أنا والأذكياء .. online - الصفحة 21

Rymonda · #1 30-07-2009, 04:49 PM

يا سلامو عليكو

ya welcome beekom

يا رب تكونوا كويسين كده وتمام

خلينا نبدأ ونقول

بسم الله الرحمن الرحيم

عشان ربنا يباركلنا في اللي هنعمله

طبعا يا جماعه زي ما انتو عارفين احنا هنبدأ مسابقتنا اللي نوهنا عليها قبل كده

وركزوا معايا ربنا يباركلكم وانا هشرح كل حاجه

(الواد اللي قاعد ورا يركز هنا)

بصوا بقى .. مسابقتنا عباره عن حاجه ظريفه قوي

هتبدأ بمعاد (ساعه معينه يعني) .. وهتخلص بمعاد برضو

ماهي مش سايبه

احم احم

واحد يسألني ويقوللي عباره عن ايه المسابقه دي

اقوله اصبر يا ابني ..(لو صبر القاتل ع المقتول )

المسابقه يا سيدي ( ركز هنا ).. احم احم

المسابقه هيدخلها 4 متسابقين كل حلقه .. الـ 4 دول هيتنافسوا على 3 مراحل..كل مرحله عدد معين من الاسئله

(البت اللي بتهرش دي تركز معايا)

ركزوا معايا في الحته اللي جايه دي ربنا يباركلكم

اولا : المرحله الاولى ..هيدخلها الـ 4 متسابقين

هنزل انا الاسئله في الموضوع هنا

(اعداد مستر محسن طبعا)

وهيتفضل المتسابقين مشكورين يبعتولي الاجابه ع الخاص .. في برايفيت

وفي الاخر هنزل انا اجاباتهم كلهم في الموضوع .. ومعايا النتيجه

مع العلم ان لازم واحد فيهم هيطلع وهنكمل بــ 3

اكيد طبعا اكتر 3 حلوا صح هما اللي هيفضلوا معانا

واحد يسألني ويقوللي .. طب افرضي ياختي كلهم حلوا صح؟؟

ارد عليه واقوله.. يبقى هنا يا سيدي هيدخل عامل الوقت في الموضوع .. واخر واحد بعت الاجابات هو اللي هيتفضل مشكور يطلع

طب وبعد كده؟؟

بعد كده هندخل المرحله التانيه بالـ3 اللي معانا

ونفس الحكايه .. الاسئله تنزل.. الاجابات تتبعت ..النتيجه تطلع .. سعيد الحظ يستبعد

واحد يقوللي زي fear factor كده ؟؟

اقوله .. اسم الله عليـــــــــــك .. حاجه شبه كده
ندخل بقى في الجد بقى .. ونيجي لآخر مرحله .. واللي الحلقه معموله عشانها اصلا.. يعني المنافسه الجامده.. يعني الاتنين الجامدين اللي هيفضلوا

طبعا هيبقى التنافس اصعب

وبرضو هنزل الاسئله .. وهيبعتوا الاجابات .. وهنزل الاجابات واعلن الفايز ..(استرها يا رب انا خايفه )

وطبعا لكل مرحله وقت معين هنحدده ساعتها .. واللي هيتأخر عن الوقت هيعتبر منسحب.. وملهوش نتيجه عندنا.. احم احم

دا يعني ملخص كده.. ويا رب تكون الفكره وصلت

وعلى فكره تم الاتفاق مع اول 4 يا رب يكونوا استعدوا

كمان مش هنقف لحد كده.. لا .. دا احتمال بعد 4 حلقات ناخد الـ 4 اللي فازوا في كل حلقه .. وينافسوا قصاد بعض على حاجه جامده (لقب مثلا)

كفايا كده انا ايدي وجعتني

انتظروا الاعلان عن معاد المسابقه وعن المتسابقين قريبا قوي .. احتمال خلال ساعات

و أي استفسار تاني .. انا تحت امركم طبعاً

في رعاية الله