(((___الصداقة والخيانة؟,هل اصدقائك وحدهم هم المسئولين؟___)))

[dr.saeed]

المشاركة الأصلية كتبت بواسطة bosy mostafa02

بسم الله الرحمن الرحيم

بجد موضوع جامد جداً
بحييك عليه

جزاكى الله خيرا

اما بالنسبه لي فانا ماعتقدش اني ممكن الاقي اي صديقه
كل مره بقول اني لقيتها و بتطلع مش هي
و على فكره انا برضو ساعات بكون مش منسباها او كده
بتلاقي مني تصرفات غبيه نوعاً ما .. يمكن عشان انا فيا عيب غبي اوي و هو اني بظن في الناس غلط ساعات
و يمكن كلامي زي الدبش حبتين ..
يعني .. بس ماعتقدش اني هلاقي صديقه بجد ..
يلا اصلا بصراحه بحس ساعات انهم بيضروا اكتر ما بيفيدوا ..
و خصوصاً اني طبعي كتوم شويه فممكن تتخنق مني و تقول مش بتثق فيا لإنه حصل معايا قبل كده

طبعا محدش فاهم حاجه بس مش مهم
انا اصلاً معرفش شو هاي ياللي كتبته

شكراً اوي عالموضوع

العفو
بس معلشى يا بوسى
لازم تعدلى من طريقتك وتعاملك مع الناس
لان فعلا طريقة كلامك جامدة شوية
وموضوع الكتمان دى حاجة ترجعلك
مش اى حد بيعرف يحكى
وجزاكى الله خيرا
فى امان الله

[biob]

بص يا سعيد
انا بصراحه قبل ما اتكلم انا عاوز اقولك ان اصحابى معندهومش نفس اهتماماتى
او مش كلها
فيه منهم بيحب حاجات انا مش بحبها
مش كل حاجه بقولهالهم عن نفسى
ومع ذلك انا حاسس انى مصاحب احسن ناس فى الدنيا
واننا هنفضل صحاب لحد ما ادفنهم بايدى


الجزء بقى اللى بيخلينا نخسر بعض
احنا بنعديه
يعنى لو انا زعلان من احمدمثلا علشان عملحاجه
مش بشيلهاله فى قلبى
بقولهاله فى وشى
ونخلص الموضوع فى ساعتها

فيه نقطه بقى نفسى فعلا اقف معاك فيها
ان كل البنات شايفه ان كل البنات بيغيروا منهم
مش عارف ليه

[سـهيـلـة]

يا ريت يا دكتور توضحلى النقطتين اللى انا كتبتهم فى الاول .
انا انهاردة بصراحة لما روحت المدرسة فكرت كتير فى الموضوع ده وقررت انى اسال زملائى "لانى معنديش اصحاب غيركم " فى الفصل عن نسبة الاصدقاء الاوفياء دلوقتى وقلتلهم ممكن تقدروا تتطلعوا من وسط 100 شخص كم شخص فقالولى :
3 قالوا 0% وده مش صحيح
2 قالوا 1% وده برضه مش صحيح
1 قالت 2% نفس الكلام مش صحيح
1 قالت 3% برضه لا
4 قالوا 5% واعتقد ان ده هو الصح
3 قالوا 10%
1قالت 12%
2 قالوا 15%
3 قالوا 25%
1 قالت 30 %
3 قالوا 40% وده غلط
وواحدة قالت 75% وده غلط غلط غلط غلط
دول اللى انا سالتهم انتوا بقى تختاروا كام فى الماية
تقبل مرورى يا د/ سعيد

[Rien]

