جروب 3 ثانوى ( علمى علوم )

[Marry Sam]

اهااااا الله يطمنك
طيب ان شاء الله و انا الحمد لله بدأت اعمل كده فعلا
بس من كتاب الامتحان ..هوا عامل ملخص بس كويس اوى ما شاء الله
و ربنا يستر ي ريب
انا برده عندى الاضواء بتاع المستوي بس 2009
مش عارفة اتغير فيه حاجة بقي و لا لا
و جزاك الله خيراً

[Dr.moamen]

انا طالب علمى علوم تلته ثنوى والاحياء ماده شيقه جدا وبتفيد الواحد فى الحياه العامه والشخصيه فى رأى بس مشكلتى فى الفيزيا لسه مش عارف افك طلاسم الماده دى وحاسس انى ****** فيها يريت لو حده من اخوانى هنا يقدر يفيدنى

[Dr.moamen]

انا بدأت وراثه على فكره وخلصت الفصل الاول واخدت حصه فى الفصل التانى ما شاء الله الاستاذ مركبنا طياره ههههه
غير اننا خلصنا التكاثر ويعتبر خلصنا التنسيق الهرمونى

[فاروقندى]

كيف يمكننى مذاكرة الفيزياء لانى اشعر انى ضائع و الامتحانات قريبة ارجو طريقة للمذاكرة نفسها

[Dr.moamen]

فاروقندى انا بشاركك نفس المشكله ونفس الشعور بس مازلت متيقن ان الله يخرجنا من هذا المأزق واتمنى ان حد فى الموقع الممتاز ده يفيدنا زى متعودنا

[Muslim&proud]

المشاركة الأصلية كتبت بواسطة فاروقندى

كيف يمكننى مذاكرة الفيزياء لانى اشعر انى ضائع و الامتحانات قريبة ارجو طريقة للمذاكرة نفسها

اتفـــــــضل .......

الســــلام عليكم
بص يا جميل الفيـزياء الى انت متعقـد منها دى مش فيـها حـاجة صعبة ومش كـل واحد يقولك الفيزياء صعبـة خلاص تصدقة وتوهم نفسك انك مش هتنفع فيها .انت عـارف الفيزياء عباره عن اية ؟؟ فيزياء يعنى طبيعـة يعنـى حياتنا الى احنا بنعيشها .تـجارب بتحفـظها زى اسمـك لان لازم هتجيلك تجـربة فى الامتحـان ولو مش حافظهـا مش هتعرف تكتب حـاجة والتجارب دى مش فيها حاجة صعبة .ومسـائل واخد عليها قوانين والقوانين دى بتحفظهـا زى اسمك وتقــرأ المسألة كويس وتحط القانـون الى انت حافظـة وتستنتج معطياتك وتطبقهـا فى القانون وتطلـع الناتج بالالـة الحاسبة اية الصعب فى كده نفسى افهـم .بس مش كـل المسائل بتبقـى كده .فى مسائل لازم تفهمـها كويس وتشغل مخك فيها عشان تعـرف تحلهـا . وركـز فى المسائل لان كل درس هيتشرح هتـلاقى علية مسائل كتير وهيجيلك 6 مسائل فى الامتحـان لازم تحلهم .وعندك قوانين الغازات مش فيها حاجة .تجـربة بتتشرح وفى الاخـر بتستنتج قانون منها والقانون ده بيكـون علية مسائل ونفس الوضع تقرا المسألة وتستنتج المعطيات وتطبقها فى القانـون .بس اهــم حاجة تفهم استنتاج القانون نفسة وتعرف القانون ده جـة ازاى ؟؟؟ لان هيجيلك فى الامتحان يقولك استنتج قانون كذا ..؟ . وعندك يا سيدى الموائع اية الى فيها ؟؟ بتدرس الضغط والكثافة و...الخ فيها اى دى الضغط وتعريفة واستنتاج قانونة ومسائل علية وتطبيقاتة والبارومتر والمانومتر واستخدامتهم وبتحفظ كل واحد وتطبقة فى المسائل .اية الصعب فى كده ؟؟ . وخـلى بالك الفيزياء الكـهربية دى اهـم حـاجة ومحتاجة تركيز جامد وعليها مسألة هتلاقيها مشرفـة فى ورقـة الامتحـان والباب ده علية 22 درجـة فى الامتحـان يعنـى من الاخـر كده ركز فية .اكيد انت لسة مش وصلتها بس انا حبيت انبهك ليها قبل ما تدرسها عشان تبدأها صح .وفــى اخـر الامتحـان بيكون فى مسألة رسم بيانى سهـلة ومضمـونة فى الامتحان . وعندك تعريفات وتعليلات بتحفظهـا بس قبل ما تحفظها لازم تفهمها وبرضو بتيجى فى الامتحـان .. وكذلك الفيزياء الحديثة كلهـــــــــا حفظ ومش فيها مسائل كتير زى باقى الوحدات وقوانينها مش كتير ..تقريبا هما اربع قوانين الى بتستنتجهم ومعظمها حاجات عارفها قبل كده يعنى مش عارف رزفـورد وبويل وبور وشرودنجر والحاجات دى الى انت اخدتها قبل كده فى الكيمياء ؟

