اختبارات احياء ثانوية عامة من 1996الي 2004

[happinesssatan]

ياستاذنا وياخواتى الطلبة والطالبات انا عاوز اسال سؤال غريب شوية :
ص89 رسمة جهاز الكلى الصناعى بيقولو بالنص فكتاب المدرسة (يضخ الدم من شريان المريض) وموصل الانبوبتان فى الوريد وللاسف معظم الاساتذة ينقلون الرسمة بالنص فى مذكراتهم .
فالسوال هو :
هل الرسمة غلط والا فيه حاجه انا مش فاهمها

[a_sobh2000]

شكرااااااااااااا وجزاك خيراً يا سيدي

[محمود صلاح عبداللاه]

الصراحة الاحيار مادة كويسة جدا للدراسة اما محتاجة مجهود جبار ومحتاجة للتخصص يعنى انك تدرسها بس من غير حاجة تانية بس نعمل ايه فى نظام تعلليمنا الفاشل وعلى العموم بالمذاكرة وحب المادة والاتكال على الله هتحصل على الخمسين

[محمود صلاح عبداللاه]

انا مشكلتى كلها فى الاحساس مش عارف اعمل ايه فيه كل شوية بذاكره وانساه تانى بسرعة وكمان مش بقدر اجاوب على اسئلته الصعبة ارجوكم اقترحو عليا اعمل ايه..........وشكرا

[عاشق الليل الساهر]

السلام عليكم ورحمة الله وبركاته أنا كان عندى نفس مشكلتك وفى الاحساس برضو وحلتها بفضل الله انت حتقسم الفصل على 3 أجزاء الاول فى النبات والتانى من التآزر العصبى لحد التشابك العصبى والتالت من الجهاز العصبى لحد المستقبلات الحسية بالظبط ذى فى ملخص الامتحان لو كان معاك مقسمه عل تلت دروس تذاكر كل قسم مرة لوحده مش مع بعض وبعدين لازم تحل بعد المذاكرة مباشرة دون تأخير لأن الحل وحه هو الى بيثبت المعلومة انت ممكن تشوف الكلام دا عادى ومفهوش جديد لكن جرب وانت واثق فى انك حتنجح وصدقنى مش حتنساه ابدا بإذن الله ويارب اكون افدك بحاجة وادعيلى بالتوفيق والسلام عليكم ورحمة الله وبركاته

[a_sobh2000]

في نوع من الحيوانات يسود الشعر البني علي الأسود كما يسود الفراء الطويل علي القصير، عند تهجين ذكر أسود قصير الفراء بأنثي بنية طويلة الفراء ظهر 1/8 النسل الناتج أسود قصير الفراء _ فسر ماحدث علي أسس وراثية؟

[amothman123]

المشاركة الأصلية كتبت بواسطة happinesssatan

ياستاذنا وياخواتى الطلبة والطالبات انا عاوز اسال سؤال غريب شوية :
ص89 رسمة جهاز الكلى الصناعى بيقولو بالنص فكتاب المدرسة (يضخ الدم من شريان المريض) وموصل الانبوبتان فى الوريد وللاسف معظم الاساتذة ينقلون الرسمة بالنص فى مذكراتهم .
فالسوال هو :
هل الرسمة غلط والا فيه حاجه انا مش فاهمها

بيعملوا joint بين الوريد و الشريان علشان يسهلوا العملية
هو مشكلة الكتاب أنه ماقلش كدة و اكتفى بجملة مبهمة

[amothman123]

أنت متأكد من المسألة دى ؟!
أنا ماطلعتهاش غير مرة واحدة بس لما قولت أن اللون زى الصلع المبكر بس العكس
يعنى البنى سائد على الأسود بس البنى بيظهر فى الأنثى بوجود جين واحد سائد لتأثره بالهرمونات الأنثوية أما فى الذكر لا يظهر إلا بوجود جينين للصفة . يبقى الأنثى B+BLl و الذكر B+Bll
بس حاسس أنها غلط خالص .. جربتها بالمندل الثانى مانفعتش .. الارتباط مفيش .. العبور ماتلاقيش .. خدت واحدة منهم على كرومسومات X طلع 2 أسود قصير مش 1
على العموم سيبها هاحاول فيها تانى

[a_sobh2000]

المسئلة صحيحة 100% أرجو التفكير فيها مرة أخري هي فيها فكرة صغيرة جداااااااااااا

[amothman123]

المشاركة الأصلية كتبت بواسطة a_sobh2000

المسئلة صحيحة 100% أرجو التفكير فيها مرة أخري هي فيها فكرة صغيرة جداااااااااااا

لحظة واحدة هو أنت معاك الحل ؟!

[بقايا قلب]

لسه ما ذاكرتش الوراثه ... بذاكر لسه dna الاول

[عبدالحميد 2012]

(بذور الطماطم تعتبر زيجوت ام بويضه ناضجه مع التعليل؟؟

[zahraa Ashraf]

بذور الطماطم زيجوت لأنها ناتجة من إخصاب النواة الذكرية الأولى بخلية البيضة ، و لا يوجد في أي سلالة من سلالات الطماطم إثمار عذري لذلك لا يمكن اعتبارها بويضة ناضجة...

[عبدالحميد 2012]

تمام .... اشكرك جزيل الشكر....

[ايمن محمدحجاج]

توجد مجموعة فيديوهات تخدم مادة على الاحياء ماعليك الا الدخول على يوتيوب وتكتب ايمن حجاج أو فيس بوك ايمن حجاج

ولانسئلكم سوى الدعاء