ارجو من الجميع تجربه الغرفه الصوتيه من الان

[مسيو وليد عسكر]

استاذ احمد
الاسماء المطروحه مجرد اقتراح وليست الزام
انا شيلت اسمي منعا من اي كلام ممكن يتقال في نصلحه او منفعه
والله العظيم كل ما ابغيه الصالح العام
واي سلبيه رجاء تصحيحها بدل من النقد الهدام
صحح وناقش
لكن لا تحبطنا
كفانا احباط من فضلك
كلام حضرتك له اثر عكسي جداا
بيقلل من عزيمه الناس
خلينا نحاول ونصحح ونخطط صح بدل مانهدم ونقلل من عزيمه الناس
كفانا احباط يا مستر ارجوك
ناقشني علي الخاص وعلمني الصح وردني لو انا غلط
انما كده ماينفعش وعيب اوي

[Mr.Ahmed Fadel]

اولا انا مقلتش حاجه عيب عشان حضرتك تقولى عيب اوى
أما بالنسبه لموضوع الاقتراح انا اقترحت وقولت يتفتح باب الترشيح لمده معينه كام يوم قبل الانتخابات
عشان كله يبقى عنده نفس الفرص
لقيت الاستاذ ممدوح بيطلب منى انى اقرا الاعلان كويس
لبست نظارتى وقريت الاعلان وملقتش كلالم جديد يتقال غير اللى انا قلته
( للعلم انا مش حترشح ) بس مدرسين كتير بيتهموا مشرفين المنتدى اننا قافلين الشغل على نفسنا
الموضوع بتاع حضرتك ده بيأكد للناس رأيها
انا قلت ندى الناس كلها حق الترشيح
ونسيب الناس تقول رأيها
وبأكدلك ان اسماء كتير من اللى حضرتك اقترحتها حتنجح وانا بأيدهم لأنهم اصحابى جدا
بس المشكلة
منفرضش على نفسنا اسماء معينه .... ده مش حيخلى الناس تتجواب
لأ ... افتح باب الترشيح
ونعمل تصويت يوم الجمعه
الفكرة رائعةو انا مستخسرها انها تموت زى ما افكار كتير ماتت فى المنتدى وحضرتك عارف
كانم اجتماع اتعمل وخلص على مفيش بسبب ان فيه ناس بتحس ان مفيش شفافيه لا نعمل شفافية
عشان حتى اللى فشل فى الانتخابات يكون معاك
حتكون النتيجه كده ان حيكون معاك مجلس ادارة لرابطة لا يوجد بها مدرسين
زى نقابة المعلمين
احنا ولا بننتخبهم ولا نعرفهم
حد فينا بيفكر فيهم
لا طبعا
عشان كده عايزين نغير الفكرة بس
اما بالنسبة لحكاية ان حضرتك شلت اسمك من الاسماء المطروحة ... اسمح لى ده مش صح
ده حقك ... انت من اكتر المشرفين المتواجدين
وسبق انى رديت عليك فى موضوع قبل كده وقلت انى مكنتش فاهم معنى مشرف سوبر بس لما لقيت مشاركاتك عرفتها
على العموم
شكرا على ردودك
بس بفكر حضرتك
انا مقلتش حاجه عيب

[اسامه القزاز]

من اولها هنختلف مترشحين ولا متعينين فيه اه هى انتخابات مجلس الشعب ولا مجلس الشيوخ هى مجرد فكرة نابعة من قسم الكادر من استاذ وليد عسكر وبنقول يارب أول مرة هنجمع ونتحد يد واحد هنختلف على أمور بسيطة مين رئيس مين عضو مش مهم المهم نكون يد واحدة مرة فى العمر متعملوش بقى زى ( ...... و ....... ) فى الأرض الغالية ربنا يرجعها لنا قريبا ان شاء الله . أدعو الجميع للتكاتف للإتحاد لعدم التفرقة .

