اللى داخل امتحان الكادر 26/7/2011 يدخل هنا

[مشتاقه لمصر]

السلام عليكم ورحمة الله وبركاته
اصدقائى الاعزاااااااااء
ندى الاستاذ محمود انج وهاب
كل الناس الحلوين
ازيكم والله فرحت جد لما لقتكم لسه فاتحين الموضوع

اولا الف الف الف سلامه يا الاستاذ محمود
ايه هو انتى عايز تخضنا عليك ؟؟؟
حالا تقوليلنا اخبارك وتطمنا عليك وان شاء الله خير


ثانيا ندى ايه اخبارك يا جميل والله وحشتينا
موضوع الترقيات دة ملخبطنى انا كمان ولما اوصل لحاجه فيه اكييييييييييييد هقولك

ثالثا انج وهاب
تسلمى يا جميل على متابعتك الجميله
واداء المجتهد
ربنا يجعله فى ميزان حسنااتك

[eng wahab]

السلام عليكم اختى العزيزة مشتاقة لمصر
اهلا بك نورتى الموضوع وان شاء الله منور بنا جميعا

[mahmoud1011]

ندى - المشتاقة لمصر - eng wahab - طارق نجاح - badnamef4

شكرا لدعواتكم وجزاكم الله الخير كله

أنا دلوقتي في مصر والحمدلله بقيت أحسن من الأول باقي إني انتظم شوية في الأكل والدواء وهبقى تمام بإذن الله وده بفضل دعواتكم المخلصة..

ربنا ما يحرمنيش منكم أبدا

[eng wahab]

السلام عليكم استاذ محمود
شفاك الله وعفاك ومصر نورت بك وان شاء الله تجد ما تتمنى

[mahmoud1011]

المشاركة الأصلية كتبت بواسطة eng wahab

السلام عليكم استاذ محمود
شفاك الله وعفاك ومصر نورت بك وان شاء الله تجد ما تتمنى

الله يسلمك يا eng ويارب تفضلي موجودة كده دايما منورة..

والله لا يحرمنا حضورك وتواصلك معانا..

وشكرا لذوقك ودعائك ويارب يجعله في ميزان حسناتك..

[mahmoud1011]

الحكومة تشكل لجنة "سداسية" لتعديل قانون كادر المعلمين

منقول : قال مصدر مسئول بوزارة التربية والتعليم، إن الحكومة قررت تشكيل لجنة تضم 3
من مساعدى الدكتور أحمد جمال الدين موسى، و3 من مساعدى الدكتور حازم
الببلاوى، نائب رئيس مجلس الوزراء ووزير المالية، لتتولى مسئولية تعديل
قانون الكادر رقم 155 لسنة 2011 ليصبح أكثر تمييزاً للمعلمين مالياً
وإدارياً.

وأكد المصدر لـ"اليوم السابع"، أن اللجنة المشتركة بين "التعليم"
و"المالية" بدأت عملها مساء أمس، الثلاثاء، تمهيداً لإعداد دراسة بتعديلات
قانون الكادر لعرضها على البرلمان المنتخب الجديد. وأضاف المصدر أن اللجنة
تتجه لزيادة نسب بدل الاعتماد "المرحلة الثانية من الكادر"، والتى تبدأ من
50 % للمعلم انتهاءً بـ 150 % لـ"كبير معلمين" مروراً بـ75 % لــ"معلم
أول"، و 100 % لـ"معلم أول أ" و125 % لـ"معلم خبير".

وذكر المصدر أن تشكيل اللجنة جاء بناءً على تعليمات من الدكتور عصام شرف،
رئيس الحكومة الانتقالية، بالتنسيق مع "جمال الدين" و"الببلاوى". وأوضح أن
"التربية والتعليم" حصلت من "المالية" خلال الأشهر الـ3 الماضية على 2.7
مليار جنيهات لتسديد الزيادة فى حوافز المعلمين ودفع قيمة ترقياتهم، مؤكداً
أن المعلمين سيحصلون على قيمة حافز الأداء، التى تتراوح بين 25 % و75%،
للمرة الأولى مع راتب شهر سبتمبر، على أن يحصلوا عليه بأثر رجعى من 1 يوليو
الماضى بموجب قرار رئيس مجلس الوزراء.

