للرد على اى سؤال او استفسار مع أ/ محمد حسن ضبعون

[ahmed.www]

نعم التدريس فن وعلم ومهارة بس الكادر والجودة مبيعملوهاش

[ميدو حبيب بابا]

الله اكبر على شعب مصر

[ابو اسامة]

ااناشايف ان التدريس موهبة

[محمد عمار عبد الماجد]

التدريس علم
لو قلنا غير كده هايقفلوا كليات التربية

[hany wasel]

التدريس علم أم فن ؟
- التدريس علم وفن .
* التدريس علم: له أصوله وقواعده التي تساعد في فهم التدريس وتفسير ما يحدث في بيئة التعلم، والتنبؤ بما يحدث فيها تمهيداً للسيطرة على مجريات هذه العملية وتوجيهها نحو الأفضل .

* علم التدريس هام جداً للمبتدئين: لأنه يساعدهم في كسب المهارات الأساسية اللازمة لممارسة المهنة، وبعد إتقان هذه المهارات يأتي دور البراعة أو الفن .

* التدريس فن: حيث أن بعض مظاهره ذات طابع فردي أو شخصي، تلعب فيه خبرة المعلم وقيمه وعاداته ومفهومه عن التدريس دوراً مركزياً .

ولذلك يختلف المعلمون في تعاملهم مع مواقف التعلم المتنوعة وبراعتهم في استغلال كل فرصة متاحة لجذب انتباه طلابهم ودفعهم للمشاركة في نشاطات التعلم بشغف واهتمام .
كما يفعل الممثل تماماً على خشبة المسرح مستغلاً نبرات صوته وتعبيراته الجسدية، وسرعة بديهته في معالجة المواقف الطارئة واستثمارها.
يمزج المعلم في ممارساته بين التدريس كعلم والتدريس كفن ويتمثل ذلك في القول التالي: " إن ما عليه المعلم (مظهر فني) يمتزج بما يستخدمه في تدريسه (مظهر علمي) لتحديد ما يقوم به أثناء التدريس (علم وفن) " .

في كلية التربية نقوم بمساعدة المعلم في كسب الجانب العلمي في التدريس، وذلك من خلال تعليمه مختلف استراتيجيات التدريس وتدريبه على ممارستها في مختلف المواقف التعليمية، وبذلك يصبح معلماً كفوءاً .
بعض المعلمين يتمكنون من فن التدريس بعد ممارسته لفترة، وهنا يتحول المعلم من معلم كفء إلى معلم متميز .

[zatoun]

كلهم فى ان واحد

[msh835]

فى المقام الأول فن ثم مهارة وفى النهاية علم ومن يملك العلم وحده دون الآخريين سيكون مدرسا يشعر طلابه نحوه بعدم الارتياح وسيكون هو فى واد وطلابه فى واد

[محمد عمار عبد الماجد]

علم
لو قلنا غير كدا هايقفلوا كليات التربية

[islam_el2000]

شارك معنا في الوفد المسافر من الشرقيه الي مليونيه المعلم 10-9 امام رئاسه الوزراء للمشاركه والاستعلام اسلام الطاهر 0125316028

[محمد غمرى m]

[ايهاب العراقى]

بسم الله الرحمن الرحيم

الاخوة القائمين على هذا المنتدى الجميل ... كل عام و حضراتكم بخير

انا كتبت الموضوع ده لامر هام جداااا و الكل غافل عنه وهو حق المعلمالى بيحصل على الجوده: -

بالنسبه لموضوع الجودة انا كنت اعمل فى مدرسة تجريبية للغات فى ادارة الحامول التعليمية و انتقلت الان الى ادارة اخرى و هى ادارة بيلا التعليمية

اولا : انا مستفدتش حاجه فى الجوده دى غير مرتب الشهرين الى اخدتهم من الوزارة يعنى حوالى 274 جنية بالرغم اننا كنا بنعد لحد الساعه 10 باليل نشتغل فى المدرسة لمدة شهر كامل .

ثانيا : دلوقتى لما انا حبيت انقل ادارة تانية للاسف وزعونى على اسؤا مدارس و ابعد اماكن .. قلتلهم يا جماعه انا جاى من مدرسة و حاصل مع هذه المدرسة على شهادة الجوده قالولى ( سلمااااااااااااات يا جودة )

مش المفروض اننا واخدين شهادة ايزو ( زى ما ضحكوا علينا و قالولنا ان المعلم الى بيحصل على الجودة مع مدرسة مش بيتنقل غير على مدرسة بها جوده ) طبعا كل ده كلام فاضى

قالوا ان المدرسة الى هتاخد جودة من حقها تعدل فى المناهج و كلام فاضى كله طبعا كدب فى كدب

انا عايز اوصلكم فى الاخر ان الجوده بتعود على المدرسة فقط ... لكن المدرسين الى بيموتوا فيها علشان يرفعوا مستوى الطالب و سجلات و خلافه مش بياخدوا غير الشهرين من الاساسي فقط و لما يحولوا الى مدرسة تانية كانهم لسه متعينين جداد ولا لهم اى لزمه .