[omar1]

المشاركة الأصلية كتبت بواسطة اسامه القزاز

من اولها هنختلف مترشحين ولا متعينين فيه اه هى انتخابات مجلس الشعب ولا مجلس الشيوخ هى مجرد فكرة نابعة من قسم الكادر من استاذ وليد عسكر وبنقول يارب أول مرة هنجمع ونتحد يد واحد هنختلف على أمور بسيطة مين رئيس مين عضو مش مهم المهم نكون يد واحدة مرة فى العمر متعملوش بقى زى ( ...... و ....... ) فى الأرض الغالية ربنا يرجعها لنا قريبا ان شاء الله . أدعو الجميع للتكاتف للإتحاد لعدم التفرقة .

لا فض فوك يا أستاذ أسامة . فعلا هذه الفرصة لا يجب أن تضيع فى التشتت وعدم لم الشمل كما هو عهدنا دائما حيث نتفق على ألا نتفق. نرجو الهدوء و الترفع عن تلك الصغائر حتى تكتمل المسيرة.

[دكتور محمود فتحي]

يا جماعة انا عايز اعرف هل من حق المشرفين انهم هما اللى يرشحوا وهما اللى يكتبوا الاعلان ولا فيه ادارة ومجلس ادارة للمنتدى تتولى الكلام دة ثانيا ودة الاهم فين الادارة وفين صوت الحق من الموضوع دة كله ثالثا لو الموضوع انتخابات زى مابتقولوا يبقى مش من حق اى واحد ايا كان انه يكتب باسم المنتدى الا اعضاء مجلس ادارة المنتدى يعنى يا مستر وليد ممكن حضرتك توضحلي الموضوع حضرتك كتبته بصفة ايه بصفة مشرف ولا مدرس ولا عضو من اعضاء المنتدى له وجهة نظر بيعرضها . وممكن سؤال كمان لو سمحت هل عمل المشرف فى المنتدى انه يتحدث باسم الادارة ولا فيه ادارة بتنزل اعلان للترشيح دة لو كان فيه انتخابات ؟؟؟ مسيو وليد الموضوع ليس شخصي ويعلم الله كم احترمك لكن انا مش فاهم ايه اللى بيحصل مين اللى بيعلن ومين اللى بيرشح والموضوع دة مفروض مين اللى ينزله ولو مفروض ان حضرتك اللى تنزله هل من الصح ان تفرض اسماء بعينها وياريت حضرتك مش تقول ان دة ترشيح فقط لان كل اللى هااقوله لحضرتك ارجع لموضوعك واقراه تانى . اخيرا ياريت بلاش المنتدى يكون فيه اى مجاملات كل المطالب واضحة جدا الموضوع لو تعيين خلاص اختاروا الناس وخلاص انتهى الموضوع ولو انتخابات اعتقد انه مش حقنا كمشرفين اننا نعمل موضوع زى دة والا بالطريقة دى هاانزل موضوع عندي فى اولى ثانوى ارشح قائمة مرشحين ( على نفس طريقة حضرتك ) وطبعا فى الحالة دى مش هاتبقى ترشيح دة تعيين . ويبقى كل واحد فى المنتدى شغال بمزاجه . ياريت بلاش شغل التخبط ونحدد احنا عايزين ايه ونحدد مين المسئول ومين اللى من حقه انه يعلن وان اعلن هلى من حقه انه يضع ترشيحات ولا يسيب الموضوع بايدي اعضاء ومدرسي المنتدى

[طارق ممدوح ذكي محمد]

السلام عليكم ورحمة الله

والله حرام ................

ايه يا اخوانا في ايه كل ده علشان الراجل حاول يشتغل وياخد خطوة ايجابية

لازم لجان ولجان منبثقة واجتماعات وقرارات واعتراضات .. المسألة مش مستاهلة

ارحب باي زميل يمثلني لانه بالتأكيد يشاركني الهموم والامال ولا فرق عندي بين هذا وذاك

ومن غير تكليف او انتخابات اللي شايف انه قادر يعمل حاجة لزملائه يتفضل

استاذ وليد اخد المبادرة واقترح وخطط اللي عنده اقتراحات ومخطط افضل يتفضل

من فضلكم ( كلام قليل وعمل كثير )

سلام

[دكتور محمود فتحي]