بس لسة مفيش جديد عن نتيجة كادر أغسطس

[mahmoud1011]

الخبر ده موجود في موقع الاكاديمية

تقرر فتح باب التقدم للترقي في وظائف كادر المعلمين للسادة المعلمين الذين مر عليهم 7 سنوات أو أكثر فى وظيفتهم على الكادر أو الدرجة المالية المناظرة قبل النقل على وظائف الكادر، أو 7 سنوات على الأقل فيهما معاً وعلى من يرغب في الترقي عليه التقدم بطلب الترقية لإدارة المدرسة التى ستتولى تسجيل طلب التقدم للمعلم على الموقع الالكترونى للأكاديمية المهنية للمعلمين لتحديد مكان تدريب كل معلم و موعد بدء الدورة التدريبية.

أنا تاريخ تعييني 1/7/2004 ومر على تعييني على الدرجة الثالثة أكتر من 7 سنوات..
بس المشكلة أنا دلوقتي ما اقدرش أعمل عودة للعمل..
وبيقولوا إن آخر موعد لتقديم الطلبات 30/9 ..
طيب لو أجلت موضوع التقديم ده شوية هتبقى مشكلة بعد كده والا إيه ؟؟؟ !!!!!
ندى تقريبا عندها نفس المشكلة
اللي عنده معلومات في الموضوع ده يفيدنا أفادكم الله

[ندي محمد ابراهيم المليجي]

السلام عليكم ورحمة الله وبركاته
الزملاء الافاضل
اصدقائي الاعزاء مشتاقة - محمود - انج وهاب

كيف احوالكم جميعاً وشكرا علي ذوقك يا انج وهاب وعلي ردك الرقيق .

كيفك يا محمود ؟
ولا أقولك أيش لونك ؟ أيش أخبارك طالما أنت كنت هنا بالكويت .
علي العموم حمد لله علي سلامتك مرة أخري .

أنا طبعا نفس مشكلتك ولكني كمان لما نزلت مصر علشان استقر هذه السنة فوجئت بأن عليا أن أنزل بدري جدا علشان اقدم اوراق أولادي للمدارس وكمان هناك لازم امتحان يتعمل ليهم لأنهم هنا بالكويت بمدارس أجنبية وقالوا كمان من المحتمل أنهم ينزلوا سنة يعني أبني بالصف الخامس حالياً ولو نزل مصر يبقي ممكن ينزل سنة دراسية يعني يكون بالصف الرابع فطبعاً أتصدمت يعني من أولها تضيع سنة علي ابني .


وفكرت أني أطلع أولادي من المدرسة هنا وأقدم ليهم بالسفارة بحيث أنهم يكونوا أخر سنة بمدرسة عربية علشان ما ينزلوش سنة كاملة من عمرهم ومن تعبي معاهم في المذاكرة وبردة مش هينفع هذه السنة لأني من شهر 6 لازم أكون دافعة المصاريف للسنة الجديدة.
فالمهم كل الامور دي مش هتتظبط غير السنة الجاية .
وكل شيء من عند ربنا بمقدار ونصيب .

وأيه أخبار نتيجة امتحان الكادر ؟؟؟ كانوا بيقولوا أنها من المفترض تبان خلال ال15 يوم اللي فاتت . بس أنا توقعت أنهم مش هيصدقوا في كلامهم وأتأخروا في أظهار النتيجة .

[waleed7988]

السلام عليكم ورحمة الله وبركاته

أخباركم أحبتي في الله أخي محمود وأختنا ومشتاقة وأختنا ندي

أتمني من الله عزوجل أن تكونوا في تمام الصحة والعافية

وألف مليون سلامة عليك يا محمود والله ما شوفت الموضوع غير الوقتي بس

لاني كنت مفكر أن مفيش حد بيدخل تاني بعد امتحانات الكادر

على العموم الف سلامة عليك ويارب تكون في تمام الصحة والعافية الوقتي طمني عنك

والله بجد مشتاقلكم كتير وللايام اللي فاتت أي نعم كانت ايام مايعلم بيها غير ربنا

حرق اعصاب وحرق دم بس كانت حلوة بيكم أنتم والله

وأخبار أختنا مشتاقة وندي ايه

وأن شاء الله ترجعي يا ندي لمصر السنه الجاية وتحققي كل اللي انتي نفسك فيه

وأنتي كمان يا مشتاقة ربنا يحققلك كل اللي نفسك فيك

وعذرا منكم جميعا كمان مرة لو كنت مقصر بالسؤال

وكمان مرة الف حمدالله على سلامتك يا محمود وطمني عندك

وحمدالله على سلامة وصولك لمصر وصدقني غعلا ما تزعلش

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

وسلامي للجميع

[eng wahab]

