دفعة ثانوية عامة 2016

[سوسوكاتى]

المشاركة الأصلية كتبت بواسطة mohamed_hamza

يا جماعة محدش يعدي عليه شهر خمسة دا الا ويكون فاهم المنهج كله ومذاكره كويس جدا في كل المواد، يعني آخر خمسة تكون مستعد تمتحن اي مادة مش ناقصك حاجة.
علشان ليالي الامتحان لو قرأت حاجة جديدة عليك هتزعل وتضايق انك مش عرفتها من بدري، وممكن مش تستوعبها كمان وتتعقد وتقول مش هدخل الامتحان.
فملوش داعي دا كله، ذاكر كل حاجة من دلوقتي...

مثلا تجارب الكيميا واستنتاجات الفيزيا مش تسيبهم لحد قبل الامتحان لا من دلوقتي ذاكرهم واحفظهم كويس اوي.

اياك تسيب التعليق ع النص.

اياك تذاكر الادب والتعليق ع النص من برا كتاب الوزارة.. نموذج الاجابة بيكون كوبي بست منه.

اياك تسيب الرسم البياني (اخر سؤال) في الفيزيا لحد ليلة الامتحان، لا من دلوقتي اتدرب عليهم وانت بتحل امتحانات.

اياك تسيب رسومات الاحياء والجيولوجيا وتقول هلمهم قبل الامتحان، هتروح في داهية وهياخدوا منك ليلة الامتحان كلها وهتدخل مش مراجع.. دا غير انهم بيحتاجوا تدريب.

اياك تسيب قراءة الريدنج بتاع كل يونت، اللي مش هيقرأه لازم هينقص في سؤال choose و find ... بنسبة 100% هينقص.

اياك متقرأش نص القصة، سواء عربي او انجلش وتعتمد على س & ج بس، لأ ممكن يجيلك سؤال برا اللي انت بتحفظ فيهم دول ومش هتعرف تحله، فاقرأ القصة عشان خاطري، ولو قصة الانجلش ممكن تقول ترجمة الفقرة اللي انت بتقرأها بالعربي عشان تثبت اكتر بس وتعرف تتخيل الموقف.

اياك تنسى ترسم الدايرة اللي جوا حلقة البنزين، هتودي نفسك فداهية، اصلا من غيرها ميبقاش البنزين بنزين.

اياك تشوف فكرة جديدة فمسألة فيزيا او كيميا او اي مادة ومش تعلم عليها بالماركر او تسجلها عندك، عشان انت قبل الامتحان هتشوف الافكار اللي انت معلم عليها دي كلها تاني ومش هيكون ناقصك حاجة، فأي فكرة مهمة حاسس انك هتنساها لازم تعلم عليها ابوس ايدك.

اياك تسيب المواد اللي مش بتضاف لحد ليلة الامتحان.

اياك تسيب التفاهات او مش تديها حقها وتطنشها، انت مفروض تخاف منها عشان دي بتتجمع مع بعض كدا وبتنزلك عدد محترم من الدرجات، الرواسب اللي في وادي النطرون كربونات صوديوم مش كبريتات... اهي حاجات زي دي هي اللي بتنقص الشطار.

إياك تشتت نفسك بكذا بكتاب، شوف انهي اشمل كتاب فيهم وليه اجابات وحله وسيبك من الباقي.

اياك تمشي بالبركة، اهم حاجة النظام الشهر دا، عشان تتأكد انك بتدي كل مادة حقها.

اياك تأجل اي حاجة، تكون كاتب لنفسك انك هتذاكر كذا النهاردا وبعدين ماتلحقش وتقول هذاكره بكرا، اول ما تلاقي نفسك بتقول "بكرا" ابشر بالضياع، فعشان كدا وانت بتعمل لنفسك جدول خليك واقعي وشوف قدراتك بجد، بلاش تاخدك الجلالة اوي وانت بتعمله.

اياك تضيع النعمة اللي في ايدك، انت فنعمة مش حاسس بيها والله، فيه ملايين نفسهم يكونوا مكانك دلوقتي عشان يمتحنوا من تاني، بدل ما تخلص الثانوية وتندم وتحس باحساس وحش جدا ويكون نفسك ترجع الثانوية تاني عشان تشد حيلك وتحسن مجموعك، ودا مستحيل عشان التحسين اتلغى اصلا،، طيب ليه من دا؟ مانت في ايدك تغير دا كله من دلوقتي.

إياك تخاف اوي من الامتحانات، هتلاقيها عبيطة خالص والله، كل الاسئلة اللي في الامتحان هتلاقيك حليتها قبل كدا عشرين مرة، انت بتخش تكتب على طول اصلا، اللي بيعملوا الامتحان اصلا الظاهر دماغهم قفلت فمش هتلاقي جديد فيه يعني، هيجيبوا من السنين اللي فاتت وكتاب المدرسة، الاسئلة معروفة بس مين يذاكر.

