" محلة زياد " أجمل قرى الغربية

[احمد بكير]

ممكن طلب؟؟؟
حد يعرف مدرس لغة انجليزية اسمه/ شريف محمد محمد الدمتناوى
ده كان اعز صديق ليا فى الجيش ياريت اللى يغرفه يبلغه او يرد عليا

[أستاذ/شفيق الأخضر]

انضم الي صفحة معلمي وطلاب محلة زياد على الفيس بوك
http://www.facebook.com/home.php?sk=...96232210401803

[أستاذ/شفيق الأخضر]

المشاركة الأصلية كتبت بواسطة احمد بكير

ممكن طلب؟؟؟
حد يعرف مدرس لغة انجليزية اسمه/ شريف محمد محمد الدمتناوى
ده كان اعز صديق ليا فى الجيش ياريت اللى يغرفه يبلغه او يرد عليا

اهلا وسهلا بحضرتك
الأستاذ شريف مدرس في محلة زياد وهو جارنا
ولكن هو الآن خارج البلاد
ان شاء الله لما ينزل في اجازة في الصييف لو حضرتك عايز منه حاجة بس ابعتلى وانا اوصلهاله
تشرفنا بحضرتك

[a_r2388]

قرية محلة زياد أعمال تتحدث عن نفسها
وقفة امام اعمال تتحدث عن نفسها فى قرية محلة زياد وهذه الاعمال تشهد بالكفاءة و التميز فى العطاء
س_ من الذى بنى مسجد السادة و مسجد الاربعين بقرية محلة زياد وساهم فى بناء المسجد الوسطانى ومسجد سيدى حسب الله الرفاعى وتجديد مسجد عنتر ؟
س_ من قام بإتيان ميكنة تنقية المياة بمحلة زياد ونقل مواسير المياة من طنطا الى قرية محلة زياد لادخالها المنازل ؟
س_ من قام بتسمية الشوارع وتعليق اللوحات التى تحمل اسماء الشوارع و ارقام المنازل ؟
س_ من قام بإتيان المدرستين الابتدائيتين الامريكيتين بدون مبالغ تدفع من القرية . حيث كان المطلوب لكل مدرسة 15 الف جنيه ؟
س_ من قام بالعمل الجاد على ردم مصرف الصرف الصحى بقرية محلة زياد حفاظا على صحة المواطنين من الامراض و الحشرات و الروائح الكريهة وسعى جاداً بالاتيان بالصرف الصحى وتحمل الكثير من الاموال فى سبيل ذلك ؟
س_ من قام بتجميع قرية محلة زياد على قلب رجل واحد لعمل مشروع المجارى على حساب الاهالى وتحمل مصاريف المساجد كلها لادخالها على المجارى بالقرية فى السبعينيات ؟

الاجابة : -
انها شخصية مرموقة من شخصيات قرية محلة زياد لاتستطيع التحدث عن نفسها
هو فضيلة الشيخ / منصور الرفاعى عبيد
و الذى انشأ مؤسسة اولاد عبيد الخيرية لكفالة الايتام من جميع انحاء جمهورية مصر العربية و التى تقدم مساعدات اجتماعية شاملة .
ونبين هذه الامور حتى لايضيع الحق متطمس الحقائق

[احمد بكير]

الف مليون شكر على ردك يا مستر شفيق بجد طمنتنى عليها انا نفس اتصل بيه من زمان ياريت لما ينزل تبلغنى هنا على الصفحة دى وشكرا مرة اخرى

[أستاذ/شفيق الأخضر]

خليك ايجابي :
نريد اتخاذ موقف في بعض الأشياء الهامة في قريتنا الحبيبة
1. رغيف الخبز وجودته
من يجد رغيف خبز جودته غير صالحة يذهب مباشرة بالرغيف الى مكتب الصحة ومكتب التموين بالقرية ان لم يستجيب يذهب الى سمنود ثم المحافظة لازم ندور على حقوقنا الحكومة مش هتدور على كل حاجة.
2.المواصلات : لا نركب السيارة التي تستغل الفرصة وتغلي الأجرة .
...3. من يذهب لقضاء اي مصلحة من اي مكان بالدولة ولم يجد الموظف او وجده متكاسلا عليه ان يبلغ رايسه ثم الانترنت موجود يرسل شكوى للوزير المختص والله كل حاجة بتتقري وبتاخد مجراها مش عايز نكون سلبيين
4. من يجد احد يتاجر في انابيب الغاز اغلى من سعرها يبلغ المحافظة فورا
خلينا ايجابيين
تحيا مصر

