المنشور الخاص بالمعلمين من وزارة المالية الان

[أبلة ناهد]

انا لله وانا اليه راجعون
البقاء لله يا معلمين

[مجاهد الشاذلى]

ياجماعة هناك عدد 2 منشور الأول من وزارة المالية خاص باضافة علاوة الحد الأدنى للمعلمين كبقية موظفين الدولة والمنشور الثانى من مجلس الوزراء وهو خاص بعلاوة الأعباء الوظيفية وأدعو جميع الأخوة المحترمين بالصبر وعدم اصدار فتاوى حتى تحرير كشوف مرتبات شهر فبراير حتى تتضح جميع الحقائق .

[شريف55]

خليك مع الكدااااااااااااااااااااااااااااااااااب

[شعبان عطيه]

يا اخواننا بطلوا أوهام واحلام هيه علاوة الحد الأدنى للادارين وعلاوة مقابل الأعباء للمعلمين وارجعوا للمنشورين 1و2 بتوع الوزارة واللى يقول انى اقصد انى اعمل بلبله أو انى اخوانى وضد الدوله يبقى هوه اللى أعمى وعايز يشوف اللى مش موجود فعلا ( علاوه واحده وبشروط تعجيزيه وأتحدى من يثبت بقرارات رسميه خلاف ذلك )
اما المحترمين اللى بيطلبوا الانتظار لحين القبض ساعتها استعير تعليق أحد الزملاء السابقين يبقى (امك فى العش ولا طارت ) التراجع عن توزيع المكافأة تم قل تنفيذ القرار وكمان التراجع عن الشروط الظالمه لابد يكون قبل التنفيذ وقلنا مليون مره يكفينا الحد الأدنى زى جميع العاملين بالدوله مراعاة لظروف البلد
اما بخصوص الاخوه اللى بيتكلموا عن القناعه فوالله ما اقنع المعلمين الغلابه اللى بقالهم اكتر من شهرين متعشمين فى علاوه بدأها الوزير بأرقام فلكيه نزيدها عن العاملين بالدوله وختمها بزياده 50 جنيه عن الحد الأدنى وبشروط 0يا سيدى طالب الآخرين بالقناعه مكافأتنا 200 يوم اسأل مكافأة العاملين بالوزاره كام ولا حوافز زميلك فى الوزاره كام ولا مرتبه وبدلاته كام ولا القناعه للغلابه وبس
المطلوب العداله يا أفاضل ليس الا وبعدين ما حدش طلب علاوات دى وعود الحكومه وتقريبا كانت مسكنات وهايصدق الاخوان فى انها كانت لحد مرور الدستور
اتمنى الرد بموضوعيه والأساتذه اللى كل يوم يدوروا على مبرر أو أى كلام وخلاص يخلى المعلمين على أمل ان لهم العلاوتين يبطلوا بقى ويقروا بالواقع لسنا أعداء وانما نحن أصحاب قضيه واحده
وربنا يشفينا بقى من التمييز والتصنيف والهوى ونتعامل مع أمور المعلمين بموضوعيه
أخيرا اللى عنده دليل على كلام مخالف لاجتهاداتى اتمنى يعرضه وبأدب احنا اسمنا معلمين ومربى أجيال ويارب اكون انا ومعظم المؤيدين لرأيى ما بنفهمش ويطلع لنا فى العلاوتين
اما لو كانت علاوه واحده فأنا مش مسامح أى حد تعمد يضلل المعلمين عشان ما ياخدوش موقف حازم من شروط العلاوه التعجيزيه ومرور الأمر وتنفيذ القرار وساعتها حايكونوا همه ان شاء الله أول المضرورين
وسامحونى على الحده فى الألفاظ لأنى زهقت من خداعنا طول الفتره اللى فاتت
وادعى ربنا انه يكتب لنا الخير حيث كان آمين

[الساحر بيبو]

يا جماعة لو فعلا مفيش حد ادنى الترم التانى جااااااااااى بس والحدق يفهم