|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
| مشاهدة نتائج الإستطلاع: ايه هي أحسن مادة عندك؟ | |||
| 1. لغة عربية |
   
|
10 | 6.21% |
| 2. لغات ( اولي - ثانية ) |
  
|
28 | 17.39% |
| 3.جبر وحساب مثلثات |
  
|
21 | 13.04% |
| 4.هندسة مستوية |
  
|
10 | 6.21% |
| 5. أحياء |
  
|
21 | 13.04% |
| 6. فيزياء |
  
|
24 | 14.91% |
| 7. كيمياء |
|
27 | 16.77% |
| 8.جغرافيا |
|
6 | 3.73% |
| 9.تاريخ |
|
9 | 5.59% |
| 10.فلسفة ومنطق |
|
5 | 3.11% |
| المصوتون: 161. أنت لم تصوت في هذا الإستطلاع | |||
 |
|
|
أدوات الموضوع | انواع عرض الموضوع |
|
|
|
#1
16-06-2009, 06:51 PM
|
||||
|
||||
اقتباس:
انا اجازتى بكرة  ياللا روحى زاكرى يا فشلة مشوفش عضويتك هنا  اشوفها ف العام بس 
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#2
16-06-2009, 12:37 PM
|
||||
|
||||
|
اقتباس:
تفتكر إن الشيطان ذكى ؟ ابداً .. إحنا اللي أغبياء عمر الشيطان ما اعتمدت علي قوته اسألني انا والله الشيطان بيعتمد إعتماد كلي علي ضعف اللي قدامه ( نفس الاستراتيجية اللي بسخدمها عووووو هههههه ) نفترض ياسيدي جدلاً إن ربنا مخلقناش وبعدين يعنى ؟ بص يا محمد سواء رضيت أو أبيت فربنا سبحانه وتعالي خلقنا كان يقدر يدخلنا الجنة او يدخلنا النار مهو ( عااااااارف النهاية ) لإننا اتخلقنا قبل كدا ( بالنسباله ) لكن احنا اتخلقنا عشان نمر بمواقف كتيرة عشان ربنا هيجي في الآخر يعملنا تصنيف ولازم وجه التصنيف يبقي ادركه المُصنف .. يعني إحنا مخلوقين عشانا إحنا .. عشان نعرف حقيقتنا من خلال مرورنا بالمواقف الكتيرة في الحياة .. ده اللي العقل بيقوله مش ضعفك اللي بيقوله وعلي فكرة انت لو مسَلم بوجود خالق هتسلم باللي قاله الخالق ربنا قالك ايه ياسيدي قالك " " خلق الله السماوات والارض بالحق " وقالك بردو " وما خلقنا السماوات والأرض وما بينهما إلا بالحق وأجلٍ مسمى " وقالك كمان اجمد آيه اول ما بقرأها بحس ان ربنا بيقولي الكلام ده وانا خصوصاً " وما خلقنا السماء والأرض وما بينهما لاعبين .. لو أردنا ان نتخذ لهواً لاتخذناه من لدنا إن كنا فاعلين " وايه تاني " وما خلقنا السماء والأرض وما بينهما باطلاً ذلك ظن الذين كفروا " والله الواحد لما بيستذكر الكلام ده كدا سبحانك يارب .. جدد عقلك وسلم بالكلام ده
وبعديها أقرأ الكتب اللي قولتلك عليها وانا معاك بردو 
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  |
|
#3
16-06-2009, 09:47 PM
|
|||
|
|||
|
اممممممممممممممم انا ممكن تسموني سري عسل
