ألـــــــو الخط الساخن

[Osama Saeed]

صلى صلاة استخارة

[TITOOOOOOHATRK]

بص انا جايب 97.3 وترتيبى 34000 بس انا بحب الاحياء مادة حلوة اوى اما الرياضة ممكن يغلس جامد بالنسبة للترتيب اعمل حسابك فى علوم ورياضة وفى ناس كتير غشت وده مش هيحصل السنة الجاية والامتحانات السنة الجاية هاتيجى صعبة طبعا يعنى مجموعك السنة الجاية هو اللى حيحدد مش السنة دى لو الامتحانات جت صعبة السنة الجاية وانت جبت 97 هتلحق صيدلة او اسنان مش معنى كدة انى بخوفك بس حتى فى الرياضة لو الامتحانات مجتش صعبة يبقى انت مش فى الامان برده يبقى مخاطرة بمخاطرة خش اللى بتحبه معلش طولت عليك

[Mohammed Salah Abbas]

شوف انت ميولك اية
لو بتحب الاحياء يبقى توكل على الله وكمل علوم ومتخليش اى حد يشتتك
لو بتحب الرياضة والفهم كمل رياضة
وقبل ده كله صلى استخارة

[meto_6120]

يا جماعة ممكن تقولولى ازاى اصلى صلاة استخارة

[ahmed doula]

بص يا سيدى هو اساسا الموضوع هايف شويه يعنى سوالك ده معناه انك مش عارف انت عايز تخش طب واللا هندسه
المهم انت مش هتلحق لا طب ولا صيدله وبجيبهالك من الاخر لان المجاميع لو مازدادتش مش هتقل وهتفضل زى ماهى يعنى الطب 98.6 والصيدله 97.5 وطبعا املك ضعيف انما الهندسه كلو بيخشها

[(منيرة)]

لو بتحب الاحياء وميولك تدخل كلية طب او صيدلة او اسنان او علوم...مش مستحيل

انا صديقتي كانت في ثالثة السنة دي وكانت جايبة 96.5 % في ثانية والسنة دي جابت 99 % بالمستوى ودخلت (طب بشري )

وصديقتي الاخرى كانت جايبة 93.4 % في ثانية والسنة دى جابت 97.3 % بالمستوى ودخلت ( صيدلة)

يعني فيه امل... المهم تذاكر جيدا السنة دي

[ahmed doula]

فيه طبعا امل بس ضعيف لان الاغلب ان درجه تالته اقل من درجه تانيه
بس لو مصمم على حاجه هتعملها

[(منيرة)]

وبالنسبة لصلاة الاستخارة ..... صلي ركعتين ( من غير الفريضة ) ثم قل : ( اللهم أستخيرك بعلمك وأستقدرك بقدرتك وأسألك من فضلك العظيم فإنك تقدر ولا أقدر و تعلم ولا أعلم وانت علام الغيوب اللهم إن كنت تعلم أن هذا الأمر ( ............. ) خير لي في ديني ومعاشي وعاقبة أمري فاقدره لي ويسره لي ثم بارك لي فيه وإن كنت تعلم أن هذا الأمر ( .......... ) شر لي في ديني ومعاشي وعاقبة أمري فاصرفه عني واصرفني عنه واقدر لي الخير حيث كان ثم ارضني به )

[costafela]

علا فكرة الترتيب كان كدا السنة اللى فاتت متقلقش من الترتيب كانت بنت خالتى جايبه السنة اللى فاتت 201 وكات ترتيبها داخل فى 9000 يعنى نفس المعدل تقريبا السنة دى . كمل وانشاء الله مش هتقل عن صيدلة

[amr1000]

شكرا لك قبل التحميل

[مداح احمد]

انا جايب 99 % وترتيبي ال 7000 على الجمهوريه وكنت محتار برضو اخش احياء ولا رياضه زيك كده صليت صلاة استخاره وخلاص دخلت احياء وهي ماده لذيذه جدا
وعلى فكره معانا ف درس الاحياء اصحابي اللي جايب زيك 96.6 % وف واحد جايب 94 ومعانا وتتخيل ف احد معانا جايب 90 ومكمل احياء
مش مهم المجموع المهم انت عايز ايه اللي عايز حاجة بالاصرار والعزيمه ممكن يحققها مهما كانت الظروف واهم حاجة ان انت تنسي ان انت جايب المجموع ده وتبدأ من جديد بروح جديده يعني انا نسيت ان انا جايب 99 اصلا علشان متغرش وانا لازم احسس نفسي اني لسه بادئ من الاول خالص
اخيرا اتمني التوفيق للجميع
اخوكم احمد صلاح

[ايمن عيش]

