عايز تجوز ؟؟ لا ممنوع أنت لسه صغير............

[(الدنيا ساعة فاجعلها طاعة)]

وبعدين دلوقتى وسائل الإعلام عمالة تعمل ضد الزواج المبكر
بتتقلب علي دماغهم والله
لأن كتير من بنات الثانوى مخطوبين ومكتوب كتابهم وده بأه منتشر
أنا بشجع الزواج المبكر في عصر الفتن اللى احنا فيه ده

[Hamset_Etab]

بص انا هقول حاجه لو الشاب يقدر يجوز فى السن ده يعنى معاه الى يقدر يفتح بيه بيت (طبعا 97%من شباب مصر مش معاه)يبقى ليه لا على الاقل يحمى نفسه من الى احنا فيه وعصر الفتن ده

[مس رانيا حسن]

الزواج غير مشترط بسن معين
الاهم هو الشخصيه والقدره على تحمل المسئوليه
وتكوين اسره
قد يبلغ شخص سن الثلاثين مثلا لكن شخصيته وسماته لا تؤهله للزواج
على النقيض شخص فى العشرين لكنه متحمل للمسئوليه
فما المانع من انه يتزوج
المساله ليست بالسن وانما بالعقل والنضج الفكرى
مشكور على الموضوع

[محترف الأدسنس]

المشاركة الأصلية كتبت بواسطة نونونونونونو

بس انا راى ان ده مش هو السن المناسب للزواج خالص

أول معارضة !!!
بس ممكن تذكري السبب؟؟؟؟

[محترف الأدسنس]

المشاركة الأصلية كتبت بواسطة الامبراطورةالفارسة

على فكرةالجوزات الى كانت زمان بتاعة جدى وجدى ايام مكانوا بيتجوزا وهمة عندهم14 سنةهة دة الجوازات الى بتعيش وكانت من غير شروط والحاجات بتاعة الايام دة

عندك حق والله
كانت جدتي بتحكيلي لما اجوزت جدي
بتقول لما خطبها كانت عندها تسع سنين وكانت بتلعب مع العيال
ولما اجوزها جات بالجمل لغاية البيت
أيام....

[محترف الأدسنس]

المشاركة الأصلية كتبت بواسطة (لبيك رسول الله)

بس فيه حاجة برضه يا جماعة
أنا مش بشترط السن بس خلينا في الواقع
مين الشاب اللى عنده 16 سنة ومعاه مصاريف الزواج
ده على 30سنة يبدأ يكون نفسه
والراجل بيبدأ حياته بعد التسعين
هههههههههههههههه

احنا بنتكلم على المستطيع
هل السن يفرق ولا لأ؟

المشاركة الأصلية كتبت بواسطة (لبيك رسول الله)

من ناحية السن
فأنا اختى في أولى كليه
جالها شاب متدين عنده عشرين سنة
بابا لقاه متدين والله ساعتها مفتكرش إلا قول الرسول صلي الله عليه وسلم
(إذا جاءكم من ترضون دينه وخلقه فزوجوه..............)
وافق عليه طبعا وكتبه الكتاب كمان عقبالكوااااااااا

ربنا يوفقهم

المشاركة الأصلية كتبت بواسطة (لبيك رسول الله)

وبعدين دلوقتى وسائل الإعلام عمالة تعمل ضد الزواج المبكر
بتتقلب علي دماغهم والله
لأن كتير من بنات الثانوى مخطوبين ومكتوب كتابهم وده بأه منتشر
أنا بشجع الزواج المبكر في عصر الفتن اللى احنا فيه ده

فعلا
إذا أنت مع أن السن ليس شرطا
أشكرك لإضافاتك

[محترف الأدسنس]

المشاركة الأصلية كتبت بواسطة Bosy 2

بص انا هقول حاجه لو الشاب يقدر يجوز فى السن ده يعنى معاه الى يقدر يفتح بيه بيت (طبعا 97%من شباب مصر مش معاه)يبقى ليه لا على الاقل يحمى نفسه من الى احنا فيه وعصر الفتن ده

