تغيير المسمى الوظيفى بالبحيرة

[hob7a]

المشاركة الأصلية كتبت بواسطة shaerhamada

عشان متعرفوش الخبر من حد تانى فيه قرار تعديل مسمى وظيفى طلع من شئون العاملين بالمديرية برقم 138 بتاريخ 1/11/2011 . الاهم من كدة ان القرار خاص بالحصة اللى اتعينوا حديثا بالقرار 263 و المتعاقدين الجدد و منهم اللى اول شغلة كان بالحصة من 4 شهور يعنى اقدميتة لاتزال صفر . و الاغرب ان القرار طلع و اتمضى عليه من شئون العاملين و وكيل الوزارة و اتبعت للادارات يوم الاربعاء الماضى و الناس نصها نفذت فى اداراتها و المصيبة الكبرى ان فى ناس معاها دبلومات اتعملها تعديل عشان تبقى مدرسين فى مدارس اعدادى و ثانوى و المصيبة التانية ان القرار لم يوقع عليه اى موجة او حتى مدير تنسيق اى مرحلة بالمديرية يعنى طلع لوحدة من شئون العاملين بس و ممضى من وكيل الوزارة. و حسبى الله و نعم الوكيل......

يبقى المؤهلات العليا تستنى فى الابتدائى و الدبلومات تطلع مدرسين اعدادى و ثانوى</span>

يبقى المتعينيين باقدمية تزيد عن 7 سنين لازم ياخدوا موافقة التنسيق و اللى اقدميتة صفر يطلع اعدادى و ثانوى بدون اى عرض على التنسيق</span>

يبقى اصحاب المؤهلات العليا لازم التوجية يمضى عليهم عشان العجز و الزيادة لكن المؤهلات المتوسطة و تحت المتوسطة تطلع مدرسين اعدادى و ثانوى بدون امضاءات</span>

يبقى المؤهلات العليا تستنى لحد يوم 15/11 لما التنسيق و التوجيهات يمضوا عليهم بالموافقة و الدبلومات تطلع نشرتهم يوم 1/11/2011 قبلهم باسبوعين عشان ياخدوا مكانهم و بعدين الموجههين يقولولك مفيش عجز يا ابنى فى واحد دبلوم اقدميتة صفر اخد مكانك قبليك ايه رايك تروح وادى النطرون او ادكو فى عجز هناك</span>

يبقى اصحاب المؤهلات العليا لما تحب تعدل المسمى الوظيفى يقفوا بتوع التنسيق فى الابتدائى و الاعدادى و الثانوى و يقولك فيه ناس تعيين قديم عايزين ينقلوا مكانكم من ادارات بعيدة انت عايز تاخد مكانهم ازاى لكن لما بتوع الدبلومات يحبوا يغيروا مسمى لازم التعيينات القديمة تضرب لهم تعظيم سلام و بتوع التنسيق يادوا لهم التحية العسكرية</span>

يبقى اصحاب الماجستير و الدكتوراة لما يجبوا يغيروا مسمى وظيفى لازم يعملوا استمارة و يصوروا مؤهلاتهم و يختموها و يعملوا اقرار عشان يرجعوا ابتدائى بالندب بعد النقل دة ان نقلوا اساسا ... اما بتوع الدبلومات يطلعوا مدرسين اعدادى و ثانوى علطوووووووووووووووووووول...........</span>

و عجبى على الزمان الاسود اللى الواحد بيعيش فيه!!!</span>

حسبى الله ونعمه الوكيل ايه الاخبار دى على العيد
طيب هنعمل ايه

[احمد صلاح2]

و عجبى على الزمان الاسود اللى الواحد بيعيش فيه!!!

[احمد صلاح2]

كل سنة وانتم طيبين

[shaerhamada]

يا ريت الكل يبقى موجود يوم الاثنين الجاى لأن الموضوع كدة شكله هيوقف على الدبلومات و خلاص لأن 684 واحد هيسدوا العجز و الباقى وادى النطرون

[مصطفي اسماعيل الفار]

المشاركة الأصلية كتبت بواسطة shaerhamada

يا ريت الكل يبقى موجود يوم الاثنين الجاى لأن الموضوع كدة شكله هيوقف على الدبلومات و خلاص لأن 684 واحد هيسدوا العجز و الباقى وادى النطرون

انشاء الله كلنا هنكون موجودين

[فايزة علي محمد علي]

ايه حرق الدم ده على العيد دبلومات تنفذ بدون تعقيد واثنين مؤهل عالى امامه كل هذا التعقيد وكل يوم تقولوا وقفة ، وقفة ايه الوقفة مرت وما زلنا فى عصر التخلف ام بقى هنعمل حاجة صح فى حياتنا ويا موجودين اتعظوا بما فيه السابقون ولابد من اتخاذ موقف صحيح ولو مرة واحدة فى حياتهم .

