نداء الي مشرفي هذا المنتدي انقذونا من الرخامة

[greatmaster]

عيب عليك تعمل كدة فى موضوعك يا عم شرشر

[shrrif]

لو رديت عليك ياعم جريت مش هيبقي منتدي محترم ,, انا والله بجد برجوك انك تجيب مواضيع تفيد الناس مش تشارك بموضوع عبارة عن جملة مالهاش لازمة (ده في رأيي المتواضع) وبكل حب .. وسيبك م اللي انا بكتبه في مواضيعي لاني برد علي الناس اللي المفروض ارد عليهم يا جريت باشا .. وولا عايزني سلبي زي بعض الناس؟؟؟؟؟؟؟

[zaza2000]

معاك حق يا اخي الكريم

[greatmaster]

المشاركة الأصلية كتبت بواسطة shrrif

لو رديت عليك ياعم جريت مش هيبقي منتدي محترم ,, انا والله بجد برجوك انك تجيب مواضيع تفيد الناس مش تشارك بموضوع عبارة عن جملة مالهاش لازمة (ده في رأيي المتواضع) وبكل حب .. وسيبك م اللي انا بكتبه في مواضيعي لاني برد علي الناس اللي المفروض ارد عليهم يا جريت باشا .. وولا عايزني سلبي زي بعض الناس؟؟؟؟؟؟؟

اولا افهم من كلامك انك عاوز تشتمنى

ثانيا انت غلطان لانك مش هتصلح الناس

ثالثا الى مقتنع بحاجه ما بيغيرهاشى اوكى

رابعا لاتتقبل مرورى

[shrrif]

لا سمح الله, انا لساني يتقطع قبل ما اشتم زميل ليا
انا كنت بس متضايق من بعض مشاركاتك بصراحة مع اني لسه عضو جديد
لانها عناوين وفقط
لكن في مشاركة ليك فيها التربوي والعربي خلتني اغير رأيي وانا عن نفسي حملتها
وماتزعلش مني يا عم انا اسف
وخد مني البوسة دي

[استاذ بدوى الدجوى]

هو الحوار فى الاخر هينتهى على ايه ؟
مش ممكن يا افاضل !
رمضان كريم
يارب يا greatmaster يارب تبطل السجاير فى شهر رمضان
ربنا يحبب فيكم خلقه
وبلاش عصبية

[***star***]

انا كدا صدقت كلام مدرس فاضل.......ساعه اما قال ...احذر من لقب((((عضو جديد))))...

[دودو دلوعة اليكس]

معلش يا مستر ما تزعلش نفسك ازمة وتزول ان شاء الله وما تخليش كل حاجة ع اعصابك كدة هدى نفسك هدى نفسك وبعدين يا مستر مش كل المواضيع تافهة يعنى فى ناس بيكتبوا مواضيع حلوة وابقى ادخل مواضيعى وشوف حتلاقيها كلها اى كلام هههههههههههههه..لا بجد يا مستر فى مواضيع حلوة وان شاء الله ربنا يسهل ونقضى ع التافهين والمتحاملين ع المنتدى وربنا يسهل الحال.والسلام عليكم ورحمة الله

[محمدمصطفى مصطفى]

معك حق أخى الفاضل وأضيف أن هناك مهرجين وشامتين أيضا وركّاب موجة -كما يقولون- وأعطى لك مثالا فهناك عضو يدعى خيرى زاهر قرأت له مشاركة كتب فيها ما معناه إن لو مدرس راسب درّس لأولادى سأرفع علية دعوة قضائية إننى أتحدى أى مستشار من الوزارة فى مادة تخصصى وأشياء أخرى من هذا القبيل المتكبر ولقد أثارت هذه المشاركة وغيرها لنفس العضو حفيظة عدد كبير من الإخوة ,,,, هذا على سبيل المثال
ماذا تقول فى مثل هذا العضو ؟رأيى أنا أنه حلال فيه الفصل

[abohazem]

حسبى الله لا إله إلا هو عليه توكلت وهو رب العرش العظيم

[tarek elhamy]

معاك حق يا اخي الكريم

[aabuhasswa]

المشاركة الأصلية كتبت بواسطة shrrif

نداء حــــــــــــــــــــــــــــــار الي مشرفي هذا المنتدي أرجوكم
المنتدي ده قرب يفقد مصداقيته .... انا زهقت بصراحة , بالرغم من اني اخدت امتحانات كتير واستفدت من المنتدي ده جدا كمدرس ولكن من المحترمين فقط...
هل يعقل ان كل واحد بيهرج وبيستظرف وبيرخم وبيضيع لنا وقتنا يكتب اي عنوان ملفت زي مثلا "نتيجة امتحان الكادر حصريا" و زي اللي يخش يكتب موضوع مفروغ منه ومعروف واللي يخش بقول نظام الكادر ده وحش ... طب ما كلنا عارفين وخلاص ولا هوا حشو للمنتدي وبس؟
بعض المستظرفين يكتب عنوان نار خطير ونخش نلاقيه بيستهبل وبيستخف دمه ويقولنا انتو صدقتو؟
ايه التلامة دي يا جدعان ... حد يقوله يا جماعة هيا ناقصاك؟
ازاي المواضيع دي تستمر في المنتدي والمشرفين ما يشيلوهاش ؟ ازاي مايعقبوش صحاب المواضيع التافهة دي بالغاء عضويتهم؟
انا مش متحامل عليهم والله , لكن الموضوع بقي مستفز جدا بشكل ممل لدرجة ان اي موضوع عنوانه ملفت مابقتش اقرب منه لاني اتاكدت انه كله هجس
عايزين حاجات تثري المنتدي تميزه عن غيره من المنتديات التعليمية الاخري, عايزين نقرب من بعض كمدرسين ويبقي المنتدي نقطة قوة لينا والمكان اللي يجمعنا عشان نبقي ايد واحدة عايزين نعمل دعاية جامدة جدا للمنتدي لتجميع كل المدرسين في مكان واحد, زي ما اليهود كلهم اتجمعوا في ارض واحدة واصبحو قوة ( قياس مع الفارق طبعا) اقصد ان التوحد في حد ذاته قوة.. عايزين حد يسمع لينا , مش عايزين حد يفرض علينا حاجة نتيجة لضعفنا . عايزين مادة علمية في جميع التخصصات تفيد كل اخوانا في المنتدي, عايزين نتناقش في طرق التدريس , عايز نشارك بعض في كل حاجة, عايزين نتفق علي تسعيرة واحدة للدروس الخصوصية ! كده يعني
مش كل واحد مزنوق في كلمة عبيطة يخش يحشي بيها المنتدي...
اعذروني يا جماعة انا كنت مبقوق من العالم الرخمة دي سامحوني ...

صدقت والله يا اخى