يا جماعة انا شايف ان الموضوع بقى حاجة غريبة وكل واحد هايدخل يقول طيب ليه ده مش موجود ولية دى مش موجودة المفروض ان الموضوع دة يغلق من الاساس ويتم وضع موضوع واقعى ويحترم عقلية اعضاء المنتدى يحدد بالظبط الادارة عايزة ايه ؟؟؟ عايزة انتخابات يبقى تفتح باب الترشيح ... عايزة تعيين يبقى خلاص نفض الكلام فى الموضوع دة وعينوا اللى تعينوه ونخلص وبلاش اجتماع ولا غيره . ونريح نفسنا من الكلام اللى مش له اى لازمة ياريت يا مسيو وليد تقفل باب النقاش لعند صوت الحق يتخذ قرار مع مجلس الادارة وتحددوا انتم عايزين ايه لانى شايف ناس بتاخد قرارات وبعدين تكتب كلام وترجع تقول لا مش قصدنا ومش نيتنا يا جماعة ياريت نحترم عقليات بعضنا ونتكلم كلام معقول ونعرف عايزين ايه . وياريت حد من مجلس الادارة يتولي الموضوع دة والا يبقى اى مشرف ينزل موضوع عنده هو كمان ويثبته ويرشح اى حد وخلاص .

[شمس بياض]

جزاكم الله خيرا لما تبذلونه من اجل اخوانكم المعلمون

جزيتم جميعا الفردوس الاعلى من الجنه

[دكتور محمود فتحي]

مستر محمد عبد العظيم اسمح لي بعتاب صغير وهو ان حضرتك بتعتب على مستر احمد فاضل ان كلامه بيحمل فى طيلته الاعتراض ؟؟؟؟؟؟؟؟؟؟!!!!!!!!!!!!! وكأنه اتهام له او كأنه عيب او خطأ فادح ان يعترض او يبدي رأيه . ثانيا من الذى رشح هذه الاسماء المؤقته يا مستر محمد ؟؟؟؟؟ هل هو مستر وليد ؟؟؟ ام الادارة ؟؟؟ واذا كانت الادارة لماذا لم يقم احد من مجلس الادارة بوضع الاعلان ؟؟؟ ثم لو كانت الاسماء مؤقتة اذا هل هذا مجرد ترشيح ؟؟؟ منين مؤقته ومنين ترشيح ومنين ناس هاترفض وناس هاتوافق ؟؟؟ وليه من الاساس نكتب اسماء ناس لا نعلم ان كانوا سيرفضوا ام يقبلوا وهل من حق اى احد ان يقبل اذا كانت هناك انتخابات ؟؟؟؟؟ القبول هذا اذا كان تعيين يا مستر محمد ؟؟ اما لو انتخابات اعتقد انه ليس من المفروض بشكل او باخر ان يتم الاعلان بهذه الطريقة المستفزة لذلك لا اعتقد ان مستر احمد فاضل او اى زميل اعلن رايه ( اعتراضه ) قد اخطأ الخطأ من البداية ومن الموضوع نفسه ؟

[Mr.Ahmed Fadel]

الأستاذ المحترم وليد
بصراحة مش عارف اقولك ايه
انت مشرف محترم بجد
اسمح لى انى اعرض على الزملاء كلام سيادتك ليا على الخاص
اولا المجلس سيكون لمدة مؤقته شهر اتنين بالكتير ... مش سنه يعنى
وبعدين ستتم انتخابات على مستوى واسع لاختيار أعضاء مجلس الادارة
ثانيا الادارة ستوسع دائرة المرشحين الى عدد اكبر ... مش الاسماء المطروحة بس ...
الذين سبق ان قلت عنهم انهم جميعهم يستحقون المكان
انا كان قصدى عايز الناس تحس بشفافية ...
( يعنى اللى عايز يترشح يقول )
وبعد مناقشة حضرتك ليا على الخاص اتأكدت ان فيه شفافية كبيرة من جانب حضرتك
كفايه انك شلت اسمك من المرشحين ... مع انك المحرك الرئيسى للفكرة
على العموم انا كسبت صديق جديد محترم على المنتدى

[مسيو وليد عسكر]

