كل شىء عن الثانوية العامة.

[chalijaly]

المشاركة الأصلية كتبت بواسطة سارة 77

عقبــــالــى يااااااااااااااااارب لمـا ادخـل طـب اسيــوط

ان شاء الله تدخليها يا دكتورة والموضوع ابسط مما تتخيلى والثانوية اسهل سنة هتمر عليكى بس لو مشيتى صح.متعمليش زيي كنت فاشل اوى.
اهم حااااااجة الثقة بالنفس يا جماعة.

[chalijaly]

المشاركة الأصلية كتبت بواسطة سارة 77

انا سمعت ان الرسالة قوى جداااا والاضواء وحش ومحتارة اجيب ايه بالظبط انا كنت هجيب الامتحان والاضواء فى الاول والمستر قالى لا بلاش الاضواء وشكلب دماغى !

والله الاضواء حلو اوووووى .والرسالة رااااائع خصوصا فى القراءة مش بيسيب كلمة مش بيجيب معناها او الجمع وكده علشان لو رخم فى الامتحان وجاب معانى رخمة هتلاقيها فى الرسالة.
اوعى تنسى الرسالة مراجعه نهائية احسن من الامتحان مراجعه نهائية وعن تجربة.وتجيبه اول السنة من الراجل بتاع الكتب القديمة. وفى الاول والاخر كل واحد يشتغل من اللى يريحه.اشترى الاضواء والرسالة وشوفى هترتاحى لمين وذاكرى منه والتانى يبقى بصى فيه ع السريع شوفى حاجات كده ولا كده مش موجوده فى التانى.مش هنقعد نذاكر من هنا ساعتين ومن هنا ساعتين..لا غلط طبعا..

[optimistic girl]

انابقي السنادي مش عارفه ايه اللي حاصلي انا الحمد لله كنت غالبا بطل الاولي او من الاوائل علي المدرسه
السنادي كده مش قادره اركز صحيح ال باخده بذاكره بس حاسه باهمال في ناس خلصت كتير وانا لسه
معرفش محبطه اووووي ومخنوقه كده ليييه

[Nourhan_nono]

طب انا لقيت كتب
سيربرايز و ذا بيست
و الوسام فى الفيزياء و الجيولوجيا

اية حلو من دة اجيبه ؟؟؟؟؟

[chalijaly]

المشاركة الأصلية كتبت بواسطة optimistic girl

انابقي السنادي مش عارفه ايه اللي حاصلي انا الحمد لله كنت غالبا بطل الاولي او من الاوائل علي المدرسه
السنادي كده مش قادره اركز صحيح ال باخده بذاكره بس حاسه باهمال في ناس خلصت كتير وانا لسه
معرفش محبطه اووووي ومخنوقه كده ليييه

ده حسد ..حافظى ع الصلاة وبردو بلاش توهمى نفسك
بصى انتى لما تحطى فى دماغك انك ملكيش نفس تذاكرى وتعبانه ومش مركزة,,,عمرك ما هتعملى حاجه.
انتى تاخدى الدرس من هنا اعتبرى نفسك الامتحان بكرة وصدقينى اول ما تذاكر باجتهاد كده اسبوع وتلاقى نفسك مخلصة كل اللى عليكى..وهتبقى فرحانه وعايزة تذاكرى اكتر..انما لو قعدى تتحججى بجد هتلاقى السنة عدت بسرعه وملحقتيش تعملى حاااااااجه,
بصوا يا جماعة المذاكرة هى اللى بتجيب المذاكرة والكسل بيجيب كسل..يعنى لو انت او انتى عايز تبقى عايز تذاكر ومعندكش كسل..صدقنى مش هينزلك ملك من السما يقولك ذاكر..ولا هينزل شعاع ازرق من السما ويخليك تقعد تذاكر..لا انت لازم تشجع نفسك بنفسك..وتذاكر كتييييير مش علشان المواد صعبه ولا الامتحانات صعبه.لا بالعكس دى سهله جدا.بس نذاكر كتير علشان نكون مرتاحيين نفسيا وكل ما نذاكر اكتر كل ما هنبقى عندنا نشاط ومفيش كسل.وبلاش تأجيل فى المذاكرة
محبطة ومخنوقة والكلام ده تشيليه من دماغك فوراااا.ناس اقل منك فى المستوى بمراحل وبيجيبوا وهيبجبوا درجات عاليه وهتتفاجىء بيهم ليه؟ لانهم ببساطة ذاكروا كويس..لان الثانوية مذاااااااااكرة وتوفيق من عند ربنا.
شوفى انتى بقى بمستواكى ده لو ذاكرتى بجد..هتطلعى من اوائل المحافظة كمااااااان.ولما تخلصى ثانوية هتقولى ياااااه انا كنت تافهه اوى (سورى يعنى) والموضوع كان اسهل مما اتخيل
يارب اكون افادتك ووصلتلك اللى عايز اقوله

[chalijaly]

المشاركة الأصلية كتبت بواسطة Nourhan_nono

طب انا لقيت كتب
سيربرايز و ذا بيست
و الوسام فى الفيزياء و الجيولوجيا

اية حلو من دة اجيبه ؟؟؟؟؟

سيربرايز صدقينى مش حلو.
هاتى the best -senior-top student-gem-كشكول الاول

طبعا مش هتمشى بيهم كلهم ولا هتشتريهم كلهم..انتى اختارى منهم 2 واشتغلى بيهم هيكونوا كافييين جداا.

