ارجو من الجميع تجربه الغرفه الصوتيه من الان

[اسامه القزاز]

من اولها هنختلف مترشحين ولا متعينين فيه اه هى انتخابات مجلس الشعب ولا مجلس الشيوخ هى مجرد فكرة نابعة من قسم الكادر من استاذ وليد عسكر وبنقول يارب أول مرة هنجمع ونتحد يد واحد هنختلف على أمور بسيطة مين رئيس مين عضو مش مهم المهم نكون يد واحدة مرة فى العمر متعملوش بقى زى ( ...... و ....... ) فى الأرض الغالية ربنا يرجعها لنا قريبا ان شاء الله . أدعو الجميع للتكاتف للإتحاد لعدم التفرقة .

[ممدوح مصطفى الانصارى]

المشاركة الأصلية كتبت بواسطة mr.ahmed fadel

وبعدين عندى سؤال
هو فين الاستاذ سيد عثمان من الاسماء المرشحة ... ولا حيرشح نفسه يوم الاجتماع برضه

دعنا نفكر بطريقة واقعية وبطريقة عملية اكثر ، اذا قلنا اين الاستاذ فلان او الاستاذ فلان فسنجد الكثير من اساتذتنا الاجلاء الذى نقدرهم حق قدرهم وننزلهم منازل الخالدين فى قلوبنا .
ولكن التشكيل المقترح عدد 5زملاء،فكيف يمكن استيعاب هذا العدد الذى نشرف به من اساتذتنا الاجلاء ؟؟؟
على اية حال اذا رغب الاستاذ/سيد عثمان . أو غيره من الأجلاء فهم شرف لنا وخير من يتكلم بلسان حق نيابة عن كل الزملاء ، وافسح له عند حب وتقدير ،لانها مهمة شاقة أدعو الله ان يعين كل زميل عليها .

[دكتور محمود فتحي]

يا جماعة انا عايز اعرف هل من حق المشرفين انهم هما اللى يرشحوا وهما اللى يكتبوا الاعلان ولا فيه ادارة ومجلس ادارة للمنتدى تتولى الكلام دة ثانيا ودة الاهم فين الادارة وفين صوت الحق من الموضوع دة كله ثالثا لو الموضوع انتخابات زى مابتقولوا يبقى مش من حق اى واحد ايا كان انه يكتب باسم المنتدى الا اعضاء مجلس ادارة المنتدى يعنى يا مستر وليد ممكن حضرتك توضحلي الموضوع حضرتك كتبته بصفة ايه بصفة مشرف ولا مدرس ولا عضو من اعضاء المنتدى له وجهة نظر بيعرضها . وممكن سؤال كمان لو سمحت هل عمل المشرف فى المنتدى انه يتحدث باسم الادارة ولا فيه ادارة بتنزل اعلان للترشيح دة لو كان فيه انتخابات ؟؟؟ مسيو وليد الموضوع ليس شخصي ويعلم الله كم احترمك لكن انا مش فاهم ايه اللى بيحصل مين اللى بيعلن ومين اللى بيرشح والموضوع دة مفروض مين اللى ينزله ولو مفروض ان حضرتك اللى تنزله هل من الصح ان تفرض اسماء بعينها وياريت حضرتك مش تقول ان دة ترشيح فقط لان كل اللى هااقوله لحضرتك ارجع لموضوعك واقراه تانى . اخيرا ياريت بلاش المنتدى يكون فيه اى مجاملات كل المطالب واضحة جدا الموضوع لو تعيين خلاص اختاروا الناس وخلاص انتهى الموضوع ولو انتخابات اعتقد انه مش حقنا كمشرفين اننا نعمل موضوع زى دة والا بالطريقة دى هاانزل موضوع عندي فى اولى ثانوى ارشح قائمة مرشحين ( على نفس طريقة حضرتك ) وطبعا فى الحالة دى مش هاتبقى ترشيح دة تعيين . ويبقى كل واحد فى المنتدى شغال بمزاجه . ياريت بلاش شغل التخبط ونحدد احنا عايزين ايه ونحدد مين المسئول ومين اللى من حقه انه يعلن وان اعلن هلى من حقه انه يضع ترشيحات ولا يسيب الموضوع بايدي اعضاء ومدرسي المنتدى

[محمد عبد العظيم وسية]