انا بجد مش عارفه اتحكم في عصبيتي عصبيه بطريقه وحشه قوي كتييييييييييير جايز هيعرفني بس انا قلت احسس نفسي اني عند طبيب نفسي جايز نفسيتي هترتاح المهم انا بجد غريبه قوي عصبيه ومنيله بنيله ونفسي اتغير بس مش عارفه حاسه اني زعلت حد مني هنا بس مش قصدي هو احساسي اني زعلت بس انا مش شايفه اني زعلت مش عارف زهقانه قوي وحاسه اني في حد كارهني مستقصدني وبقول لأ ان بعض الظن اثم كله هييجي ويقول انا ؟ مش عارفه ليه بجد انتوا ايه رايكم في الحاله السيكو دي؟ 
|
|
#4
16-06-2009, 10:18 PM
|
||||
|
||||
|
اقتباس:
anger makes u smaller ,while forgiveness sorce u 2 grow beyond shat u were يعني ببساطه العصبيه او النرفزه بتتقل من قيمه الانسان سواء قدام نفسه او قدام الناس الانسان العصبي دايما بيكون موضع سخريه او موضع استهزاء ببساطه بيبقي فرجه اسهل حاجه حضرتك ممكن تعمليها انك تواجهي المواقف المستفزه بنوع من التسامح ان امكن او الاجمل بالسخريه السخريه ممكن تكون اسلوب تعايش دي اسهل او ابسط اسلوب الانسان ممكن يتعايش بيه مع اي موقف انه يقلل من قيمته او من حدته انه يضحك لما يحس بزهق او نرفزه برضه ع رأي عباره لوليم موجهام You are not angry with people when you laugh at them. Humor teaches tolerance
__________________
 Not everything that can be counted counts, and not everything that counts can be counted |
|
#5
17-06-2009, 07:29 AM
|
||||
|
||||
اقتباس:
أول ماشفت المشاركة إفتكرتنى أنا
فعلاً العصبية دى ممكن تبوظ حياة الإنسان .. الواحد مش بيكون فى وعيه مش هعرف أرد طبعاً رد أحسن من بسام لإنى ببساطة عندى نفس المشكلة يمكن قلت عن زمان بس ما زالت موجودة فيا وبتزعل ناس كتير منى فعلاً بصى عندى حل حلو .. إستخدمى نظرية التنفيض يعنى أول ما هتلاقى نفسك هتتعصبى قولى إتقنى و إستنى و إرجع و إوعاك يا طربش تطلع بجد و الله خديها من نقطة البرود .. إتعلمى من بسام .. لإنه زى ما قال كل ما الواحد يتعصب معنى كده إن غلطه بيزيد و بتقل قيمته و بسام غنى عن التعريف ردوده سهام فى وش اللى بيكلمه  عارفة لما تردى ببرود أو تغلطى بأدب أو تثبتى اللى فدامك تفحميه فى مكانه يعنى مش هتطلعى غلطانة مع إنى فى لحظة بلاقى الطربش بيطلع على طول من غير ما يخبط تيجى نجرب إسلوب بسام سوا .. ههههه .. هنبقى أحسن منه كمان  و الله أنا عايزة اللى يعالجنى مستنياكى يا كميلة
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#6
19-06-2009, 10:12 AM
|
||||
|
||||
|
اقتباس:
السلام عليكم ( أهلا سري جداً .. مشاركة معرفش رقم كام ) في البداية مش عارف يعني إيه عصبية لو تقصدى الغضب فتعالي نحط تعريف له من عندنا " هو الإفراط في إدراك المثير ومعالجته مما يثبط نشاط المخ " - ( دي وجهه نظري ) وهنا يبقي انا محتاجين حاجتين إما إن المثير ده ( الحاجة اللي بتخليكي عصبية ) يقل أو إدراكنا للمثير مهما كان يتم معالجته بشكل اقل مما هو عليه وده من شأنه التقليل من رد الفعل كويس جداً لغاية هنا تعالي نشوف