للاسف وزارة غبية

[الاستاذ محمد الطنطاوى]

ياريت الكل يرسل شكوى للوزير على موقع الوزارة
بضرورة تدريس المنهج على ترمين

[محمود محمد جزر]

المصريين دولا فراعنه متشغلوش بالكم لو 20 فصل وطلب منهم يخلصوهم فى شهر مش فى ترم يخلصوهم أنتم شايفينمعظم الطلبة بتفهم فيزياة قوى؟؟؟؟؟؟؟

[هشام التونسى]

برضو لسة الخبر مش اكيد .. فين المصدر !!؟

[ahmd77]

ما هو دا التطوير انك ترجع حاجة اتلغت او تنزل جزء من منهج تانية لأولى ومن تالتة لتانية ومن أولى ثانوى لتالتة اعدادى وكده

[m_elmadawy]

يا جماعه يا ريت اللى ناشر الخبر يقول ايه مصدره .......... موجه الفيزيا لسه قايلى امبارح ان النظام القديم هيرجع تااانى و المواد كلها هتدرس طواااال العام !!!!!!!!!!!!!!! طيب انا مش عارف اصدق مين

[الاستاذ محمد الطنطاوى]

انا سالت مؤلف الكتاب على صفحتة ع فيس بوك
https://www.facebook.com/groups/358111780974104/

واكد لى ان المنهج يدرس فى ترم واحد

[امير عياد]

نقلا عن لسان مؤلف كتاب الفيزياء 1ث الجديد د / ياسر سيد حسن مهدي ومن موقعة الرسمي على الفيس
تم تاكيد ان الدراسة ستتم على ترم واحد لكل كتاب
لا حول ولا قوة الا بالله

[زكريا مختار]

المنهج يدرس علي ترم واحد

[عبدالعزيز عطوة]

أولا لازم نعرف مصدر المعلومات
لكن على حد معلوماتي إن موضوع الفيزياء على ترم والكيمياء على ترم ده قانون ثانوية عامة صادر من مجلس الشعب لو تفتكرو القانون بتاع تحويل الثانوية لسنة واحدة كان أيضا القانون ينظم دراسة الفيزياء والكيمياء ترم وترم لأولى وتانية ثانوي أي أن الموضوع قانون ثانوية عامة وليس قرار وزير ( مش فاكر رقم القانون كان 273 ، 274 )
ولكن الموجه أخبرني بان حسم الموضوع سيكون بعد العيد ان شاء الله

[الاستاذ محمد الطنطاوى]

المشاركة الأصلية كتبت بواسطة عبدالعزيز عطوة

أولا لازم نعرف مصدر المعلومات
لكن على حد معلوماتي إن موضوع الفيزياء على ترم والكيمياء على ترم ده قانون ثانوية عامة صادر من مجلس الشعب لو تفتكرو القانون بتاع تحويل الثانوية لسنة واحدة كان أيضا القانون ينظم دراسة الفيزياء والكيمياء ترم وترم لأولى وتانية ثانوي أي أن الموضوع قانون ثانوية عامة وليس قرار وزير ( مش فاكر رقم القانون كان 273 ، 274 )
ولكن الموجه أخبرني بان حسم الموضوع سيكون بعد العيد ان شاء الله

كل سنة وحضرتك طيب استاذى الفاضل
اخبار حضرتك اية
بصراحة
نظام تدريس الكيمياء والفيزياء والاحياء ف ترم واحد نظام مش كويس
لان المنهج كبير جدا
والطالب لا يستوعب كل هذا الكم ف ترم واحد
ولا يستفيد من المنهج بشكل كبير
انما لو المنهج اتوزع عل السنة كلها يكن افضل مثل الازهر
ويكون افضل للمدرس كمان
مناهج اولى ثانوى كبيرة جدا خاصة الكيمياء
ياريت نول صوتنا للمسؤلين
بضرورة تدريس الكيمياء والفيزياء والاحياء عل ترمين
وجزاكم الله خيرا

[محمد شعت]

معلومة على السريع كده الأخ المؤلف الدكتور ياسر سيد يبلغ من العمر 36 سنة صديق لى على الإيميل من أيام الياهو فهو كان معيد فى كلية التربية عين شمس قسم الرياضيات وكان وضع منهج الصف السادس الإبتدائى قبل ذلك
للتأكد من الإيميل yasser91977على الياهو
وصفحة الفيس الشخصية له https://www.facebook.com/yasser.sayed.33?fref=ts
وصفحة الجروب للمنهج https://www.facebook.com/groups/358111780974104/
والمنهج لترم واحد على كلام المؤلف ربنا يرحمنا من التخبط

[عبدالعزيز عطوة]

كلام الموجه الأول معي إن الكل يشتكي من موضوع ترم واحد وتم تبليغ ذلك بشكل مكثف للوزير من كل المحافظات ولكن زي ما قلت الموضوع قانون ثانوية وليس قرار وزير لذلك البت النهائي سيكون بعد العيد
ونتمني أن يكون التدريس طوال العام

[النساج 1969]

الحل الأمثل هو أن يعود تدريس المادة على مدار السنة كاملة
كما يجب رفع النسبة الشرطية للنجاح فليس من المعقول أن ينجح الطالب بثلاث درجات من 12 درجة
كما يجب تقليل درجة العملى لأنه كما يعلم الجميع صورى و مساعدة للطالب

[سامح شرشير]

الفيزياء لو كل فصل هياخد ثلاثة او اربعة حصص
يبقى احنا محتاجين حوالي من 40 إلى 50 حصة تقريبا دا غير الامتحانات و الاجازات
نجيبهم منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو الكلام دا في ترم لازم حضرات المدرسين يكون لنا وقفه قوية

[سامح شرشير]

الموجه بلغ النهاردة الاحد ان الكيمياء والفيزيا ء على ترم واحد وبدا يوزع خطته وانا من وقتها لا عارف افطر ولا اسحر
لازم ناخد موقف وبجد جالي احباط والله