بجد موضوع جميل
وللاسف مش هالحق ارد لان الوقت ضيق جدا
لكن هاقول حاجات صغيرة
لما اتنين اصحاب يزعلوا من بعض لاى سبب كان
كل حد بيفتكر الحاجات الكويسة اللى عملها والحاجات الوحشة اللى صاحبه عملها
لو نعمل العكس
وكل حد فينا يحط نفسه مكان التانى
هايتضايق من نفسه اصلا عشان زعل صاحبه
---
حاجة تانية
مش معنى ان فلانة صاحبتى
انها لازم تدينى تقرير مفصل عن كل حاجة ف حياتها
المفروض الاصحاب يحترموا خصوصيات بعض
ومايعتبروش ده عدم ثقة
لان فيه ناس كتومة بطبعها ومش بتحب تتكلم
وفيه ناس بترتاح لما تتكلم وتفضفض
---
ومش لازم ان الصداقة تبقى بين اتنين قريبين من بعض
انا ليا اصحاب ف محافظات تانية اصلا
وباحترمهم وباثق فيهم جدا
والانسان ممكن يبقى ليه اكتر من صديق مقرب
ممكن تكون دى بتسبب الغيرة اوقات زى ماتكلمت ف الموضوع
لكن لازم نحترم ده برضو
---
شكرا يا دوكتور بجد على الموضوع
وان شاء الله ممكن اكمل وقت تانى
فى رعاية الله

[dr.saeed]

هو
الواحد لو حط فى دماغه ان اللى قدامه مش وفى و الكلام ده
فعلا حتلاقيه مش وفى

بس فعلا لما تتعامل من الاول مع منطلق
انك بتعمل زى ما تحب انه يتعملك
فخلاص
الموضوع بالنسبالك بيبقى منتهى
خصوصا فى حته الوفاء دى

معاكى فى رأيك دة

احم
ممكن حضرتك تكون واخدها من منظور تانى
يعنى
الصحاب بيخافوا على بعض
يعنى هى مش تكون مدايقه و زعلانه قدامى
و مش ترضى تقولى مالها
ده مش بيعمل غير انه بتقلق اللى قدامها بس

بالعكس
انتى الى اخدتيها من منظور تانى

ههههههههه
و ده على اساس انك لما تقوله مش قولت حيصدقك
لا
اللى بيحط حاجه فى دماغه مش حيطلعها
و يتصرف معاك بمنطق
قالوا للحرامى احلف
بس خلاص كل واحد حر فى رايه و تصرفاته
انا ليا اللى جوايا بس

انا الى بقوله مجربه
وفعلا دة الى كان بيحصل
ماهو لما الواحد بيختار صديق
مش بيكون اى واحد بردة

مش عارف
بس صراحه انا عمرى ما قولت الحكايه دى
عشان انا مش حاجه قوى يعنى عشان كل البنات تغير منى

أوك

طيب حنجيب منين
ما هم دول اللى قدامنا فعلا
يعنى بنات فى الفصل
ماشى ححاول اختار من بينهم
بس بردوا
بيفضل اختبارى محدود بنطاق
و اللى هو هما
فالحكايه بتفضل كده طول الحياه

و يمكن انا بحس حكايه التنقيه و كده جميله بعيد فى النت
انك بتختار بين ناس مش فى وسطك
يعنى تجديد

انا عن نفسى اصحابى غالبا مش بيكونوا من نفس المحيط
كل الى فى محيط بيئتى بعاملهم من بعيد لبعيد
عشان اسلوبهم

هو انا ساعات بعمل كده
بس بحس الحكايه مش مستهاله
يعنى حاجه بسيطه كده مش حقعد امسكلها على الواحده
و انتى عملتى و انتى سويتى
بس انا من النوع لما بيتكلم بيجيب من الاول للاخر
كله ورا بعض
بس لما بتكلم بقى

اذن انتى من النوع الى بيخزن

على حسب العيب
يعنى فى عيب ممكن اقدر اتعايش معاه عادى
و فيه حاجات متنفعش
بتبقى نسبيه

أكيد
بس مش أقول عليه صديق من الاول وانا عارف عيبه دة وعارف انى مش هاقدر استحمله

الله اعلم
مين الوفى و مين اللى بيضيعها
بس غالبا الواحد بيبقى شايف نفسه هو الصح
و الطرف التانى ع طول هو الغلطان
و ده فى حد ذاته سبب فى ان الصداقه تروح
بس انا ما دام حبيت واحده
حفضل طول عمرى احبها مهما تعمل

دة رأى
وفيه ناس
من كتر ما بتشوف من الى ادامهم
بتكرهم فعلا
شكرا يا اسدات على مشاركتك القيمة
فى امان الله

[dr.saeed]

المشاركة الأصلية كتبت بواسطة biob

بص يا سعيد
انا بصراحه قبل ما اتكلم انا عاوز اقولك ان اصحابى معندهومش نفس اهتماماتى
او مش كلها