منطقية الحل الأول * إما إن المثير ده يقل * حل مش مضمون .. مش دايماً هلاقي المثير اللي يبقي تحت ايدى يعني يبقي نخليه حل جزئي لبعض المشكلات الحل التاني * إدراكنا للمثير يتم معالجته بشكل اقل مما هو عليه * ودى في ايدك انتي بقي يعني فيه كذا تقنية ممكن تتغلبي بيها علي عصبيتك بس طبعاً هتبقي محتاجة تدريب الأولي طريقة دينية هتلاقيها في الأحاديث = التقنية الأولي = { إذا غضب أحدكم وهو قائم فليجلس ، فإن ذهب عنه الغضب وإلا فليضطجع } إسناده صحيح { إن الغضب من الشيطان وإن الشيطان خلق من النار وإنما تطفأ النار بالماء فإذا غضب أحدكم فليتوضأ } ----- = التقنية التانية = إنك تاخدى نفس عميييييييق وتخرجيه بشويييييييش وتكرريها مثلا دقيقة دقيقتين هتحسي براحة لإنك وانتي بتتنفسي بتصلحي الخلل اللي عمله الغضب جواكى وبتتحكمي في درجة الاستجابة للمثير -- = التقنية التالتة = إدراكك لنتيجة الغضب دلوقتي مع الحفاظ علي تذكر الموقف ده في المواقف اللي هتتعصبي فيها وعشان تدركى نتيجة الموضوع ده كان فيه حكاية زمان لولد يصعب إرضاءه وبيتعصب دايماً وبيتخنق علي طول وكدا فوالده مكانش عاجبه الطريقة دي في ابنه فقاله كل ما تتخنق او تتعصب هات مسمار ودقه في الخشبة دى .. المهم عدت الأيام وكل يوم يدق يجي تلت أربع مسامير وبعد فترة راح لوالده قاله انا مبقتش محتاج ادق مسامير خلاص وقدرت اتحكم في أعصابي .. قاله كويس وكدا وقاله بس ناقص حاجة .. تعالي نروح نشيل المسامير دى بقى واحدة واحدة .. راحوا وشالوا المسامير وقاله شوف اهو انت فعلا الموقف عدى لكن الآثار بتاعت الموقف لسه مضاعتش ومينفعش تتصلح وهتسيب أثر .. تأمليها وشوفى -- = التقنية الرابعة = فكرى بسرعة واتكلمى ببطء ودى معروفة
واحد مثلاً سألك سؤال مش عايزة تجاوبيه ابتسمى وقولي وانت عايز تعرف الإجابة ليه ؟ وانتي بتقولي كدا بتكوني بتفكري مش دردشة هيا -- فيه تقنيات كتير استخدمي اللي يناسبك اهم حاجة ميبقاش الموضوع عندك زى ما هوا عندى أصل انا مجنون مش عصبى بس طبعاً لظروف خاصة يارب أكون وصلتلك أي حاجة مفيدة
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! آخر تعديل بواسطة احمد رضا ، 19-06-2009 الساعة 11:49 AM |
|
#7
23-06-2009, 08:04 PM
|
||||
|
||||
|
اقتباس:
احم
طويب و اللى بارد بطريقه تغيظ يعمل ايش ؟ فى رعايه الله
__________________
 In God's care HaPpiLy eVeR aFtEr |
|
#8
25-06-2009, 09:51 PM
|
||||
|
||||
|
اقتباس:
اقتباس:
الحالات السيكو دي بيكون ليها ناس متخصصه سايكو يعني بس انا هرد وامري لله بصي ياستي العصبية دي حاجة مش حلوة بجد انا بسببها خسرت ناس كتير طبعا مش هعرف ازود كلام عن الكلام اللي قالوه الجماعة الي فوق بس حاولي لما لما تيجي تتعصبي ع حد اول حاجة بعمها اني بفكرة انا ليا عند الحد ده ايه يعني ذنبه ايه يستحملك يعني ليه يعني هتلاقي مع الايام بعصبيتك ناس كتير بعدو عنك وناس كانو غاليين عليكي من ناحية تانية زي مابسام قالك العصبي بيبقى فرجه عندنا احنا بقى بيبقى مضحكة بجد يعني الناس عارفاله حاجات تثيره كتير يعني عندنا انا مثلا لما بقف مع واحد بتتعصب كتير بكل برود بحاول استفزها وبيبقى سهل والناس بتضحك عليها يعني مش حلوة بجد العصبية انا ايام ماكنت بتعصب كتير كنت بحاول اهدي نفسي ادندن ف سري مش سري جدا : بردو واحد قالتلي بتفتكر حاجة كويسة بس انتي عارفة الطرقتيتين دول بيخلوكي من قمة العصبية لقمة البرود بجد البرود مش حاجة كويسة بردو يعني حاولي تتحكمي ف نفسك بالطرق اللي احمد قالهالك وتحطي ف اعتبارك ان اللي بتتعاملي معاهم بني ادمين مش جماد بس
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله |
|
#9
25-06-2009, 10:08 PM
|
||||
|
||||
|
هاي جماعة
عاملين ايه؟ يارب تكونوا في منتهى الثعادة يارب انا بقى للأثف مخنوقة جدا جدا جدا جدا مش طايقة نفسي حتى ايامي كلها بقت واحد وزهقانة اوي ومعظم اصحابي شكلهم كدة اصحاب والناس اللي في مقامة اخواتي طلعوا اي كلام محدش بيسأل بتاتا .. والمشكلة اني عارفة ان الدنيا مشاغل يعني المفروض مظلمهومش واراعي ان كل واحد وراه مسؤلياته بس اعمل ايه؟ !!!!!!!! ...النهاردة يوم ما يعلم بيه الا ربنا هوة مش النهاردة بس يعني عموما طبعا بسبب الزحمة الجامدة جدا اللي تخنق (وانا اوريدي بتضايق من الزحمة وبتخنقني) مش عارفة اخرج ولو خرجت بيبقى تقضية مشاوير مع اسرتي وبس ونرجع طبعا انا شخصيا مععكننة اكتر من الاول واقول ياريتني قعدت في بيتي احسن مع إني في العام بحب جدا الخروجات والتنطيط واي حاجة تشغل وقتي وطبعا الضغط النفسي عشان اول سنة ثانوية عامة وغير كدة الناس بقوا فظاااااااااااع اوي الناس بقت كدابة جدا ومبتراعيش العيش والملح كبار قبل الصغيرين الناس بقت بجد مستفزة انا مش فاهمة يعني المطلوب منننا ان احنا نبقى وحشين وإستغلاليين عشان نعيش في حياتنا مرتاحين ونعرف نعيش مع ناس خلاص تقريبا ضمايرها ماتت من زمان الواحد اوقات اكتئابه بتزيد اكتر واكتر يوم بعد يوم والمشكلة ان احنا نرجع نتفائل تاني لإن مفيش حاجة هتوقف حياتنا ودي كالعادة سنة الحياة سوري ياجماعة اني زهقتكم وخنقتكم يعني  وشكرا لصاحبة الموضوع الجميل يارب ماكون عقدتكم 
|
|
#10
27-06-2009, 02:02 PM
|
||||
|
||||
|
الاول انتى مزهقتيش حد الطبيعى ان الواحد بيحس بالخنقه دى ع فترات المهم انها متغلبكيش الناس ع فكره كويسه ومفيش حاجه اسمها انى ابئا كويسه عشان ارتاح ع فكره احنا فى حياتنا حجات كتير مفروض نكون ممتنين لوجودها فى حياتنا مش ممكن ميكنش فى عندك صديقه واحده كويسه فى حياتك وبفرض ان ده فعلا اهلك يا ستى ممكن يعوضوكى عن كده مش لازم تخرجى عشان تحسي بالمتعه اشترى مانجه يا ستى واقعدى كليهم مع اخواتك وهزروا واضحكوا احنا حياتنا شويه فتافيت والفتافيت الصغيره دى اللى بتعملها قيمه ومش ممكن ان تكون كل الناس ضمايرهم ماتت زى مانتى بتقولى انتى موجوده لسه واعتقد ان عندك ضمير وفى غيرك كده كتير
