محطه صراحه(لكلا الجنسين)1

[فاعــ خير ــل]

المشاركة الأصلية كتبت بواسطة biob

عليك اما انت تجيب عن كل هذه الاسئله بكل صدق وصراحه او عدم اجابه ولا سؤال

هذا لمجرد تعريف بقيه الاعضاء بشخصيتك
*انت لو على الشات تفضل تكلم بنت ولا تكلم ولد؟(السؤال لكلا الجنسين)
*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)
*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟
*لو مامتك سألتك مين احسن واحده شفتها بتطبخ هتقولها مين؟
*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)

اوك

* انا والله في موضوع الشات ده دخلت عليه من زمان وكونت صداقات كتير قوي من الجنسين ودلوقتي معنتش بدخل عليه خالص علشان اخت هدفي اللي هو الصداقه

* لا مش هديهالو علشان انا لا اؤمن بالاستنساخ يبقا ده اكيد حرامي او شحات

*لا هعديها علشان انت قلت بين صحابك وقلت نكته يبقا اكيد انا واخد عليهم وواخدين عليا ودي هزار مش جد

* ماما ياربي على طبيخها اومال انا طلعلي كرش من شوية هههههه ماما دي فظيعه بجد مش مجاملات بس انا احيانا اقلها فاكرة يا ماما الاكلة الفلانيه اللي احنا اكلناها عند فلانه دي كانت تحفه كده يعني واللي بتعرف تطبخ زي ماما واحسن شوية تيته مامت مامتي

* التربية حياه سلوكيات يومية بنفذها في البداية رغم انفي لكن لما اكبر اتاكد انها صح وانا كنت غلط فبكررها واتعود عليها ... بص هو السبب في الواليدن لو هما مش ماشيين على اسس قيمة وتربوية نموذجيه اكيد اولادهم هيطلاعو مش متربيين وانا( الحالة التالته) اللي انا لسه قايلها


يااااااااه الاسئله خلصت مرسي ليك قوي ومنتظريين باقي مواضيعك القيمة

[abosaid]

المشاركة الأصلية كتبت بواسطة biob

hانا اقصدانك ما تضغطش عليهم فى التربيه
لان انا اعرف ناس معقدين نفسيا بسبب تربيه ابهاتهم ليهم
علشان حاولوا يربوهم تربيه دينيه بحت

يعني المتربيين تربيه دينيه بحت معقدين نفسيا لا بالعكس الرسول -صلي الله عليه وسلم- ربي الحسن والحسين تربيه دينيه بحت والحسن والحسين سيدا شباب اهل الجنه ثم الواحد لما يربي اولاده علي الدين الحنيف الاسلام بيبقي بيطغط عليهم ؟ والله انت اللي جبتلي الضغظ

[COoL HEaRT]

اقبل مأبدا مش جايلى احساس انه كله صادق بالنسبه لموضوع الشات ده!! انتوا لو معترضين عليه فعلا عاملين ايميلات ليه؟؟
وفيه ووجه نظر بتقول انا مش بكلم غير بعض البنات المحترمين مثلا دى حاجه ممتازه ان الواحد يختار الكويس ..بس انتى ايه اللى عرفك انها بنت ؟؟ ممكن حد بيستعبط

بالنسبه للأسئله انا هجاوب كالاتى:
السؤال الاول : انا بدخل شات بس معظم اللى بكلمهم انا عارفاهم بس لو دخلت انا بفضل اكلم اللى انا عارفاهم عندى ايميلات كتير
ناس مش عارفاهم مش ليا كلام كتير معاهم...عشان كده اول سؤال ملوش اجابه محدده بالنسبه للولاد اللى بكلمهم مهم قرايبى ايه المشكله؟؟



السؤال بتاع الاستنساخ:اكيد هسلف نفسي لانى اكيد هرجع الفلوس

السؤال الثالث:بالنسبه للنكت انا هعديها وده بيعتمد ع الشخصيه اللى بتقول لو شخصيه مستفزه اساسا هرد بس بطريقه غير مباشره
عشان تعرف انها غلطت لو واحده صحبتى فعادى


السؤال الرابع :لو ماما سألتنى هقولها عمتى لان دى فعلا الحقيقه اكل ماما حلو بس انا بحب اكل عمتى


