ماهو سبب عدم الاهتمام بالثانوية الازهرية

[احمدمصطفي ابوراية]

علي فكرة انا بحيي الاخ الي قال انها سياسة دولة الي خلي واحد زي محمد اسمة اية الطنطاوي دة يبقي شيخ للازهر (علي فكرة شيخ الازهر بيمشي خلف رئيس الجمهورية لما يكونوا مشين مع بعض) فلما يكون دة شيخ الازهر فمتستغربوش قوي كدة في انة يكون دة حال الازهرية

[ramy37]

فعلا طلبة الأزهر مفيش اهتمام بيهم خالص
د
ا حتى موقع الأزهر كل فين وفين على ميتحدث أو يحطوا عليه حاجة جديدة مفيدة للطلبة
ح
حتى اللى الحاجات اللى فيه كلها يا اما الامام الأكبر جه يا الامام الأكبر راح هى الحاجة الوحيدة اللى انا بستفيد منها من الموقع النتيجة بس
غير كدة مفيش وحتى في بعض المدرسين في التربية والتعليم اول ما يسمع انك مثلا فى معهد ولا حاجة وأزهري لا قدر الله بيعاملك انك د

دماغك واقف ومش عارف حاجة فى دنيتك دي ودول بعض المدرسين مش كلهم ويحسبوك على انك شيخ وحافظ القرءان ما شاء الله

احنا مش عايزين اهتمام زايد ولا حاجة بس يكون فيه تقدير لطلاب الأزهر أكتر من كدة ولا اللى بيجيبوا 99 و 100 % مبيفهموش حاجة ويكون

فيه مثلا بعثات للخارج الأوائل حاجات زى كدة وبعدين والله لا تعليم تربية وتعليم نافع ولا تعليم أزهر نافع والتعليم في مصر أى كلام هو طبعا

مش وحش أوى بس مش هو دا اللى يقيس قدرات الطالب الحقيقية ومدى ابداعه وذكائه وعلى فكرة أنا داخل 3 ثانوى وربنا يستر ويارب أجيب مجموع كويس
و

[الفارس المتألق]

السلام عليكم ورحمة الله وبركاته
تحية طيبة لكل اخواني واخواتي المشاركين في الموضوع
انا طالب داخل ان شاء الله تعالي سنه 3 ث (ادعولي بالتوفيق) او يعني داخل علي نهاية الثانوية الازهرية واهم سنه فيها ربنا يختمها عليه وعلي اخواني بكل خير ويوفقنا لما فيه خير لنا.

وفعلا عدم الاهتمام الاعلامي بالثانوية الازهرية او لو عايز تقول التجاهل الاعلامي قول بالفعل يشغلني جدا لاننا نعاني مما يعاني منه طلبة الثانوية العامة بس انا لا اعتقد ان السبب كما ذكر في معظم مشاركات الاخوة الاعضاء!!!
ولكن اظن ان يكون السبب هو قلة الملتحقين بالمعاهد الازهرية وبالتالي قلة الشريحة التي سوف تهتم باوائل الثانوية الازهرية....ولا انتوا ايه رايكم؟
ولأن هذا الموضوع يشغل بالي جدا وانا في بداية هذه السنه المهمة في حياتي لدرجت اني انا فكرت في ان افعل اي شيء في هذ الموضوع وكان انسب طريقه انا شايفها او المتاحة بالنسبة لي ان ارسل رساله علي ميل احدي البرامج التي كانت مستضيفه اوائل الثانويه العامة ومثال علي هذا برنامج العاشرة مساء الذي يذاع علي قناة دريم 2 فهذا البرنامج منذ البدء في اذاعته تقريبا منذ 3 سنوات او اكثر بقليل وهو بيستضيف اوائل الثانوية العامة كل عام ويقدم لهم جوائز قيمة جدا ما شاء الله انا مش بحسد!!!

المهم بس انا فكرت وقولت لنفسي ان الرساله اللي انا هابعتها للبرنامج بنسبة كبيره جدا والله اعلم هايكون مصيرها اما عدم المبالاة ده لو حد شافها اصلا وقرأها او هاتضيع في زحمة الرسائل الواردة علي البرنامج وماحدش اصلا هايشوفها ولا يقراها.

