ملتقى طلاب الصف الثالث الثانوى (علمى علوم) 2014

[Solty Ray]

انا لقيت الاجابة
مكتوب في الملخص
صخور رسوبية عضوية وبيوكيميائية:مثل الصخر الجيري وصخور الفوسفات والفحم وصخور المصدر والطفل النفطي
والتعليل اعتقد انه:لاتعبر صخور المصدر والطفل النفطي صخور رسوبية فتاتية لان الفتاتية تقسم حسب الحجم السائد لمكوناتها الاصلية
اتمنى اكون افدتك

[Solty Ray]

انا عندي اسئلة في الكيمياء اتمنى اللي يعرفها يجوبها
س1 علل:
1-الغلاف الجوي للارض في بداية تكوينها كان غلافا مختزلا.
2-تفاعل الاكانات بالاستبدال.
3-تعتبر الخلايا الجلفانية خلايا انعكاسية.
4-لا يمكن اعادة شحن الخلايا الجلفانية الاولية.
س2 اكتب المصطلح العلمي:
1-نظام يتكون من وعاء به موصل مغمور جزئيا في محلول املاحة.
2-جسيمات مادة غنية بالالكترونات وتتجه نحو الانود في الخلايا الحليلية.
س3 كيف تميز بين:
1-الايثين_الايثاين
2-الايثانول_الايثانويك
3-الايثانول_الاسيتيك
4-مركب عضوي_مركب غير عضوي
5-الايثانول_هيدروكسيد الصوديوم
س4 ماذا يقصد بكل من:
1-كشف الحامضية.

[&الوردة الزرقاء&]

المشاركة الأصلية كتبت بواسطة Yasmeena.R

اصلا يابنتى كل الاختيارات سيادة تامة ،،

وبيقول نوعين من الامشاج يعنى نوعين من الصفات


هى لو نوعين على اساس صفتين يبقى الاجابة Aa


اما لو عدد الامشاج دا عدد الامشاج نفسها لما بتنقسم العوامل وهوا مش عايز دا

فانتى هل انتى استبعدتى Aa على اساس انهاحالةسيادة تامة فهمن كلهم سيادة تامة ؟؟ ولو ليكى رأى تانى قوليلىيمكن فاهمة غلط

بصي اولا انا كتبت انها سيادة تامة وانا اقصد انعزال العوامل
بس مش ده موضوعنا

انتي حلتيها على اساس انهم كلهم سيادة تامة صح

انا بقى حلتها على اساس ان كلهم جينات متكاملة و Aa انعزال عوامل

اول حاجة AABb و AaBB احنا مش مختلفين عليهم

Aa بيدي 2 مشيج

زي مثلا المسألة دي

P : Aa * Aa
G : A a A a
F : AA / Aa / Aa / aa

لانه هنا Aa مش مشيج لا ده فرد

انتي قولتي ان كلهم بيدوا النوع a , b
مافيش اصلا ولا واحدة منهم بتدي a لوحدها او b
لازم يدوا ab على بعض
ماعدا Aa لانها اصلا مينفعش احللها في حالة انعدام السيادة او الجينات المتكاملة
متنفعش غير في القانون الاول لمندل اللي هو انعزال العوامل
واصلا لو هحلها زيك سيادة تامة لازم برضو تدي ab مع بعضهم مينفعوش منفصلين

على العموم اول حصة احياء هروحها هسال فيها المستر ان شاء الله

[محمد أبوالفضل]

المشاركة الأصلية كتبت بواسطة solty ray

انا لقيت الاجابة
مكتوب في الملخص
صخور رسوبية عضوية وبيوكيميائية:مثل الصخر الجيري وصخور الفوسفات والفحم وصخور المصدر والطفل النفطي
والتعليل اعتقد انه:لاتعبر صخور المصدر والطفل النفطي صخور رسوبية فتاتية لان الفتاتية تقسم حسب الحجم السائد لمكوناتها الاصلية
اتمنى اكون افدتك

أولا :- شكرا على الرد والإجابة
ثانيا :- بعض المدرسين بيقولوا نفس إجابتك دى
والبعض الأخر من المدرسين بيقولوا إنها صخور رسوبية فتاتية لأن صخور المصدر والطفل النفطى هى صخور طينية من التعريف الموجود بالكتاب المدرسى

[مادوكا]

المشاركة الأصلية كتبت بواسطة solty ray

انا عندي اسئلة في الكيمياء اتمنى اللي يعرفها يجوبها
س1 علل:
1-الغلاف الجوي للارض في بداية تكوينها كان غلافا مختزلا.

2-تفاعل الاكانات بالاستبدال.

3-تعتبر الخلايا الجلفانية خلايا انعكاسية.
لانه يمكن اعادة شحنها مرة اخريبتوصيلها بمصدر تيار كهربي خارجي اتجاهه عكس
اتجاه تيار التفريغ
4-لا يمكن اعادة شحن الخلايا الجلفانية الاولية.
لان تفاعل (الاكسده-الاختزال)يتم فيها بشكل تلقائي غير انعكاسي
س2 اكتب المصطلح العلمي:
1-نظام يتكون من وعاء به موصل مغمور جزئيا في محلول املاحة.
2-جسيمات مادة غنية بالالكترونات وتتجه نحو الانود في الخلايا الحليلية.
س3 كيف تميز بين:
1-الايثين_الايثاين
- التميز بين الايثين والايثاين باستخدام تفاعل باير
( إضافة محلول برمنجنات البوتاسيوم البنفسجية فى وسط قلوى لكل منهما على حدة )

أ - فى حالة الأيثين يزول لون البرمنجانات البنفسجى لتكون الأيثيلين جليكول

ب - فى حالة الأيثاين لا يزول لون البرمنجانات

2-الايثانول_الايثانويك

بإضافة كربونات أو بيكربونات صوديوم لكل منهما على حدة .
المشاهدة : 1- حمض الايثانويك يحدث فوران ويتصاعد غاز ثانى أكسيد الكربون يعكر ماء الجير لفترة قصيرة.

