ارجو من الجميع تجربه الغرفه الصوتيه من الان

[ممدوح مصطفى الانصارى]

المشاركة الأصلية كتبت بواسطة leprince

بارك الله فيك اخى الغالى وليد

وبارك لك فى افكارك العظيمه التى تنبع من قلب محب لزملاؤه

خائفا على مصلحتهم

ولكن من الضرورى جدااااااااااااااااا

وجودك فى اول القائمه

بارك الله فيك

انا ارى ضرورة تواجد مسيو /وليد فى مجلس ادارة الرابطة .
لا ارى سببا يا مسيو /احمد لابتعاده.

[محمد عباس 011]

على بركة الله

[اسامه القزاز]

بالتوفيق للجميع لما فيه الخير لكل المعلمين ..

[محمد عباس 011]

على بركة الله وارجو الاعداد الجيد

[دكتور محمود فتحي]

بسم الله الرحمن الرحيم
اولا يا جماعة هناك عدة استفسارات صغيرة عن مضمون الموضوع لان مضمون الموضوع مناقض تماما للاعلان الذى وضعته ادارة المنتدى فى صفحتها الاولى والذى يعنى انه ستكون هناك انتخابات بين جميع مدرسي المنتدى . ثانيا الموضوع انتخابات وليس فرض اشخاصا بعينهم على احد فالمفروض من البداية ومن اساس الموضوع الا يتم تحديد اسماءا معينة لتمثيل المدرسين ولكن كان من المفروض ان يكون هذا الموضوع من اجل فتح باب الترشيح للمدرسين وعلى من يرغب ان يضع اسمه فى هذا الموضوع حتى يدخل الجميع الى الاجتماع ويعلم من المرشح ومن غير المرشح والا لماذا الدعوة للاجتماع مادام الاعضاء قد حددوا منذ البداية . ارجوا ان يتسع صدر الجميع لكلماتى لان هذا الموضوع بهذه الطريقة مستفذ جدا ولا يحمل اى نوع من انواع الديمقراطية وابداء الرأى ثم ان الموضوع ليس بترشيح فقط ولكنه فرض لاشخاص بعينها على مجلس الادارة والذى لا يصدقنى يرجع للموضوع نفسه ليجد انه سيتم الاختيار من بين هؤلاء الاسماء بالله عليكم ما تفسير هذا وما هو دور باقى درسي المنتدى ثم كنت اتمنى ان يكون الموضوع موجه ىمن الادارة نفسها وليس من الاشراف حتى لايتم لبس فى الموضوع حتى لو كان الاشراف فى ركن المعلم نفسه لان هذا الموضوع اداري اكثر منه متعلق بقسم معين وطبعا هو متعلق بالمنتدى كله . ياريت بلاش اسلوب فرض مرشحين وياريت يتعمل موضوع لفتح باب الترشيح للانتخابات دة لو كان فيه انتخابات اصلا فعلية اما لو كان الموضوع هايسير على نظام استفتاء رئيس الجمهورية خلاص بلاش اجتماع من الاساس ويتم الاعلان عن الاعضاء المختارين والمعينين ونصفق لهم ونبارك ترشيحهم وخلاص .

[محمد الجبالى]

سيدى الفاضل شكراً على الفكرة الجميلة

[Mr.Ahmed Fadel]

المشاركة الأصلية كتبت بواسطة أ/ ممدوح مصطفى الانصارى

انا ارى ضرورة تواجد مسيو /وليد فى مجلس ادارة الرابطة .
لا ارى سببا يا مسيو /احمد لابتعاده.

ومين قال انى مش عايز مسيو وليد فى المجلس
انا عايز اللى يترشح يترشح .... لا يتم فرض ناس بعينها
أعيد وأكرر ... تم اختيار ناس من افضل مشرفين المنتدى وبينهم ناس انا أؤيدهم تماما
لكن عايزين الموضوع يبقى شكله حلو
مدرسين المنتدى بيكلمونى وبيضحكوا على اللى بيحصل ده
بيقولولى انها عاملة زى انتخابات الحزب الوطنى فى مجلس الشعب
مبلاش انتخابات وخلوها تعيين
انا موافق على تعيين مجلس ادارة
بس يبقى بالتعيين
كده انتخابات مقنعة
وبعدين الاستاذ وليد بيقول ان فيه اسماء ممكن فى الاجتماع متوافقش بالترشيح
كده نبقى بنهرج
يعنى ده معناه ان اساتذه المرشحين تم ترشيحهم بدون الرجوع ليهم
بذمتكم ده كلام
يا جماعة انتوا بتقضوا على الفكرة قبل بدايتها