السؤال الاخير :التربيه عمرها ماكانت اكل ولا شرب كلنا عارفين كده التربيه هى ازاى انا الاب والام يعلموا ولادهم اخلاق كويسه تفيدهم فى حياتهم

[biob]

اولا يا جماعه انا بشكركم على صراحتكم فى الاجابه على الاسئله اللى حطيتها دى انا بصراحه كان هدفى ان كل واحد يبقى صريح مع نفسه وانا احاول اقول لكل واحد وجهه نظرى فيه من طريقه اجاباتى للاسئله
لكن بصراحه انا ما توقعتش ان عدد كبير يشاركوا فى الموضوع ده ويجاوبوا وانا ارجوا انكم تسامحونى على انى مش هقدر اخاطب كل واحد لواحده وهعلق على اللى كتبتوه بطريقه عامه
-فى موضوع الشات:
انا بحيى جدا (البنوته الاهلاويه)فى رأيها لما انت شايف انت الشات حرام بتعمل ايميل ليه اصلا
وبعدين يا جماعه كل جنس بيحاول يتقرب من الجنس الاخر لكن فى المجتمع بتاعنا صعب انك تتقربله بصوره مباشره علشان كده بنختار الطريقه الغير مباشره اللى هيه الشات
*والاخوه الشباب اللى داخلين على الشات يكلموا شباب زيهم انا عاوز اقولهم انت ما زهقتش من اصحابك اللى فى المدرسه عاوز تصاحب صبيان كمان على النت
8و نفس الكلام للبنات برده

فى موضوع الاستنساخ: انا ملاحظ بصوره عامه ان كله بيقول انه حرام حرام حرام يا اخوانا انا ما بسألكوش هو حرام ولا حلال انا بس كل غرضى انى اعرف انت ترضى تدى لنفسك فلوس على اعتبار ان نفسك هو اقرب حد ليك علشان تعرف اذا كنت بخيل ولا لا وشكرا ل(البنوته الاهلاويه) لانها جاوبت اجابه طبيعيه يا هديله يا مش هديله

ووفى موضوع النكت من صديقك:
انا بصراحه كتبت كده علشان اعرف مدى قرب كل الناس من اصحابها وتقبلهم للى بيقولوه منهم وبصراحه السؤال كشف عن الشخصيات بوضوح فيهم اللى بيسامح وفيهم اللى بياخد حقه وبيقولوا عله قلبوا اسود

وفى موضوع احسن اكل انا بشكر كل الاعضاء اللى اعترفوا بان امهاتهم مش احسن ناس بتطبخ لان الحقيقه المره ان اكل امك يا سيد انت ويا هانم انتى مش احسن اكل ولا حاجه ولو مش مصدقنى ابقى لف على البيوت اكتر من كده

وفى الموضوع بتاع التربيه انا بصراحه بعترف ان مفيش حد بيمسك ابنه كل يوم ساعتين ويقعد يربى فيه فعلا الموضوع بيجى من غير كلام وهى مش اكل ولا شرب

[فاعــ خير ــل]

المشاركة الأصلية كتبت بواسطة biob

اولا يا جماعه انا بشكركم على صراحتكم فى الاجابه على الاسئله اللى حطيتها دى انا بصراحه كان هدفى ان كل واحد يبقى صريح مع نفسه وانا احاول اقول لكل واحد وجهه نظرى فيه من طريقه اجاباتى للاسئله
لكن بصراحه انا ما توقعتش ان عدد كبير يشاركوا فى الموضوع ده ويجاوبوا وانا ارجوا انكم تسامحونى على انى مش هقدر اخاطب كل واحد لواحده وهعلق على اللى كتبتوه بطريقه عامه
-فى موضوع الشات:
انا بحيى جدا (البنوته الاهلاويه)فى رأيها لما انت شايف انت الشات حرام بتعمل ايميل ليه اصلا
وبعدين يا جماعه كل جنس بيحاول يتقرب من الجنس الاخر لكن فى المجتمع بتاعنا صعب انك تتقربله بصوره مباشره علشان كده بنختار الطريقه الغير مباشره اللى هيه الشات
*والاخوه الشباب اللى داخلين على الشات يكلموا شباب زيهم انا عاوز اقولهم انت ما زهقتش من اصحابك اللى فى المدرسه عاوز تصاحب صبيان كمان على النت
8و نفس الكلام للبنات برده