دة فعلا بيحصل مع ناس كتير
بس الى انت الى بتختار من ألاول يا درش

فيه منهم بيحب حاجات انا مش بحبها
مش كل حاجه بقولهالهم عن نفسى

اختلاف الوجهات حاجة أكيدة
وموضوع مش كل حاجة انا عن نفسى فيه حاجة مش قولتها غير لواحد بس
وكانت على النت

ومع ذلك انا حاسس انى مصاحب احسن ناس فى الدنيا
واننا هنفضل صحاب لحد ما ادفنهم بايدى

جميل جدا

الجزء بقى اللى بيخلينا نخسر بعض
احنا بنعديه
يعنى لو انا زعلان من احمدمثلا علشان عملحاجه
مش بشيلهاله فى قلبى
بقولهاله فى وشى
ونخلص الموضوع فى ساعتها

طب الحمد لله
ما تنساش تسلملى على أحمد كتير
وقوله السعيد بيقولك هايشوفك هايشوفك لان موضوعك مش هايسيبه

فيه نقطه بقى نفسى فعلا اقف معاك فيها
ان كل البنات شايفه ان كل البنات بيغيروا منهم
مش عارف ليه

والله مش عاوز افتح فى الموضوع دة
حفاظا على اسرار ناس كتير
بس انا عن نفسى
بشوف فعلا غيرة غريبة بين كتير من البنات
ربنا يحفظنا
وبشوف غيرة بين الصبيان
بس غالبا بتكون فى الدراسة
شكرا يا درش
فى امان الله

[dr.saeed]

جزاكم الله خيرا على مشاركاتكم جميعا
وان شاء الله هارجع تانى اكمل كلامى معاكم
وبجد مشاركاتكم فوق الممتازة
وافضل من الموضوع
وجزاكم الله خيرا مرة ثانية
فى امان الله

[Taleba Me7tasa]

المشاركة الأصلية كتبت بواسطة dr.saeed

دلوقتى فى موضوع مهم الواحد فكر فيه كتير لقصص كتير شفتها بعينى ادامى من ناس كتير عرفتها سواء على النت او على الحقيقة
جرب كدة تعمل موضوع عن معنى الصداقة اهميتها راى الحكماء فيها؟
هاتلاقى كل الردود
الصديق الوفى ماعدشى موجود
الصديق الوفى ان كان موجود يبقى نادر جدا
دة فعلا حقيقي
طب ماشى
لما كلنا رأينا كدة؟
يبقى العيب فى مين بقى؟
يعنى انا وانت وانتى وحضرتك
طالما كلنا شايفين ان احنا الاصدقاء المثاليين
واصحابنا كلنا هما الى مش كدة
يبقى هل العيب فيهم بس؟
مش معنى ان الواحد يقول مفيش صديق وفي
انه بيقول على نفسه انه هو الوحيد اللي وفي
طب وطالما كل واحد حاطط فى دماغه
ان التانى مش وفى
امال مين فينا الى وفى؟
حاجة بسيطة ممكن نيتدى فيها نتكلم فى المشكلة
البعض بياخد معنى الصداقة على وجه طفولى شوية
بمعنى
انى وفى مع الاخ دة وانى صاحبه من زمان
يبقى لازم دة يحكيلى كل حاجة عنه
زى مانا بحكيله هو كمان يعمل زيى ولا انا أثق فيه وهو لا؟
طيب ما حضرتك بتقول اهو
لما اكون انا باحكي لصاحبتي على كل حاجة مضايقاني
وهي مش بتحكيلي على اللي مضايقها
(وهي محتاجة انها تحكي)
اكيد هاتكون مش واثقة فيا
مع اني واثقة فيها
طب ليه هو انا عملتلها ايه ووو...
وناس تانية تاخدها ان الصاحب مفروض يسيب كل حالته وشغله ويفضل يسمع لصحابه؟
مش فاهمة بالظبط
بس اني اسمع لمشاكل صحابي دة مش ياخد منى وقت

