faculty of science>>only for alexandria university>>

[ALLALL]

السلام عليكم
باذن الله يوم الاتنين الجاى فى ندوة تكملة لندوة يوم الخميس
الساعة 12 مدرج 2
وهيشرحوا الاقسام
كلها

[scienceandtechnology]

المشاركة الأصلية كتبت بواسطة scienceandtechnology

ياريت اى حد يقول لنا حناخد ايه فى الرياضه و الكيمياء

فى سنة اولى فى شعبة الجيولوجيا .......

مفيش رد ....?!!!!!!!

[comboy]

تم ذكر المواد تفصليا فى موضوع لاحد اعضاء الموقع (عادل)
وكان ده كلامه

الرياضه

هى اشبه فى الاول برياضه 2 ثانوى بس تختلف شكلا وموضوعا

المطلوب تدور على كتاب تانيه ثانوى وتذاكر المتابينات كويس

وتعرف تجيب منها الدومين والرينج ( النطاق والمدى ) لان هيكون عليه حدوته
وبعد كده التناقصيه والتزايدية

وتعرف تقسيمات الاعداد يعنى الاعداد الطبيعيه هى ايه والاعداد القياسيه والاعداد الصحيحه والاعداد الحقيقيه والاعداد الاوليه

وده المنهج اللى هتدرسه

1- مفهوم الدالة وامثلة
2- تعريف النطاق الطبيعى للدالة
3- خواص الدالة ( الدالة الزوجية والدالة الفردية )
4- اطراد الدالة
5- الدوال المحدودة والغير محدودة
6- تركيب دالتين
7- الدالة العكسية وتعريفها
8- دالة القوى
9- الدوال المثلثية
10- الدالة الاسية والدالة اللوغارتيمية
11- دالة الصحيح
12- نهاية الدالة
13- اثبات النهاية بالتعريف
14- نظرية وحدانية الدالة
15- النظريات الاساية لحساب النهايات
16- نهاية الدالة فى المالانهاية
17- اتصال الدوال
18- نظريات الاتصال
19- العلاقة بين اتصال الدالة ومقياسها
20- اتصال الدالة العكسية وتعريف المشتقة
21- التعريف الهندسى للمشتقة
22- معادلة المماس والخط العمودى
23- المشتقة اليمنى والمشتقى اليسرى
24- القواعد الاساسية لاشتقاق الدالة
25- مشتقة تحصيل دالتين
26-الدالة العكسية
27- تفاضل الدالة الضمنية
28- مشتقة الدالة الاسية واللوغاريتيمة والتفاضل اللوغاريتمى
29- التفاضل المتتالى للدوال الصريحة
30- المشتقة النونية
31- نظرية ليبنتز
32- نظريات القيم المتوسطة (رول-لاجرانج-كوشي)
33- متسلسلة تايلور
34- كيفية رسم منحنى الدالة بعد دراسة خواص الدالة

على فكره كتاب الرياضه متصوره مرفوع على الانترنت تقدر تحمله وتذاكر منه لو حبيت كنوع من التحضير هيساعدك فى الفهم لو موركش حاجه هتلاقى فى موضوع متثبت هنا

كلام فارغ وسهل وممكن بقعده واحده افهمك كل ده بس طبعا لوحدك هتتعب شويه لكن هتستوعبه بعد كده

وفى الرياضه امتحان ميد تيرم اول بعد شهر من 10 درجات

وفى امتحانات دوريه كل اسبوع اجمالى درجتهم من 10 درجات

وفى امتحان ميد تيرم تانى من 20 درجه

وفى الاخر امتحان فينل ب 60 درجه



الكيمياء

فى الاول انت محتاج بالطو ابيض علشان معمل الكيمياء

ومحتاج حوالى 2 انبوبة محاليل زى ده


وماسك علشان وانت بتسخن تمسكها بيه زى اللى انت شايفه ده كده

والكلام ده ليه لان فى التيرم الاول بتدرس فى المعمل اللى كنت درسته نظرى فى الكيمياء الخاصه بالكشف عن الشق الحامضى والشق القاعدى
والموضوع كالتالى بعد ماالمعيد يقعد يشرح الخطوات اللى هتعملها للكشف هتلاقى الحيوان فنى المعمل بيطلع ملح ويحطه على التربيزه وكل واحد بياخد شويه بالانبوبه بتاعته ويكشف عليه
طبعا كتير منكم مش بيكون فاهم هيعمل ايه وبيقعد يشوف اللى حواليه بيعمله ايه ويقلدهم (بالاخص لو حد كان عايد: والاحسن انك تلزق للمعيد وتخليه يفهمك تعمل ايه ومتكسفش) لكن الموضوع سهل ومن تانى مره معمل بتكون فهمت ايه اللى هتعمله بعد كده بعد كده هتمتحن فى العمل برضه حاجه اسمها شيتات
وهى بتكون معادلات كيميائية وانت بتكتب الناتج وبتوزنها وفى امتحان معمل فى الاخر والمعمل درجته الكليه 30

