عايـــــــــ حقى ـــــــــز

[الرهينه]

المشاركة الأصلية كتبت بواسطة فتاة الاسلام

بصى جيجو
الحقوق فى مصر فروعها كتير "مش الحقوق الكلية ركزى "

لسه مانمتش على فكره .. صاحيه اهو

منها حق معاش حق معيشة حق اعتراض حق تعليم علاج امان وامن وسلامة والخ ... كتير
وللاسف الانسان العادى
فى مصر "وانا اقصد بالانسان العادى اللى هو متوسط الحال او الفقير وبالاخص اللى ملهوش ضهر او واسطة "
الانسان العادى مش بيقدر ياخد حقوقة كلها
فرضا لو هما 10 حقوق ممكن جدا تلاقية واخد 5 حقوق والباقيين مش عارف ياخدهم وممكن تلاقية واحد جزء من حق واحد
والانسان اللى لسة واسطة بتجرى واره فى كل حتة
تلاقية واخد حقة تالت ومتلت
ابسطها موقف حصل
"ابن واحد معرفة جامعة خاصة وتشاء الظروف انة يتمسك تحرى والضابط يصمم انة يركب البوكس هو واصحابة وكل اصحابة ما شاء الله فى ساعته اتصلوا بااهليهم ومسافة لما وصلوا القسم ككان اهلهم هناك وخرجوا الا الولد دة لانة مش اتصل باهلة لانة مش عارف يقول لهم اية وعارف انة ملهوش واسطة بس اتصل وباباه جة لكن طبعا اتفرجى على قمة البهدلة اللى اتبهدلوها ومكنش ليهم حد غير لما طلبوا من خالى وجة وخرجة "

اهو دة مواطن وحقة انة يتعامل زى غيرة وحقة انة يتعامل كبنى ادم فى القسم حتى

دة السائد ان الواسطة هى الاساس

اها صح الواسطه والمحسوبيه هى الاساس بس تفتكرى ده ناتج عن ايه
احنا لو ما موتناش من حرب الاسعار والزحمه و.. و.. هنموت من السلبيه اللى احنا فيها ودى ماحدش فينا السبب فيها

ننيجى بقى للسلبية اللى بيتصرف بيها بعض المواطنين وبتتسبب فى ان حقوقهم تضيع
اولا الصوت العالى ضعف وتضيع للحقوق
المظاهرات الغير سلمية والاضرابات واللى بينتج عنها
الاعتراض بالتطاول على المسؤلين
زى اللى يقعد يكتب فى جريدة ما ويجرح فى الوزير الفلانى علنى كدة ويسب فية طب ما انت معاك الحق يبقى تكتب بالادلة وكل شئ يكون طيبعى انما لما تجرح فية هو مش هيسكت وهتبدا حرب الردود على السب والقذف وننسى المضمون الاساسى

اها فعلا دى مشكله عندنا اننا حتى لا نجيد فن المظاهرات على طول بتقلب عصيان مدنى
المظاهره هنا يعنى ضرب وحرق وتكسير للاسف

هتقولى لى طب واية العمل ناخد حقوقنا ازاى
اقولك كل شئ بالعقل والحكمة وهداوة بردو
مثلا واحد مش عارفة ياخد معاشة او يصرفة
مش يروح مصلحة المعاشات ويزعق ويتخانق
لا انا اروح عل المسؤل على طول
وصدقينى الحاجة الوحيدة اللى فى مصر كويسة وعن ثقة
هى المسؤلين سواء وزير او محافظ اى كان
لما يروح لهم طلب او مشكلة بيحلوها

يمكن يكون فى مسئولين كويسين فعلا بس المسئولين دول اللى هما مين ماهما اللى ماسكين البلد والكويس اللى فيهم ما بيطولش

