اى حد داخل هندسه الازهر بنات القاهره يتفضل بالدخول لو سمحتم

[eng refa3y]

ياجماعه انا بعت شكوى والمدير بعتلى رساله على الخاص
بيقول انه مش هو اللى نقلوا
اكيد حد من المشرفين لقى الموضوع ده افيدلوا انه يكون فى حى على الفلاح
والصراحه الراجل كان زوق قوى

[yasssmine]

اه فعلا هم ناس كويسين جدا وواضح اننا انفعلنا جامد بس الحمد لله هم كانو متفهمين الوضع وخلاص كان سوء فهم وانتهى المهم ان الوضوع موجود

[yasssmine]

انا هتتجن على الاخر امتحان الوصفيه بتاعنا كان حاجه تافهه جدا وكلنا حلينا 6 اسئله ونفاجا بالتقدير معظم الدفعه ان لم تكن كلها جيبين جيد ومقبول وال شايلها كمان انا والله خلاص مش عارفه ايه ده امال لو كان الامتحان صعب كنا عملنا ايه ولا كانو هما عملو ايه احنا عملنا ال علينا وحلينا 6 اسئله والله كان جاب امتحان صعب واعطانا حقنا مكناش زعلنا لكن كده حرام بجد لما يكون الدكتور حنفى اكيد كلكم عرفينه شايف ورقتى وقالى ما شاء الله انتى هنجيبى امتياز وابص القى نفسى جايبه جيد ليه يعنى هو ده مش دكتور ولا ايه حد يرد عليه علشان انا خلاص

[yasssmine]

صحيح انا نسيت اقولكم ان النتيجه اتعلقت فى الكليه رسمى يوم السبت وتقديم المدينه بدا كمان وانا الحمد لله قدمت وكان كويس السنه دى مش زحمه قوى ولا حاجه يلا ربنا معاكم

[yasssmine]

بالنسبه للتقديم المدينه عند البنات بتحتاجو
1- 4 صور 4×6
2-صوره من بطاقه الوالد او ولى الامر
3- لو كان الاب متوفى بتحتاجى صوره من شهاده الوفاه
4-طوابع بريد قيمتها جنيه ودوسيه ورق من الابيض ده ممكن تشترهم من عند حسين فى المدينه وبس
وربنا يسهلها عليكم يا رب واى اسئله انا معاكم والله وبالنسبه للولاد مش عارفه نفس الموضوع ولا لا لو حد قدم ممكن يقول علشان ال ميعرفش

[eng.maha alsheref]

مبروووووووووك يا جميل هتنورى الكليه انا ان شاء اله لازم اقابلك فالكليه انا رايحة اولى تخطيط لو احتجتى اى حاجة هتلاقينى معاكى عالفكرة لو عندك اى استفسار عن اعدادى هجاوبك

[yasssmine]

المشاركة الأصلية كتبت بواسطة eng.maha alsheref

مبروووووووووك يا جميل هتنورى الكليه انا ان شاء اله لازم اقابلك فالكليه انا رايحة اولى تخطيط لو احتجتى اى حاجة هتلاقينى معاكى عالفكرة لو عندك اى استفسار عن اعدادى هجاوبك

الله يبارك فيكى انتى رايحه اولى تخطيط يعنى انتى كنتى اعادى ولا ايه انا مش فاهم معلش ممكن تفهمينى
وطبعا ايوه لازم نتقابل ان شاء الله ويا ريت تكلمينى شويه عن تخطيط وشكرا ليكى ويا رب تتفاعلى معانا دائما

[yasssmine]

ايه يا جماعه انتم فينكم يا رب تكونو بخير

[eng refa3y]

موجودين ياياسمين بس بقالى يومين مدخلتش على النت
والزعيم مش عارف راح فين


اهلا بالوجه الجديد eng.maha alsheref
منووووره التوبيك والمنتدى كله

بس ايام اعدادى كان فينك
كنتى هتستفيدى جدا من هنا

وياريت الاستمرار

[eng refa3y]

وصحيح ياجماعه انا نسيت اقول لكم
انا جبت جيد جدا مش جيد
مرفوع يعنى
بس برضه تعدين مش بترول
والحمد لله على كل شئ
(عسى ان تكرهوا شيئا ويجعل الله فيه خيرا كثيرا)

ويارب كله يخش اللى هو عايزه
وميحصلكوش اللى حصلى
والحمد لله

[yasssmine]

المشاركة الأصلية كتبت بواسطة eng refa3y

وصحيح ياجماعه انا نسيت اقول لكم
انا جبت جيد جدا مش جيد
مرفوع يعنى
بس برضه تعدين مش بترول
والحمد لله على كل شئ
(عسى ان تكرهوا شيئا ويجعل الله فيه خيرا كثيرا)

ويارب كله يخش اللى هو عايزه
وميحصلكوش اللى حصلى
والحمد لله

الف مليون مبروك يا هندسه
بس ليه تعدين هو بترول من كام
واى كان .....الحمد لله القسمين احسن من بعض
وكمان انا خلاص تخليت عن حلمى العماره وان شاء الله كهربه
طبعا علشان التقدير واسباب اخرى الحمد لله

