للرد على اى سؤال او استفسار هنا فقط

[einstien]

معنى ان زادت كتلهالحمض 0.9 جم يعنى كتله ماء التبلر = 0.9 جم
اذا كتله كربونات الصوديوم الغير متهدرته= 1.43 - 0.9 = 0.53 جم
كتله المول من كربونات الصوديوم = 3 فى 16 + 12 + 23 فى 2 = 106 جم
0.53 جم كربونات غير متهدرته تعطى 0.9 جم ماء
106 جم كربونات غير متهدرته تعطى س جم ماء
كتله الماء = 106 فى 0.9 على 0.53 =180 جم
كتله المول من الماء = 2 + 16 = 18 جم
عدد مولات (جزئيات ) الماء = 180 على 18 = 10 جزىء المطلوب اولا
الصيغه العامه للبلورات هى Na2CO3.10H2O ek ثانيا

[maleez]

هو الباب الثامن اتحذف ولالم يحذف حتى الان

[محمود شقرون]

ما الفرق بين البنتان العادي والايزو بنتان

[مستر// فيكتور بخيت]

المشاركة الأصلية كتبت بواسطة محمود شقرون

ما الفرق بين البنتان العادي والايزو بنتان

البنتان العادى هو هيدروكربون يحنوى على 5ذرات كربون فى سلسلة مستقيمة

والايزوبنتان هو 2- ميثيل بيوتان اى توجد ذرة كربون متفرعة

ومن عندى لك

النيوبنتان هو 2و2-ثناثى ميثيل بروبان

[محمود شقرون]

طب في مركبات الالكينات زي البروبين بيتكب بصورتين في كتاب المدرسة ممكن حضرتك تشوفهم وتقولي ايه الفرق في صفحة 238 في مركب مسميه 1- بروبين وفي صفحة 245 في مركب مسميه بروبين والصيغة البنائية غير بعض ايه بقى الفرق بينهم عشان لابسين عندي وشكرا جزيلا لحضرتك

[مستر// فيكتور بخيت]

المشاركة الأصلية كتبت بواسطة محمود شقرون

طب في مركبات الالكينات زي البروبين بيتكب بصورتين في كتاب المدرسة ممكن حضرتك تشوفهم وتقولي ايه الفرق في صفحة 238 في مركب مسميه 1- بروبين وفي صفحة 245 في مركب مسميه بروبين والصيغة البنائية غير بعض ايه بقى الفرق بينهم عشان لابسين عندي وشكرا جزيلا لحضرتك

المركبين هم مركب واحد وهو البروبين وكلمة 1- بروبين خطاء فى كتاب الوزارة لانه اساسا
لا يوجد مركب اسمه 2- بروبين لانك بتعد من ناحية الرابطة المزدوجة

اما من ناحية الصيغة البنائية فهى هى جرب اكتب ذرتين كربون بينهما رابطة ثنائية ووزع عليهم 3 ذرات هيدروجين ومجموعة ميثيل بطرق مختلفةهتطلع بنفس الصيغ البنائية

[محمود شقرون]

يعنى المركب الثاني الى ذرات الكربون فيه متفرعة يسمى ايزو بروبين ولا ايه اي تشكلاته ؟

[مستر// فيكتور بخيت]

المشاركة الأصلية كتبت بواسطة محمود شقرون

يعنى المركب الثاني الى ذرات الكربون فيه متفرعة يسمى ايزو بروبين ولا ايه اي تشكلاته ؟

ما فيش مركبين هو مركب واحد لاحظ فى الصيغتين ذرتين كربون بينهما رابطة ثنائية وذرة كربون ثالثة مرتبطة برقم 2 فى المركبين ما فيش تفرع

[محمود شقرون]

يعنى الاتنين اسمهم بروبين من غير 1- بروبين بس الفرق بس في الصيغة البنائية ان الاول ذرات الكربون على خط مستقيم والتاني ذرات الكربون مش على خط مستقيم يعنى مفيش فرق في كده ؟

[أريج الإسلام]

السلام عليكم

من الباب الثانى .

1) الماغنسيوم أكثر نشاطاً من النحاس , و عليه فإن ..... هو الاقوى كعامل مؤكسد .

( Cu +2 / Mg / Mg +2 / Cu )

الاجابة هى ايون النحاس 2 ... لكن انا مش فاهماها .


______________________________


الباب الثالث .:

ازاى ارتب حسب الصفة القطبية ؟

يعنى الرابطة التساهمية القطبية يكون فرق السالبية بين عناصرها اقل من 1.7 لكن كيف ارتب مجموعة عناصر و مركبات ؟؟؟



______________________________

الصفة التساهمية اعلى ما يمكن فى مركب :

ALI3 , ALBr3 , ALCL3 , ALF3


______________________________

و فى كتاب الامتحان ص 63


رقم 38 يا ريت تفسير لحلها لانى بحسب مش بتطلع الاجابة الصح !

[أريج الإسلام]

فى انتظــــــــــار الاجابة

[محمود محمد صديق]

ارجو الحل سريعاااااااااااااااااااااااا
اذا كانت كتلة الخام المستخدم 5 طن ودرجة نقاوته 60% احسب كتلة الحديد بعد عملية الاختزال
ارجو الحل سريعاااااااااااااااااااااااا
من عباقرة الكيمياء

[محمود شقرون]

هي الالكانات العادية هي الي بتكون فيها ذرات الكربون على خط واحد مستقيم قصدي من غير تفرع بس لو فيه تفرع تبقى المركبات دي ايه يعني مثلا الصيغة الجزيئية دي c5h12 دي ممكن تترسم فيها ذرات الكربون على خط مستقيم وممكن تترسم بتفرعات انا بقى عايز اعرف الفرق بين المركبين هل هما اسمهم بنتان كده وخلاص ارجو ان قصدي يكون وصل وشكرااااااا

[أسامة النمر]

ممكن شرح ازاى نرتب حسب الصفه القطبيه يعنى مثلا
h20 / h2 / nh3
وياريت الشرح

[ام عبد الرحمن sh]

H2o >NH3>H2
اولا جزئ الهيدروجن مش جزئ قطبى لان فرق السالبيه الكهربيه يساوى صفر
اما الماء والنشادر فهى مركبات قطبيه لكن الماء اكثر قطبيه من النشادر
وذلك لان فرق السالبيه الكهربيه فى جزئ الماء(بين الهيدروجين والاكسجين) اكبر من فرق السالبيه الكهربيه فى جزئ النشادر(بين الهيدروجين والنيتروجين)
لان الاكسجين اعلى سالبيه كهربيه من النيتروجين
بس