طب اسنان المنيا - الصفحة 20

avnan · #**286** 23-01-2010, 03:11 PM

اقتباس:

ازيك يا افنان وحشانى جدا

وانتوا كمان وحشنى اوى
بس انا نسيت حاجة انا مش هينفع اخرج الاحد معاكوا الا لو خليتوا الخروجة الاتنين مثلا او اى يوم ماعد حد واربع

اقتباس:

علشان هنروح على امتحانات الحيوان والكيمياء احسن تكونى نسيتى ولا حاجة

ربنا يسهل بس مش دلوقتى
هو احنا هنرجع يوم كام؟

اقتباس:

ان شاء الله المنتدى ها يكون جاهز خلال الاسبوع ده بس انا كان عندي فكره كنا عايزين نحدد ساعه معينه كله يدخل يسجل فيها نعملها افتتاح يعني ولو ينفع كنا نتفق على اغنيه مثلا نشغلها ها تبقى حاجه جميله لو حد موافق على الفكره دي يقول رايه

ان شاء الله
هى فكرة حلوة طبعا بس بلاش الاغانى
حددوا انتوا الساعة وان شاء الله هسجل فيها

dr/esra2 · #**287** 23-01-2010, 05:38 PM

اقتباس:

هو احنا هنرجع يوم كام؟

بيقولو هنرجع 12 فبراير بس هننزل قبلها يا افنان عشان نجيب الجدول و ما شابه

وبالنسبة للخروجة ف اتاجلت ل الخميس يا رب ف الاخرة م تتأجل تاني

dr*mony · #**288** 23-01-2010, 05:53 PM

اقتباس:

بيقولو هنرجع 12 فبراير

الرجوع يوم 20 فبراير مش 12

dr*mony · #**289** 23-01-2010, 05:56 PM

اقتباس:

يا رب ف الاخرة م تتأجل تاني

لا باذن الله مش هتتاجل تانى

--Dr.Mostafa-- · #**290** 23-01-2010, 06:15 PM

اقتباس:

ان شاء الله المنتدى ها يكون جاهز خلال الاسبوع ده بس انا كان عندي فكره كنا عايزين نحدد ساعه معينه كله يدخل يسجل فيها نعملها افتتاح يعني ولو ينفع كنا نتفق على اغنيه مثلا نشغلها ها تبقى حاجه جميله لو حد موافق على الفكره دي يقول رايه

ان شاء الله يجهز

.. بس يارب يشتغل فعلا زي كدة .. واحسن ان شاء الله

ودا الاهم ..

ومش مهم برده ساعة معينة .. هيا بس فكرة حلوة جدا .. زي كانك مستنى محل جديد يفتح ..

صح

انا مش فاهم اغاني اية .. حتى لما كلمتك مفهمتش برده ..

على العموم بلاش منها احسن .. خلي ربنا يوفقنا و تكون فتحة خير علينا ...

----------------

على اما اظن ان الرجوع 20 فبراير ان شاء الله .. ومفيش اي اخبار انها ممكن تتأجل ..

------------

dr/esra2 · #**291** 23-01-2010, 06:37 PM

12 او 20 المهم هنرجع هنرجع بس يا رب الجدول الجديد يكون احسن من بتاع الترم الاول

No_Way · #**292** 23-01-2010, 06:48 PM

اقتباس:

انا مش فاهم اغاني اية .. حتى لما كلمتك مفهمتش برده ..

هو غالبا الدكتور يقصد اننا نبقى موجودين ف الان سبيك
هي فكرة حلوة بردو بس من غير اغاني (لو هو ده اللي يقصده يعني

)
يعني نتناقش المنتدى هيبقى ازاي لو في اي عيوب نتناقش فيها
كده يعني هتبقى جامده
واحنا اصلا فاضيين وانا بدأت ازهق من الاجازة

الدراسه بيقولو 20 انا نفسي الجدول يبقى زي ماهو عشان مش ورايا سكاشن السبت ف بسافر الحد

dr.Abdoooo · #**293** 23-01-2010, 07:00 PM

يا جماعه انتوا لو حكايه الاغنيه دي مش عجباكوا خلاص بس انا اللي اقصده ان في حاجه نكون بنعملها في نفس الوقت انتوا ممكن تكون دي حاجه عاديه يعني بالانسبالكوا لكن انا ومصطفى ها نبقى فراحنين جدا لان اخير بعد شهرين وصلنا للموقع وبالنسبه لحكايه العيوب او مشاكل في اي حاجه في قسم مخصوص في الموقع للحكايه دي وممكن نعمل شات مصغر على جنب في الصفحه وانا ان شاء الله ها اعمل موضوع كامل عن المنتدى هنا وكل حاجه فيه هنا انا عارف انه ممنوع اساسا بس هنا مفيش مشرفين ولو في اي حد ها يشيل الموضوع ده والا مكناش عملنا منتدى وزي ما قولتلكم احنا ها نحاول نخلصه الاسبوع ده

--Dr.Mostafa-- · #**294** 23-01-2010, 07:47 PM

اقتباس:

هو غالبا الدكتور يقصد اننا نبقى موجودين ف الان سبيك
هي فكرة حلوة بردو بس من غير اغاني (لو هو ده اللي يقصده يعني

)
يعني نتناقش المنتدى هيبقى ازاي لو في اي عيوب نتناقش فيها
كده يعني هتبقى جامده

لو كدة فعلا هتبقى جامدة جدا ..