[احمد صلاح2]

المشاركة الأصلية كتبت بواسطة مصطفي اسماعيل الفار

انشاء الله كلنا هنكون موجودين

يا ريت يوم الاثنين ان شاء الله نكون يد واحدة وكل واحد ينس هو خريج اداب ولا علوم ولا تربية ولا.ولا........الاهم اننا اصحاب مطلب واحد وهو تغير المسمى الوظيفى ولا تنازعوا فتفشلوا ويذهب ريحكم

ويا ريت نحدد مطالبنا وهى

1- ان يصدر الامر التنفيذى لاصحاب القرار رقم 275 بتاريخ 30-7-2011 مناصفة باصحاب القرار رقم 138 بتاريخ 1-11-2011

2- ان يتم توزيع كل واحد فى الادارة التابع لها مناصفة مع اصحاب القرار 138 بتاريخ 1-11-2011

[ملاك غير البشر]

السلام عليكم ورحمة الله وبركاته
كنت عاوزة استفسر من اي حد منكم هنا ليه ناس قبلت طلباتها وناس تانية لاء ده علي اي اساس ياتري
انا مثلا تربية شعبة طفولة ولكن حاصلة علي 2 دبلومة بتكنولوجيا التعليم وبحضر ماجستير الان ومعي عدد من الشهادات المتخصصة في الحاسب وكنت مقدمة طلب لتغير الوظيف ومش ظهر اسمي او عرفت سبب الرفض
وزميلتي كمان كانت علوم تدرس ابتدائي وكانت ترغب بالترقي للاعدادي رفض طلبها مع العلم انه بادارة اخري قبلت زميلتها نفس المؤهل والتقدير

احتا ادارة رشيد
ياريت يا جماعة بجد ال عنده اجابة يساعدنا ويبقي جزاه الله خيرا

[مسيو/أمير]

انت يا حماده بتاع كلام وبس وانت ليه مابترضش على زملائك فى التليفون وانا طلبت من الزملاء الحضور يوم الاربعاء الماضىالى المديرية ولكنك افسدة هذه الدعوة بكلامك يوم الثلاثاء فلم يحضر احد وادى النتيجة ضاع تعبنا .وحسبى الله ونعم الوكيل

[مسيو/أمير]

أنا شفت النشرة الخاصة بشئون العاملين يوم الاربعاء الماضى وسيتم تنفيذها من خلال الادارات التعليمية 0000مش التعليم الابتدائى اللى بيوقفالحال يالا نبقى رجاله ونقف لتنفيذ قرار 275

[مسيو/أمير]

أنا قابلت ا/محمد حشيش وا/محمدنجيب يوم الاربعاءالماضى و قالو لى اصحاب المرحلة الاولى من تغيير المسمى الوظيفى .كل واحد يذهب للتوجية الجديد ليسأل على أسمة يوم 15/11 لذلك لازم نروح ونقف وقفة رجالة...للتنفييذ بأذن الله
اخوكم /أمير بسيونى مدرس أول اللغة الفرنسية ان شاء الله

[مسيو/أمير]

لابد من الذهاب للمديرية وعدم الاعتماد على بعض والا حايروح تعبنا وربنا يستر
للاستعلام اخوكم /أمير بسيونى 01121846499
و حماده الشاعر 01223498857 وربنا يهديه ويرض عليكم

[السعداوي عبد المقصود]

الحمد لله رب العالمين

[حمدى أبوزيد]

المشاركة الأصلية كتبت بواسطة مسيو/أمير

لابد من الذهاب للمديرية وعدم الاعتماد على بعض والا حايروح تعبنا وربنا يستر
للاستعلام اخوكم /أمير بسيونى 01121846499
و حماده الشاعر 01223498857 وربنا يهديه ويرض عليكم

هيرد إنشاء الله وياريت يا أستاذ أمير تجيب كفر الدوار كلها
احنا تقريباً أبوحمص كلها جاية إللى له وإللى ملهوش

[hosar]

يعني ايه التوجيه الجديد؟ قصدك في الاعدادي ؟