة هيسيبو البلد وساعتها اسرائيل لو عايزاها هتاخدها نفس اللي حصل مع فلسطين
احسن تعليقات هنا لمصرية وبحب بلدي وحسام هما دول الشباب المصري بجد
وطبعا انا هتحمل اي حاجة تقولوها عالرد بتاعي عادي جدا

[روووووز]

المشاركة الأصلية كتبت بواسطة حـHoSaMـسام

في فرق بين السياسة والعلاقات

السياسة طريقة تفكير ودي اللي بيقوم بيها السياسي زي الرئيس والوزير والسفير كلها تفكير وطرق لحل المشكلات
العلاقات مصالح مشتركة بين الدول وترابط عرقي أو فكري
والدليل إننا مثلا لما نحب نعمل علاقات مع دولة بنعمل عندهم سفارة عشان تتحدث بإسمنا وتخدم رعايانا وتشوف مصالحهم
وهما كمان بيعملو سفارة عندنا لنفس السبب
مصرليها علاقات مع كل دول العالم باستثناء الدول الإرهابية زي إيران وغيرها
يبقى سياستها الخارجية ناجحة يعني أسلوبها في التعامل مع العالم الخارجي ناجح
بالنسبة للخطر
الخطر في مصر إقتصادي من الدرجة الأولى وسياسي من الدرجة التانية
والدليل على كده الجرايم اللي بتقع على مبالغ تافهه زي العشرة جنيه والعشرين جنيه
وأرجع وأقول إن في فشل فالدول العظمى كمان يدفعها للإنهيار التدريجي وهو الفشل الأخلاقي في جرايم هناك بتحصل مينفعش تتقال
عندنا الفساد بأشكاله مقلناش حاجة
بس كله عشان الفلوس (اللي سرق وهرب بره البلد واللي قتل مراته وعياله عشان مش آدر يأكلهم..)
في حرب ؟لا
والله حتى لو فيه ريحة حرب مكانش الغرب هيدخل بإستثماراته اللي داخل بيها فمصر
مكانش العراقيين هيهربو من بلدهم اللي كلها تفجيرات ويختارو مصر من دون الدول العربية كلها وينزلو تحديدا في مدينة 6 أكتوبر
مكانش بتوع السودان هيهربو وينزلو أسوان
مكانش الفلسطينيين يفكرو يهربو لمصر ويسيبو بلدهم
مالآخر البلد دي عشان يتصلح حالها عايزة حكومة تقيم عدالة إجتماعية
ميبقاش في مليونيرات وناس عايشة في الخرابات
كده نبقى صلحنا السياسة والاقتصاد مع بعض
بعد كده بقه الإنتماء ده هيتحقق لوحده لما الواحد يحس بالإكتفاء فبلده

ويحس إن له كلمة وكرامة.

ايه الكلام الكبير والجامد ده
انا بدأت اقتنع بكلام حضرتك ومع ذلك هما افضل مننا حتى لو عندهم انهيار وازمة اقتصادية والجرائم
احنا كمان عندنا جرائم عندهم بطالة عندنا بطالة يعنى احنا متشابهين جداا فى المشاكل ومع ذلك افضل مننا
ليه

[حـHoSaMـسام]

المشاركة الأصلية كتبت بواسطة روووووز

احنا متشابهين جداا فى المشاكل ومع ذلك افضل مننا
ليه

سؤال صعب وانا بصراحه مش عارف إجابته بالظبط
بس يمكن
أفضل مننا عشان عندهم العدالة الإجتماعية اللي بقول لحضرتك عليها
هناك عندهم بطالة آه
بس اللي يلاقي وظيفة بيعرف ياكل منها
عنده جرايم آه
بس عندهم قوانين رادعه بترجع الحقوق لأصحابها
يعني فشلهم بيتعوض فحاجات أساسية تحفظ إستقرار المجتمع
بينما عندنا مشاكلنا بتفضل زي ما هيا
ووسائل إستقرار المجتمع للأسف مش موجوده
يمكن هو ده الفرق

[روووووز]

المشاركة الأصلية كتبت بواسطة حـHoSaMـسام

سؤال صعب وانا بصراحه مش عارف إجابته بالظبط

بس يمكن
أفضل مننا عشان عندهم العدالة الإجتماعية اللي بقول لحضرتك عليها
هناك عندهم بطالة آه
بس اللي يلاقي وظيفة بيعرف ياكل منها
عنده جرايم آه
بس عندهم قوانين رادعه بترجع الحقوق لأصحابها
يعني فشلهم بيتعوض فحاجات أساسية تحفظ إستقرار المجتمع
بينما عندنا مشاكلنا بتفضل زي ما هيا
ووسائل إستقرار المجتمع للأسف مش موجوده

