تحرير 29 شهرا بدل نقدى عن سنوات التعاقد

[نانا هوبة]

المشاركة الأصلية كتبت بواسطة معلم ولكن

صرفولكم من اول التعاقد ولا زينا كدا من 1/3/2010 مع ان فى ناس تعاقد 2009 وبكده ضيعوا عليهم سنة وناس تعاقد 2008 ودول ضاعوا عليهم سنتين

انا اسفة على التاخير مشفتش الرسالة الا دلوقتى انا تعاقد 2009/4/6 و من اول يوم تعاقد كنت بصرف لنفسى بس و بعدين فى ابريل 2011 نزلوا قرار ان من حقنا نضم الاولاد
و بعدين صدر قرار تانى فى سبتمبر 2012اننا نصرف فروق الاولاد دى من اول يوم تعاقد حسبوا لنا الفروق من اول يوم تعاقد و حتى ابريل 2011 عندما بدات اصرف للولاد و طبعا كل محافظة و حسب قيمة التذاكر بتاعتها
احنا ادارة الخارجة التعليميه ..ادارة الوادى الجديد
بكرر تانى ان صرف الفروقات من اول يوم تعاقد و لانى تعاقد 4/6 و استلام العمل 4/13 حسبوه نص شهر
ارجو ان اكون قد وفقت فى الرد

[سنويريتا]

طيب انا تعاقد 28/ 3/2010 قرار 280
تثبيت 7/2010
ادارة اخميم
هل الكلام ده وصل لادراتها ؟
وياريت لو حد من ادارة اخميم يبلغنى

[محمد عبدالعال ابوعمرو]

فين ياعم اي صوره اواي حاجه عندنا في ابوتشت محدش سمع حاجه عن الكلام ده اصلا

[نانا هوبة]

هنا فى الوادى الجديد مفيش نشرة و لا حتى قرار داخلى زمايلنا قالولنا جهزنا الورق وديناه الادارة قسم البدل النقدى خلص المو ضوع انا حتى فى الصيغة معرفتش اكتب جملة بناء على قرار او نشرة كل اللى كتبته ارجو من سيادتكم صرف فروق البدل النقدى لاولادى بدءا من اول يوم تعاقد لى و حتى بداية الصرف و لسيادتكم جزيل الشكر و صورة اقرار القيام بالعمل بتاع التعاقد و اقرار الحالة الاجتماعية و خلاص وانا كسيدة جبت جواب من عمل زوجى انه قطاع خاص و لا يصرف بدل نقدى له و لا للاولاد يعنى الجواب ده كمان حالة خاصة مش الكل بيجيبه وانا بلغت زمايلى اللى اعرفهم و هما كمان قبضوا لا نشرة و لا اقرار ارجو ان اكون قد وفقت فى الرد

[Rabee hassan]

المشاركة الأصلية كتبت بواسطة معلم ولكن

الاوراق المطلوبة لتحرير شهور بدل النقدى

1. استلام عمل كمعلم مساعد اول مرة او صورة منه
2. اخلاء طرف من معلم مساعد واستلام كمعلم اوصورة منه
3. اقرار حالة اجتماعية من اصل وصورة
4. كشف المالى الذى سيعده السكرتير معتمد من مدير المدرسة
   

وبالتوفيق للجميع

الف شكر وبالتوفيق للجميع

[TarekShahin1974]

ياريت ترفع صورة من القرار من فترة 31\10\2010 الى 30\6\2014 لان انا قرار 280 لسنة 2012 لتقديمة ادارة جنوب الجيزة اكون شاكر جدا

[معلم ولكن]

المشاركة الأصلية كتبت بواسطة tarekshahin1974

ياريت ترفع صورة من القرار من فترة 31\10\2010 الى 30\6\2014 لان انا قرار 280 لسنة 2012 لتقديمة ادارة جنوب الجيزة اكون شاكر جدا