[أبو جهاد المصري]

المشاركة الأصلية كتبت بواسطة m.leader

السلام عليكم ورحمه الله وبركاته
والصلاه والسلام علي اشرف الخلق سيدنا محمد رسول الله وخاتم الانبياء
علي بركه الله
نعلن لحضراتكم جدول اعمال اجتماعنا الاول
بناء علي اقتراح من الاستاذ محمد وسيه يمكن عمل اجتماع تحضيري للمشرفين والمدرسين في كافه الاقسام التعليميه للتحضير للاجتماع وللتاكد من حل مشاكل كافه الاعضاء في دخول الغرفه الصوتيه الثانيه ولتجهيز اعمال الاجتماع وعمل ورقه العمل والتي سوف يتم طرحها وتداولها
*يدير الاجتماع المزمع عقده يوم الجمعه 5/12الساعة الرابعة عصرا اكبر الاعضاء سنا وهو الاستاذ عصام
............... جدول الأعمال .........

1-يسمى المجلس رابطة معلمى مصر الالكترونية ،عدد5اعضاء،يختار من بين اسماء الاساتذة:
عصام-اشرف السيد او ممثل لاصحاب المنتدى -ممدوح الانصاري-بدوى الدجوى-محمود طه-محمد سرور-محمد وسية -امال عبد الهادى-احمد عمارة .
يكلف المجلس خلال فترة عمله الموقته(لا تزيد عن عام ) :-
اولا/العمل على ما فيه صالح المهنة والزملاء .
ثانيا/ وضع هيكل ادارى منظم للرابطة ،وخطة مقترحة للتنفيذ.
ثالثا/العمل على تاسيس الرابطة من رابطة الكترونية الى رابطة حقيقية لها شخصيتها الاعتبارية فى المجتمع كسائر التجمعات المدنية الخاضعة لقوانين الدولة .
رابعا /الدعوة لفتح باب الترشيح او الاختيار (حسب ما يقره مجلس الرابطة وادارة المنتدى )قبل انتهاء فترة المجلس المؤقت بشهر على الاقل .
خامسا/دعوة الزملاء اعضاء الرابطة للاجتماع اذا لزم الامر وعقد اجتماع سنوى على الاقل .
سادسا :تخضع هذه الرابطه لقوانين المنتدي الي ان يتم تفعيلها بشكل رسمي امام كافه منظمات المجتمع المدني
سابعا :اختيار منسق عام للرابطه ومتحدث اعلامي
2-ما يستجد من اعمال.
والله الموفق .

يا إخوانى هل ترون ما أرى ؟؟

أنا لا أرى جدول أعمال أمامي لنناقشه ، كل ما عرضتم هو اقتراح لتشكيل مجموعة العمل ، بل ليس اقتراحا ، إنه فرض تم اختياره من البعض بدون مشاركة الباقين ثم إنى أرى زخات من المجاملات في اختيار الإخوة الممثلين ،

إذا كان هذا هو الرأي في الاختيار ، وهؤلاء هم من اختيروا ، فلماذا الاجتماع إذا ؟ ولماذا نتقابل ؟
نحن لا نشك في قدرات هؤلاء الإخوة فكلهم جديرون بالاحترام لكن طريقة الاختيار غير مقبولة .

ثم ما الذي يضمن لنا - وقد غاب جدول الأعمال - أن لا تحدث فوضى في الاجتماع الذي ننتظره جميعا بفارغ الصبر ؟

عموما نتمنى النجاح للجميع ، وإلى الأمام على بركة الله .

[H_Ghazi]

