اى شىء عن الهندسة اتفضل هنا

[Heba11heba]

انت ف فاروس يا titi ؟؟؟؟

[titi1]

المشاركة الأصلية كتبت بواسطة heba11heba

انت ف فاروس يا titi ؟؟؟؟

لا انا فى الجامعة المصرية الروسية

[princessDody]

طيب لو سمحت عايزة اعرف كليات هندسة معتمدة
و تكون ف حدود 15 ل 17 كدة مش اكتر
بس يكون التعليم فيها كويس مش اي كلام و تقولي نظام كل واحدة فيهم معلش استحملني
و ياريت يكون فيها قسم هندسة طبية
ميرسي

[titi1]

المشاركة الأصلية كتبت بواسطة princessDody

طيب لو سمحت عايزة اعرف كليات هندسة معتمدة
و تكون ف حدود 15 ل 17 كدة مش اكتر
بس يكون التعليم فيها كويس مش اي كلام و تقولي نظام كل واحدة فيهم معلش استحملني
و ياريت يكون فيها قسم هندسة طبية
ميرسي

ولا يهمك

اول حاجة الفلوس الى حددتيها تفرض على جامعة واحدة بس على حسب ذاكرتى وهى الجامعة الروسية الى انا فيها لان مصاريفها السنة دة 17 الف جنيهة بس ما فيها هندسة طبية

لاحظى انك حددتى جامعات فمافيش جامعة اساعرها فى الحدود دة الا الروسية اما المعاهد والاكادميات فية كتير

وبالنسبة لنظام الجامعة الروسية دة لينك انا كتبت فية كل حاجة عنها من سنتين بس لسة الكلام هو هو والنظام هو هو http://www.thanwya.com/vb/showthread.php?t=441609

تحياتى

[princessDody]

طيب معلش في فرق بين المعاهد و الجامعات ؟؟
لو كدة ايه المعاهد اللي ممكن ادخلها بالاسعار دي و تكون كويسة
اسفة بامانة طولت عليك معلش

[titi1]

المشاركة الأصلية كتبت بواسطة princessdody

طيب معلش في فرق بين المعاهد و الجامعات ؟؟
لو كدة ايه المعاهد اللي ممكن ادخلها بالاسعار دي و تكون كويسة
اسفة بامانة طولت عليك معلش

ولا يهمك اسئل براحتك مادام فية افادة ليك ...

المعاهد الى ممكن تدخلها حسب المجموع والتنسيق بتاعك زى معهد العاشر من رمضان ومعهد السلاب ومعهد الشروق

دة معاهد كويسة ونصيحة منى اقرء كل الصفحات احنا فى صفحة 22 انت امسك من صفحة 1 لحد 22 فية اسئلة واجابات كتيرة هتفيدك وتريحك ولو ما زالت عندك اسئلة اسئل براحتك

تحياتى

[princessDody]

متشكرة خالص

[titi1]

المشاركة الأصلية كتبت بواسطة princessDody

متشكرة خالص

العفو ......

[Noha Dyab]

السلام عليكم ورحمه الله وبركاته ،أولا مهندس خالد شكرًا جدا على مجهودك وحرصك على الرد ،ثانيا أتمنى ان ترد على استفساري أنا كنت جايبه فى تانيه ثانوى 96.8بالضبط انا علم رياضه ونفسى ادرس المعمار وده يعتبر حلم عمرى ممكن نصيحتك يعنى لو جبت مجموع يحصل هندسه وفنون عماره اختار أنهى أيهما أفضل انا خايفه لو دخلت هندسه مجبش تقدير فى اعدادى وبالتالي مدخلش عماره على أساس ان فنون عماره بتدرس المعمار على طول عكس هندسه انا كمان عايزه اعرف ايه نظام الرغبات فى اعدادى هندسه بالنسبة للتخصصات وخصوصا عماره،،،،،،،وشكرا جدا

[titi1]