السلام عليكم ورحمة الله وبركاته زملائى الاعزاء
وعلى وجه الخصوص ندى ... الاستاذ محمود ... مشتاقة
اتمنى ان تكونوا بخير وصحة .,, الان نزل خبر فى اليوم السابع بيقول بدء تصحيح كادر المعلمين
الذين خاضوا اختبار 15 اغسطس 2011 والنتيجة سوف تظهر خلال اسبوعين والله الموفق للجميع

[mahmoud1011]

المشاركة الأصلية كتبت بواسطة waleed7988

السلام عليكم ورحمة الله وبركاته

أخباركم أحبتي في الله أخي محمود وأختنا ومشتاقة وأختنا ندي

أتمني من الله عزوجل أن تكونوا في تمام الصحة والعافية

وألف مليون سلامة عليك يا محمود والله ما شوفت الموضوع غير الوقتي بس

لاني كنت مفكر أن مفيش حد بيدخل تاني بعد امتحانات الكادر

على العموم الف سلامة عليك ويارب تكون في تمام الصحة والعافية الوقتي طمني عنك

والله بجد مشتاقلكم كتير وللايام اللي فاتت أي نعم كانت ايام مايعلم بيها غير ربنا

حرق اعصاب وحرق دم بس كانت حلوة بيكم أنتم والله

وأخبار أختنا مشتاقة وندي ايه

وأن شاء الله ترجعي يا ندي لمصر السنه الجاية وتحققي كل اللي انتي نفسك فيه

وأنتي كمان يا مشتاقة ربنا يحققلك كل اللي نفسك فيك

وعذرا منكم جميعا كمان مرة لو كنت مقصر بالسؤال

وكمان مرة الف حمدالله على سلامتك يا محمود وطمني عندك

وحمدالله على سلامة وصولك لمصر وصدقني غعلا ما تزعلش

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

وسلامي للجميع

وعليكم السلام ورحمة الله وبركاته

الله يسلمك يا وليد وشكرا لذوقك

والحمد لله إن احنا اطمنا عليك لأنك غايب من فترة

وبالنسبة لي أنا راضي بقضاء الله مهما يكون والحمد لله على كل حال

بشكرك يا وليد من كل قلبي ويارب نشوف حضورك وتواصلك معانا باستمرار

[mahmoud1011]

المشاركة الأصلية كتبت بواسطة eng wahab

السلام عليكم ورحمة الله وبركاته زملائى الاعزاء

المشاركة الأصلية كتبت بواسطة eng wahab

وعلى وجه الخصوص ندى ... الاستاذ محمود ... مشتاقة
اتمنى ان تكونوا بخير وصحة .,, الان نزل خبر فى اليوم السابع بيقول بدء تصحيح كادر المعلمين
الذين خاضوا اختبار 15 اغسطس 2011 والنتيجة سوف تظهر خلال اسبوعين والله الموفق للجميع

وعليكم السلام ورحمة الله وبركاته

الله يسلمك من كل شر يا eng

وبدعي معاكي من كل قلبي يارب يكون أخواتنا بخير ندى المشتاقة وليد

وشكرا ليكي على المتابعة وبإذن الله تبشرينا قريب بظهور النتيجة

[ندي محمد ابراهيم المليجي]

زملائي الاعزاء
أحبتي في الله مشتاقة - أنج وهاب - محمود - وليد

أنا مقصرة في الردود معلش أعذروني بس أنا متابعة علي طول صفحتنا بالمنتدي
طبعا كان الاسبوع الماضي بداية دخول المدارس فكنت مشغولة حبتين لأ ثلاث حبات بس بمجرد ما بلاقي وقت برد علي طووول .

أشكرك حبيبتي أنج وهاب علي ردك الحلووووووو ويارب زي ما قال أخونا محمود تبشرينا بالنتيجة إن شاء الله .