بصى للحجات الحلوه اللى فى حياتك وبصى لحياه ناس تانيه مش عندهم نص اللى اتنى بتتمتعى بيه فكرى فى بابا وماما اللى تعبوا عشانك فى حجات كتير ممكن تكون اكسير تفاؤل بالنسبه ليكى حجات بسيطه بتخلينا نكمل يوم متصحى الفجر وتعدى ع اوضه مامتك وتلاقيها بتدعيلك بوم متعيطى وتلاقى بااباكى بيحضنك وبيمسح دموعك يوم متشوفى ابتسامه طفل صغيره اقفى حتى الصبح وشمى ريحه الهوا بتاع الصبح الحجات البسيطه دى والله بتخلى الواحد متفائل مبتسم حاسس ان الدنيا دى كويسه بينا احنا وبالناس اللى حولينا وبعدين الثانويه سنه مش صعبه اوى هى ممله حاولى تلاقى طريقه تكسري بيها الملل ده بانك تعملى حاجه مسليه حاجه انتى بتحبيها بين فترات المذاكره مشكلتك مش كبيره طول مانتى حاطه فى دماغك كده اما لو فضلتى تقولى عليها مشكله هتبقى كده فعلا |
|
#11
17-06-2009, 03:53 PM
|
||||
|
||||
|
انا ياختي الكميله
اللي بتتعصب عرفتيني يا مها فعلا بجد كنت عاوزه اتكلم واقول اني عصبيه بس قلت ادخل بسري ده بس لقيت اني هستريح بده انا اهو معاكي يا مها ومبروك يا جميل عقبال ما تبقي زيي في العضويه القديمه
|
|
#12
18-06-2009, 09:48 PM
|
|||
|
|||
|
بصوا بقي ياجماعة أنا مش بحب
الا اني اطول ع الناس اوعوا تفهموني صح هم 2 مشكلة وصلحوا هطول براحتي بقي  ع العموم انا مكتبش بسري جداااا مش عارفة بس الموضوعين عادي مشكلة عادية كان نفسي اقول الكلام دا في الواقع بس مش هقدر فمكن النت يسمح لي اني اقولها وبصراحة كمان غير اني محدش يعرفني اهم حاجة (1) مشكلة حياتي بجد هي أخي الصغير (مش صغير اوي يعني ) هو في 3 ابتدائي وانا في 3ث انا وهو ع طول في مشاكل مع بعض ودايما بيعمل الحاجة اللي تنرفزني حبا في نرفزتي (هي دي الاخوات ولا بلاش )وطبعا انا الكبيرة يعني لما بقلب بقلب جامد وبصراحة بتعصب بقي مش تعرفوا ايه اللي بيحصل اكيد طبعا انا اللي بنتصر عليه في الاخر وبينضرب يعني انا بقي عمري في حياتي ما حولت اتكلم معاه ولا حتي اسمعله لان تصرفته كلها بضيقني انا بحبه والله العظيم جدا جدا جدا وكثر كمان محدش يعرف اللي في القلب الا ربنا دا اخوية ونفسي يكون احسن واحد في الدنيا دي كلها بس بتصرفته دي مش بعرف اتحكم في اعصابي عشان كدا ناس كثير بتقول اني مش بحبه وانا مش عارفة ليه بحاول ادمهم اثبت كدا مع اني اللي في قلبي حاجة مختلفه اوي وهو دماخه تحس انها بتشرد كدا وبيقعد يسأل اسئلة تخوف عن العفاريت والجن وحاجات غريبة وبيصدق اللي بيقوله وعمري في حياتي ما فكرت بتفكيره وبحس ان دماخه