ويا جماعه تحذيــــــــــــــــــــــر. فيه ناس بتشترى 4 كتب انجليزى وكمان بيوصلوا ل6 ويقعدوا يحلوا فيهم خطأ خطأ خطأ خطأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأ
المنهج كله عبارة عن سؤالين بس فى الامتحان وغالبا بيكونوا من اسئلة الكتاب
واحد هيقولى كتاب ايه انت جاى تهزر؟؟ لا ياباشا انت لو فتحت كتاب work book ,student book. مش هتلاقى سؤال واحد تحله.لكن افتح كتاب senior هتلاقى اسئلته كلها مبينة ع الكتابين دول واسئلة كتيييييييرة ومهمه اوووووووووووى ولازم تحلوها.
ادخلوا على المراجعه النهائية 3 ث فى المنتدى هتلاقى الاساتذه ايام الامتحانات منزلين مذكرات فيها اسئلة الكتابين دول واسئلة الامتحانات متجاوبة. هتلاقوا 3 مذكرات والباقى مكرر.هتتفاجوا بكمية الاسئلة المهمه جدااااااا واللى جاه منهم فى كل السنين اللى فاتت وكمان محلولة فى المذكرة..يبقى اشتغلوا منهم واحفظوهم هتحسوا باهميتهم فى الامتحاااااااان.
لو هرشحلك كتابين...the best ,senior
لو مستواكى كويس يبقى top student بس بلاش تتعقدوا منه لان اسئلته صعبه ع الفاضى.
كتاب كشكول الاول بيجيب اسئلة كتيرة.
كتاب gem شرحه حلو اوى ومبسط. واسئلته عبيطة
لازم من اول السنة تشتغلوا تراجم وكلمات وبراجراف والشخصيات ........لازم تحلوا وتحفظوا من اول السنة مش تقعدوا تحلو مستيكس واختيارات وبس.لا غلط كده..علشان كده بقولكوا كتابين حلوين اوى انكوا تذاكروا منهم وتحلوا.انما باقى الاسئلة تذاكروهم وتحلوهم من اى حته وتحلوا فيهم كتيييييييير لانهم المفتاح للدرجة النهائية. علشان متحسبوش اللى بيجيب النهائية بيكون حالل 4 ولا 5 كتب. لا اللى بيعملوا كده بيتعبوا نفسهم ع الفاااااااااضى والله.. فى اسئلة زى البراجراف والترجمة الطلبة مش بيهتموا بيها ولكن هما اهم سؤالين للى عايز يقفل
طبعا القصة سهله اوى والله رغم انها كبيرة..بلاش تحفظوها صم..لا خدوها قصة كده وفيلم وبردو متسبوش فيهم حاجة.وتحلوها من اى حته . وسؤال القصة مضمون

[Nourhan_nono]

المشاركة الأصلية كتبت بواسطة chalijaly

سيربرايز صدقينى مش حلو.
هاتى the best -senior-top student-gem-كشكول الاول

طبعا مش هتمشى بيهم كلهم ولا هتشتريهم كلهم..انتى اختارى منهم 2 واشتغلى بيهم هيكونوا كافييين جداا.

ويا جماعه تحذيــــــــــــــــــــــر. فيه ناس بتشترى 4 كتب انجليزى وكمان بيوصلوا ل6 ويقعدوا يحلوا فيهم خطأ خطأ خطأ خطأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأ
المنهج كله عبارة عن سؤالين بس فى الامتحان وغالبا بيكونوا من اسئلة الكتاب
واحد هيقولى كتاب ايه انت جاى تهزر؟؟ لا ياباشا انت لو فتحت كتاب work book ,student book. مش هتلاقى سؤال واحد تحله.لكن افتح كتاب senior هتلاقى اسئلته كلها مبينة ع الكتابين دول واسئلة كتيييييييرة ومهمه اوووووووووووى ولازم تحلوها.
ادخلوا على المراجعه النهائية 3 ث فى المنتدى هتلاقى الاساتذه ايام الامتحانات منزلين مذكرات فيها اسئلة الكتابين دول واسئلة الامتحانات متجاوبة. هتلاقوا 3 مذكرات والباقى مكرر.هتتفاجوا بكمية الاسئلة المهمه جدااااااا واللى جاه منهم فى كل السنين اللى فاتت وكمان محلولة فى المذكرة..يبقى اشتغلوا منهم واحفظوهم هتحسوا باهميتهم فى الامتحاااااااان.
لو هرشحلك كتابين...the best ,senior
لو مستواكى كويس يبقى top student بس بلاش تتعقدوا منه لان اسئلته صعبه ع الفاضى.
كتاب كشكول الاول بيجيب اسئلة كتيرة.
كتاب gem شرحه حلو اوى ومبسط. واسئلته عبيطة
لازم من اول السنة تشتغلوا تراجم وكلمات وبراجراف والشخصيات ........لازم تحلوا وتحفظوا من اول السنة مش تقعدوا تحلو مستيكس واختيارات وبس.لا غلط كده..علشان كده بقولكوا كتابين حلوين اوى انكوا تذاكروا منهم وتحلوا.انما باقى الاسئلة تذاكروهم وتحلوهم من اى حته وتحلوا فيهم كتيييييييير لانهم المفتاح للدرجة النهائية. علشان متحسبوش اللى بيجيب النهائية بيكون حالل 4 ولا 5 كتب. لا اللى بيعملوا كده بيتعبوا نفسهم ع الفاااااااااضى والله.. فى اسئلة زى البراجراف والترجمة الطلبة مش بيهتموا بيها ولكن هما اهم سؤالين للى عايز يقفل
طبعا القصة سهله اوى والله رغم انها كبيرة..بلاش تحفظوها صم..لا خدوها قصة كده وفيلم وبردو متسبوش فيهم حاجة.وتحلوها من اى حته . وسؤال القصة مضمون