2- الايثانول لا يتفاعل.

3-الايثانول_الاسيتيك
4-مركب عضوي_مركب غير عضوي
5-الايثانول_هيدروكسيد الصوديوم
س4 ماذا يقصد بكل من:
1-كشف الحامضية.
تفاعل الاحماض الكربوكسيلية مع بيكربونات اوكربونات الصوديوم.
بس متهئلي الشؤال ده ملغي
والله اعلم بردو

هو انا جاوبت ع اللي اعرفه دلوقتي وان شاء هحاول اشوف باقي الاجابات
واجاوبلك ع باقي الاسئله ان شاء الله

بالتوفيق ليكي ان شاء الله

[مسلمة متفائلة]

أوجد النسبة بين مقداري المقاومتين اللتين إذا وصلتا على التوالي كانت المقاومة المكافئة لهما 4 أمثال مقاومتهما المكافئة عند توصيلهما على التوازي.

[Solty Ray]

يا جماعة انا عايزة اجابات امتحانات السنين في الفرنساوي

[مسلمة متفائلة]

المشاركة الأصلية كتبت بواسطة solty ray

انا اعتقد ان الاجابة 1توالي:4 توازي
اتمنى تكون الاجابة صح

طيب ممكن تفسريها ؟

أنا مشيت فيها بس وقفت في النص

قيمة مقاومتهم على التوالي = 4 أمثال قيمة مقاومتهم على التوازي

r1+r2= 4r1 r2 /r1+r2

وضربت طرفين في وسطين وجربت حاجات كتير بس بتوقف معايا

[Solty Ray]

لأ انا فهمت السؤال غلط
يعني الحل ده مش صح

[midos20]

المشاركة الأصلية كتبت بواسطة Solty Ray

انا عندي اسئلة في الكيمياء اتمنى اللي يعرفها يجوبها
س1 علل:
1-الغلاف الجوي للارض في بداية تكوينها كان غلافا مختزلا.
ج1/لسيادة بعض الغازات التي لها خواص اختزالية مثل الهيدروجين والميثان والنشادر وبخار الماء والتي يعتقد انها سادت الغلاف الجوي في بداية تكوينه
2-تفاعل الاكانات بالاستبدال.
ج2/لانها مركبات مشبعه ولا تحتوي على روابط من النوع باي (مش متاكد)
3-تعتبر الخلايا الجلفانية خلايا انعكاسية.
متهيألي كدة نسي يكتب (الثانوية)
4-لا يمكن اعادة شحن الخلايا الجلفانية الاولية.

س2 اكتب المصطلح العلمي:
1-نظام يتكون من وعاء به موصل مغمور جزئيا في محلول املاحة.
القطب
2-جسيمات مادة غنية بالالكترونات وتتجه نحو الانود في الخلايا الحليلية.
الايونات السالبة
س3 كيف تميز بين:
1-الايثين_الايثاين

2-الايثانول_الايثانويك
3-الايثانول_الاسيتيك
(الاتنين واحد)
بإضافة كربونات أو بيكربونات صوديوم
4-مركب عضوي_مركب غير عضوي
التفاعل بتاع ماء الجير وكبريتات النحاس اللامائية
5-الايثانول_هيدروكسيد الصوديوم

س4 ماذا يقصد بكل من:
1-كشف الحامضية.

والله اعلم

[midos20]

المشاركة الأصلية كتبت بواسطة مسلمة متفائلة

أوجد النسبة بين مقداري المقاومتين اللتين إذا وصلتا على التوالي كانت المقاومة المكافئة لهما 4 أمثال مقاومتهما المكافئة عند توصيلهما على التوازي.

النسبة 1:1 علشان حضرتك هتفضلي ماشية بالمسئلة لحد الاخر هتوصلي ل r1-r2 تساوي صفر

[Solty Ray]

شكرا جدا على اجاباتك

[محمود ياسر راشد]

المشاركة الأصلية كتبت بواسطة سوبر ساره

السلام عليكم ورحمة الله وبركاته

كل عام وأنتم بخير

أنا قررت نعمل جروب لطلبة تالتة ثانوى (علمى علوم) 2014
يبقى تواصل بينا على المنتدى هنا

عايزين نتكلم فى كل حاجة تخص الدراسة
ونتناقش فى الأسئلة اللى مش عارفينها

وكمان نتكلم عن تنظيم الوقت والمذاكرة
وكل الحاجات دى

يلا
مين معايا ؟

جمييييييييييييييييييل

[مسك الجنان]

السلام عليكم

كان عندى سؤال فى الأحياء

اختر الاجابة الصحيحة

عند توقف نشاط المبيضين يزداد افراز هرمون (fsh -البروجستيرون = الاستيروجين - الريلاكسين )

وياريت اللى يختار يقول التعليل

وشكرا مقدما

[Solty Ray]

المشاركة الأصلية كتبت بواسطة مسك الجنان

السلام عليكم

كان عندى سؤال فى الأحياء

اختر الاجابة الصحيحة

عند توقف نشاط المبيضين يزداد افراز هرمون (fsh -البروجستيرون = الاستيروجين - الريلاكسين )

وياريت اللى يختار يقول التعليل

وشكرا مقدما

الاجابة fsh علشان هو اللي هيحفزهم على النشاط
السؤال ده في نماذج الوزارة وانا سئلت المس وقالت كده