فى موضوع الاستنساخ: انا ملاحظ بصوره عامه ان كله بيقول انه حرام حرام حرام يا اخوانا انا ما بسألكوش هو حرام ولا حلال انا بس كل غرضى انى اعرف انت ترضى تدى لنفسك فلوس على اعتبار ان نفسك هو اقرب حد ليك علشان تعرف اذا كنت بخيل ولا لا وشكرا ل(البنوته الاهلاويه) لانها جاوبت اجابه طبيعيه يا هديله يا مش هديله

ووفى موضوع النكت من صديقك:
انا بصراحه كتبت كده علشان اعرف مدى قرب كل الناس من اصحابها وتقبلهم للى بيقولوه منهم وبصراحه السؤال كشف عن الشخصيات بوضوح فيهم اللى بيسامح وفيهم اللى بياخد حقه وبيقولوا عله قلبوا اسود

وفى موضوع احسن اكل انا بشكر كل الاعضاء اللى اعترفوا بان امهاتهم مش احسن ناس بتطبخ لان الحقيقه المره ان اكل امك يا سيد انت ويا هانم انتى مش احسن اكل ولا حاجه ولو مش مصدقنى ابقى لف على البيوت اكتر من كده

وفى الموضوع بتاع التربيه انا بصراحه بعترف ان مفيش حد بيمسك ابنه كل يوم ساعتين ويقعد يربى فيه فعلا الموضوع بيجى من غير كلام وهى مش اكل ولا شرب

وجهة نظرك ....

[super hero 1991]

1- بالنسبة للسؤال الاول احب اكلم ولد
2 -لو هم ادولي 10000 هرفض طبعا
33- هاستني فرصة تانية و ارضهالة
4- هاقلها ستي ( ام امي)
5- اكل وشرب ونوم وساعة ادب كل يوم وهي دي الطريقة اللي انا اطربيت بيها

[.. Mysterious ..]

المشاركة الأصلية كتبت بواسطة biob

عليك اما انت تجيب عن كل هذه الاسئله بكل صدق وصراحه او عدم اجابه ولا سؤال

هذا لمجرد تعريف بقيه الاعضاء بشخصيتك
*انت لو على الشات تفضل تكلم بنت ولا تكلم ولد؟(السؤال لكلا الجنسين)
*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)
*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟
*لو مامتك سألتك مين احسن واحده شفتها بتطبخ هتقولها مين؟
*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)

1- مش من هواته بس ساعات بدخله لو كان معايا اصحابى يعنى نعمل شله فى الشات ونعمله هيبه

2- طبعا مش انا المستفاد

3- مش فى كل الاوقات

4- جدتى (( حمتها ))

5- المفروض انهم يقعدوا مع اولادهم عشان يعرفوهم من الداخل وليس الظاهر فقط
اما انا الحمد لله اهلى كلهم معايا دائما

ميرسى جدا على الموضوع الجميل ده
وتسلم ايدك

[gamal saber]

المشاركة الأصلية كتبت بواسطة biob

عليك اما انت تجيب عن كل هذه الاسئله بكل صدق وصراحه او عدم اجابه ولا سؤال

هذا لمجرد تعريف بقيه الاعضاء بشخصيتك

*انت لو على الشات تفضل تكلم بنت ولا تكلم ولد؟(السؤال لكلا الجنسين)
الحقيقة متفرقش معايا اى حاجة دة لو دخلت على الشات اصلا


*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)
ولا اعرفة اديلة عشرة جنية خسارة فية


*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟
هعديها عشان اكيد هردهالة


*لو مامتك سألتك مين احسن واحده شفتها بتطبخ هتقولها مين
خالتى

*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)
لاطبعا التربية مش مجرد اكل وشرب ونوم وخلاص دة متابعة وحب وحنان وتوجيةوحجات كتير اكتر من مجرد الاكل والشرب الى ملهم علاقة اصلا بالتربية

وفى النهاية مغسى بكو على الموضوع دة

[..حدوتة..]

