ايه اخبار تعيين أوائل الكليات ياجماعة؟

[mido12390]

ياأخوانى كله كلام قالوا فى شئون الخريجيين بنفس اللفظ والله .هل تتصور أن يتم تعيين كل ده هل هذا يصدقه عاقل ايه رأيكو فى الكلام ياأخوانى وماذا نفعل ؟ أحمد سعد

[mido12390]

والله هناك فى جامعة الازهر وفى مكتب حدمة المواطنين بالجامعة بيستهزأوا من كلام الدكتور رئيس الجامعة فى تعيين كل الحاصلين على جيد جدا وامتياز مع مرتبة الشرف وبيقولوا مش معقول الكلام ده أحلمو براحتكوا . أحمد سعد اول شعبة الجغرافيا تربية 2003.

[ام رهف]

المشاركة الأصلية كتبت بواسطة mido12390

والله هناك فى جامعة الازهر وفى مكتب حدمة المواطنين بالجامعة بيستهزأوا من كلام الدكتور رئيس الجامعة فى تعيين كل الحاصلين على جيد جدا وامتياز مع مرتبة الشرف وبيقولوا مش معقول الكلام ده أحلمو براحتكوا . أحمد سعد اول شعبة الجغرافيا تربية 2003.

بص حضرتك هو الموضوع فعلا شكله مش عقلانى دى رؤية عامة للكل انما لازم هيكون في تعيين معيدين ومعيدات والدكتور اسامة العبد هيحاول يصلح ماافسده السابقون قدر المستطاع انما كله في الاخر توقعات شخصية وكلام الموظفين نفس الشيء والله ماحدش ضرب رئيس الجامعة على ايده انه يبعت فاكس يطلب فيه حصر الاوائل بكرة هنشوف

[هدي امة الله]

يا الله .. حسبي الله ونعم الوكيل طب ممكن نعمل نقدم شكاو ي لجامعه الازهر او نعمل ايه ايه الاحباط ده

[mido12390]

والله ياأخت هدى ماانا عارف نعمل ايه بسى اللى اعرفه لازم نكون ايد واحدة ونعرف هو ليه صرح بكده اصلا هو عايز يعمل فبنا ايه

[mido12390]

اتمنى يام رهف ان يكون خير للجميع ان شاء الله

[meslmat]

بالتوفيق للجميع

[mohaenglish]

السلام عليكم
يا دكتور عبد الرحمن كنت بسال حضرتك اذا كان فيه تكرار فى المجموع يعنى مثلا الترتيب العاشر على الكليه مش واحد بس هنفترض انهم 5 طلاب جايبين نفس الدرجات هل هيتم اخذ الخمسه ولا سيتم المفاضله بينهم فى اشياء اخرى ؟؟؟؟ وبكده ممكن يكون العشرين الاوائل على الكليه 30 طالب على سبيل المثال !!!!

[د.عبدالرحمن المنياوي]

المشاركة الأصلية كتبت بواسطة mohaenglish

السلام عليكم
يا دكتور عبد الرحمن كنت بسال حضرتك اذا كان فيه تكرار فى المجموع يعنى مثلا الترتيب العاشر على الكليه مش واحد بس هنفترض انهم 5 طلاب جايبين نفس الدرجات هل هيتم اخذ الخمسه ولا سيتم المفاضله بينهم فى اشياء اخرى ؟؟؟؟ وبكده ممكن يكون العشرين الاوائل على الكليه 30 طالب على سبيل المثال !!!!

بص يا سيدي الدرجات الوظيفية اللي هتتوفر 20 بس لكل دفعة ...

طيب لو فيه زي ما بتقول تكرار داخل الترتيب يعني فيه 5 واخدين المركز العاشر مفيش مشاكل ياخدوهم كلهم بس اللي بعديهم هيكون رقم 15 في التعيين لأنهم أخدوا كده مكان من العاشر للرابع عشر وبكده أصبح فيه عشرين واحد بس هيتاخدوا ...

طيب لو الناس دول متكررين بس في المركز العشرين مثلا ... يعملوا إيه ؟!!!!!

ياخدوا واحد بس... إزاي؟!!!

المفاضلة تكون الأعلى تقديرا ثم الأعلى في مادة التخصص بالدرجات ثم الأصغر سناً

مثال :

محمد محمود - المركز الثامن عشر - تقديره العام جيد جدا - بنسبة 76%.
نبيل عثمان - المركز التاسع عشر - تقديره العام جيد جدا - بنسبة 75%.
كامل عرفة - المركز التاسع عشر مكرر - تقديره العام جيد جدا - بنسبة 75%.
أمين فاروق - المركز التاسع عشر مكرر - تقديره العام جيد جدا - بنسبة 75%.

الجواب :

كده محمد محمود هيتعين من غير مشاكل... وبكده هيكون فيه 18 واحد اتعين في الكلية ... وباقي مكانين فقط ...