المشاركة الأصلية كتبت بواسطة mr.ahmed fadel

والله بصراحة انا مش فاهم حاجه

هى انتخابات ولا تعيين ولا ايه
تم تحديد 10 اسماء تقريبا للاختيار من بينهم
فهل تم فتح باب الترشيح واترشحوا ولا تم اختيارهم ولا ايه
لو تم اختيارهم انا شايف انها ناقصه اسماء خصوصا الاستاذة نداء الجنة
هذه الاستاذه تستحق ان تكون ضمن الاشخاص التى سيتم التصويت لهم
وبعدين لو كانوا بالاختيار ... أرجو ان يتم اختيار المجلس بالكامل
حندخل نعمل ايه بقى
خلوا المجلس عدده عشرة وعينوا الموجودين كلهم يفوقون العادة
بس عايزين نفهم
عشان منضيعش وقت فى الاجتماع ونقعد نشرح
وبعدين بتقولوا ده مجلس مؤقت
مؤقت لحد امتى
واللى حيجى بعد كده حيجى ازاى

والله انا مش فاهم حاجه

أستاذ أحمد فاضل ..

ــ
سيدي الفاضل ــ
(((((( الموضوع لا انتخابات ولا ترشيح ..
حضرتك ماخدش بالك ــ ان دي اسماء مرشحة مؤقته ... ناس كتير منهم هترفض تدخل ، وناس تانيه هترشح غيرهم ،،،،))))))))
ثم انت لم تلحظ أن مسيو وليد لم يكتب اسمه اصلا بينهم ..

أعتقد يا أخي الفاااااااااضل أحمد فاااااااااضل ..
أن عدم ذكر اسم مسيو وليد في موضوع مسيو وليد مشرف القسم ...
كان ردا كافيا على تساؤلاتك ...
وكان أفضل ألا تكتب هذا التعليق ... الذي يحمل بين طياته ... نوعا من الهجوم والاعتراض

أخي ... نحن نريد منك أفكارا تدفعنا إلى الأمام ... ولا نريد غير ذلك .
تحياتي واحترامي
لشخصكم الكريم .

[دكتور محمود فتحي]

يا جماعة انا شايف ان الموضوع بقى حاجة غريبة وكل واحد هايدخل يقول طيب ليه ده مش موجود ولية دى مش موجودة المفروض ان الموضوع دة يغلق من الاساس ويتم وضع موضوع واقعى ويحترم عقلية اعضاء المنتدى يحدد بالظبط الادارة عايزة ايه ؟؟؟ عايزة انتخابات يبقى تفتح باب الترشيح ... عايزة تعيين يبقى خلاص نفض الكلام فى الموضوع دة وعينوا اللى تعينوه ونخلص وبلاش اجتماع ولا غيره . ونريح نفسنا من الكلام اللى مش له اى لازمة ياريت يا مسيو وليد تقفل باب النقاش لعند صوت الحق يتخذ قرار مع مجلس الادارة وتحددوا انتم عايزين ايه لانى شايف ناس بتاخد قرارات وبعدين تكتب كلام وترجع تقول لا مش قصدنا ومش نيتنا يا جماعة ياريت نحترم عقليات بعضنا ونتكلم كلام معقول ونعرف عايزين ايه . وياريت حد من مجلس الادارة يتولي الموضوع دة والا يبقى اى مشرف ينزل موضوع عنده هو كمان ويثبته ويرشح اى حد وخلاص .

[شمس بياض]

جزاكم الله خيرا لما تبذلونه من اجل اخوانكم المعلمون

جزيتم جميعا الفردوس الاعلى من الجنه

[دكتور محمود فتحي]

مستر محمد عبد العظيم اسمح لي بعتاب صغير وهو ان حضرتك بتعتب على مستر احمد فاضل ان كلامه بيحمل فى طيلته الاعتراض ؟؟؟؟؟؟؟؟؟؟!!!!!!!!!!!!! وكأنه اتهام له او كأنه عيب او خطأ فادح ان يعترض او يبدي رأيه . ثانيا من الذى رشح هذه الاسماء المؤقته يا مستر محمد ؟؟؟؟؟ هل هو مستر وليد ؟؟؟ ام الادارة ؟؟؟ واذا كانت الادارة لماذا لم يقم احد من مجلس الادارة بوضع الاعلان ؟؟؟ ثم لو كانت الاسماء مؤقتة اذا هل هذا مجرد ترشيح ؟؟؟ منين مؤقته ومنين ترشيح ومنين ناس هاترفض وناس هاتوافق ؟؟؟ وليه من الاساس نكتب اسماء ناس لا نعلم ان كانوا سيرفضوا ام يقبلوا وهل من حق اى احد ان يقبل اذا كانت هناك انتخابات ؟؟؟؟؟ القبول هذا اذا كان تعيين يا مستر محمد ؟؟ اما لو انتخابات اعتقد انه ليس من المفروض بشكل او باخر ان يتم الاعلان بهذه الطريقة المستفزة لذلك لا اعتقد ان مستر احمد فاضل او اى زميل اعلن رايه ( اعتراضه ) قد اخطأ الخطأ من البداية ومن الموضوع نفسه ؟

[طارق ممدوح ذكي محمد]

السلام عليكم ورحمة الله

والله حرام ................