المشاركة الأصلية كتبت بواسطة biob

"]عليك اما انت تجيب عن كل هذه الاسئله بكل صدق وصراحه او عدم اجابه ولا سؤال

هذا لمجرد تعريف بقيه الاعضاء بشخصيتك
*انت لو على الشات تفضل تكلم بنت ولا تكلم ولد؟(السؤال لكلا الجنسين) بصراحة انت لما بتبقى محتاج حد تتكلم معاه مش بيفرق معك ولد ولا بنت انا عن نفسى بالنسبة لى الشات زى ما برد ع اى حد هنا
*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)هى جت ع العشرة جنيه دا لو حد معرفوش وطلبها منى وقال انه محتاجها هديهاله من غير مااسأل
*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟ده بقى على حسب حالتي لو مش فايقة هعديها بس هردها بعدين اما لو كنت فايقة هخليه مهزأة القعدة وانا استاذة فى التريقة
*لو مامتك سألتك مين احسن واحده شفتها بتطبخ هتقولها مين؟ اكيد هى طبعا رغم انها مش اد كده ف الطبيخ بس انا امى اغلى حاجة عندى فى الدنيا ومش ممكن ازعلها ابدا
*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)اظن واضح من حبى لامى انها عرفت تربينى لانى ساعة ما بحتاجلها بلقيها فتحالى حضنها

ادعولى ربنا يستر عليا ف المجموع علشان افرح امى

[abosaid]

المشاركة الأصلية كتبت بواسطة biob

اولا يا جماعه انا بشكركم على صراحتكم فى الاجابه على الاسئله اللى حطيتها دى انا بصراحه كان هدفى ان كل واحد يبقى صريح مع نفسه وانا احاول اقول لكل واحد وجهه نظرى فيه من طريقه اجاباتى للاسئله
لكن بصراحه انا ما توقعتش ان عدد كبير يشاركوا فى الموضوع ده ويجاوبوا وانا ارجوا انكم تسامحونى على انى مش هقدر اخاطب كل واحد لواحده وهعلق على اللى كتبتوه بطريقه عامه
-فى موضوع الشات:
انا بحيى جدا (البنوته الاهلاويه)فى رأيها لما انت شايف انت الشات حرام بتعمل ايميل ليه اصلا
وبعدين يا جماعه كل جنس بيحاول يتقرب من الجنس الاخر لكن فى المجتمع بتاعنا صعب انك تتقربله بصوره مباشره علشان كده بنختار الطريقه الغير مباشره اللى هيه الشات
*والاخوه الشباب اللى داخلين على الشات يكلموا شباب زيهم انا عاوز اقولهم انت ما زهقتش من اصحابك اللى فى المدرسه عاوز تصاحب صبيان كمان على النت
8و نفس الكلام للبنات برده

فى موضوع الاستنساخ: انا ملاحظ بصوره عامه ان كله بيقول انه حرام حرام حرام يا اخوانا انا ما بسألكوش هو حرام ولا حلال انا بس كل غرضى انى اعرف انت ترضى تدى لنفسك فلوس على اعتبار ان نفسك هو اقرب حد ليك علشان تعرف اذا كنت بخيل ولا لا وشكرا ل(البنوته الاهلاويه) لانها جاوبت اجابه طبيعيه يا هديله يا مش هديله

ووفى موضوع النكت من صديقك:
انا بصراحه كتبت كده علشان اعرف مدى قرب كل الناس من اصحابها وتقبلهم للى بيقولوه منهم وبصراحه السؤال كشف عن الشخصيات بوضوح فيهم اللى بيسامح وفيهم اللى بياخد حقه وبيقولوا عله قلبوا اسود

وفى موضوع احسن اكل انا بشكر كل الاعضاء اللى اعترفوا بان امهاتهم مش احسن ناس بتطبخ لان الحقيقه المره ان اكل امك يا سيد انت ويا هانم انتى مش احسن اكل ولا حاجه ولو مش مصدقنى ابقى لف على البيوت اكتر من كده

وفى الموضوع بتاع التربيه انا بصراحه بعترف ان مفيش حد بيمسك ابنه كل يوم ساعتين ويقعد يربى فيه فعلا الموضوع بيجى من غير كلام وهى مش اكل ولا شرب