بس عايزين فعلا الكل يبقى موجود ..

علشان كدة حددوا موعد يناسبكوا واتفقوا ونتفق كلنا عليه .. بحيث انه كله يكون موجود فعلا ..

ويكون ف التزام بالمعاد .. وان شاء الله يعجبكوا

-----------

اقتباس:

واحنا اصلا فاضيين وانا بدأت ازهق من الاجازة

كلنا كدة مفيش غيرنا اساسا اللى خد اجازة والحكاية خنقة ..

اقتباس:

انا عارف انه ممنوع اساسا بس هنا مفيش مشرفين ولو في اي حد ها يشيل الموضوع ده والا مكناش عملنا منتدى وزي ما قولتلكم احنا ها نحاول نخلصه الاسبوع ده

ممكن يجيوا ف اي وقت لعلمك .. بس عادي برده

وياريت يا دكاترة تحددوا معاد ونتاقش فيه ونشوف احسن معاد يناسب الكل ..

ياريت يا جماعة ..

avnan · #**295** 23-01-2010, 08:52 PM

اقتباس:

علشان كدة حددوا موعد يناسبكوا واتفقوا ونتفق كلنا عليه .. بحيث انه كله يكون موجود فعلا ..

هى هتبقى جميلة ان شاء الله بس لو الكل دخل
بس انا مش مقتنعة بالاغا نى (معلش اصلى انا عاملة مقاطعة معاها)
ماعدا كان حلو لما كنا مشغلين التكبيرات ساعة العيد

No_Way · #**296** 23-01-2010, 09:52 PM

خلاص هي الاغاني مش معضله بشريه
نبقى نحط اناشيد طيور الجنه حلوة بردو

انا عاجباني فكرة الان سبيك بس يادكتور مصطفى تقريبا مش هينفع نحدد الميعاد غير بعد مالمنتدى يفتح
عشان نعرف نحدد هنتناقش ف ايه

ده غير بقى اني بقترح ان الميعاد يكون متأخر11 ولا حاجة كده يعني
عشان الناس اللي بتخرج
وده وقت معظمنا فيه بيكون ع النت

dr.Abdoooo · #**297** 23-01-2010, 10:41 PM

اقتباس:

المشاركة الأصلية كتبت بواسطة no_way

خلاص هي الاغاني مش معضله بشريه
نبقى نحط اناشيد طيور الجنه حلوة بردو

انا عاجباني فكرة الان سبيك بس يادكتور مصطفى تقريبا مش هينفع نحدد الميعاد غير بعد مالمنتدى يفتح
عشان نعرف نحدد هنتناقش ف ايه

ده غير بقى اني بقترح ان الميعاد يكون متأخر11 ولا حاجة كده يعني
عشان الناس اللي بتخرج
وده وقت معظمنا فيه بيكون ع النت

اقتباس:

هى هتبقى جميلة ان شاء الله بس لو الكل دخل

هوه اكيد طبعا ها يبقى بعد ما نخلص الموقع بس الفكره دي اهم حاجه ان اي مشاكل ها تقابلكوا في الموقع وانتوا بتسجلو او اي حا حاجه عايزه تتعدل يبقى في نفس الوقت احسن

DR.smily · #**298** 24-01-2010, 02:11 PM

اقتباس:

ان شاء الله المنتدى ها يكون جاهز خلال الاسبوع ده بس انا كان عندي فكره كنا عايزين نحدد ساعه معينه كله يدخل يسجل فيها نعملها افتتاح يعني ولو ينفع كنا نتفق على اغنيه مثلا نشغلها ها تبقى حاجه جميله لو حد موافق على الفكره دي يقول رايه

فكرة جميلة جدا يا دكتور
بس المفروض ان حضرتك والدكتور مصطفى ال تحددوا الميعاد ال يناسبكوا علشان لو قابلتنا مشكلة او حاجة فى التسجيل تكونوا موجودين وعشان تعرفونا النظام الجديد

--Dr.Mostafa-- · #**299** 24-01-2010, 02:53 PM

اقتباس:

فكرة جميلة جدا يا دكتور
بس المفروض ان حضرتك والدكتور مصطفى ال تحددوا الميعاد ال يناسبكوا علشان لو قابلتنا مشكلة او حاجة فى التسجيل تكونوا موجودين وعشان تعرفونا النظام الجديد

هوا تقريبا المنتدى خلص

بس بنحط عليه اللمسات الاخيرة ..

وهوا نسخة احدث من نفس نظام منتدى ثانوية .. يعني تقريبا مش هتحسوا بفرق كبير ف التعامل ..

وان شاء الله هيخلص ف خلال يومين ..

وهنحط المعاد بالظبط ف توبيك وكمان ف توقيعنا ..

بس كل اللى اقدر اقوله .. قريبا جدا جدا ان شاء الله ..

No_Way · #**300** 24-01-2010, 03:17 PM

waiting ...........