أخر أخبار مدرسين الحصة بأسيوط

[ايهاب بابا]

ما اعتقدش ان الناس هتسكت على ان اى حد يكون مرتبه 120 جنيه داظلم

[hon_hon]

فى ناس قبضت شهر9 ذ485 من اللى كانو مستمرين

[shimyclas]

المشاركة الأصلية كتبت بواسطة ايهاب بابا

ما اعتقدش ان الناس هتسكت على ان اى حد يكون مرتبه 120 جنيه داظلم

ياراجل
انت بتهرج
120 جنيه
ده حرام
فعلاً الناس مش هتسكت
باعمنا فى ناس بقلها 10 سنين ب100 وخمسة
انت شكلك كنت مسافر وجيت

[reda_abonar]

المشاركة الأصلية كتبت بواسطة abu_ menna_13

بناءا على فاكس وصل الادارات الأحد الساعة 1 ظهرا

تعاقد المنقطعين

ب

120

حاجة تحرق الدم

ايوه الكلام ده صحيح
بس الكلام ده للمنقطعين واللى كانوا بالحصة على بند 3 / 10
كل التعاقدات الجديدة شهر 7 وشهر 9 على السواء

[hon_hon]

يعنى اية ياعم الكل انا اعرف ان مرتبات 1/7 طلعت 485 شهر 9


وياريت يكون كلام ان 120 لتعاقدات 1/9 غلط لان ده ظلم ياريت حد يفيدنا ياجماعة

[ايهاب بابا]

المشاركة الأصلية كتبت بواسطة abu_ menna_13

بناءا على فاكس وصل الادارات الأحد الساعة 1 ظهرا

تعاقد المنقطعين

ب

120

حاجة تحرق الدم

ارجو ان يكون هذا الكلام غير صحيح وان كان صحيح اكيد ماحدش هيسكت

[ايهاب بابا]

المشاركة الأصلية كتبت بواسطة reda_abonar

ايوه الكلام ده صحيح
بس الكلام ده للمنقطعين واللى كانوا بالحصة على بند 3 / 10
كل التعاقدات الجديدة شهر 7 وشهر 9 على السواء

سيادتك تقصد ان حتى اللى على راس العمل وبقالهم سنين بالحصه بعد ما عملو تعاقدات فى 2/7 وقبضوا بالعقد 485 جنيه هييجوا الشهر الجاى يرجعوهم ل 120 جنيه تانى ارجو التوضيح من فضلك للاهميه

[ايهاب بابا]

مش كفايه ان احنا ما اتثبتناش واحنا بقالنا اكتر من ثلاث سنوات حسبى الله ونعم الوكيل

[abu_ menna_13]

يا جماعه النهارده حاولت أعرف أي حاجة تخص الموضوع ده من إدارتي معرفتش

كل ما أسأل حد يقولي مفيش حاجة من الكلام ده

انما فيه ناس من إدارات تاني خصوصا صدفة بتأكدلي موضوع الفاكس

وواحد موظف قالي ممكن يكونو بيتكلمو على الزياده 125% بس فهمو الفاكس غلط

المهم ان الموضوع لسة مش أكيد وأنا غلطتي اني نشرت الخبر من غير ما أحصل على الفاكس نفسو

ويارب يكون الكام ده غلط ان شاء الله

أحسن أنا حاسس بإحباااااااااااط رهيب

[m_adel_143]

احنا معلمي الحصة بالدقهلية اشتغلنا ترم واحد فقط اللي هو بعد الثورة


هيتم التجديد لينا بــ 150 جنيه راتب شهري

عدد الحصص 18


المدة من 1-10-2011 الي 1-5-2012


حد عنده في محافظته زي النظام ده ؟\

لو حد من اللي اشتغلوا بعد الثورة يقولنا

[عبده على73]

