رحبوا برئيس امريكا الجديد ( اوباما)

[vampire1188]

أعتقد الموضوع سياسة دولة ومش هتتغير .. بس يعني في أمل ولو بسيط

هيا مصيبة امريكا انها ماشية على نهج سياسة المؤسسات ..

والمؤسسات اللي محتكرة الاعلام والنفوذ المالي عندهم معظمها تابع لليهود ..

بالتالي من الطبيعي ان الرئيس الامريكي يبقي مغلول بغلال القيود بتاعة المؤسسات دي

دانا النهارده ببص في الـ Newbar بتاع قناة الجزيرة .. لاقيت تصريح غريب اوي من الحكومة الاسرائيلية

وهوا ان فيما معناه ان اسرائيل ينتظرها مستقبل مشرق معا الحكومة الامريكية الجديدة !!!

عايزين ايه اكتر من كدا ؟! ..

هوا يمكن الحسنة الوحيدة في اوباما انه اعلن انه ضد الحرب على العراق ..

وانه هايعمل خطة لسحب القوات الامريكية من العراق في مدة 16 شهر .. يعني حلني !

تاني حاجة انه قال انا ضد معتقل جوانتنامو .. يعني هايتم غلقه .. امتي ؟ .. الله اعلم !

تالت حاجة .. مشكلة فلسطين .. هل انتوا شايفين انها هاتتحل ؟ ..

اظن ان احنا اللي وسطنا هايتحل من الرقص عندهم في البيت الابيض قبل ماهما يحلوها !!!!

[Lost Dreamer]

المشاركة الأصلية كتبت بواسطة محمود طه القالع

غير مهم لنا نحن العرب
ان نعرف من الرئيس القادم لهذة البلد لاني اري
انه لا فرق بين احد واخر
لان هذا البلد لها سياسة تسير عليها والقادم بسير علي هذة السياسة
اي بيكون مجرد دمي
وهذا مجرد راي

وجهة نظر حضرتك تحترم بس انا شايف يا مستر ان سياسة البد دي كله ماشي عليها حتي كله متابع الانتخابات عشان يعرف العالم هيمشي ازاي بعد كده

شكرا لمرورك واهتمامك يا مستر

[أحمد2025]

انا مش متفائل اطلاقا
ف حاجة بس انا عايز احكيها
بصوا ياجماعة
فى امريكا
رئيس الجمهورية ده تابع لسياسة الكونجرس والحكومة وكده
يعنى الكونجرس والحكومة هما الكل ف الكل
يعنى م الأخر يبقوا الوضع ع ماهو عليه
وف حاجة انا عايز احكيها كمان
هو احنا ليه واجعين دمغنا ب اوباما وامريكا
ما نشوف نفسنا الأول ياجماعة
البلد كلها مش بتتكلم غير ع اوباما
ف ايه ياجماعة
ابو ناصر انا مش بتكلم علي موضوعك انا بتكلم ع البلد كلها ووالفضى اللى هى فيه
ولنا بقية

[reda_mafia50]

بس الكل بيقا حلو فى اول وويجى فى اخر حاجه تانيه خالص

[محمد.فوكس]

انا برضه شايف ان كله زي بعضه في تطبيق سياسة خارجية واحدة .. سياسة لازم يلتزم بيها اي رئيس امريكي.
لكن طبعا برضه انا شايف اوباما هيكون اقل *** من بوش يعني اوباما هيبقى شبه كلينتون .. يعني مفيش مشكال قد مشاكل بوش.
بالنسبة لموضوع ان ماكين قال هقعد في العراق .. اعتقد انه لو كان نجح كان مستحيل يعمل كده .. هو كده هرس العراق و مبقاش محتاج منها حاجة يمكن بس مستنيين ياخدوا باقي البترول.
لكن لو اهداف عسكرية او وقائية عندهم حاجات تانية اخطر و اهم زي ايران .. و روسيا اللي ظهرت من جديد.
بس بقى الاهم .. ان مع كل عدائتنا لأمريكا لمعاونتها لاسرائيل.
لكن طبعا بنعترف ان امريكا قدمت مثال للديمقراطية و الحرية و العدل و المساواة.
انتقادات للرؤساء و المرشحين .. ميهمش اصول المرشح ولا لونه و الشعب كمان مهمهوش الا انه ينتخب اللي في مصلحته يعني مقلكش ده افريقي ولا كان مسلم.. و اعتقد ان معظم البالغين راحوا انتخبوا و عندهم بطاقات انتخابية.
و انا مسمعتش حد خالص شكك في نزاهة الانتخابات.
احنا عندنا الانتخابات بيتشكك في نزاهتها من قبل ما تبدأ.
يمكن تلت البالغين بس هم اللي عندهم بطاقات انتخابية (الناس الفايقة اللي معندهاش مشاكل فبتفكر في السياسة)..و حتى اللي معاهم بطاقات مش كلهم بيدلوا بصوتهم.
ربنا يوعدنا اننا نبقى في المستوى ده من الديمقراطية.

[Lost Dreamer]

المشاركة الأصلية كتبت بواسطة سندريلا العراق

ولله انا متفائله معرفش ليه

على الاقل انسان مسلم

مهما كان فده مننا يعني هيكون احسن من غيره

ونحسب الله ان يكون على خير

وربن يستر ان شاء الله

على الاقل احسن من ماكين

الي صرح بانه اول ما يمسك زمام الحكم

هيمدد اقامة الجيش الامريكي في العراق الى 100 عام

يارب يكون في تحسن ويكون عنده حل سلمي لمشكلة العراق وافغانستان

خصوصا انه مسك الحكم في اسوء فتره لامريكا في القرن الواحد والعشرين

ازمه ماليه ضخمه وهزه في الاقتصاد الدولي و مشكلتين اضخم من بعض الي هي العراق وافغانستان

ربنا يتسسسسسسسسسسسسسسسستر

شكرا يامحمد للموضوع

ومبروك لباراك اوباما

انا معاكي يا سندريلا في رايك

وبرضه يا ريت نستني علي الراجل شويه نشوفه هيعمل ايه

[حسام الشرقاوى]

الي صرح بانه اول ما يمسك زمام الحكم

هيمدد اقامة الجيش الامريكي في العراق الى 100 عام

اه ياض يابن الجذمة يامكين