فاضيه وهو بقي بيحب ال*** اوي وعايز اي حد يطلع فيه الحاجات دي ومش بيحب المذاكرة (طالع لواحدة كدا اخته )مع انه ذكي جدا ما شاء الله عليه ومش بيحاول خالص انه يستغل ذكائه دا عايز حياته كلها تبقي لعب وخلاص ومشاهده افلام ال*** بصراحة انا نفسي اقرب منه جدا ونكون اصدقاء اكيد مش كل لما اعمل كدا ولا افكر يعمل حاجة مش تخليني اسيطر ع نفسي فقلب عليه ونفسي اغيره طريقة حياته كلها وتبقي ع مزاجي لان شايفه له حياته افضل مليون مرة من حياته دي تفتكره اعمل ايه؟؟؟ معلش رغيت كثير بس فعلا دي اكبر مشكلة ممكن تصدفني في حياتي (2) مشكلة هي اني ادامي 9 أيام مطلوب مني اذاكر فيهم تاريخ وفلسفة وعلم نفس ملحوظة انا عارفة انهم مش صعبين بس فيهم طول يهد جبال تفتكروا ممكن اذاكر ال3 مواد ازاي كلهم مع بعض في 9 ايام ولا اقسم 3 و3 و3 مش عارفة ياريت حد يساعدني؟؟؟ ع العموم اديني طلعت اللي في قلبي عايز ادخل ع اجازة نضيفة وبقلب صافي عشان نقضيها كويس ادعولي بقي تعرفوا هعمل فيه ايه انا واحدة في ثانوية عامة ومش تعرفوا اللي في ثانبقي اللي مش هيسعدني مش هتعرفه وية عامة دي دعوتهم بتقي مستجابة يالا بقي نقول تصبحوا ع خير ومش تنسوا تشربوا اللبن قبل النوم في أمان الله
__________________
والحب له قوانين آخري..!
|
|
#13
19-06-2009, 09:22 AM
|
||||
|
||||
|
اقتباس:
كفاية رغى حبه كده و أكمل
__________________
إذا فقدت كل شىء و بقيت ثقتك بالله فإنك لم تفقد شيئاً
آخر تعديل بواسطة أسيل رزق ، 19-06-2009 الساعة 09:28 AM |
|
#14
19-06-2009, 05:48 PM
|
||||
|
||||
|
اقتباس:
ههههههههههه و الله ضحكتينى
فكرتينى بأيام الفشل بصى أنا فى 3 حولت من احصا لفلسفة فى اخر شهرين تقريباً ولا كان معايا كتاب فلسفة ولا حتى باخد درس فى آخر شهر أخدت درس علشان معرفش فيها حاجة ولا كنت بحبها و مازلت المهم كان درس الفلسفة بعد التاريخ على طول و المدرسين بقى بتاع التاريخ يقول المنهج طويل لازم ناخد وقت زيادة و اهتموا بالتاريخ عن باقى المواد وبتاع الفلسفة عايز يعمل معانا معجزة و بما إنه بيدينى علم نفس واخد فيا مقلب و كان بيدينى كذا فصل مع بعض و المفروض اذاكرهم وماكنتش بذاكرهم طبعاً انتى هتقولى البت دى عبيطة ولا ايه دى مشكلتى مش مشكلتها عايزة بس أوصلك إن ال3 مواد عندى ماكنتش متوقعة إنى هجيب فيهم درجات كويسة التاريخ كان ادامه يومين يادوبك راجعت على الحاجات اللى مش فكراها و طبيعى راجعت الفصل ال13 منه لله و علم النفس كان يومين برده راجعت مراجعة سريعة على المنهج كله يوم للنفس و التانى اجتماع الفلسفة كانت يوم واحد اقسملك بالله انى ماذكرتش فلسفة زى البنى آدمين إلا ليلة الامتحان علم النفس جبت 50 الحمد لله و التاريخ كان امتحان إشطة جبت 45 بسبب الفصل ال13 و الفلسفة 46 و الحمد لله على كل حال طبعاً دى مذاكرة واحدة فاشلة كل الرغى و الكلام الفاضى ده عايزة أقولك منه إن الامتحانات بتاعتهم سهلة و حتى لو مش سهلة مش هيقدروا يجيبوا من برا الكتاب .. الأدبى أدبى برده و لعلمك 9 أيام دول كتير أوى على ال3 مواد .. امال ياعينى بتوع رياضة عندهم 4 امتحانات ورا بعض .. ينتحروا؟؟ المهم يعنى ماتستهونيش وتقولى سهل وفى نفس الوقت ماتخوفيش نفسك التاريخ 5 ايام نفس 2 فلسفة 2 شفتى الحكاية حلوة إزاى .. شدى حيلك انتى بس و خصوصاً فى التاريخ علشان امتحان السنة اللى فاتت يعتبر ارخم امتحان فى السنين كلها و ركزى كويس على ال13 لانه جاب منه حوالى نقطتين او 3 فى كل سؤال السنة اللى فاتت لو عايزة أى حاجة فى علم النفس أنا موجودة .. و لو عايزة حاجة فى الفلسفة الحاج أحمد موجود هيخليكى تكرهى اليوم اللى اخدتى فيه فلسفة و ربنا يوفقك بإذن الله
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#15
19-06-2009, 09:35 PM
|
|||
|
|||
|
اقتباس:
طبعاً دى مذاكرة واحدة فاشلة ما شاء الله دي واحدة فاشلة
بعد الشر ع نفسك اوعي تقولي كدا دا انا اللي طلعت فاشلة يارب ابقي زيك كدا في علم النفس يارب يارب كل الرغى و الكلام الفاضى ده عايزة أقولك منه إن الامتحانات بتاعتهم سهلة و حتى لو مش سهلة مش هيقدروا يجيبوا من برا الكتاب .. الأدبى أدبى برده و لعلمك 9 أيام دول كتير أوى على ال3 مواد .. امال ياعينى بتوع رياضة عندهم 4 امتحانات ورا بعض .. ينتحروا؟؟ ربنا معاهم بقي انا بتكلم ع واحده في أدبي اللي فضلوه ع العلمي المهم يعنى ماتستهونيش وتقولى سهل وفى نفس الوقت ماتخوفيش نفسك التاريخ 5 ايام نفس 2 فلسفة 2 شفتى الحكاية حلوة إزاى .. شدى حيلك انتى بس و خصوصاً فى التاريخ علشان امتحان السنة اللى فاتت يعتبر ارخم امتحان فى السنين كلها و ركزى كويس على ال13 لانه جاب منه حوالى نقطتين او 3 فى كل سؤال السنة اللى فاتت حاضر يا أسيل ان شاء الله هعمل بنصحتك لو عايزة أى حاجة فى علم النفس أنا موجودة .. كويس جدا كدا ضمنت اني هقدر استغل حد  و لو عايزة حاجة فى الفلسفة الحاج أحمد موجود هيخليكى تكرهى اليوم اللى اخدتى فيه فلسفة ههههههههههههه حبيبتي انا بكره الفلسفة من غير الحاج أحمد بس أول مرة اعرف اني في حجاج في المنتدي عقبالي يارب لما احج وادعي لكم و ربنا يوفقك بإذن الله[/quote] ربنا يخليكي يا أسيل ويعمر بيتك ويطعمك ما يحرمك (خمسة شحاته بقي  )شكرا بجد يا أسيل انا استفدت منك جامد
__________________
والحب له قوانين آخري..!
|
|
| العلامات المرجعية |
| الكلمات الدلالية (Tags) |
| ....الخ, مساعدة, مشكلة, اخوات, اصدقاء, اسرة, بوابة الفارس التعليمية, حلول, شرح, عائلية, عاطفية, فضفة, نفسية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:19 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