اياك تفوت صلاة او ماتدعيش ربنا:
"إنَّ ربكم حيي كريم، يستحي من عبده إذا رفع إليه يديه أنَّ يردهما صِفْراً خائبتين"

إياك تفقد الأمل، تفاءل ووالله لتوصل للي انت عايزه بس انت تفاءل واصبر على الكام يوم دول،
ربنا معاكوا

جزاك الله خيرا يا دكتور فعلا دى فترة فاصلة
ربنا يستر علينا ويوفقنا جميعا لما يحب ويرضى

[Duke Tefa]

وبالنسبة للمواد الي مش بتضاف ابدا فيهم دلوقتي يعني ولا ايه ؟؟؟؟؟ عشان لسة مش بدات فيهم

[سوسوكاتى]

عوزة اتاكد منكو من شوية choose

(Students son't have to pay for their books.the school (pays-affords-takes-provides
هنا المستر بيقول provides بس انا مش عارفة ليه مقالش affords بمعنى يتحمل نفقة كذا ؟؟

If only he ( had had- hadn't had-had-has had
alot of money to help the poor ,and now he's sorry

he didn't seem to mind (their watching-them watching-that they watch-them to watch
Tv while he was trying to study

FTM

have you ever thought where do plants get their food ?

ali wishes he may see his friends at the party tomorrow

He's known to come, if he hadn't been, he wouldn't have to complain

[رفيقة الامل]

ساعدونى ياجماعة ف الكيمياء الكهربية ولوشاتيليه
ضرووووووووووووووووووووووووووووووووووووورى
والحديثة

[علا علي ٣٣٣]

[QUOTE=رفيقة الامل;6424567]ساعدونى ياجماعة ف الكيمياء الكهربية ولوشاتيليه
ضرووووووووووووووووووووووووووووووووووووورى
والحديثة[/QU
هما الفهم فيهم قليل بصراحة ماعدا لوشاتيلييه حلي عليها اسئلة كتير
و الكهربية و الحديثة ملهمش حل غير الحفظ

[علا علي ٣٣٣]

اختر الاجابة الصحيحة :
تتم عملية تضاعف dna في اتجاه (٣`الي٥` ...... ٥`الي٣`....... عشوائي.......يختلف من كائن لاخر )

توجد المناطق الداكنة و المضيئة في كل العضلات التالية ماعدا (عضلة القلب.....عضلات الرئتين....... عضلة الحجاب الحاجز ....... عضلات الفخذ )

[ahmedtarea]

المشاركة الأصلية كتبت بواسطة علا علي ٣٣٣

اختر الاجابة الصحيحة :
تتم عملية تضاعف dna في اتجاه (٣`الي٥` ...... ٥`الي٣`....... عشوائي.......يختلف من كائن لاخر )

توجد المناطق الداكنة و المضيئة في كل العضلات التالية ماعدا (عضلة القلب.....عضلات الرئتين....... عضلة الحجاب الحاجز ....... عضلات الفخذ )

5الي3 بتهيألي عشان انزيم البلمرة
الرئتين تقريبا ملساء
بس مش متاكد

[علا علي ٣٣٣]

المشاركة الأصلية كتبت بواسطة ahmedtarea

5الي3 بتهيألي عشان انزيم البلمرة
الرئتين تقريبا ملساء
بس مش متاكد

انا قولت الرئتين برده بس في الاجابة قال الحجاب الحاجز فانا مقتنعتش
جزاك الله كل خير

[Duke Tefa]

طيب شوفت السؤال الي ف الدليل ده
مجموعة ذرية تشتق من الإيثلين بفقد ذرة هيدروجين ؟؟؟؟
اجابته غريبة جداً اول مرة اسمع عنها

[رفيقة الامل]

المشاركة الأصلية كتبت بواسطة Duke Tefa

طيب شوفت السؤال الي ف الدليل ده
مجموعة ذرية تشتق من الإيثلين بفقد ذرة هيدروجين ؟؟؟؟
اجابته غريبة جداً اول مرة اسمع عنها

اخبارك ياتيفا والنفسوية

[Duke Tefa]

المشاركة الأصلية كتبت بواسطة رفيقة الامل

اخبارك ياتيفا والنفسوية

لا الحمد لله رجعلي الأمل من جديد بعد ما فقدته تقريباً 3 ايام
الحمد لله حالياً انا بقيت احل امتحانات الثانوية في كل المواد
وربنا معانا
انتي ايه اخبارك ؟

[ElSayed Fekry]

الشخصية دى لسا عارفها النهاردة شوفتها فى الامتحانات التجريبية

stewardess
A woman employed to look after the passengers on a ship or aircraft.


والرجل بيبئا اسمه steward

[Duke Tefa]

المشاركة الأصلية كتبت بواسطة sayedfkry

الشخصية دى لسا عارفها النهاردة شوفتها فى الامتحانات التجريبية

stewardess
A woman employed to look after the passengers on a ship or aircraft.


والرجل بيبئا اسمه steward

ايه ده يعني قصة ولا جرامر ولا فايند ولا ايه
الي اعرفه اني عادي الراجل اسمه ستيوارد ايه المشكلة
ومتنساش اني الممثلة الامريكية الي عملت توايليت اسمها كريستين ستيوارت بالت مش ب بالدال :P

[رفيقة الامل]

المشاركة الأصلية كتبت بواسطة Duke Tefa

لا الحمد لله رجعلي الأمل من جديد بعد ما فقدته تقريباً 3 ايام
الحمد لله حالياً انا بقيت احل امتحانات الثانوية في كل المواد
وربنا معانا
انتي ايه اخبارك ؟

تقريبا الامل كان غايب او واخد راجة 3 ايام عند الكل بس الحمد لله دلوقتى احسن

[Duke Tefa]

المشاركة الأصلية كتبت بواسطة رفيقة الامل

تقريبا الامل كان غايب او واخد راجة 3 ايام عند الكل بس الحمد لله دلوقتى احسن

الحمد لله