المشاركة الأصلية كتبت بواسطة noha dyab

السلام عليكم ورحمه الله وبركاته ،أولا مهندس خالد شكرًا جدا على مجهودك وحرصك على الرد ،ثانيا أتمنى ان ترد على استفساري أنا كنت جايبه فى تانيه ثانوى 96.8بالضبط انا علم رياضه ونفسى ادرس المعمار وده يعتبر حلم عمرى ممكن نصيحتك يعنى لو جبت مجموع يحصل هندسه وفنون عماره اختار أنهى أيهما أفضل انا خايفه لو دخلت هندسه مجبش تقدير فى اعدادى وبالتالي مدخلش عماره على أساس ان فنون عماره بتدرس المعمار على طول عكس هندسه انا كمان عايزه اعرف ايه نظام الرغبات فى اعدادى هندسه بالنسبة للتخصصات وخصوصا عماره،،،،،،،وشكرا جدا

اول شىء مجموعك كويس ويارب تحافظى على نفس المجموع ان شاء الله واعلى كمان

تانى شىء انا من رن رائى الخاص تدخلى هندسة ومنها قسم عمارة علشان مستوى ارقى مع احترامى الفنون على طول بس انتى وقتها هتبقى هندسة وقسم عمارة يعنى اثنين فى واحد يبقى احسن ولالا


بالنسبة لخوفك ان يجيلك هندسة وما تلحقى عمارة ما تخلى دة يعملك مشكلة لسبب

الى يخليكى جايبة التقدير الكويس دة فى الثانوية العامة ان شاء الله هتجيبى احسن منة فى الكلية لانك عارفة ازاى المذاكرة كويس

وكمان العمارة مش بتختار من درجة عالية كدة علشان تخافى ما تجيلك

الاقسام فى هندسة بتتحدد من اعدادى على حسب تقدير الطالب ودة ترجع للكلية هى الى بتحد التقديرات اية للاقسام يعنى مثلا

ودة مثال فقط لان كل حامعة وليها تقديراتها الخاصة بيها

المدنى السنة الى فاتت فى جامعة القاهرة تقريبا كانت واخدة من جيد مرتفع

وباقى الاقسام مش عارف بس دة الى وصلى

المهم الهدف من الموضوع ان التقدير فى الكلية مش صعب خالص صعب على الى ما يعرف ازاى المذاكرة او الاجتهاد لاكن على الى يعرف ان شاء الله سهلة

وهقولك على حاجة بجد علشان ما تعتقدى انها كلام

انا كنت ثانوية عربى وكان تقديرى مش كويس فى الثانوية بمعنى الكلمة ودخلت الكلية وداخل تالتة هندسة دلوقتى وتقديرى العام جيد جدا والتالت على الدفعة

انا بس بقولك دة بجد تحفيز ليكى لا اكتر وانتى ليكى الاختيار براحتك

اى سؤال تانى اتفضلى

تحياتى

[ahmed_matador]

ايه رأيك فى هندسة المعهد العالى الكندى cic ... ؟

[eslam salah hussin]

لو سمحت كنت عايز اعرف موضوع التنسيق الى مش هينزل عن عشره فى المية فى المعاهد و خمسة فى المية ف الجامعات دة فعلن هيطبق و لو هيطبق اذاى و الجامعات معظم الى بيقدمو فيها اقل من 80 فى المية معنا كدة انها هتقفل

[titi1]

المشاركة الأصلية كتبت بواسطة ahmed_matador

ايه رأيك فى هندسة المعهد العالى الكندى cic ... ؟

الى اعرفة عنة انة يقع فى
التجمع الخامس – القاهرة الجديدة قطعة رقم (6) منطقة خدمات التعليم -بجوار أكاديمية مبارك للأمن.


والمعهد الدراسة فية كويسة



دة المعلومات العامة

[titi1]

المشاركة الأصلية كتبت بواسطة eslam salah hussin

لو سمحت كنت عايز اعرف موضوع التنسيق الى مش هينزل عن عشره فى المية فى المعاهد و خمسة فى المية ف الجامعات دة فعلن هيطبق و لو هيطبق اذاى و الجامعات معظم الى بيقدمو فيها اقل من 80 فى المية معنا كدة انها هتقفل

هو الى بيقدموا 80% فيما فوق مش اقل

بالنسبة لقرار النقابة لو مافيش فية جديد حتى لان بس الى ملاحظة ان الجامعات كلها اتفقت على 80% وكانة اتفاق مع النقابة كحل وسط

[ahmed_matador]

طب ال cic ولا msa ولا must ولا eru ؟