هو من اصدر هذا القرار لا ن موظف الحسابات طالب السكرتارية بتحرير شهور بدل النقدى لهذه الفترة لكنه لم يطلع احد على القرار وبالفعل بعض المدارس اعدت الكشوف وسلمتها للادارة

[سنويريتا]

لو سمحتوا موضع تحرير البدل النقدى لشهور التعاقد انا سالت فى ادارة اخميم والادارية قالت محدش عمل الموضوع ده دلوقتى فياريت لو فيه منشور رسمى للقرار او لو حد فى ادارته عمل الموضوع ده وقبض البدل النقدى عن شهور التعاقد يقول فترته كانت امتى وادارة ايه

[وليد سرحان]

انا سمعت الموضوع ده في جهينة وحجبلكم التفاصيل الاسبوع ده

[وليد سرحان]

المشاركة الأصلية كتبت بواسطة نانا هوبة

انتم كده اتاخرتم احنا صرفنا الفروقات دى من شهر 10/2012
الوادى الجديد ادارة الخارجة التعليمية

ياريت يا استاذة نانا هوبة تفيدينا تفصيليا ايه الي حصل معاكم وازاي صرفتم ولو فيه اي مستند يبقي كتر خيرك

[خالد عبدالله اسماعيل]

لو سمحت نحن المعلمين المعينين بقرار 280 بادارة ابوتشت قنا لم يتم لنا صرف البدل نقدى عن فترة المعلم المساعد نهائيا لو سمحت نريد تنزيل صوره من قرار الصرف للبدل النقدى عن فترة المعلم المساعد للمطالبه بحقنا
والله الموفق

[نانا هوبة]

المشاركة الأصلية كتبت بواسطة نانا هوبة

هنا فى الوادى الجديد مفيش نشرة و لا حتى قرار داخلى زمايلنا قالولنا جهزنا الورق وديناه الادارة قسم البدل النقدى خلص المو ضوع انا حتى فى الصيغة معرفتش اكتب جملة بناء على قرار او نشرة كل اللى كتبته ارجو من سيادتكم صرف فروق البدل النقدى لاولادى بدءا من اول يوم تعاقد لى و حتى بداية الصرف و لسيادتكم جزيل الشكر و صورة اقرار القيام بالعمل بتاع التعاقد و اقرار الحالة الاجتماعية و خلاص وانا كسيدة جبت جواب من عمل زوجى انه قطاع خاص و لا يصرف بدل نقدى له و لا للاولاد يعنى الجواب ده كمان حالة خاصة مش الكل بيجيبه وانا بلغت زمايلى اللى اعرفهم و هما كمان قبضوا لا نشرة و لا اقرار ارجو ان اكون قد وفقت فى الرد

هو ده كل اللى حصل معانا لكن انا هروح الادارة باذن الله و احاول اجيب اى مستند يفيدكم

[lolo048]

انا مش فاهمة يعنى ايه بدل نقدى عن سنوات التعاقد ممكن تفمونى انا تعاقد2005وتعيين 2011

[معلم ولكن]

المشاركة الأصلية كتبت بواسطة lolo048

انا مش فاهمة يعنى ايه بدل نقدى عن سنوات التعاقد ممكن تفمونى انا تعاقد2005وتعيين 2011

يعنى اى معلم كان متعاقد على معلم مساعد من حقه صرف بدل نقدى عن هذه الفترة ويجب ان يكون التعاقد مميز اى معلم مساعد وليس عقد مؤقت يعنى لو انا مثلا متعاقد معلم مساعد من2009 واتعينت بقرار280 لسنة 2012 ولم اصرف بدل نقدى قبل التعيين فى2012 ولو نفرض انى بصرف تذكرة واحدة قيمتها 53 جنيه كل شهر يبقى هضرب 53 *36 شهر اللى فترة التعاقد والناتج هو المبلغ المستحق لى

[العشرى1020]

جزاك الله خيرا