السلام عليكم ورحمة الله وبركاته
الي كل من ارسل لي علي الخاص يطلب النصيحة
1- من هو في حيرة من أمره فليصل صلاة الاستخارة
2- مفيش حاجة اسمها الامتحانات هتبقي صعبة ومش هفقل المادة والدليل علي كدة اننا كل سنة مهما كانت صعوبة الامتحانات في طلاب بيحصلوا علي الدرجات النهائية واللي وضع الامتحان بشر في وانا غيري من المدرسين واوضعي الكتب نفسهم انتم يا من حصلتم علي 95-96-97-98-99 الخ لم نحصل علي مجموعكم هذا والا لما عمل احدا مدرساً لاننا وقتها سنكون اطباء وصيادلة الي اخره الخلاصة اللي هيضع الامتحان واللي وضع الكتاب انت علميا بمجموعك اعلي منه ولكنه قرا المادة كثيرا لذا فانت قادر علي ان تتفوق عليه وكثير من الطلاب يفوقون كثيرا من المدرسين في كثيرا من المواد بل ستجد طلاب يفوقون الدكاترة في الجامعة
3- بالنسبة للهندسة ولا الصيدلة ولا الطب في مجال العمل أفضل احب أن اقول لكم ان العمل وفرصة الحصول عليه هو انك تسع ولك رزق ربنا سيحانه كاتبه لك ستناله في اي مجال اراده الله لك ومش معني انك تبقي طبيب ان انت تشتغل نفس الشئ لو انت صيدلي نفس الشئ لو انت مهندس او حتي لقدر الله مدرس
4- دعوكم من التشاؤم وكونوا متفائلين وخذوا بالأسباب كي تنالوا ما ترغبوا وأفضل هؤلاء الثلاث هو الطب وليس الصيدلة ولا الهندسة مع احترامي الكامل لهم ولخريجيهم وطلابهم لكن المهنة الوحيدة التي قد تستطيع خدمة اهلك ومجتمعك حتي لو انت مش معاك مليم هي الطب من غير حتي ماتغرم قرش.
5- انوي دخول الطب لخدمة اهلك ومجتمعك والمرضي المحتاجين كي تنال الثواب حتي ولو لم يكتب لك الله (بعد الشر) دخولها
6- لا تكونوا كسالي وترغبون ان تحصلوا علي ما ترغبون بدون تعب اجتهدوا ولكل مجتهد نصيب
مع أطيب امنياتي ودعواتي بان يكون عام خير عليكم وعلينا وعلي الجميع وان تنالوا ما ترغبون باذن الله تعالي

أ/ أيمن أبوعيش
0106746962

[أجمل زهرة]

جزاك الله خيرا ع الكلام

حتي لقدر الله مدرس [/size][/font]


lمفيش احسن من المدرسين بس هما مش متقدرين ف البلد دى


font=arial black]4- دعوكم من التشاؤم وكونوا متفائلين وخذوا بالأسباب كي تنالوا ما ترغبوا وأفضل هؤلاء الثلاث هو الطب وليس الصيدلة ولا الهندسة مع احترامي الكامل لهم ولخريجيهم وطلابهم لكن المهنة الوحيدة التي قد تستطيع خدمة اهلك ومجتمعك حتي لو انت مش معاك مليم هي الطب من غير حتي ماتغرم قرش.[/font]

لو سمحت عايزة افهم ازاى انا مش هغرم ولا قرش ف طب وانا هاقعد 7 سنين واكتر اجيب ف كتب وادوات
واخد فكورسات؟؟؟؟!!!!


5- انوي دخول الطب لخدمة اهلك ومجتمعك والمرضي المحتاجين كي تنال الثواب حتي ولو لم يكتب لك الله (بعد الشر) دخولها

ع فكرة اى حد ممكن يساعد المرضى والمحتاجين بس لو هو عااااايز

مش بيعملها لمجرد انه هياخد الفلوس عشان يعالج المريض

وفيه دكاترة كتير همهم الفلوس وبيقعدوا يطولوا ف العلاج ويغرمونا فلوس طبعا مش الكل


وحاجة كمان كل اللى بيكتبه ربنا خييير يعنى اللى مش هيدخلها دا شر ليه حضرتك بتقول كده؟؟؟

وتقبل مرورى ودى وجهة نظر انا مش باهاجم ولا بانتقد


والسلام عليكم

[ايمن عيش]

ياجماعة شكرا علي الردود ووجهة نظركم جميعاً صحيحة ولكن الكلام موجه لأفراد معينة بناءأً علي أسئلة معينة
وطبعاً كل واحد في عمله عارف ازاي يخدم اهله ومجتمعه مش بس الاطباء وطلاب وخريجي الهندسة لهم دور كبير في حياتنا والدليل اننا براسلكم حاليا والا ما تواصلنا
ولكن ان موجه الكلام لمن ليس له هدف ولامجال معين يحبه
شكرا علي ارائكم (السليمة) واتمني من الله ان تكونوا النماذج الجميلة التي يقتدي بها وان تكونوا نافعين ومثابين من المولي عز وجل
وربنا يوفقكم وتنالوا ما ترغبوا ان شاء الله وتكونوا سبباً لسعد أهلكم واحبائكم

[salma hanem]

انا عاوزة اسأل سؤال
هو التصحيح ف الاحياء نسبى؟
يعنى ممكن انا اجاوب سؤال
فمدرس يدينى فيه عشرة ومدرس يدينى تسعه؟؟؟؟
انا مش مصدقه الكلام ده
مش هو نموذج الاجابه بيبقى نفس نص كتاب الوزارة
واحنا بنجاوب منه
يعنى وممكن نزود كلام بالفهم

ايه الحيرة دى

نصيحة المدرسين؟؟؟


ملاحظة انا ف 2 ثانوى