كيف حالك يا مشتاقة يعني أنتي عايزانا نقولك ووحشتينا قوي قوي عشان تردي علينا .
علي العموم نحن في أنتظار مشاركاتك وبلاش كسل مستنين ردك يا جميل .

الزميل الفاضل وليد أشكرك علي ردك ولكن عندي عتب عليك أنك تفاجأت بأننا مازلنا مستمرين بالمنتدي وأنك أفتكرت أننا خلاص مش هنكمل بالمنتدي
صدقني لما أقولك بأنني بحكم عدم تواجدي بالدراسة بمصر بس حاسة كأنني في وسط زملائي بالمدرسة وأخبار الكادر وأمتحانات الكادر يعني زي ماقلت قبل كدة مش هتقدر تغمض عينيك طالما هناك أمورنا كمدرسين غير واضحة المعالم .
علي العموم عايزين تواصلك إن شاء الله ياوليد بالمنتدي .

زميلي الفاضل محمود أشكرك علي رسالتك وإن شاء الله أنا قربت أكمل ال50 مشاركة علشان أقدر أستخدم الرسائل الخاصة وأبقي أرسل عليكم إن شاء الله
وطمنا علي صحتك وهل رجعت علي ( الديرة ) تاني ولا لسه بمصر .....

[مشتاقه لمصر]

السلام عليكم ورحمة الله وبركاااته
ندى- eng استاذ محمود - استاذ وليد
ولكل الناس اللى متابعين فى الموضوع
والله بجد وحشتوووووووونى ووحشنى تواصلى معكم
يارب تكونو بخير كلكم وكل واحد وصل لحلول لمشكلاته اللى قريتها فوق
استاذ محمود
ان شاء الله خير وربنا يسمعنا عنك كل خير
ندى معلش كل شئ له ضريبه
بس الولاد لما ينزلو سنه ان شاء الله هيريحوكى فى المذاكرة لان منهج اللغات فى مصر صعب علشان كده بندخل مثلا سنه اولى ابتدائى على 7 سنين انا ابنى 7 سنين ولسه داخل اولى ابتدائى لغات وده عن تجربة اخواتى واولادهم بيدى فرصه للاولاد لادراك المنهج كويس وبدون ضغط لا على ولى الامر ولا على الطفل
وربنا يعملك اللى فيه الخير
اما عن اخبااااااارى
كنت مسافرة ليبيا 10 ايام ولسه واصله يوم الجمعه (امس )
وطبعا مفيش هناك نت ولا حاجه
واول ماجيت فتحت وقلت اطمئن عليكم واطمنكم عليا
هقلكم على اخبار ليبيا بس بعدين اصل بكرة اول يوم فى الدراسه لاولادى وانا الدوام عندى من بكرة فاليوم فووول تانك انهارده
اسيبكم ولما اخلص الاشغال الشاقه اللى عندى
اجى ارغى معاكم واشوف الاخبار
سلاااااااااااااااااااااااام

[mahmoud1011]

المشاركة الأصلية كتبت بواسطة ندي محمد ابراهيم المليجي

زملائي الاعزاء
أحبتي في الله مشتاقة - أنج وهاب - محمود - وليد

أنا مقصرة في الردود معلش أعذروني بس أنا متابعة علي طول صفحتنا بالمنتدي
طبعا كان الاسبوع الماضي بداية دخول المدارس فكنت مشغولة حبتين لأ ثلاث حبات بس بمجرد ما بلاقي وقت برد علي طووول .

زميلي الفاضل محمود أشكرك علي رسالتك وإن شاء الله أنا قربت أكمل ال50 مشاركة علشان أقدر أستخدم الرسائل الخاصة وأبقي أرسل عليكم إن شاء الله
وطمنا علي صحتك وهل رجعت علي ( الديرة ) تاني ولا لسه بمصر .....

الأخت / ندي

السلام عليكم

أسأل الله أن تكوني بخير وعافية وسلامه

بخصوص تاخيرك عننا إحنا مقدرين ظروفك والله يكون في عونك و كفاية الغربة..

بس معلش هانت وفات الكتير..

بس احنا هنفضل نستنى مشاركاتك وتواصلك معانا لما تيجيلك أي فرصة

أنا الحمد لله بخير ويارب يسلمك من كل شر..

أنا موجود في مصر وبإذن الله احتمال أرجع أول شهر 11