حاجة تانية
ليه بلاقى الاصدقاء غالبا فى العصر دة بيختلفوا كتير ويفقوا مع بعض على التافه؟
ليه لما بيحصل بينهم مشكلة او تسمع من واحد بعيد انه قال عنك كدة مش تروحله تقوله قلت كدة وليه؟
يمكن فعلا
بس اما بتحصل معايا او مع واحدة صاحبتي وتشكيلي من واحدة
بيبقى اهم حاجة فعلا انها تصارحها
على الاقل في اسوا الاحوال لو سابو بعض
محدش يكون فاكر انه هو الملاك اللي مزعلش التاني
وفي الحالة دي ييجي الملاك دة ويرد على الموضوع ويقول
"مفيش صديق وفي"
يمكن اى فعلا قال كدة بس لسبب معين
خاصة انكك مش بتتعامل مع نبى
انتى بتتعامل مع بشر من سهل ان يزل وبخطىء
تمام
الحاجة التالتة
ليه البنات بالذات الاقى كل بنت تقول البنات بيغيروا اوى منى
طب طالما كل واحد شايفه ان كل البنات الغيرة عندهم عالية اوى وغير محمودة
يبقى مين فيهم الى فعلا بيغير غيرة مش كويسة؟
هو غالبا البنت اللي تقول كدة
بتكون حاسة انها افضل من الاخرين
غرور يعني
فعشان كدة في اطار صحابي مسمعتش منهم حاجة كدة
الحاجة الرابعة
البحث عن صديق
ودة اهم شىء
ليه لما نيجى نصاحب
نختار من الوسط المحيط وخلاص
امال المفروض اختارهم منين مثلا
ياريت توضح الحتة دي اكتر

حتى لو البيئة مش كويسة
اهم اصحاب وقريبين منى وشايفهم على طول وخلاص؟
ليه مش بناخد بالنا اوى ان الاصحاب هم اكتر حاجة تأثر على شخصية الواحد عشان كدة لازم نختارهم بدقة وبعناية بجد
الحاجة الخامسة
ليه لما بيكون جواك حاجة معينة من صديقك تفضل حاططها فى قلبك
وطبعا اكيد صاحبك دة بيغلط اكتر من غلط لانى زى ما قلت مش نبى
وانت ولا مرة تصارحه
بالعكس
تفضل سايبه يغلط يغلط
وانت قلبك يشيل منه أكتر
وفى الاخر تاخد القرار انى ابعد عن الشخص دة نهائيا
من كتر تراكم المواقف طبعا واحد على التانى
طب تقول ايه ف حد كان بيتحايل على صحابه
انه يقعد معاهم قعدة ويصارحهم باللي مضايقه من كل حد فيهم
وانهم في المقابل يصارحوه باللي مضايقهم منه
لانه "كان" باقي عليهم
وهما اللي موافقوش

كان عايز يصلح اي سوء فهم حصل
لانه بيحصل كتييييير جدا واحنا مش بنبقى واخدين بالنا
وكل واحد يفكر انه التاني اللي غلط
الحاجة السادسة
تقول هو صاحبى بقى بيمشى مع الواد دة كتير ليه؟
ليه بقى بيمشى مع دة اكتر منى؟
هو خلاص نسانى ولا ايه؟
وممكن يكون الشخص دةأقرب واحد ليه فى المحيط الدراسى
فيكون التعامل معاه كتير
لغاية هنا ومفيش زعل
لكن لما اكون مفكر ان صاحبي دة باقي عليا ومش هايستبدلني بحد تاني
وييجي الرد انه يطبق مثل "البعيد عن العين بعيد عن القلب"
(لاحظ اني مدخلتش ف حوار انه يشوف مصلحته مع مين
او هيستفاد من مين اكتر
لانه موضوع يطول الكلام فيه)
وفى نفس الوقت بيبتدى السؤال يقل شوية بين الاصدقاء لان فيه كليات زى هندسة عندنا مثلا مش بيلاقوا وقت اصلا يذاكروا فيه
الحاجاة السابعة
ودى من أغرب الحاجات
انتى يا بنى
انا معجب بالبنت دى؟
وهو كمان يكون معجب بيها
الله
ازاى؟
مش مفروض ياخد باله
مش لازم يسالنى الاول
وتبتدى بينهم حاجات ممكن الاطفال يتحرجوا من انهم يعملوها
عشان واحد فيهم يعرف يكلمها والكلام دة
انتو ادرى
وكذلك مع البنات بس الموقف بالعكس طبعا
مش فاهمة برضه
طبعا دى بعض المواقف الرئيسية الى بين الاصحاب
والى بتحصل ونرجع نقول ما فيش اصدقاء أوفياء
وطبعا كل واحد فينا فيه عيب معين
أى واحد
فيه عيب
بس هل انت هاتستحمل عيب صاحبك
ولا واحدة بواحدة هاتمل من العيب دة
لو انتيمتي اكيد طبعا هاستحملها
وتصاحب غيره
يطلع فيه عيب تانى
تستحمله لانه فيه صفات كويسة
وتسيبه لما تمل من العيب دة؟
الموضوع طويل شوية
والكلام فيه كتير اوى
لو حد عنده موقف معين ممكن يقوله ومش لازم ذكر اسماء لان المواقف فى الموضع دة أكيد كتير
وفيه أكيد ناس لما شافت الكلام حست انه منطبق عليها
والسؤال الاخير؟
مين الى وفى ومين الى بيضيع الصداقة بجد؟

