نداء الى المعلمين المتقدمين غدا وبعد غد للامتهان

[wallled]

لما انتا مش عارف درجة النجاح مش دا لوحده امتهان ليك
لسه عايز حد يقنعك تقاطع ولا لا
يا اخي عيب عليك

[khaled_ibrahim]

المشاركة الأصلية كتبت بواسطة wallled

لما انتا مش عارف درجة النجاح مش دا لوحده امتهان ليك
لسه عايز حد يقنعك تقاطع ولا لا
يا اخي عيب عليك

استاذى الفاضل
درجة نحاج ايه الى حضرتك عاوز تعرف هيا كام
حضرتك لو واثق فى نفسك موش حتفكر فى النجاح من كام
هل عندك الكفايات الاكاديمية و المهنية و واثق من نفسك خوش اى اختبار فى مجالك هتجيب الدرجة النهائية ان شاء الله
لك احترامى و تقديرى

[almoalem]

المشاركة الأصلية كتبت بواسطة khaled_ibrahim

استاذى الفاضل
اولا حضرتك معلم و عايش فى الوسط التعليمى هل ما تشاهد من كثير من المعلمين يدل على انهم على علم و اطلاع بالحديث من النظريات .
ثانيا الامتحان موش شئ مبهم , الموضوعات الرئيسة للامتحانات معلنة منذ قترة فى موقع الاكاديمية و الاخوة فى الموقع لم يقصرو فى عرض شرح و نماذج للموضوعات
ثلاثا طبعا الامتحان لا يعكس الخبرة و لكن هناك سلبيات كثيرة فى سلوكيات المعلمين لابد من اصلاحها
ملحوظة
الكادر و الاعتماد التربوى من سياسة الدولة فى الفترة القادمه
الكادر و طبعا كلنا عرفينه
الاعتماد التربوى هو ان كل مدرسة فى مصر لابد ان تحصل على الاعتماد من خلال الهيئة القومية لضمان جودة التعليم و الاعتماد و هو مدة خمس سنوات و يجدد كل خمس سنوات ومن خلال تدريبى فى الهيئة القومية على عمل مراجع جودة تعليم . موضوع الاعتماد التربوى عاوز شغل جادة من كل فرد فى المدرسة ويكون الجميع على درجة عالية من الجدية والاهنمام و موضوع الاعنماد ده طويل ويمكن الاطلاع عليه من خلال موقع الهيئة على النت.

يا استاذى الفاضل المفروض يعملو دورات تدريبية للمعلمين ثم يتم اجراء اختبارات معلومة وعلى مقاييس معلومة ولها مؤشرات واضحة واللى ينجح ياخد الكادر ويدخل مراحل الاعتماد مش المهزلة اللى بتحصل دى

وبعدين انا عاوز اقولك حاجة واحدة دليل على تخبط القيادات
فليدخل القيادات الامتهان اقطع دراعى يسقطوا فيه
دى واحدة الاخرى يقولوا ان يمتحن فى درجة معينة لا يترقى الا بعد 5 سنوات يعنى اللى اخد الترقيه مثلا الاولى من خمس سنوات يتساوى مع اللى اخد الدرجة الاولى من سنة اليس هذا ظلم وتخبط اقولك ايه ولاايه
طب يدخل الوزير الامتهان شوفوا هيعمل ايه فقط فى اللغة العربيه

[ziad1800]

والله العظيم يا جماعة دى مهزله و إهانه المفروض نقاطع الهبل ده
هيمرمطوووونا عشان 50 ملطوش

عندنا فى المدرسة المدرسات الافاضل مفيش فى دماغهم اى حاجه غير المنهج السنوى بتاع كل سنه محفوظ طبعا
والطبيخ والعيال
وكل ما اقول لمدرسة ذاكرى تقولك اذاكر ايه بالظبط خلاص كبرنا بقى
على اخر الزمن حيعملوا لنا امتحان
ومعظمهم مش فاهمين يعنى كفاءة تربويه اساسا !
أمال لو جابوا لنا 1000 جنيه كانوا عملوا فينا ايه ؟
اكيد كانوا فضحونا بجلاجل
روعلى رأى واحد مدرس زميلنا بيقول يا أخى اليهود والله ما يعرفوا يفكروا زى الوزير وبتوع النقابة اللى هزءونا وسط الخلق

[علاء ص الدين]

المهزلة الحقيقية كانت في جامعة عين شمس اليوم عندما عمل الوزير شو اعلامي وزار لجان امتحان الكادر علشان التصوير ويطبطب على المدرس ويقوله : هيه يا حبيبي , الامتحان سهل ولا صعب ربنا يوفقك0لكن الوزير شاف بهدلة يستحقها من المعلمين والمعلمات الجعدعان جدا وعرفوه إنه فاشل فاشل فاشل كما كانوا يهتفون0رأيت ذلك في برنامج العاشرة مساءا متصور بكاميرا محمول اللي قالوا إنها ممنوعة-وشفت ورقة الاسئلة متبهدلة وممسوح منها أسئلة كتير وكمان ناقصة كتير - لو كل يوم يكون فيه وقفة رجالة يحس فيها هذا الوزير بمدى فشله يمكن يحس شوية ويستقيل0000في المشمش - كل الوزراء بينفذوا سياسة واحدة هي تطفيش الشعب من البلد , إحنا لازم نسيبلهم البلد ونشوف أي بلد تاني 0

[khaled_ibrahim]