عفوا استاذ احمد
الاختلاف في وجهات النظر وارد بين الاشقاء
المهم ان نستفيد من سلبياتنا ونعالجها
وجزاكم الله خيرا

[طارق يقطين]

و الله فكرة طيبة يارب تنجح

[مسيو وليد عسكر]

السلام عليكم ورحمه الله وبركاته
اخواني واخواتي وزملائي معلمي ومعلمات منتدي بوابه الثانويه
تم اليوم الاحد 30/11/2008 في اجتماع مغلق ضم بعض مشرفي الاقسام التعليميه في منتدي بوابه الثانويه عقد اول اجتماع تحضيري لاختيار رئيس مجلس الاداره للمجلس الموقت لرابطه معلمي مصر والذي سيمثل جموع معلمي مصر في الفتره القادمه وتم اتخاذ بعض القرارات باجماع الاعضاء كما يلي :
اولا :تكليف الاستاذ / عصام علي مدير منتدي بوابه الثانويه بالقيام باعمال رئيس مجلس اداره الرابطه.
ثانيا :ان يكون هذا المجلس مجلسا مؤقتا لمده سته اشهر لحين انعقاد الجمعيه العموميه وانتخاب مجلس اخر .
ثالثا:يكلف السيد رئيس مجلس اداره المنتدي باختيار خمسه اعضاء ليكونوا اعضاء مجلس الاداره القادم.
رابعا:يتم تكليف مجلس الاداره المؤقت بعمل ورقه عمل ومناقشتها في اجتماع يوم الجمعه القادم الموافق 5/12 في تمام الساعه الرابعه عصرا .
خامسا :تم الاعلان عن هذا القرار في منتدي بوابه الثانويه في الصفحه الرئيسيه .
والله الموفق.

[اشرف المصرى]

بالتوفيق ان شاء الله
واعتقد ان مجلس مؤقت فى البدايه يضمن الجديه والتحول التدريجى للانتحابات

[استاذ بدوى الدجوى]

المشاركة الأصلية كتبت بواسطة اشرف المصرى

بالتوفيق ان شاء الله
واعتقد ان مجلس مؤقت فى البدايه يضمن الجديه والتحول التدريجى للانتحابات

ايه يا عم وليد ؟
اشرف المصرى ده انا معرفوش
بس واضح انه بيفهم كويس اوى ..... تحول تدريجى
عملية نمو مش فرقعة وخلاص ولازم نتأكد من كل خطوة بنعملها
الموضوع معمول لاجيال قادمة مش لينا .... احنا دورنا وضع البذرة
و اللى هيكمل هو الشخص الدبلوماسى صاحب الوعى الديقراطى
اللى هيكمل هو الشخص الذى يتميز اسلوبه بالتحضر بعيدا عن الاستفزاز
اللى هيكمل هو الشخص الذى يتمتع بقدرة تدل على ما تعلمه ودرسه تدل انه مدرس
قدرة تدل انه معلم اجيال مش اى حاجة تانية ..... دون اى شجار او تسلط فى الرأى
واعتقد اننا اذا سمحنا بوجود مثل هؤلاء المستفذين بيننا لن نتقدم خطوة
اتمنى من مشرفى قسم الكادر ان يحذفوا اى مشاركة تغير مسار اى موضوع دون النظر لصاحب المشاركة مهما كان دون مجاملة لوضعه او شهرته علشان ما نندمش فى الاخر
ووقف من يستحق الوقف وابعاده عن هذا المكان الذى لا يقبل تدنيس
سنتحمل وزر السكوت عن الحق او تجاهل الاخطاء
والله الموفق
وتأكد ان اللى هيكونوا اعضاء مجلس الادارة هيكونوا قدها ويستحقوها
وانا شخصيا لن اكون فيهم بس سوف اقف لهم بالمرصاد
واللى هيخدها تشريفى يستحمل مقالاتى النقدية اللاذعة جدااااااااااااااااا
الخماسى ده هيهرب منها مش هيسعى لها ..... هى فوضى ؟
دول ممثلين للمعلم ..... يعنى لازم يكونوا احسن من الامريكان نفسهم