ايه يا اخوانا في ايه كل ده علشان الراجل حاول يشتغل وياخد خطوة ايجابية

لازم لجان ولجان منبثقة واجتماعات وقرارات واعتراضات .. المسألة مش مستاهلة

ارحب باي زميل يمثلني لانه بالتأكيد يشاركني الهموم والامال ولا فرق عندي بين هذا وذاك

ومن غير تكليف او انتخابات اللي شايف انه قادر يعمل حاجة لزملائه يتفضل

استاذ وليد اخد المبادرة واقترح وخطط اللي عنده اقتراحات ومخطط افضل يتفضل

من فضلكم ( كلام قليل وعمل كثير )

سلام

[omar1]

المشاركة الأصلية كتبت بواسطة اسامه القزاز

من اولها هنختلف مترشحين ولا متعينين فيه اه هى انتخابات مجلس الشعب ولا مجلس الشيوخ هى مجرد فكرة نابعة من قسم الكادر من استاذ وليد عسكر وبنقول يارب أول مرة هنجمع ونتحد يد واحد هنختلف على أمور بسيطة مين رئيس مين عضو مش مهم المهم نكون يد واحدة مرة فى العمر متعملوش بقى زى ( ...... و ....... ) فى الأرض الغالية ربنا يرجعها لنا قريبا ان شاء الله . أدعو الجميع للتكاتف للإتحاد لعدم التفرقة .

لا فض فوك يا أستاذ أسامة . فعلا هذه الفرصة لا يجب أن تضيع فى التشتت وعدم لم الشمل كما هو عهدنا دائما حيث نتفق على ألا نتفق. نرجو الهدوء و الترفع عن تلك الصغائر حتى تكتمل المسيرة.

[Mr.Ahmed Fadel]

الأستاذ المحترم وليد
بصراحة مش عارف اقولك ايه
انت مشرف محترم بجد
اسمح لى انى اعرض على الزملاء كلام سيادتك ليا على الخاص
اولا المجلس سيكون لمدة مؤقته شهر اتنين بالكتير ... مش سنه يعنى
وبعدين ستتم انتخابات على مستوى واسع لاختيار أعضاء مجلس الادارة
ثانيا الادارة ستوسع دائرة المرشحين الى عدد اكبر ... مش الاسماء المطروحة بس ...
الذين سبق ان قلت عنهم انهم جميعهم يستحقون المكان
انا كان قصدى عايز الناس تحس بشفافية ...
( يعنى اللى عايز يترشح يقول )
وبعد مناقشة حضرتك ليا على الخاص اتأكدت ان فيه شفافية كبيرة من جانب حضرتك
كفايه انك شلت اسمك من المرشحين ... مع انك المحرك الرئيسى للفكرة
على العموم انا كسبت صديق جديد محترم على المنتدى

[مسيو وليد عسكر]

عفوا استاذ احمد
الاختلاف في وجهات النظر وارد بين الاشقاء
المهم ان نستفيد من سلبياتنا ونعالجها
وجزاكم الله خيرا

[mah999er]

اعتقد بعد حذف مشاركتى الاخيرة من قبل المشرف ان الرد على استفساراتى وصل

سؤالى كان عن منهج الرابطة واهدافها

وردك وصلنى

اشكرك

[طارق يقطين]

و الله فكرة طيبة يارب تنجح

[مستر احمد يحيى]

بارك الله فيكم وعلى بركه الله

[sssahmed]

لو سمحت يا مسيو وليد
بطريقة مبسطة تشرح لنا نعمل ايه للدخول الى الغرف الصوتية
انا دخلت والنتيجة انه لم يجد سيرفر
ونكتب ايه فى اسم المستخدم ( نفس اسم الدخول ام غيره )
و نحب نعرف الاوقات التى يمكن الدخول الى الغرف الصوتية

و شكرا لسعة صدرك لسماعنا