بسم الله الرحمن الرحيم
اخوانى ... بعد السلام عليكم ورحمة الله وبركاته
احببت العمل التطوعى مدى حياتى الوظيفية وتقدمت من خلال القنوات الشرعية المتمثلة فى نقابتنا الفارغة أقصدالفارعة وكنت مما انتخب فى النقابة وتمنيت الكثير لحل مشاكل المعلمين لكن اول ما صدمت به اثناء اجراء الانتخابات والاعادة بمهازل لا يصدقها معلم محترم مربى اجيال من تصرفات وتربيطات ومشاجرات لم ادرك وقتها لماذا كل هذا
علمت بعد ذلك ان لكل واحد مطامع شخصية والقليل من كان محب لهذا العمل ولكن تسيس النفابات اقصد النقابات جعل من المعلمين ... !!! لكل من هب .. ونسأل انفسنا من كان منا نقيبا ومن نقيبنا الحالى هل من معلمين مصر ام ..
كذلك من خلال عملى ينقسم المعلمين على انفسهم الى ثلاثة فئات منهم من يبحث عن زيادة رزقه بالدروس ومنهم من لايعرف مسايرة تيار الدروس بحكم شخصيته او تخصصه او تدينه ومنهم من يعمل للخروج فقط من المنزل لمجالسة الاحباب ومعرفةالطرق الحديثة للطبخ ..الخ
فهل يعقل اخوانى ان هذه الفئات الثلاثة يمكن ان تجتمع على رأى موحد كباقى المهن الاخرى مثل عمال غزل المحلة او سكك حديد مصر يا مصر ..اتحدى واتمنى الاتحاد حتى نكون قدوة بالفعل لأبنائنا
ومع هذا كله اعتذر لكلمات الاحباط هذه ولكن اتمنى ان تكون حافزا لاتحادنا بعيدا عن الاهواء الشخصية ونتقى المولى عز وجل فى هذه المهنه الجليله مهنه الرسل والانبياء والذين بعثوا من اجل توصية الانسان بتقوى الله
اعتذر مرة ثانية واتقدم لكم بمشاركتى والتى تمثل توقيعى
وشكرا

[ممدوح مصطفى الانصارى]

أسمحوا لى زملائى الكرام بان اعبر عن راىء وأعتقد ان كل الاراء امينة وصادقة لاننا جميعا أصحاب مصلحة واحدة وننشد المثالية وهيا بنا نوضح وجهات النظر .
اولا/ الاعلان المكتوب هو( يعلن منتدي بوابه الثانويه عن عقد اول اجتماع جمعيه عموميه لرابطه معلمي البوابه وسيكون الاجتماع يوم الجمعه الموافق 5/12/ 2008الساعه الرابعة في الغرفه الصوتيه الثانية وسوف يتم تشكيل مجلس اداره مؤقت للرابطه لحين عقد انخابات لاختيار مجلس اداره لمدرسي مصر والذي سيكون بمثابه الصوت الاعلامي لمعلمي مصر في كل المحافل ولمعالجه كافه قضايا المعلم المصري..حضورك معنا امانه في عنقك وسلبيتك في عدم الحضور ستحسب عليك والله الموفق).
والرجاء الرجوع الى جدول الاعمال ، والرجاء عدم التسرع والقراءة الجيدة .
ثانيا/الفكرة وليدة ويجب ان تبداء صغيرة ولها انجازات كبيرة وليس العكس .
المجلس المؤقت لفترة لا تزيد عن عام ، يقوم خلالها ومن خلال كل الزملاء بوضع التصور السليم لاجراء انتخابات ،وهيكلة الرابطة من اختصاصات ولجان فالافكار كثيرة وتحتاج جهد كبير حتى ترى الرابطة النور بشكل منتخب .
ولا ننسى ان الرابطة رابطة الكترونية ليس لها شخصية اعتبارية او اختصاصات محددة بقانون مدنى ، وان من اولى مهمام المجلس المؤقت تاسيس الرابطة كمؤسسة يحكمها القانون المدنى ،ويكون للرابطة وقتها اختصاصاتها واهدافها التى يحميها القانون .
وعند تاسيسها يجب اجراء الانتخابات .
رفقا علينا ايها الزملاء الاحباء فنحن جميعا فى مركب واحد ،وقضيتنا واحدة ،وهدفنا واحد ، والاختلاف فى وجهات النظر لا يكون سببا للانقسام او الشقاق .
ولا يوجد فرض بعينه لاى شخص ،فاى شخص يجد فى نفسه القدرة والوقت على العطاء لزملائه من خلال عمل تطوعى فليتفضل ،وبكل الحب ساقف من خلفه .

[fawzyramdan]

على بركة الله والله الموفق

[Mr.Ahmed Fadel]

المشاركة الأصلية كتبت بواسطة أ/ ممدوح مصطفى الانصارى

أسمحوا لى زملائى الكرام بان اعبر عن راىء وأعتقد ان كل الاراء امينة وصادقة لاننا جميعا أصحاب مصلحة واحدة وننشد المثالية وهيا بنا نوضح وجهات النظر .
اولا/ الاعلان المكتوب هو( يعلن منتدي بوابه الثانويه عن عقد اول اجتماع جمعيه عموميه لرابطه معلمي البوابه وسيكون الاجتماع يوم الجمعه الموافق 5/12/ 2008الساعه الرابعة في الغرفه الصوتيه الثانية وسوف يتم تشكيل مجلس اداره مؤقت للرابطه لحين عقد انخابات لاختيار مجلس اداره لمدرسي مصر والذي سيكون بمثابه الصوت الاعلامي لمعلمي مصر في كل المحافل ولمعالجه كافه قضايا المعلم المصري..حضورك معنا امانه في عنقك وسلبيتك في عدم الحضور ستحسب عليك والله الموفق).