فى إدارة دار السلام التعليمية بمحافظة سوهاج تعاقد المنقطعين عن العمل ومنهم الحاصلين على مؤهلات عليا وفوق متوسط ومتوسط على 120جنيه للمؤهلات العليا و110 جنيه للمؤهل الفوق متوسط والمتوسط والعقد لمدة سنة فقط ويجدد بنفس المدة يعنى سنة واحدة أو حسب حاجة العمل ومن يطلع على البنود الموجودة بالعقد يكتشف الظلم والقهر الواقع على المدرس ومن الشروط التى توجد بالعقد أن صاحبه يكون متفرغ فقط لهذه الوظيفة ولا يعمل بالقطاع الخاص يعنى دخله الشهرى ومصروف بيته من مبلغ ال120جنيه يعنى ممكن يضحى بعمل أو شغل خاص كان يأكل منه عيش وأملا فى التثبيت والإلتحاق بوظيفة فى الحكومة تضمن له مستقبله يتفرغ لهذه الوظيفة المؤقتة والتى يجدد عقدها كل عام أوحسب حاجة العمل يعنى ممكن يستغنوا عنه فى أى وقت والناس دى لم تنقطع عن العمل حسب رغبتها فمنهم من تقدم للعمل لديهم بعد قضى فى التدريس فترة لم يأخذ حقه فى التثبيت أو استغنوا عنه بحجة ما فيش مكان والمدارس مكدسة فهل هذا الكلام يعقل والشخص الذى قام بوضع هذه البنود الظالمة وإصدار هذه القرارات الظالمة لا يمتلك ذرة من الضمير فحسبى الله ونعم الوكيل فى كل ظالم.

[hon_hon]

على فكرة من لسان وكيل الوزارة نفسة ان مفيش حاجه خالص من الكلام ده ودى اشاعات


الحمد لله

[abu_ menna_13]

هو فعلا يا جماعه ال 120 بياخدوها في سوهاج انا بكلم واحد منهم بيأكدلي المرتب ده عندهم

ووكيل الوزارة أنا اتكلمت معاه أكتر من مرة في الموضوع ده لما كنا بنجتمع ان التعاقدات كلها واحده

وكان بيأكدلي ان التعاقدات والمرتبات كلها واحده وانو فيه حوالي 68 مليون موجودين وبيطلب دعم حوالي 23 مليون علشان يكفي المتعاقدين جميعا لكن على كلامو ساعتها كان عدد المنقطعين حوالي 7 ألاف مش عارف بعد ما تفاقم العدد ايه أقواله

على العموم احنا مش هنتأكد من أي حاجة إللا لما نقبض أول شهر

يارب

[reda_abonar]

المشاركة الأصلية كتبت بواسطة abu_ menna_13

هو فعلا يا جماعه ال 120 بياخدوها في سوهاج انا بكلم واحد منهم بيأكدلي المرتب ده عندهم

ووكيل الوزارة أنا اتكلمت معاه أكتر من مرة في الموضوع ده لما كنا بنجتمع ان التعاقدات كلها واحده

وكان بيأكدلي ان التعاقدات والمرتبات كلها واحده وانو فيه حوالي 68 مليون موجودين وبيطلب دعم حوالي 23 مليون علشان يكفي المتعاقدين جميعا لكن على كلامو ساعتها كان عدد المنقطعين حوالي 7 ألاف مش عارف بعد ما تفاقم العدد ايه أقواله

على العموم احنا مش هنتأكد من أي حاجة إللا لما نقبض أول شهر

يارب

بس المشكلة انكم محددتوش مدة الانقطاع
انا اعرف ناس منقطعة لها 25 سنة ودخلت بالكوسة كتيرررررررررررة جدا وده ظاهررررررر جدا فى قرية موشا
التابعة لادارة اسيوط
الناس ليها 15 سنة الى 25 سنة
الحق لله
المفروض الناس دى داخله تهاجم فقط
حررررررررررررررام جدا اللى بيحصل
المفروض ان الانقطاع يكون له اسباب
على اساسها تنظر لجنة فى عودتك ام لا
لكن اللى حصل ده خطوة واسعة ياريت تلحقوا تلموها قبل ما تغرق الدنيا وتحرق الاخضر واليابس

[abu_ menna_13]

والله أنا ياما قلت نخلي مدة الانقطاع أخر 5 سنين فقط

بس مين يسمع

وقولت تربية الأول في المنقطعين علشان ناس كوووم كانت شغالة في التسعينات كلهم دبلومات

دنا معاي ناس في المدرسة رجعت من السعوديه علشان تتعاقد وتقعد شوية لحد متثبت رجليها

زي مابيقولو وبعدين يرجعو تاني وناس جاية من الامارات والله