هو الواحد بيعمل ايميل علشان الشات ولا الايميلات اخترعت علشان الشات يعني ملكش حد قريبك بره مصر وبتكلمه علي الايميل ومعني كده انك عامل ايميل علشان الشات لعلمك مره كنت مع واحد صاحبي فتح الشات لقيت فيه كلام مقرف جدا وناس بتشتم في الرسول والصحابه وبتهزء الاسلام وقبل كده قريت موضوع عن واحد كفر بسبب الشات ناس مسحيين لعبوا بدماغه وخلوه يكفر وبعد ده كله بتقول الشات ؟_ده نموذج من الاف النماذج _
يعني لو ليك اخت ودخلت الشات هتقولها انتي مزهقتيش من اصحابك في المدرسه روحي كلمي ولاد؟
لا لبسؤال بتاع الاستنساخ سؤال غبي ولو علشان تعرف ان كان بخيل او كريم في حاجات تانيه تعرفك , مثلا قول لقت فقير في حتتك او قول لقيت واحد زميلك يتيم هتديه ولا لا في طريقه للسؤال مدخلش الدين في الحاجات دي وخلي اسألتك واضحه وبعيده عن الشبهات.
سؤال النكت مش علشان القرب من الناس لان دي مساله كرامه واحنا عندا لو الواحد اتهزأ واتجرحت كرامته هتروح هبته بين اصحابه وبين الناس وساعتها مش هيكون في فرق بينه وبين الحيوان

[The_Relativistic200]

عليك اما انت تجيب عن كل هذه الاسئله بكل صدق وصراحه او عدم اجابه ولا سؤال

هذا لمجرد تعريف بقيه الاعضاء بشخصيتك
*انت لو على الشات تفضل تكلم بنت ولا تكلم ولد؟(السؤال لكلا الجنسين)
== افضل انى كلم ولاد لان دى الفطرة ....وبحب نعيش سوا على بعض
*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)
==ولا هديله حاجة طبعا.....العشرة جنيه نا اولى بيها....لسه مصاريف كورسات وكتب ومشاوير
ولسه الجواز بقى....شوف العشرة جنيه تجيب كام شنكل دلوقتى:D

*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟
== طبعا هتنرفز ...بس مش هعملله حاجة......وغالبا محدش بيعملها عشان انا قلاش:D

*لو مامتك سألتك مين احسن واحده شفتها بتطبخ هتقولها مين؟
هقوللها انتى لسبب وحيد...انى مكلتش غير من ايديها....ربنا يخليها للامن القومى
*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)

=== عامة انا مش بقول حاجة....وصعب اقول ان اهلى ربونى.....لان ده فى ظلم لاهلى:D
احسن نظام فى التربية...هو التربية بالقدوة...
الكلام مش بيعمل حاجة....لان فى يوم من الايام اكيد هغلط...
وطبعا انا عارف ان لما ابنى هيبقى مراهق.....اجى اقولله حاجة....يعمللى ارسطو...ويكلمنى على اساسا انى افلاطون
وليه ومش ليه .....طب ما انت بتعمل كذا....وكلامه هيبقى صح....
يبقى احسن حاجة اريحه واخليه يمشى بالقدوة...

بس كده...الواحد بقاله كتير ما قالش حاجة فى الموضوعات دى
:D
بس بصراحة اللون الاصفر مستفز يا عمى..
بالله عليك تشيله

[فنكوشه المنكوشه]

*انت لو على الشات تفضل تكلم بنت ولا تكلم ولد؟(السؤال لكلا الجنسين)
لا انا مبدخلش شات لكن نعتبره الايميل ومن الناحيه دي فانا مش بختار ولا بفرق يعني زي ما بيقولوا الاقربون اولي بالمعروف الناس اللي بحبهم بجد هما اللي بكلمهم ولو مليش مزاج اكلم حد معين خلاص مش قضيه:D

*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)
انا مسمحش لحد اساسا انه يستنسخني مش لاملتي يعني لكن زي ما في حاجات كويسه في حاجات مش كويسه محبش ان يكون منها نسختين:Dوبالنوسبه للعشره جنيه انا مش هدفع حاجه انا هاخد عشره جنيه:D

*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟
اديك بتقول نكته يعني هزار والهزار ليه حدود اكيد يعني وساعتها هضحك كمان اذا كانت حاجه تضحك واردهاله:D

*لو مامتك سألتك مين احسن واحده شفتها بتطبخ هتقولها مين؟
هي طبعا لسبين اولهم اني مكلتش الا من تحت ايديها هي
ثانيا التجارب العلميه اثبتت ان مفيش الا احلي ولا اجمل من اكل ماما طبعا وبشهود كمان:D