طيب نبيل وكامل وأمين بيتنافسوا على مقعدين فقط ... ياخدوا مين ؟!!!

لو الثلاثة -زي المثال- ليهم نفس التقدير العام ونفس النسبة ونفس مجموع الدرجات ... يفاضلوا بينهم عن طريق الآتي:

مادة التخصص :
نبيل - مجموع درجات مادة التخصص في الأربع سنين 410 درجة
كامل - مجموع درجات مادة التخصص في الأربع سنين 430 درجة
أمين - مجموع درجات مادة التخصص في الأربع سنين 402 درجة

كده يبقى يعتبر كامل صحب المركز التاسع عشر ..
ونبيل صاحب المركز العشرين ..
أما أمين ... باي باي ...

يارب تكون المعلومة وصلت ....

د.عبدالرحمن المنياوي

[mohaenglish]

ارجو التوضيح من اعضاء الصفحه وشكراااااااااااااااااااااااااا

[أستاذة سارة]

السلام عليكم لو سمحتوا ياجماعة حد منكم يعرف اللي شغال مدرس بالحصة بيكون متأمن عليه ولا لأ؟ أرجو الافادة وجزاكم الله خيرا.

[د.عبدالرحمن المنياوي]

المشاركة الأصلية كتبت بواسطة أستاذة سارة

السلام عليكم لو سمحتوا ياجماعة حد منكم يعرف اللي شغال مدرس بالحصة بيكون متأمن عليه ولا لأ؟ أرجو الافادة وجزاكم الله خيرا.

اللي بالحصة ماوش تأمين ولا معاش .....

بس كمان مبقاش فيه حاجة بالحصة دلوقت ....

أصبح الكل بعقود شاملة ولوفيه حد لسه بالحصة يبقى المديرية بتاعته بتستهبل علشان الموضوع ده اتلغى ....

والعقود الشاملة لاتندرج ضمن القانون 155 لسنة 2007 الخاص بتنظيم الكادر الوظيفي في التربية والتعليم .. حيث أن ترتيب الوظائف يبتدي من معلم مساعد ........

[أستاذة سارة]

في ناس راحت الاعتصام امبارح ومتواجدين علي صفحة الفيس بوك بس هما مش راضيين يقولوا وصلوا لايه علشان زعلانين من اللى مرحوش معاهم يارب يقولولنا وصلوا لايه .

[mohaenglish]

شكرا يا دكتور عبد الرحمن على مجهودك الرائع معانا

[محمود السيد مصطفى]

بسم الله الرحمن الرحيم

السلام عليكم ورحمة الله وبركاته

حياكم الله جميعا وبياكم، وسدد على الطريق المستقيم خطاكم.

بداية أود أن أعرب لكم عن سعادتي البالغة بانضمامي إليكم.

ثم أود أن أشكركم على ما تقومون به من جهد جعله الله خالصا لوجهه.

ولي سؤال - واعذروني إن بدأت مشاركاتي بسؤال - فأنا في حاجة ماسة إلى معرفة جوابه.

أنا حاصل على ليسانس الدراسات الإسلامية والعربية / شعبة لغة عربية
بتقدير عام/ جيدجدا 82.50% دور مايو2009

ولا أذكر أكنت العاشر، أم الحادي عشر في الترتيب على القسم.

وعلى هذا فليس لي نصيب فيما ذكرتم من التعيين - هذا ما فهمته - والله المستعان.

ما يعنيني هو ( وهذا هو السؤال) في السنة الأولى من الكلية(كلية اللغة العربية بالمنصورة) لم أدخل الامتحان لا الترم الأول ولا الثاني،
ثم حولت بعد ذلك إلى كلية (الدراسات الإسلامية والعربية بدسوق / شعبة اللغة العربية) فكتبوا في بيان الحالة (باق للإعادة) مع العلم بأنني غائب في الأربع عشرة مادة.

دخلت وأتممت السنة وفي اعتقادي أنني سأحصل على تقديري كما هو فلما ظهرت النتيجة وجدت (التقدير/ مقبول) فسألت عن ذلك
فوجدت أن تقديري (جيد جدا) نزل (لمقبول) بسبب (باق للإعادة).

المهم حصلت في الثانية على امتياز، وفي الثالثة والرابعة على جيد جدا
والتراكمي / جيد جدا //

وأنا آخر الأوائل (الحادي عشر) كلهم عدا الأول جيد جدا

فهل من الممكن أن استعيد تقدير السنة الأولى الأصلي (جيد جدا)؟؟
حيث إنه سيجعلني (الثاني) على القسم، أو (الثالث) على أقصى تقدير.
وإن كان ممكنا فما هي الخطوات التي يجب علي أن أتبعها.
هل هناك قضية ترفع - مثلا -؟
أرجو من الدكتور (عبد الرحمن) إفادتي، وكذلك من الإخوة الأزهريين، وممن له علم بهذا الأمر.


أعتذر من الإطالة عليكم وأرجو إفادتي.......

تقبلوا ودي...