يمكن هو ده الفرق

ممكن يكون ده سبب من الاسباب ليه منكنش زيهم وفى مصريين مش بيعترفوا بالواقع مفتكرين ان مصر ياما هنا ياما هناك

[محبة الرسم]

مصر علمتنا اننا نكون اقوياء ونتحمل كل حاجة زى(الغلاء الظلم)اى حاجة نتحملها
وعلمتنا اننا نكون عندنا عزيمة قوية
وعلى فكرة الانسان المصرى اكتر انسان صبور وعندة عزيمة ويقدر يعمل اى حاجة هو عايزيها
واكبر دليل على كدا هو حرب اكتوبر

شكرا على موضوعك الرائع
وباقى المواضيع الجميلة اللى بتعمليها

[روووووز]

المشاركة الأصلية كتبت بواسطة .::Nada::.

مش عارفة ليه في تشاؤوم في الردود كلها او معظمها وده للاسف اللي هيخلي بلدنا عمرها ما تتقدم صدقوني ناس كتير لو لقو فرصة للهجرة هيسيبو البلد وساعتها اسرائيل لو عايزاها هتاخدها نفس اللي حصل مع فلسطين
احسن تعليقات هنا لمصرية وبحب بلدي وحسام هما دول الشباب المصري بجد
وطبعا انا هتحمل اي حاجة تقولوها عالرد بتاعي عادي جدا

ده رأى حضرتك

[عبد الله الرفاعي]

علمتنى أمريكا ان احتلال الشعوب رسالة
وقتلهم عزة
و****** نسائهم عفة
واستقطاب مفكريهم اليها واجب قومى
وسرقة أموالهم وثرواتهم أمانة

وعلى رأى شاعر بلدياتى
يابلاد الهوى يابلاد
يابلاد النجوى فؤاد

[روووووز]

المشاركة الأصلية كتبت بواسطة عبد الله الرفاعي

علمتنى أمريكا ان احتلال الشعوب رسالة
وقتلهم عزة
و****** نسائهم عفة
واستقطاب مفكريهم اليها واجب قومى
وسرقة أموالهم وثرواتهم أمانة

وعلى رأى شاعر بلدياتى
يابلاد الهوى يابلاد
يابلاد النجوى فؤاد

كلام حضرتك صح بس حضرتك اخدت السلبيات وسيبت الايجابيات
واحنا السبب اللى بيحصل فى العراق وفلسطين والدور علينا لو فضلنا كده

[الرجل الغامض بسلامته]

المشاركة الأصلية كتبت بواسطة عبد الله الرفاعي

علمتنى أمريكا ان احتلال الشعوب رسالة
وقتلهم عزة
و****** نسائهم عفة
واستقطاب مفكريهم اليها واجب قومى
وسرقة أموالهم وثرواتهم أمانة

وعلى رأى شاعر بلدياتى
يابلاد الهوى يابلاد
يابلاد النجوى فؤاد

:07811 1rg3: تحياتى :07811 1rg3:

[shahd_good2000]

وطني اليك تحيتي وسلامي .......... الحب يغمرني يزيد هيامي
كل القلوب تزاحمت وبصدقها ....... كي تلقى حبك فالتزيد مقامي
وطني وان عاقوا طريقك مرة .......... فالذئب يحسن صيغة الافلامي
وطني وان عاقوا طريقك مرة ............. وتوزعوا ثرواتك الاوغادي
وطني وان ساؤا اليك بجمعهم ............ لا لن اكون انا بحب غرامي
بل حب من اصل العقيدة راسخا .............متسلحا بالعلم والايماني
بل حب من اصل العقيدة راسخا .......... لا غش لا تزوير لا اجرامي
قد حاربوني فصرت امشي ضاحكا... والناس قالت هذا (امن سياسي)
أرئيت يا وطني اعذب ضاحكا ..... لا لن يعيش الدهر كل جباني
أرئيت يا وطني بكيت وأسبلت .... عيناي في وضح النهار ظلامي
قد هدموا كل الحياة فلم ارى .... الا الفساد يعضني بمنامي
كم من فقيرا يشتكيك بظلمهم .... صلوا عليه جنازة الامواتي
وطني سأكتب في السجل شعارنا ...تحيا الشعوب وتسقط الاقزامي
وطني وداعا ان رحلت مكفنا .... عطري لقبري( دماء الاحراري)

[مستر/ عصام الجاويش]