هــــو ده بعبع الفيزياء الى معقـدك ومخليك متزاكـرش باقى المواد عشانها .فيها اية نفسى اعرف .

بالتـوفيق

[حسن زيرو]

حاول تجيب كتاب زى الماسى فيه مسائل جميلة اوى حلها واتدرب عليها وعلى فكرة فيه اجابات وواى حاجة تقف عليك اطلع عليها من الحلول واضمنلك ان اصعب مسائل لايمكن تخرجج عنه مهما كانت دماغ واضع الامتحان وان شاء الله نشوفك جايب الفول مارك ...تحياتى ...

[Dr.moamen]

المشاركة الأصلية كتبت بواسطة حسن زيرو

حاول تجيب كتاب زى الماسى فيه مسائل جميلة اوى حلها واتدرب عليها وعلى فكرة فيه اجابات وواى حاجة تقف عليك اطلع عليها من الحلول واضمنلك ان اصعب مسائل لايمكن تخرجج عنه مهما كانت دماغ واضع الامتحان وان شاء الله نشوفك جايب الفول مارك ...تحياتى ...

شكرا جزيلا على الرد وهجرب وادعيلى

[amothman123]

عاملين أية فى الفيزياء ؟!
أنا هابدأ الكهربية بكرة سترك يا رب

[ahmedmohsena]

المشاركة الأصلية كتبت بواسطة amothman123

عاملين أية فى الفيزياء ؟!
أنا هابدأ الكهربية بكرة سترك يا رب

اوووف انتي شارخ جامد كويس والله انا خلصت السادس انهارده
بس قلقان شويه من النظري انا بحل المسائل حلو

[To Be Is To Do]

المشاركة الأصلية كتبت بواسطة amothman123

عاملين أية فى الفيزياء ؟!
أنا هابدأ الكهربية بكرة سترك يا رب

متخافش متخافش والله

التاسع سهل اوى واصغر الكهربيه
العاشر لذيذ برده كله اجهزه وحاجات لذيذه سهله
ال 11 ده بقى اللى كبير اوى وبييجى منه كتير اوى فى الامتحان وكله حاجات متشابهه

ربنا معاك

[حسن زيرو]

المشاركة الأصلية كتبت بواسطة amothman123

عاملين أية فى الفيزياء ؟!
أنا هابدأ الكهربية بكرة سترك يا رب

متخافش من الكهربية دا فصل لذيذ وشيق اخر حاجة ولو فهمته كويس هتحب الفيزياء ودا عليه جزء كبير من الامتحان والله الفيزياء مادة لذيذة جدا ولها جاذبية كبيرة لو عرفنا نتعامل معاها صح

[Bahy_Ahmed]

يا جماعة شوفوا السؤال ده حلو جالنا في مسابقة اوائل الطلبة


احسب عدد جزيئات ATP الناتجة عن الفسفرة التاكسدية ل 2 جزي من سكر المالتوز

[منه 96]

هو جزى سكر المالتوز فيه 2جزى جلوكوز
وجزى الجلوكوز الواحدبيدى 38atp
يعنى الاجابة هتبقى 4×38بتساوى 152atp
بس مش متاكدة بصراحة

[Bahy_Ahmed]

المشاركة الأصلية كتبت بواسطة منه 96

هو جزى سكر المالتوز فيه 2جزى جلوكوز
وجزى الجلوكوز الواحدبيدى 38atp
يعنى الاجابة هتبقى 4×38بتساوى 152atp
بس مش متاكدة بصراحة

ما احنا عملناها كده ونقصنا درجتين للاسف

انتي مركزتيش علي كلمة الفسفرة التاكسدية معناها هوا عايز ال atp اللي نتج من nadh fadh بس مش كلو يعني جزئ الجلوكوز بيطلع 10 ناد و2 وبعدين حضربهم في 4 عشان هما 2 مالتوز والناد بيطلع 3 والفاد 2