انا بقترح الاتى لو الجوده دى فعلا يكون ليها لزمة : 1- المعلم الى يحصل على الجوده ياخد شهادة من الوزارة معتمده بدخوله اى مدرسة يرغب فيها حتى لو هيطلع المدرس الموجود فيها من مدرستة الا اذا كان المدرس الاخر حاصل على نفس شهادة الجودة

2- زيادة راتب المعلمين الى بيحصلوا على الجوده شهريا مش يدلهم مرتب شهرين و خلاص ( و كان الله بالسر عليم )

لو الطلبين دول اتحققوا يبقى كل المدراس و المعلمين سيسعون الى الحصول على الجودة

لكن بالمنظر الى انا شايفه دلوقتى يبقى فعلا سلمات يا جوده

و ارجوا ان محدش يزعل من كلامى و خدوه موضوع نقاش... وشكرا على سعة صدركم

[أحمد التازى]

مع أحترامى الشديد أخى الفاضل لكلام حضرتك فرجاء أن ننظر لموضوع الجودة نظرة أعم وأشمل لأنها بداية تغيير واقع التعليم
فى المدرسة وأعتقد أنك لمست ذلك وعلينا أن نتجرد من البحث عن المكاسب الشخصية ونجعل قضية تطوير وتغيير واقع التعليم
المخذى والمؤسف فى مدارسنا قضيتنا كمدرسين فى المقام الأول لأنه مستقبل أبنائنا جميعاً وهم مستقبل الأمة وإذا كنت قد نقلت إلى مدرسة سيئة من وجة نظرك فلابد وأن يكون لك دور فى إحداث قدر من التغيير إلى الأفضل وأن تنقل لهم ولو جزء قليل مماتعرف عن الجودة ... أقول هنا لكل الزملاء الأعزاء بعيداً عن الجودة والحديث عنها أنه لكل منا دور هام جداً جداً لغيير واقع مدارسنا المحزن والذى يؤلم كل إنسان محب لربه مخلص لوطنه فنحن لم نكن فى حاجة للجودة بقدر حاجتنا إلى إناس يخشون ربهم فالجودة ماهى إلا اتقان العمل .... فعلينا جميعاً أن نحس بعضنا البعض على ذلك ونسع على الرزق بما يرضى الله عز وجل ونؤدى رسالتنا كما يحب الله عز وجل والتى لها خير الجزاء عند رب لايغفل ولاينام ... وأخيرا دعن أكرر مقولتك أرجو ألا تزعل منى وغيرك من الزملاء

[ايهاب العراقى]

المشاركة الأصلية كتبت بواسطة أحمد التازى

مع أحترامى الشديد أخى الفاضل لكلام حضرتك فرجاء أن ننظر لموضوع الجودة نظرة أعم وأشمل لأنها بداية تغيير واقع التعليم
فى المدرسة وأعتقد أنك لمست ذلك وعلينا أن نتجرد من البحث عن المكاسب الشخصية ونجعل قضية تطوير وتغيير واقع التعليم
المخذى والمؤسف فى مدارسنا قضيتنا كمدرسين فى المقام الأول لأنه مستقبل أبنائنا جميعاً وهم مستقبل الأمة وإذا كنت قد نقلت إلى مدرسة سيئة من وجة نظرك فلابد وأن يكون لك دور فى إحداث قدر من التغيير إلى الأفضل وأن تنقل لهم ولو جزء قليل مماتعرف عن الجودة ... أقول هنا لكل الزملاء الأعزاء بعيداً عن الجودة والحديث عنها أنه لكل منا دور هام جداً جداً لغيير واقع مدارسنا المحزن والذى يؤلم كل إنسان محب لربه مخلص لوطنه فنحن لم نكن فى حاجة للجودة بقدر حاجتنا إلى إناس يخشون ربهم فالجودة ماهى إلا اتقان العمل .... فعلينا جميعاً أن نحس بعضنا البعض على ذلك ونسع على الرزق بما يرضى الله عز وجل ونؤدى رسالتنا كما يحب الله عز وجل والتى لها خير الجزاء عند رب لايغفل ولاينام ... وأخيرا دعن أكرر مقولتك أرجو ألا تزعل منى وغيرك من الزملاء

استاذي الفاضل احمد شكراا على رد حضرتك و اهتمامك بالموضوع
انا مع حضرتك فى الى قلتة بس انا بقول ليه ميكونشى الاقتراحين الى انا قلتلهم دول كمان يكونوا اساس للجوده دا هيكون تحفيز لكل معلم لكن بصراحة لو حضرتك مكانى هتزعل جدااااا بعد التعب الى انت تعبته ده كله و فى الاخر تبدا من جديد فى مدرسة تانية و مجهودك يضيع

كمان المعيشة اصبحت صعبه فالطبيعى لازم نبحث على الماده .

[محمدعبدالرحمن محمد]

أنا مع حضرتك ياأستاذ أحمد نحن الآن فى بداية التطوير ومتأخرين عن الدول العربية التى طبقت نظام الاعتماد قبلنا بسنوات مش عارف ليه ، الجودة ما هى إلا اتقان العمل فقط لا غير ومش تكلفة ولا مظهره ولا مصاريف الحاجات دى احنا بتنوجه إليها لأننا بننظر للجودة على أنا مظاهر فقط الكلام دى غير صحيح لو المتعلم جيد والمعلم جيد حصلت المدرسة على الجودة وكل يوم فيه تطوير ومراجعة وتحديث للمعايير الممارسات أصبحت تركز على أهم شئ هو المتعلم والمعلم الآن هذين المجالين نصف الممارسات كلها الاتجاه للمنتج الحقيقى والباقى مجالات تخدم هذا المجال ولابد من ايماننا بهذا الموضوع ونعرف بأن كل جديد سيكون صعب المهم الايمان بهذا الشئ لكى نعطى فيه

[محمد شحاته على]

الأخ الكريم
الأستاذ / إيهاب العراقى
لن أضيف شيئا الى كلام كلا من الأخوين الكريمين
أ / أحمد التازى
و
أ / محمد عبدالرحمن
فالمصلحة العامة مقدمة على المصلحة الخاصة
وتقبلوا تحياتى ،