والرجاء الرجوع الى جدول الاعمال ، والرجاء عدم التسرع والقراءة الجيدة .

الاستاذ المحترم ممدوح الانصارى
رجعت وقريت الاعلان لقيته للعلم عكس موضوع الاستاذ وليد
بصراحه محدش فاهم حاجه
مرة يقولوا اختيار ومرة انتخابات مش عارف مين الصح
انا رأيى الادارة لازم تتدخل وتوضح فى ايه بالضبط
لذلك أرجو أن يتدخل صوت الحق فى اسرع وقت
وبعدين عندى سؤال
هو فين الاستاذ سيد عثمان من الاسماء المرشحة ... ولا حيرشح نفسه يوم الاجتماع برضه

[نبيل عثمان]

ربنا يوفقنا جميعا

[مسيو وليد عسكر]

استاذ احمد
الاسماء المطروحه مجرد اقتراح وليست الزام
انا شيلت اسمي منعا من اي كلام ممكن يتقال في نصلحه او منفعه
والله العظيم كل ما ابغيه الصالح العام
واي سلبيه رجاء تصحيحها بدل من النقد الهدام
صحح وناقش
لكن لا تحبطنا
كفانا احباط من فضلك
كلام حضرتك له اثر عكسي جداا
بيقلل من عزيمه الناس
خلينا نحاول ونصحح ونخطط صح بدل مانهدم ونقلل من عزيمه الناس
كفانا احباط يا مستر ارجوك
ناقشني علي الخاص وعلمني الصح وردني لو انا غلط
انما كده ماينفعش وعيب اوي

[Mr.Ahmed Fadel]

اولا انا مقلتش حاجه عيب عشان حضرتك تقولى عيب اوى
أما بالنسبه لموضوع الاقتراح انا اقترحت وقولت يتفتح باب الترشيح لمده معينه كام يوم قبل الانتخابات
عشان كله يبقى عنده نفس الفرص
لقيت الاستاذ ممدوح بيطلب منى انى اقرا الاعلان كويس
لبست نظارتى وقريت الاعلان وملقتش كلالم جديد يتقال غير اللى انا قلته
( للعلم انا مش حترشح ) بس مدرسين كتير بيتهموا مشرفين المنتدى اننا قافلين الشغل على نفسنا
الموضوع بتاع حضرتك ده بيأكد للناس رأيها
انا قلت ندى الناس كلها حق الترشيح
ونسيب الناس تقول رأيها
وبأكدلك ان اسماء كتير من اللى حضرتك اقترحتها حتنجح وانا بأيدهم لأنهم اصحابى جدا
بس المشكلة
منفرضش على نفسنا اسماء معينه .... ده مش حيخلى الناس تتجواب
لأ ... افتح باب الترشيح
ونعمل تصويت يوم الجمعه
الفكرة رائعةو انا مستخسرها انها تموت زى ما افكار كتير ماتت فى المنتدى وحضرتك عارف
كانم اجتماع اتعمل وخلص على مفيش بسبب ان فيه ناس بتحس ان مفيش شفافيه لا نعمل شفافية
عشان حتى اللى فشل فى الانتخابات يكون معاك
حتكون النتيجه كده ان حيكون معاك مجلس ادارة لرابطة لا يوجد بها مدرسين
زى نقابة المعلمين
احنا ولا بننتخبهم ولا نعرفهم
حد فينا بيفكر فيهم
لا طبعا
عشان كده عايزين نغير الفكرة بس
اما بالنسبة لحكاية ان حضرتك شلت اسمك من الاسماء المطروحة ... اسمح لى ده مش صح
ده حقك ... انت من اكتر المشرفين المتواجدين
وسبق انى رديت عليك فى موضوع قبل كده وقلت انى مكنتش فاهم معنى مشرف سوبر بس لما لقيت مشاركاتك عرفتها
على العموم
شكرا على ردودك
بس بفكر حضرتك
انا مقلتش حاجه عيب