فى امان الله

موضوع جميل جدا
مع ملاحظة ان مش كل المواقف اللي ذكرتها بتنطبق عليا انا بالذات

عايز موقف نختم بيه بقى
مرة كنت باكلم واحدة صاحبتي عشان نعمل قعدة تصافي
وباقولها اهو نشوف ايه ف طبعنا وحش نحاول نغيره عشان نستمر صحاب
وباقولها اكيد فيه ناس كتير من اللي هما مستمرين سوا صحاب سنين طويلة
اكيد غيرو ف طباعهم عشان يستمرة بسم الله ما شاء الله كل المدة دي

ردت رد طويل عريض اللي فاكراه منه انه شوفي مامتى ومامتك اهم
مين باقي معاهم من صحابهم ف الكلية او ثانوي لدلوقتي .. مفيش
ولكم ان تفهمو المغزى

شكرا للموضوع ولانك اتكيت على جرح
بس الحمد لله تقريبا لقيت ف الكلية الصحبة اللي تعمر معايا

في حفظ الله

[رونالدينهوو]

انا ولله الحمد لما اصاحب لازم اصاحب بجد

ولما احب حد احبه بجد مش زى اللى بيحصل الايام دى الواحد يقول لواحد انته صاحبى ولا اكنه صاحبه افعاله متدلش على كده

لازم الواحد يبقى ليه مصداقية اكتر من كده ولازم يكون فيه ثقه اكتر بين الطرفين حتى الطرف الاول لو غلط الطرف التانى ينبهه للغلط ده مش يفصل من غير ما الطرف التانى يتفهم الغلط

شكرااااا على الموضوع المميز يا دكتور سعيد

[**تسابيح**]

المشاركة الأصلية كتبت بواسطة dr.saeed

جزاكى الله خيرا

كلامك جميل

دة احساس بيكون داخل كل واحد فينا
بس الاهم مش يبان ادام صديقك
والاهم بردة انه مش يأثر على علاقيتك بصديقتك
او بمعنى اصح مش تشيلى من جواكى ليها عشان بتمشى مع واحدة أكتر منك

نقطة مهمة جدا على فكرة الى انتى ذكرتيها والى تحتها خط
لما نيى نفكر فى حد
نفتكر الاول هو وقف جنبى امتى
مش افتكر هو امتى بعد عنى الاول
لما اجى احكم على واحد
افتكر هو ساعدنى اد ايه
ومش تكون اول حاجة افتكرها انه جاب سيرتى قبل كدة
اما موضوع اصدقاء المصلحة دول موجودين
انا عن نفسى لما بشوف كدة فى حد بروح أقوله فى وشه انت بتتعامل كذا كذا ويا اما استمر معاه يا اما تبقى معاملتى معاه محدودة جدا
شكرا على ردك ومستنى الباقى