المشاركة الأصلية كتبت بواسطة almoalem

يا استاذى الفاضل المفروض يعملو دورات تدريبية للمعلمين ثم يتم اجراء اختبارات معلومة وعلى مقاييس معلومة ولها مؤشرات واضحة واللى ينجح ياخد الكادر ويدخل مراحل الاعتماد مش المهزلة اللى بتحصل دى

وبعدين انا عاوز اقولك حاجة واحدة دليل على تخبط القيادات
فليدخل القيادات الامتهان اقطع دراعى يسقطوا فيه
دى واحدة الاخرى يقولوا ان يمتحن فى درجة معينة لا يترقى الا بعد 5 سنوات يعنى اللى اخد الترقيه مثلا الاولى من خمس سنوات يتساوى مع اللى اخد الدرجة الاولى من سنة اليس هذا ظلم وتخبط اقولك ايه ولاايه
طب يدخل الوزير الامتهان شوفوا هيعمل ايه فقط فى اللغة العربيه

استاذى الفاضل
انا معك ان الاعداد و التنظيم للامتحان سئ جدا
و لكن الامتناع عن الحضور سلبية و لازم يعرفوا انتم فشلوا حتى فى ابسط الاجراءات التنظيمية فى حضور اوراق الاسئلة و الاجابة _ فى لجنة جالها الورق بعد ثلاث ساعات _ و لكن عدم الحضور حيدهم فرصة يقول احنا كونا جاهزين و لكن المدرسين خايقين من الامتحان
لك تحياتى

[علاء ص الدين]

المهزلة الحقيقية كانت في جامعة عين شمس اليوم عندما عمل الوزير شو اعلامي وزار لجان امتحان الكادر علشان التصوير ويطبطب على المدرس ويقوله : هيه يا حبيبي , الامتحان سهل ولا صعب ربنا يوفقك0لكن الوزير شاف بهدلة يستحقها من المعلمين والمعلمات الجدعان جدا وعرفوه إنه فاشل فاشل فاشل كما كانوا يهتفون0رأيت ذلك في برنامج العاشرة مساءا متصور بكاميرا محمول اللي قالوا إنها ممنوعة-وشفت ورقة الاسئلة متبهدلة وممسوح منها أسئلة كتير وكمان ناقصة كتير - لو كل يوم يكون فيه وقفة رجالة يحس فيها هذا الوزير بمدى فشله يمكن يحس شوية ويستقيل0000في المشمش - كل الوزراء بينفذوا سياسة واحدة هي تطفيش الشعب من البلد , إحنا لازم نسيبلهم البلد ونشوف أي بلد تاني 0

[ظاظا مدير عام]

استاذ خالد ابراهيم انت محسسنى انك المحامى الشخصى للسيد الوزير ولا انا غلطان ......... ارجو الرد ؟

[khaled_ibrahim]

المشاركة الأصلية كتبت بواسطة ظاظا مدير عام

استاذ خالد ابراهيم انت محسسنى انك المحامى الشخصى للسيد الوزير ولا انا غلطان ......... ارجو الرد ؟

لا و الله
انا مدرس
بس حال المدرسين موش عجبنى موش عاوزين تطورو من انفسهم
و الدنيا فى تطور سريع و العالم من حولنا غير شكل كل حاجه واحنا لسه محلك سر
بس هو ده الموضوع كله
نفسى اولادنا تتعلم صح و بلدنا تبقى احسن بلد
لك تحياتى

[السمراء]

وانا اعترض مع حضرتك فى الراى.............................الاعتراض مفيش منه اى فائدة على الاطلاق ...............الامتحان مطبق مطبق شئتم ام ابيتم.....................والله ولى التوفيق

[mr_shrefamen2]

يا اخوانا انتو بتقولا ايه وتعيدوا ايه احنا ما لينا اي تقدير او احترام زي اي بلد تانية ولا انتو صدقتوا شعار الديمقراطية والحرية
القرارات مالخدة وهاتتطبق وهاتمتحونا شئتم ام ابيتم حتي ولو الكل اعترض برضو كلام الوزير هايمشي لانه لا اعتبار لحد
اقولكم حاجة البلد دي مش بلدنا لانه مستحيل وطنك يبهدلك كدا عشان مقابل بخس ربنا الوكيل والمتصرف

[sadamo]

حسبى الله ونعم الوكيل فى الظالمين

[mr_shrefamen2]

انا عايز اعرف حاجة هو مين المفروض يبقاله كلمة وموقف رجولي موحد تاني غير اهل الفكر والعلم اللي هما المعلمين
غير انههم رغم دا كله بيدوروا علي الملازم والشروحات وغيره انا عندي مثلا كنت متوقع من معلمي الابتدائي اليوم وقفة جادة واعتصام لكن للاسف سارت الامور زي ما الوزارة عايزة وكانهم عرايس خشب لا حول ولا قوة الا بالله

[1toty]

المشاركة الأصلية كتبت بواسطة د/ عمرو

عادى نمتحن وننجح ونسقط بس مش قبل دة كلة نعرف هنمتحن في اية مش لازم يكون فى دوره تدربية حق وحقيقي

الوزازة معندهاش وقت علشان كد قررت انهاتمتحن المدرسين وتخلص ومش مهم النتيجة ولا التدريب وزارة فاشلة وانا مع المقاطعـــــــــــــــــــــــــــــــــــــــــــ ـــــــة

[سامى عامر1]

ياريت الأخوة الأفاضل يخففوا من حدة المشاركات ، ولأننا كلنا فى مركب واحد .................قبطانه الكادر !!!! ياللا نسايسه !