[nada mahamad]

السلام عليكم اهل محلة زياد الايام دى بدات تظهر كلام فى قريه محلة زياد ناس حاقده وعندها غل ضد ناس اخدو ارض البلد دى حقهم وارضهم دول حاقدين على الدكتور الى اخد نصف فدان من ارض السوق وبيقولو مرضاش يسيب شىء للبلد وبيقولو واحد كان اسمه بارز فى محلة زياد بيقولو كانت نفوذه واصله لحد اعضاء مجلس الشعب الى عايزه بيعينه فى الوحده المحليه او فى اى وظيفه بس يقدم فروض الولاء والطاعه ليه انا بقول دى مجدعه منه لانه كان بيحارب اى حد يفكر ينزل مجلس الشعب من محلى زياد بيقولو انه كان واقف مع ابو الخير وهو المتحدث باسمه ليه هو عائلة ابو الخير مبيعرفوش يتكلمو يمكن كلهم خرس المهم انا اعرف انك اشرف واحد فى محلة زياد حتى غلهم وصل ليك بيقولو انك وقفت مع الدكتور الى اخد نصف فدان من حق المداس واخدت منه مبلع كبير لانه بنيت بيتك منه ناس كدابين وحاقدين عليك المهم دى ناس فاديه وانا عارف انك مش بتشغل بالك بيهم ربنا معاك وبيقولو انك بعد الحزب بتاعك متفكك بقالك 10 سنين مش بتروح الشغ وبتاخد مرتبك لحد البيت بيقولو انك انت الى معين رئيس الوحده المحليه حتى السكرتير بتاعها وبيقولو انك بتلروح الشغل بالجلابيه هما حاسدينك على الجلابيه كمان والله ناس حاقده بس انا معاك والله انتى والشله بتاعك كلها والى مش عجبه يروح يسال رئيس المجلس الشعبى الى انتى معينه غصبن عن اهل البلد بلد حاقده لينا ربنا

[أستاذ/شفيق الأخضر]

توفي اليوم في حادث سيارة انقلبت على البحر
الأخ / حمادة محمد شلاطة
والدفنة بعد قليل
اللهم اغفر له وارحمه واسكنه فسيح جناتك

[أستاذ/شفيق الأخضر]

وقف شباب محلة زياد الواعي وقفة رجال امام بلطجة واستغلال سائقي الميكروباس في موقف البلدة اليوم
وغدا ان شاء الله وقفة أخرى وفقهم الله لكل خير

[أستاذ/شفيق الأخضر]

البقاء لله
انتقل الى رحمة الله تعالى فضيلة الشيخ عبد الرحمن الضويني
محفظ القران الكريم بالأزهر الشريف سابقا
ووالد الأستاذ الدكتور / محمد الضويني ( الأستاذ بجامعة الأزهر )

[رضا297]

ماشي يا سيدي .....وبعدين إحنا استفادنا إيه..........عامل شوية إعلانات لناس أنت تعرفهم .......يا عم الحاج هات حاجة مفيدة....بلاش تهريج

[أستاذ/شفيق الأخضر]

المشاركة الأصلية كتبت بواسطة رضا297

ماشي يا سيدي .....وبعدين إحنا استفادنا إيه..........عامل شوية إعلانات لناس أنت تعرفهم .......يا عم الحاج هات حاجة مفيدة....بلاش تهريج

ان كنت حضرتك شايف ان ده تهريج نشوف من حضرتك الجد
شكرا جدا لحضرتك
نتكلم عن رموز ومنشآت القرية التي نعيش فيها وعن مستقبلها وتقول تهريج
شكرا مرة اخرى لحضرتك

[أ/رضا عطيه]

بارك الله فيكم

[وجيده مصطفى]

مجهود رائع لك استاذ شفيق ولا تهتم

[طارق احمد عبد السلام]

لا الاه الا الله