ازاى بنعمل كدة ؟ - الصفحة 2

Baskoota · #16 23-10-2008, 01:36 PM

السلام عليكم ورحمة الله

النسيان هو نعمة من الله عز وجل وموجود من ايام سيدنا آدم عليه السلام
ليه بقى هو نعمة؟؟
لان لو حصل للإنسان حادث حزين ومنساهوش هيفضل طول حياته مكتئب وحزين
ومين مننا مش بيحصلوا حجات حزينة؟؟
هل الدنيا بعدها بتقف؟
على كدا بقى يبقى كل الناس هتعيش في حزن دائم والحياة هتتحول لصوان عزاء كبيييييييير وكل اللي فيه منكوبين ومحدش هيعزي حد
علشان كدا الانسان بينسى
وزي ما ليه فوائد ليه اضرار اننا مثلا ممكن ننسى اللي ذاكرناه او ننسى حد من صحابنا مشوفناهوش من فترة
لكن نفعة اكبر من ضرره
دا من رأيي

Sharp Nails · #17 23-10-2008, 01:41 PM

اقتباس:

اجى اسألهم يقولولى اصل الايام بتنسى

الموت سنة الحياة
لازم يحصل لاى حد
وطبعا مش بننسى بالعكس الواحد بيفضل فاكر الشخص الى مات
انا عن نفسى لسة فاكرة لحد دلوقتى مع العلم انها ماتت من 7 سنين
بس لما حد يموت اكيد حياتنا مش هتقف عليه
لازم تكمل الحياة اظن هيكون افضل لينا ولية
هو فى اخرته واحنا فى دنيتنا

حكمة ربنا !!!!!!!!!!!!!

** MR.SmilE ** · #18 23-10-2008, 01:50 PM

اول حاجة شكرا ع الموضوع

انا كنت قبل كدة كتبت عن حاجة زي دي

النسيان من النعم الكتير اوي اللي ربنا منحها للانسان

لان لو الواحد قعد مرتبط بماضيه و مسيطر عليه في كل حياته

مش هيعرف يكمل

فالدنيا ما بتوقفش عند اي حدث محزن

بس انا معاكي في حكاية ان الواحد مينساش تماما

يعني ع الاقل يفتكر الانسان العزيز عليه

و يذكره بالخير

بس ما يرتبطش بيه ف كل حاجة

يا رب تكون وجهة نظري وصلت

تقبلي مروري