بصراحة موضوع اني اروح اقول لحد في وشه انت وحش ّّ!!!!!!!!!!!!! مقدرش عليها اني مش جرئية للدرجة او بمعني اصح مش بحب احرج حد بس النقطة اللي بجد نفسي اوضعها مهما بلغة ثقة الواحد بصديقة مش مفروض يحكي له اي حاجة انا هقولك مثلا احنا كان شلة 5 بنات المهم كان فيهم 2 كلنا عارفين انهم ماشين مع بعض واصحاب بقي ومحدش يقدر يفرق بيهم واخوات والحاجات دي المهم كان فيه واحدة فيهم حريصة شوية وبتذاكر من تحت لتحت بالنسبة لنا مش كانت بتقول لنا هي بتذاكر ايه لكن لصحبتها اوي كانت بتحكي وكدا المهم بقي صاحبتها دي مش كانت بتصدقها ما اني واثقه انها مش بتكذب عليها هي ممكن تكذب علينا بس صاحبتها اوي دي لا !!!! راحت بقي قالت عليها دي خبيثة وبتذاكر من وراية وحاجات بنات عبيطة والله لما تيجي تجيب اكثر منها تزعل منها بجد انا كنت بشوف الحاجات دي وستغرب يعني يخسره بعض عشان مذاكرة وكدا وصدقني بقي الاثنين كانوا يجوا بقي يقولوا في بعض كلام دا مش عارفة ايه ومش عارفة اي !!!! طب انتي مصاحبها ليه بقي !!!! عشان كدا بقول ان السر لازم يكون مع الام لانها عمرها ما هضر بنتها لانها حته منها فيه حاجة كمان كان فيه ولد جارنا وكدا مش كان شاطر وكان مصاحب شوية عيال مينفعيش يتقال عليهم اللي اصحاب سوء بجد جية بس ف 2 ث اتصاحب علي ولد في سنه وكان لسه ساكن جنبهم جديد فكان بيشوف الولد دا بيذاكر فكان بيغير منه وبيذاكر زية وبعد كدا قال لاصحابه دي ع كدا لانهم لازم يذاكروا مش سمعوا كلامه وقالوا له ياعم يعني لو ذاكرني هنجيب يعني!!!!! وبعد كدا الولد دا جاب مجموع كويس اوي وهو دلوقتي في صيدلية يالا شكلي كدا هدخل الموضوع دا كثيرشكرا يادوك * سعيد

[مروه]

مشكوووووووور على الموضوع الجميل ده
وده طبعا مش جديد على حضرتك
موضوع ان الصداقه بقت نادره اليومين دول
دى مجرد كلمه كل واحد بيقولها
علشان يبرر موقفه لما بيفشل فى تكوين صداقه
مع ان الفشل ده ممكن يكون له سبب تانى خالص
غير انه صديقه ده مش كويس.... او معتش صديق مخلص ....... الخ
ممكن يكون العيب منه هوه
او ممكن يكونوا مش قدروا يفهموا بعض
وده يكون السبب فى ان الصداقه دى فشلت
لكن الصداقه الحقيقيه موجوده فى كل وقت
والأصدقاء اللى بجد كتييييير اوى
موضوع الغيره بين البنات دى منتشره اوى
بحس ان فيه بنات بتصاحبوا مع بعض عشان يغيروا من بعض بس
والغيره كمان عند الولاد وبتكون ظاهره اوى وهما صغيرين وكمان وهما فى سن المراهقه
لكن فى سن الكليه بتقل شويه
وتسلم على الموضوع التحفه ده
وفعلا عندما تمتلك صديقا وفيا كأنك تمتلك الدنيا وما فيها
ربنا يخليلى اصحابى يارب
ومش اتحرم منهم ابدا

[لمى 2016]

بس امين السر النبوى هو حذيفة بن اليمام


معلش بس هو اسمه حذيفة بن اليمان

لى عودة فى وقت لاحق

كانت معكم ريتاج2016 سابقا

[dr.saeed]

بس امين السر النبوى هو حذيفة بن اليمام


معلش بس هو اسمه حذيفة بن اليمان

لى عودة فى وقت لاحق

جزاكى الله خيرا على تعديل الاسم

كانت معكم ريتاج2016 سابقا

من قناة الجزيرة نحيكم

[dr.saeed]