بالنسبه للنظرى
بعد حوالى شهر بتستعد لامتحان الميد التيرم الاول وبتمتحن امتحان فى الكيمياء نظرى بيكون من 10 درجات

يبقى مجموع اعمال السنه 40 درجة وفى فى الاخر امتحان فينل بيكون من 60 درجه

وطبعا مطلوب للنجاح ان تكون حاصل على الاقل على 60 درجه علشان تعدى الماده


اما اللى تذاكره من كتب ثانوى فراجع الكيمياء وخصوصا تسميه المركبات والكاينات والالكانيات الخ
وراجع الفيزياء لان الكيمياء هتكون خليط بين الاتنين

[comboy]

بسم الله الرحمن الرحيم
حد يعرف ياجماعة ايه موضوع تسجيل المواد ده ؟؟واختيار مادتين؟؟
وازاى هيكون وازاى هنجيب الباسورد والحاجات دى؟

وهل فى مؤتمر تانى يوم الاتنين الجاى ولا لا؟

يااااااااااريت اجابة عشان انا بقيت حاسس ان مفيش غيرى هنا

[comboy]

معادنا الاثنين القادم ان شاء الله الساعه 12 مدرج 2 عشان المؤتمر الثانى لاتحاد الطلاب للطلاب المستجدين عشان تعرفو كل الى ناقصكو فى الكلية ان شاء الله واقسامها وكل الحاجات الى محتاجين تسالو فيها ومؤتمر اسنان وصيدله ان شاء الله بعدية على طول لان الموضوع اسهل بكتير من الدراسة فى علوم وهنقولكو علية ان شاء الله

احمد ماهر

رئيس الاتحاد

الاتنين يوم 26-9

[comboy]

ده الكلام اللى اتكتب فى الصفحة الرسمية لاتحاد طلبة كلية العلوم عالفيس

[scienceandtechnology]

المشاركة الأصلية كتبت بواسطة comboy

بسم الله الرحمن الرحيم

حد يعرف ياجماعة ايه موضوع تسجيل المواد ده ؟؟واختيار مادتين؟؟
وازاى هيكون وازاى هنجيب الباسورد والحاجات دى؟

وهل فى مؤتمر تانى يوم الاتنين الجاى ولا لا؟

يااااااااااريت اجابة عشان انا بقيت حاسس ان مفيش غيرى هنا

شكرا يا comboy على المعلومات المهمة ...
و انت مش لوحدك ...
و شكرا على الموضوع المميز ....
هو انا عايز اعرف هل جدول المحاضرات نزل ??
امتى حنقعد مع المرشد الاكاديمي ??
وانا كمان عايز اعرف ايه موضوع تسجيل المواد ده ؟؟واختيار مادتين؟؟
يااااااااااريت اجابة

[scienceandtechnology]

ياااااااااريت اجابه .............
اين الرد ؟؟؟؟...........

[mohamed uosry]

طب انا داخل جيولوجيا وحاخد كيياء في اولي بأذن الله هوانا لازم اجيب البالطو و الكلام ده

[scienceandtechnology]

المشاركة الأصلية كتبت بواسطة mohamed uosry

طب انا داخل جيولوجيا وحاخد كيياء في اولي بأذن الله هوانا لازم اجيب البالطو و الكلام ده

ما أنا قولت لك .....

[mohamed uosry]

المشاركة الأصلية كتبت بواسطة scienceandtechnology

ما أنا قولت لك .....

مانا عارف بس انا كاتب من قبل ما اكلمك

[scienceandtechnology]

اه معلش ....^^

[ALLALL]

اتفضلوا ادخلوا هنااااا
http://localhostr.com/file/gi87wrs/Cap444444ture.GIF

[2ad]

المشاركة الأصلية كتبت بواسطة allall

اتفضلوا ادخلوا هنااااا
http://localhostr.com/file/gi87wrs/cap444444ture.gif

.
.
الله يجزيك كل خير
ده جدولنا الدراسي .. سؤال بس
الاسبوع بتاع من 24 ل 29 من شهر 9 وتسجيل مبكر ؟؟
ممكن افهم ايه موضوعه ..؟؟

[comboy]

الندوة بكرة الساعة 12 ياريت تحاولو تحضروها لانها مهمة جدا جدا جدا