ادارة اعمال يعنى ايه ؟؟؟

[فرسان الحق]

المحاسبه هى الاهم فى الحياه العمليه من ناحية الشغل لكن بصراحه انا فى اولى تجاره و لكنى بعشق ادارة الاعمل و بحبها اكتر من المحاسبه و ده لانى شايف ان اى مؤسسه او شركه ممكن تنجح او تخسر بسبب ادا رة الاعمال و سبب ضمور الاقتصاد العربى هما سببين
1-قلة الضمير و ده مش بايدينا طبعا
2-الاداره العربيه الفاشله
فلذلك بفرح لما قلاقى ناس داخله اداره اعمال و قلاقيهم مهتمين بيها كده لانها ماده ممتعه و على فكره لازم اللى يدرسها يدرس علم نفس كويس علشان يعرف يطبقها صح فى العمل

[vampire1188]

و على فكره لازم اللى يدرسها يدرس علم نفس كويس علشان يعرف يطبقها صح فى العمل

كلام سليم وميه ميه .. احب انا الناس اللي فاهمة دي

بس احب اقولك ان علم النفس دا في الادارة مابيتسماش علم نفس

دا بيتسمي التنمية البشرية .. او عشان ابقي دقيق شوية .. تطوير الفكر في التعامل معا الناس التانية

عشان كدا تلاقي اي انترفيو دائما مايتخلله أسأله حوالين الردود الذكية وسط الكلام

وفيه شركات بتاخد الناس بتوعها عشان اللباقة والمظهر وحسن التصرف ..

زي اللي شغالين في خدمة العملا بتاعة موبينيل