المشاركة الأصلية كتبت بواسطة روووووز

سؤال بيطرح نفسه

امريكا علمته كل ده يا ترى مصر علمتنا احنا ايه

انا اتفق مع كل ما قاله كاتب المقال لاننى ايضا سافرت الى امريكا تبع بعثات الوزاره وهذا الكلام انا ايضا تعلمته
والشعب الامريكى شعب عملى جدا اما القياده السياسيه شيئ اخر لذلك لابد ان نفرق دائما بين الشعوب والحكومات

[مستر/ عصام الجاويش]

المشاركة الأصلية كتبت بواسطة mr. Ali 1

مصر علمتني حاجات كتير اوي وخد عندك :-
- اللي له ضهر ما ينضربش علي بطنه , وطالما انت مسنود
يبقي ولا يهمك .
- ما أطال النوم عمراً ولا قصر في الأعمار طول السهر .
- علمتني مصر ان الكوسة هي أهم شيء في الدنيا .
- علمتني مصر ان التبرعات مش لازم تروح لأهلها , المهم انك
تتبرع وخلاص .
- علمتني مصر ان الكذب منجاة والصدق هلاك وهلاك .
- علمتني مصر ان المرتب حيتقبض سواء اشتغلت او كبرت
دماغك .
- علمتني مصر ان العلم ليس له أي قيمة .
- علمتني مصر ان التفرقة بين المواطنين هي شرط أساسي للمواطنة المصرية .
- علمتني مصر ان الرجال الآن تحاول أن تحصل علي ما حصلت عليه النساء من حقوق وطب وهندسة و .......
ولكن هيهات هيهات !!
- علمتني مصر ان تحلم بعمل بعد التخرج ولكنك تكتشف
بأنه كان وهماً بعدما تتخرج .
- علمتني مصر ان النفاق هو أسانسير الوصول للدرجات
العلي في هذا البلد .
- علمتني مصر ان المواطن عليه أن يهتم فقط بلقمة عيشه
واحنا وراه لحد ما نقطع نفسه .
- علمتني مصر ان الشعب ينبح والقافلة تسير " طبقاً لسياسة الحكومة " .
- علمتني مصر انك تشتغل كتير تغلط كتير تتجازي كتير , تشتغل شوية تغلط شوية تتجازي شوية , ما تشتغلش ما تغلطش تترقي بسرعة !!!
- علمتني مصر ان الرشوة هي مجرد مساعدة من الآخرين لك من أجل تحسين دخلك , يعني نوع من التكافل الاجتماعي .
- علمتني مصر ان المثل القائل " قيراط حظ ولا فدان شطارة"
هو عامل رئيسي في مصر .
- علمتني مصر ان المواطن العادي مذنب حتي تثبت برائته
وأن المسؤل بريء وان ثبتت إدانته !!
- علمتني مصر ان الواجب هو عدم نشر الغسيل القذر علي
الملأ , ولو لازم تقول , ابقي وشوشني !!
- علمتني مصر ان صوتك ليس له أي قيمة في أي انتخابات
لأن اللي الدولة عايزاه ينجح هو اللي حينجح .
- علمتني مصر سياسة " قول واخبط دماغك في اتخن حيط"
- علمتني مصر ان صحة المواطن ليست في الحسبان وأهو
علي الأقل عشان التعداد يقل .
- علمتني مصر ان تغير الحكومات فيها يزيد الأمر فيها من سيء إلي أسوأ .
- علمتني مصر ان مشاكل المواطنين ليست من مهام الدولة
ولكن علي المواطنين أنفسهم حل تلك المشاكل وبصورة لا
تزعج أو تتعارض مع الدولة .
- علمتني مصر ان الحق , الفضيلة , الأخلاق مجرد كلمات تجدها في الكتب أو تسمعها في الخطب فقط .
- علمتني مصر ان البلد مملوكة لمجموعة من الأشخاص وأن
الشعب ضيوف عليهم , بس مش لازم اكرام الضيف !!

يااااااااااااااااه دا مصر علمت الواحد حاجات كتير وهو مش حاسس .
وهو ده دور الأم ومش أي أم , لا دي أم الدنيا !!!!!!!!!!!!!!!!!!

مشاركه رائعه بجد وكلامك صح لكن ان شاء الله مصر بعد الثوره هتكون شيئ مختلف تماما

[eftekes]

" كنتم خير امه اخرجت للناس "

[أ/رضا عطيه]

موضوع جيد وحوارات رائعة
فلنكثر من هذه الحوارات والموضوعات من أجل عهد جديد
جزاكم الله خيرا