بليز ساعدونى

[همس]

طبعا هو التنسيق نتيجته ظهرت خلاص والحمد لله كل واحد راح الكلية الي ربنا كاتب ليه فيها الخير

بصي حاسبات كلية محترمة جدا جدا

انتي لما بتتخرجي من الكلية دي يا ستي بيكون اسمك مهندسة برمجيات ... للأسف ناس كتير مش فاهمين كلية الحاسبات دراستها ايه وكدا .. ودا نتيجة لافكار المصرين الغير قابلة للتغير ابدا ان هندسة هي القمة وبعدها مش في

مع ان الغريب ان كليات الهندسة دلوقتي فرص الشغل فيها للخريجين شبه منعدمة .... لكن كلية الحاسبات فرص الشغل فيها حلوة جدا وهي كلية قمة ....
غير كدا يعني بالنسبة للأولاد او البنات مستقبلها في الشغل حلو جدا ومرتباتهم بتكون خيالية في ناس اول ما بتتعين في شركات البرمجة المرتب لا يقل عن الف جنيه واعرف ناس بتآخد 3 الاف جنيه ولسا متخرجين مش خبرة ولا حاجة ....
بصي حاجة تانية كمان استفتي قلبك برده وادخلي الكلية الي هتحسي انك مبدعة فيها
لان كلية الحاسبات عاوزة واحد يكون بيحبها اوي

ودراستها مش سهلة زي ما الناس بتقول معهد ابدا ابدا
عاوزة فهم وشغلها العملي كتير اوي ..

انا عندي مثال قريب جدا مني

اختي كانت جايبة في الثانوية العامة 100 في المية الحمد لله ... بس كانت واخدة الثانوية من السعودية .. وهناك مش في علمي علوم وعلمي رياضة هو علمي وبس يعني تقدر تدخل بمجموعك الكليات الطبية او الهندسية المهم انها اختارت حاسبات ومعلومات لان دا حلمها من زمان وطبعا .. لاقت اعتراض وانتقادات من كل الناس المحيطين بينا سواء اقارب او ناس معرفة .... ودخلت الكلية ونفضت لكل الكلام الي سمعته من الناس الي كانوا بيحسبوا انها دخلت معهد وانها هتتعلم ازاي تكتب في الوورد والباوربوينت وخلاص ... والي كان يقول ايه حاسبات دي ؟؟ قسم في كلية تجارة ؟؟

عادي جدا المصريين هيفضلوا زي ما هما

والحمد لله هي دلوقتي اتخرجت ومعيدة الحمد لله في الكلية

لان الي بيحب حاجة بيبدع فيها

وربنا يوفق الجميع

اتمنى اكون شجعتك .. او ساعدتك برأيي المتواضع دا

[FAFI]

همس المشاعر وهابى بجد شكرا على المعلوات وانا خلاص هدخلها وانا مقتنعه بفضلكم بجد ميرسى

[s.hero39]

happiness_sadness7

كل دي معلومات ^^ جزاك الله كل خيييير