شكراااااااا جدااا على الرد
يعنى فى اول السنة اشترى من كل مادة كتابين بس غير كتب المراجعة النهائية ؟؟؟؟

[omarhassan2009]

المشاركة الأصلية كتبت بواسطة chalijaly

كله زى بعضه.بس كتاب الاضواء مش حلو فى النحو.لو لقيت حد معاه الامتحان صور منه جذء النحو.الرسالة حلو خالص فى النحو ومجمع حاجات مفيدة جدااااااا ذاكر منه...كمان الكتاب البرتقانى بتاع سنة 1 ده حلو اوى وهيفيدك جدااااا ذاكر منه بردو.

شكرا على الرد

[ابانوب ايليا]

المشاركة الأصلية كتبت بواسطة سارة 77

عقبــــالــى يااااااااااااااااارب لمـا ادخـل طـب اسيــوط

لازم اسيوط يعنى؟: انتى كده بتقلبى عليا المواجع

اصل كان نفسى ادخل طب اسيوط وبغبائى غلطت فى ترتيب الرغبات فجاتنى طب سوهاج...يلا ...الحمد لله...

ان شاء الله السنة الجاية تكونى فى طب اسيوط يادكتورة

[omarhassan2009]

هل كتاب الاضواء والرساله ليهم اجابات كامله على النت او فى المكتبات ؟!

[optimistic girl]

الاضواء ممكن تلاقيه علي النت
انما الرساله دايما بيبقي مجاوب علي كل حاااجه

[HaDeer KhaleD66]

لوسمحت ممكت تقول الكتب الخارجيه للفيزيا

[omarhassan2009]

المشاركة الأصلية كتبت بواسطة optimistic girl

الاضواء ممكن تلاقيه علي النت
انما الرساله دايما بيبقي مجاوب علي كل حاااجه

الله يبشرك بالخير .. هوا كفايه ان الرساله مجاوب على كل حاجة بس انا قلبت النت فوق تحت على اجابات الاضواء مش موجوده لو حد عرف يتصرفلى فيها .

[سيرة الايام]

المشاركة الأصلية كتبت بواسطة chalijaly

الله يخليكى يا دكتورة.اهو الواحد بردو كان بيحتاج اللى ينصحه وكده وزى ما ناس كانت بتساعدنا احنا كمان نرد الجميل.ايدك معاااانا
دكتورة سيرة الايام من الناس المتفوقة ياجماعة وعندها نصايح حلووووة اى حد محتاج حاجه يسألها وهتستفادوا منها كتييييير جدااااا

عندك حق يا دوك احنا استفدنا كتير من خبرات الناس هنا علشان كدا احنا هنقف معاكوا واى حاجة نقدر نساعدكوا بيها هنعملها وربنا يوفقكوا تسلم يا دوك انت الكل ف الكل يا عم

[سيرة الايام]

بصوا يا شباب بلاش تكتروا ف الملخصات ف ناس بتقعد تشترى ملخصات كتير وترصهم فوق بعض وف الاخر تتعقد انا عايز احل كل دا ويضيع نفسه انا كنت هعمل كدا انا مش هتصدقونى لو قلتلكوا كان معايا 9 ملخصات انجلش اكيد هتقولوا دى مجنونة انا فعلا كنت كدا واتعقدت لكن بصراحة ف حد هنا نصحنى قالى اختارى اتنين كويسين ومستواهم توب وسيبى الباقى ارميه تحت السرير وفعلا عملت كدا واشتغلت والدنيا مشيت والحمد لله بس عملت كدا ف كل المواد انا ف كل مادة كان معايا تقريبا كل الملخصات الخاصة بيها اللى نازلة ف السوق رميت نصهم تحت السرير واشتغلت ف الباقى والحمد لله محدش استفاد من الكتب التانية الا قرايبى اللى داخلين تالتة زيكوا فلوس بقى اترمت تحت السرير علشان كدا شوفوا الكويس وامشوا بيه وشدوا حيلكوا وربنا يوفقكوا