فانا كنت بقترح اني اكتب ايميل برنامج العاشرة مساء علشان كلنا نقدر نرسل رساله نعبر فيها عن مشاعرنا هذه وبكده ممكن يكون في نسبة اهتمام السنة الجايه بأوائل الثانوية الازهرية ان شاء الله.

فهل انتم يا اخواني سوف تعينوني علي ذلك؟؟؟؟؟

انا متاسف علي الايطاله في الرد بس فعلا الموضوع ده مزهقني جدا .... ودي اول مشاركه لي في المنتدي اتمني ان تقبولني صديق لكم!!!

[fahd_egypt_2007]

عدم الأهتمام بالأزهر امر طبيعى جدا ومنطقى لعده اسباب
اولا اننا فى دوله علمانيه ولها محاولات خفيه لألغاء الدين من المجتمع ونشر ثقافه المجتمعات الغربيه
ثانيه المحاوله على القضاء على العادات والتقاليد و حتى المراسم الدينيه من المؤسسات بغرض فصل الدين عن الدوله
ثالثا الخوف من سيطره الدين على الدوله وما يتابعها من تمرد على العلمانيه و نظام الحزب الديمقراطى الاشرعى
رابعا ضغط الغرب وخصوصا الولايات المتحده واسرائيل وبريطانيا وروسيا على الحكومه المصريه بغرض التحكم فى الأزهر ووضعه تحت سيطره الدوله والغاء اى دوى لشيخ الأزهر فى حكم المؤسسه الدينيه
وللأسباب ديه طبيعى جدا ان الأزهر ميجيش ذكره فى وسائل الأعلام .....واحنا كأزهريه ده شىء المفروض ميزعلناش بالعكس المفروض نفتخر بكده
لأن لو الأعلام العلمانى او الحكومى او المصرى ذكرنا ده معناه انهم مقرين على كل اللى بنقوله فى كتبنا وكمان اننا بنقر مبادىء العلمانيه وبنقر بفصل الدين عن الدوله
ففى النهايه ...شرف لكل ازهرى ان لا يذكر فى وسائل الأعلام العلمانيه

[أيمن الوزير]

بسم الله الرحمن الرحيم
والله موضوع رائع وشيق وبالفعل والله في بداية قراءتي للموضوع كان صدري يحمل الكثير والكثير من الردود ولكن بعد قراءتي لتعليقات الأعضاء وجدت كل ما كنت أتمني أن أقوله
ووالله ثم والله الموضوع باين للأعمي لماذا يهملون الأزهر

لأنهم أساسا يرفضون كل ما له مساس بالدين بل كل من يتكلم عن الدين يتهم بالإرهاب وبالتأخر وحسبنا الله ونعم الوكيل

وخير لنا أن لا يهتم مثل هؤلاء بنا

وفي النهاية أقول :
فنهتم نحن بأزهرنا ولنهتم نحن بديننا لله وفي الله ودعهم يلهثون خلف ما يريدون ولا يضرنا أن لا يهتم بنا مثل هؤلاء الذين نحوا كل ما يتعلق بالدين جانبا
وفي النهاية أقول ما قاله الشاعر البليغ

ما ضر الورود وما عليها *** إذا المزكوم لم يطعم شذاها

ما ضر شمس الضحى في الأفق ساطعة ***ألا يرى نورها من ليس ذا بصر

وما يضر البحر أمسى زاخرا ***أن رمى فيه غلام بحجر

[أيمن الوزير]

وأقول للعضو الرائع

الفارس المتألق

نرحب بك في هذا المنتدي

الذي يهتم بالأزهر اهتماما كبيرا واعلم أن فيه ستجد كل مذكرات وشروحات الأزهر من مواد شرعية وعربية

بل وفيه مدرسون متخصصون للإجابة علي أي سؤال أو شرح

وها هو منتدانا فنرحب بك فيه

http://mdrstna.ahlamontada.com/montada-f14/