المشاركة الأصلية كتبت بواسطة بســ أمـل ـــمة

يا ريت يا دكتور توضحلى النقطتين اللى انا كتبتهم فى الاول .
انا انهاردة بصراحة لما روحت المدرسة فكرت كتير فى الموضوع ده وقررت انى اسال زملائى "لانى معنديش اصحاب غيركم " فى الفصل عن نسبة الاصدقاء الاوفياء دلوقتى وقلتلهم ممكن تقدروا تتطلعوا من وسط 100 شخص كم شخص فقالولى :
3 قالوا 0% وده مش صحيح
2 قالوا 1% وده برضه مش صحيح
1 قالت 2% نفس الكلام مش صحيح
1 قالت 3% برضه لا
4 قالوا 5% واعتقد ان ده هو الصح
3 قالوا 10%
1قالت 12%
2 قالوا 15%
3 قالوا 25%
1 قالت 30 %
3 قالوا 40% وده غلط
وواحدة قالت 75% وده غلط غلط غلط غلط
دول اللى انا سالتهم انتوا بقى تختاروا كام فى الماية
تقبل مرورى يا د/ سعيد

شكرا جزيلا
انك تفكرى فى الحاجاة الى تهمك بشكل عملى
ومرورك ينور الموضوع
انا بقى فى رايى
2
فى امان الله

المشاركة الأصلية كتبت بواسطة مكعب سكر

لما اتنين اصحاب يزعلوا من بعض لاى سبب كان
كل حد بيفتكر الحاجات الكويسة اللى عملها والحاجات الوحشة اللى صاحبه عملها
لو نعمل العكس
وكل حد فينا يحط نفسه مكان التانى
هايتضايق من نفسه اصلا عشان زعل صاحبه
---

فعلا والله كلامك صحيح

حاجة تانية
مش معنى ان فلانة صاحبتى
انها لازم تدينى تقرير مفصل عن كل حاجة ف حياتها
المفروض الاصحاب يحترموا خصوصيات بعض
ومايعتبروش ده عدم ثقة
لان فيه ناس كتومة بطبعها ومش بتحب تتكلم
وفيه ناس بترتاح لما تتكلم وتفضفض
---

معاكى بردة فى النقطة دى

ومش لازم ان الصداقة تبقى بين اتنين قريبين من بعض
انا ليا اصحاب ف محافظات تانية اصلا
وباحترمهم وباثق فيهم جدا
والانسان ممكن يبقى ليه اكتر من صديق مقرب
ممكن تكون دى بتسبب الغيرة اوقات زى ماتكلمت ف الموضوع
لكن لازم نحترم ده برضو
---

كلام جميل

شكرا يا دوكتور بجد على الموضوع
وان شاء الله ممكن اكمل وقت تانى

فى رعاية الله

العفو
ان شاء الله الموضوع موجود فى أى وقت
وجزاكى الله خيرا
فى امان الله

[dr.saeed]

مشكوووووووور على الموضوع الجميل ده
وده طبعا مش جديد على حضرتك

جزاكى الله خيرا
دة بس من ذوقك

موضوع ان الصداقه بقت نادره اليومين دول
دى مجرد كلمه كل واحد بيقولها
علشان يبرر موقفه لما بيفشل فى تكوين صداقه
مع ان الفشل ده ممكن يكون له سبب تانى خالص
غير انه صديقه ده مش كويس.... او معتش صديق مخلص ....... الخ
ممكن يكون العيب منه هوه

فعلا
ودة ألاغلبية فى رأيى انا

او ممكن يكونوا مش قدروا يفهموا بعض
وده يكون السبب فى ان الصداقه دى فشلت

بردة احتمال ممكن يحصل

لكن الصداقه الحقيقيه موجوده فى كل وقت
والأصدقاء اللى بجد كتييييير اوى

لا مش كتير اوى يعنى

موضوع الغيره بين البنات دى منتشره اوى
بحس ان فيه بنات بتصاحبوا مع بعض عشان يغيروا من بعض بس
والغيره كمان عند الولاد وبتكون ظاهره اوى وهما صغيرين وكمان وهما فى سن المراهقه
لكن فى سن الكليه بتقل شويه

الحتة دى لسة هاتكلم عنها بالتفصيل هنا فى الموضوع ان شاء الله
علميا وعمليا

وتسلم على الموضوع التحفه ده

جزاكى الله خيرا

وفعلا عندما تمتلك صديقا وفيا كأنك تمتلك الدنيا وما فيها
ربنا يخليلى اصحابى يارب
ومش اتحرم منهم ابدا

ربنا يحميكى ويجعل حبك لاصحابك ابتغاء لمرضاته
ويجمعك بهذا الحب فى ظله يوم لا ظل الا ظله
فى امان الله