[eng refa3y]

الحمد لله على كل شئ

[م.الزعيم]

انا اسف ياجماعة الايام دى عندى امتحان اتوكاد وباذن الله هخلص يوم السبت
دعواتكم معايا

[قطوف دانيه]

السلام عليكم وررحمه الله وبركاته
ازيكم يا بشمهندسين
ازيك يا بشمهندسه انجى
انا شكل مجموعى كده هيرسى على هندسه
فممكن تقوليلى اعدادى اخباره ايه وهل فعلا صعب وكلهم بيعدو فيه بالزء
انا مستواى فى الرياضه كويس يعنى السنه اللى فاتت رياضه 2 كنت بحبها بستثناء التفاضل بكرهه
مش عارفه ليه
وسالت الدفعه اللى قبلى كلهم ما شاء الله نتجتهم تفرح كل لما اسال واحده تقولى نجحت وخلاص
انا عمرى ما حلمت بهندسه مش عايزه كمان ادخلها وابقى مجرد طالبه وخلاص نفسى جدا اجيب تقديرات ممتازه كل سنه
فممكن تكلمينى عن اعدادى ومذكرتها ازاى وازاى ان شاء الله اجيب تقديركبير
عشان ناويه باذن الله ابقى معيده فى الهندسه نفــــــــــــــسى
مادمت مش هلحق اسنان او صيدله اعوض فى هندسه
وجزاك الله خيرا

[yasssmine]

المشاركة الأصلية كتبت بواسطة قطوف دانيه

السلام عليكم وررحمه الله وبركاته
ازيكم يا بشمهندسين
ازيك يا بشمهندسه انجى
انا شكل مجموعى كده هيرسى على هندسه
فممكن تقوليلى اعدادى اخباره ايه وهل فعلا صعب وكلهم بيعدو فيه بالزء
انا مستواى فى الرياضه كويس يعنى السنه اللى فاتت رياضه 2 كنت بحبها بستثناء التفاضل بكرهه
مش عارفه ليه
وسالت الدفعه اللى قبلى كلهم ما شاء الله نتجتهم تفرح كل لما اسال واحده تقولى نجحت وخلاص
انا عمرى ما حلمت بهندسه مش عايزه كمان ادخلها وابقى مجرد طالبه وخلاص نفسى جدا اجيب تقديرات ممتازه كل سنه
فممكن تكلمينى عن اعدادى ومذكرتها ازاى وازاى ان شاء الله اجيب تقديركبير
عشان ناويه باذن الله ابقى معيده فى الهندسه نفــــــــــــــسى
مادمت مش هلحق اسنان او صيدله اعوض فى هندسه
وجزاك الله خيرا

وعليكم السلام ورحمت الله وبركاته
هو معلش احنا مش معانا اى حد اسمه انجى هو انج يعنى مهندس بس حصل خير احنا هنا كلنا ممكن نفيدك فى اى حاجه انتى عيزاه انتى بس اسالى واحنا نجاوب ان شاء الله ال قوليلى انتى مجموعك كام؟ واسمك ايه ؟
بالنسبه لهندسه مع انى جايبه جيد بس والله هندسه كليه جميله وشيقه خالص مش تقلقلى خالص وتاكدى ان ربنا مش بيجيب لحد حاجه وحشه انا كنت زيك هموت وادخل اسنان وبعد ما دخلت هندسه حسيت انى مش كنت هحب اى حاجه غير هندسه صدقينى بس اهم حاجه تحبى الحاجه ال انتى ريحاها ومش تقعدى تعيطى على ال فات لا فائده من البكاء على اللبن المسكوب اقولك حاجه والله مش لانى مش جبت مجموع الكليات التانيه هقول الكلام ده لا والله بس انا بحس حاليا ان هندسه دى افضل كليه على الاطلاق ولما تدخلى هتحسى بقيمتها بجد وربنا يوفقك يا رب وتكونى معيده زى مانتى عايزه
وعلى فكره هندسه مش اقل خالص من صيدله او اسنان لا والله بالعكس ولما تروحى الكليه هتفهمى كده هتلاقى الناس كلها بتنظرلك نظره احترام وال بيقولك ان اعدادى بتعدى فيها بالزء مفيش حاجه اسمها كده خديها نظريه فى حياتك كل واحده بتحكيلك عن تجربتها الشخصيه يعنى ال حصل لها ظروف ف السنه دى وال حصل لها كذا وكذا بتحكى عن اعدادى من خلال ال حصل لها سيبك من الناس دول وتوكلى على الله وان شاء الله خير واحنا معاكى وانا كمان هكون معاكى فى الكليه انا اسمى ياسمين لو احتاجتى اى حاجه انا تحت امرك وممكن تبعتيلى او ابعتلك الميل بتاعى على الخاص لو انتى محتاجه حاجه سلام