بصى هو الموضوع شامل وكبير
بس المضمون العام
هو ان مينفعش نسكت
ومينفعش نعمل بلبلة

اها بس للاسف زى ما قولتلك هما ياما يسكتوا ياما يعملوا مظاهرات

سورى يا جميل طولت عليكى

لينا عودة تانى لما اشوف ردك
بس اروح اتسحر واجى تانى

مافيش داعى لسورى خالص

ومستنيه ردك بس هرد عليه بكره بقى ان شاء الله

عشان هقوم ناو

[COoL HEaRT]

الايه اتعكست فى كل حاجه

الساكت عن الحق شيطان اخرس

واصبح ملاك ابيض

اللى بيسكت عن الحق واللى ينافق يا سلاااام هتلاقى الناس تحلفله بالادب والاخلاق

واللى يعبر عن رايه يبقى ايه وحش وهو ده اللى الواحد يتجنبه

ع فكره بقى شيء عادى زى منتى قلتى خليك جنب الحيطه احسن

بصى حتى لو الناس فضلت تقول فى الشعارات دى

ساعه الجد ........قابلى لو عرفتى تشوفى حد كله بيطلع يجرى

هرجع واقول مش ذنب الناس

الناس شافت كتير

وهتشوف اكتر وهنفضل كده لغايه متحصل معجزه من عند ربنا

شوفى لما بنت قات كلمه حق فى موضوع تعبير .......اتلغى امتحنها

لولا الريس

كان زمانها اساسا مكملتش تعليم

تفتكرى دى نظرتها ايه للمجتمع للناس ...

البنت اللى عملت جروب ع الفيس بوك

ع طول امن الدوله ... تنظيم ارهابى انقلاب ع نظام الحكم...الخ الخ

واقرب حاجه واللى مش هنساها موضوع الكادر بتاع المرشد

حذف ووقف

هى البلد ماشيه كده

[الرهينه]

المشاركة الأصلية كتبت بواسطة بنوته اهلاويه

الايه اتعكست فى كل حاجه

الساكت عن الحق شيطان اخرس

واصبح ملاك ابيض

اللى بيسكت عن الحق واللى ينافق يا سلاااام هتلاقى الناس تحلفله بالادب والاخلاق

واللى يعبر عن رايه يبقى ايه وحش وهو ده اللى الواحد يتجنبه

ع فكره بقى شيء عادى زى منتى قلتى خليك جنب الحيطه احسن

بصى حتى لو الناس فضلت تقول فى الشعارات دى

ساعه الجد ........قابلى لو عرفتى تشوفى حد كله بيطلع يجرى

هرجع واقول مش ذنب الناس

الناس شافت كتير

وهتشوف اكتر وهنفضل كده لغايه متحصل معجزه من عند ربنا

شوفى لما بنت قات كلمه حق فى موضوع تعبير .......اتلغى امتحنها

لولا الريس

كان زمانها اساسا مكملتش تعليم

تفتكرى دى نظرتها ايه للمجتمع للناس ...

البنت اللى عملت جروب ع الفيس بوك

ع طول امن الدوله ... تنظيم ارهابى انقلاب ع نظام الحكم...الخ الخ

واقرب حاجه واللى مش هنساها موضوع الكادر بتاع المرشد

حذف ووقف

هى البلد ماشيه كده

مش معنى ان البلد ماشيه كده وحياتنا كده ان ده الصح واننا نسكت عليه .. انا عن نفسى ما اتعودتش اسكت على حاجه غلط

بس للاسف لما تيجى تعبرى عن رأيك تلاقى اقرب الناس ليكى هما اول ناس ضدك

ومن خوفهم عليكى يقولولك امشى جنب الحيط الحيط مسيره يتهد ع اللى ماشى جنبه

وانتى بتقولى البنت اللى امتحانها اتلغى واللى ع الفيس بوك اتأذوا بس لو خدتى بالك اللى ساكتين بيأذوا برده نفسهم وبيموتوا بالبطئ

للاسف احنا اتربينا على مفاهيم غلط ولو فضلنا ماشيين عليها مش هنزداد الا سوءا

ميرسى ياسمين ع مرورك