الرحمة حلوة

[اوركيديا]

المشاركة الأصلية كتبت بواسطة د/ ماجدولين

بصى يا بنتى
مبدئيا موضوعك رااااااااائع جدااااا رغم قصر حروفة
أنا فاهمة قصدك
بصى يا بنتى أنا مرة حضرت محاضرة عن أخلاقيات العمل أيا كان نوعة
أنا كنت مستغربة جدااااا
أزاى هحضر محاضرة ساعتين عن أخلاقيات المهن بشكل عام؟؟؟؟!!!
يعنى الراجل مثلا هيقعد ساعتين يقولنا اتقور ربنا فى شغلكوا
وراعو ضميركوا!!!!!!!!!!
الكلمتين دول يخلصوا ويتعادو فى عشر دقايق بس
طلع الموضوع أعقد من كدة بكتيييييييييير
يعنى مثلا

موقف زى اللى أنتى حكتية
الراجل لازم يعمل شغلة......وكمان فى حياة رجل فى احتمال انة يفقدها لو عمل كدة
مثال تانى
لو دكتور مثلا عارف أن فى مريض عندة مرض خبيث والعياذ بالله
بس وصل لحالة ميؤس منها......والطبيب كل اللى فى ايدة انة يخلى باقى أيام المريض فى الحياة بأقل ألم ممكن
فى دكاترة بقى
تقوم تعمل للمريض دة عمليات....وهى متأكدة ان مفيش فايدة
لية؟؟؟,,,عشان تتعلم فية
دة أخلاقيا ميصحش....لأن الرحمة فضلوها ع العلم
مثال تانى
السوفت وير بتاع جهاز الكمبيوتر بتاع كل واحد فينا
ياترى هو أصلى ولا لأ؟؟؟؟؟
طب مش كدة اسمها سرقة؟؟!!
أنت بتسرق مجهود ناس....بس فى نفس الوقت انت محتاج السوفت وير ومتقدرش على تمن الأصلى
وأنت محتاجة عشان تبقى مواطن صالح وتخدم بلدك
الأمثلة كتييييييييييييييييير
وتحير
تحس ان الموضوع لية أكتر من جانب نحكم منة
والمشاكل الأخلاقية دى بتتحل بخمس قواعد اجمع عليها العالم
القواعد دى وأخلاقيات المهن بتتدرس فى كل جامعات العالم
عدا مصرنا المبجلة اللى مقضياها بالستر
مش عاوزة أقولهم عشان ميبقاش الرد طويل وسخيف
المهم ان قصدى يكون وصل
احنا بشر......يعنى لينا قلب وعقل
مش جهاز كمبيوتر يُؤمر فيٌطاع بدون تفكير
دة حتى دينا أعطانا الرخصة فى بعض الأحيان لعدم أداء بعض الواجبات الدينية
رحمة بنا وتيسرا علينا
لكن للأسف اللى بيحصل دلوقتى
دة بعد عن الدين والعقل
شكرا ع التوبيك يا قمر
تسلم ايدك

بجد رد اكتر من رائع يا جوجو
بس ابقى كملى البتاع اللى بتقولى عليه ده

بس عامه انا رايي ان العسكرى كان المفروض يكون عنده بصيره
هل اللى قدامه ده
فعلا عنده شعره و حيعملها و يولع
و لا مجرد تهديد اجوف
و على الاساس ده يحدد
مش اهو كده و خلاص
و مش عارف مين
و الجمله اللى تغيظ اللى بيقولوها
انا عبد المامور قال
هوفففففففففففف

طب انت ليه خدتها من المنظور ده ليه منقولش انه يا عينى مكنش مستحمل المصيبه دى وان ظروفه صعبه جداااااااااا ومقدرش يتخيل ان مصدر رزقه الوحيد خلاص هيضيع

مش مبرر
ربنا قالنا اسعوا فى الارض
لو مصدر اتقفل بظلم
ربنا حيعوضنا عنه خير ميت مره
مش الحل هو الجحيم الابدى
بجد مش متصوره ان حد يختار ما بين فرصه تانيه و امل حتى مع احتمال الفشل
و جحيم ابدى

يلا ربنا يعين
و حرجع اقول تانى
احنا اللى عملنا و بنعمل و حنعمل فى نفسنا كده

جميل الموضوع يا فيفا

فى رعايه الله

[مروه]

انا معاكى اننا لازم نأدى واجبنا
يعنى الظابط لما يلقى التوك توك ماشى يقوم بواجبه
بس يعمل كده امتى؟؟؟؟؟؟؟؟؟؟؟
لما يبقى معتش فيه اى مخلفات فى مصر
والحياه لونها بنبى
والناس عايشه كويس
والناس كلها لاقيه شغل
ومعتش غير ده فى البلد هو اللى ماشى مخالف
عشان يوفر مصدر رزق له ولأولاده
اللى المفروض اصلا الحكومه هى اللى توفر له الشغل ده
طب يشطروا هما على اللى بيسرقوا مليارات ويهربوا
ويعملوا واجبهم
مش على واحد اكيد مش لاقى ياكل هو وعياله
كل غلطته حاول يشتغل
يعنى لو كان بس الظابط عكس الأدوار
وتخيل انه هو سواق التوك توك
اكيد كان هيغير موقفه
يعنى الرجل ده كل ذنبه انه حاول يلاقى مصدر رزق
بدل البطاله او يسرق مثلا
يعنى استفادوا ايه لما الرجل ولع فى نفسه
اسره اتشردت ويمكن مش اسره بس
فى الأخر
احنا نعمل الواجب اه بس لازم نحكم عواطفنا
احنا بشر برضه مش الات
اسفه ع التطويل