*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)
التربيه دي من وجهه نظري حاجه صعبه اوي مقدرش اقولك ان اهلي ربوني احسن تربيه او اسواء تربيه لكن هما ادوني حاجه انا متاكده مش هلاقيها الا عند قله البيوت وهي الحب والترابط وبالذات حب ماما وبابا وانا لا اخجل من حاجاه زي دي وزي ما بيقولوا الحب بيعمل المعجزات

[biob]

المشاركة الأصلية كتبت بواسطة Bugs Bunny

*انت لو على الشات تفضل تكلم بنت ولا تكلم ولد؟(السؤال لكلا الجنسين)
لا انا مبدخلش شات لكن نعتبره الايميل ومن الناحيه دي فانا مش بختار ولا بفرق يعني زي ما بيقولوا الاقربون اولي بالمعروف الناس اللي بحبهم بجد هما اللي بكلمهم ولو مليش مزاج اكلم حد معين خلاص مش قضيه:D



*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)
انا مسمحش لحد اساسا انه يستنسخني مش لاملتي يعني لكن زي ما في حاجات كويسه في حاجات مش كويسه محبش ان يكون منها نسختين:Dوبالنوسبه للعشره جنيه انا مش هدفع حاجه انا هاخد عشره جنيه:D



*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟
اديك بتقول نكته يعني هزار والهزار ليه حدود اكيد يعني وساعتها هضحك كمان اذا كانت حاجه تضحك واردهاله:D



*لو مامتك سألتك مين احسن واحده شفتها بتطبخ هتقولها مين؟
هي طبعا لسبين اولهم اني مكلتش الا من تحت ايديها هي
ثانيا التجارب العلميه اثبتت ان مفيش الا احلي ولا اجمل من اكل ماما طبعا وبشهود كمان:D



*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)
التربيه دي من وجهه نظري حاجه صعبه اوي مقدرش اقولك ان اهلي ربوني احسن تربيه او اسواء تربيه لكن هما ادوني حاجه انا متاكده مش هلاقيها الا عند قله البيوت وهي الحب والترابط وبالذات حب ماما وبابا وانا لا اخجل من حاجاه زي دي وزي ما بيقولوا الحب بيعمل المعجزات

شكرا على مرورك على الموضوع اللى عفا عليه الزمن
بس ياريت حضرتك تكبر الخط شويه علشان النظر

[ymymym]

*انت لو على الشات تفضل تكلم بنت ولا تكلم ولد؟(السؤال لكلا الجنسين) انا هتكلم بصراحه انا كنت بعمل شات فعلا وهو ولد واحد اللي كلمته بس بعدها قلت لبابا واهلي كلهم لاني حسيت بذنب كبير كبير قوي اني خنت ثقه اهلي فيا وقعدت اعيط كتييير ماعلينا * لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت) اه عادي لو معايا هدي
*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟ لو حد قريب مني يعني بس بعدها مابيني وما بينها هقولها انا اتضايقت ومتعمليش كده تاني وحصلت معايا قبل كده لكن لو موش قريبه مني بقولها قدام الناس الصراحه * لو مامتك سألتك مين احسن واحده شفتها بتطبخ هتقولها مين؟ هققولها طبعا حضرتك يا ماما لانها الحقيقه
*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين) بص انا من رايي ان الاب والام لازم يقعدوا مع بنتهم او ابنهم انا كنت عاوزه كده لاني اهه دلوقتي موش قريبه منهم خااااااااالص نادر قو يلما بقولهم الا لو هقع في مشكله زي الشات يعني قلتلهم لكن غير كده لأ وكمان موش بقول لماما وبابا بقول لاختي تقولهم اي حاجه بقي ووالله دي الصراحه انا عن نفسي مع عيالي هبقي دايما جنبهم هقرب منهم وموش هكرر الغلطه دي تاني عشان بجد نفسيتي تعبانه فعلا بسبب الموضوع دا

بس هو دا رايي في الموضوع بصراحه زي ماقلت

[biob]

المشاركة الأصلية كتبت بواسطة ymymym

بس هو دا رايي في الموضوع بصراحه زي ماقلت

اوكى
شكرا ليكى على صراحتك
بس ياريت تكونى بقى قد كلامك فى موضوع التربيه ده
وما تطنشيش ولادك