معاك لكن هل هيكون مسؤل عن تصرفه في المستقبل؟

[محترف الأدسنس]

المشاركة الأصلية كتبت بواسطة رانيا حسن

الزواج غير مشترط بسن معين
الاهم هو الشخصيه والقدره على تحمل المسئوليه
وتكوين اسره
قد يبلغ شخص سن الثلاثين مثلا لكن شخصيته وسماته لا تؤهله للزواج
على النقيض شخص فى العشرين لكنه متحمل للمسئوليه
فما المانع من انه يتزوج
المساله ليست بالسن وانما بالعقل والنضج الفكرى
مشكور على الموضوع

فعلا باتأكيد
أشكرك لإضافتك......

[ابن الوادى]

بسم الله الرحمن الرحيم
أنا من رأيى الموضوع كله مشكلة مصاريف مش سن مناسب بمعنى : الواحد فينا (الأولاد ) بيفضل أبوه يصرف عليه حتى سن 21 سنة ( التخرج من الكلية ) على الأقل لكن أنا مثلا لو استقليت عن والدى واشتغلت من سن 16 سنة وبدأت أصرف على نفسى ويبقى لي مصدر رزق أكيد هكون قادر على الزواج ايه المانع ؟؟؟؟
ملحوظة : أكيد طبعا حكاية الاستقلال والعمل من سن 16 سنة ستؤثر على تعليمى

[ีundertaker_2000]

هو الزواج غير مشترط بالسن

لكن انا عايزك تجبلى حد عنده 16 سنه وبيصرف على نفسه ويقدر يفتح بيت ويكون مسئول عنه لو فى يبئه ممكن يتجوز

واهم حاجه يكون عنده شخصيه ويستطيع الاعتماج على نفسه ويجب ان يكون مسئول عن كل تصرف هو يعمله

شكرا على الموضوع الجميل

16 وعايز تتجوز
يعنى لسه بتاخد مصروفك من والدك وعايز تتجوز
اعتقد ان السنة المناسب للزواج بيكون بعد العشرين
ولزم تكون متخرج وعندك شغل
وياسلام لو هى كمان بتشتغل
الحياة صعبة ولزم الاتنين يكافحه مع بعض
مش 16 سنة وتقول عايز اتجوز

[sh2awa _ 91]

على فكرة انا عندي اخ عنده 26 سنة
والتاني 23
ولسة مش اتجوزوا ......
16 سنة يتجوز ازاي ؟؟
هتقدر تفتح بيت وتربي اطفال وتصرف عليهم صح ؟؟!!!!!


هو الجواز مش مرتبط بالسن في حالة لو كان السن على الاقل بعد العشرين ..


وشكراااااااااااا ليك على موضوعك

[gamal saber]

اولا الموضوع مش موضوع مصريف وخلاص
الموضوع لية علاقة بدرجة النضج العقلى والقدرة على تحمل المسئولية
وادراك كيفية مواجهة المشاكل المتجددة ودى سنة الحياة
ومعتقدش ان شاب عندة 16 سنة قادر انة يتحكم فى اعصابة ويواجة مشاكلة بشيى من الجدية والحزم
فمابلك بئة لو مسئول منة بيت وزوجة وكمان ليهم مشاكلهم
دة لو فرضنا جدلا انة هيكون معاة القدرة المادية لفتح بيت فى الزمن دة
اعتقد ان السن المناس بين 24 و27 عشان يبقى الشخص قدر يحدد مستقبلة بشكل واضح وعرف امكانياتة اية
فبل كدة معتقدش

[محترف الأدسنس]

أنا مؤمن بإن كل إنسان مهما كان

طالب، سياسي ، وزير أوحتى رئيس دولة

لازم يكون ليه طموح استثماري

مش لازم يكون متفرغ ليه أبدا

ممكن ساعة فقط في اليوم

المهم هو يعرف كيف يبدأ

الانسان لما يتحمل المسؤلية من صغره يكون أقوى في الكبر

بالعكس تماما الشاب يستطيع أنه يتحمل المشاكل التي تعرض له

لأنه يفهم هو عايش في أي عصر

لكن الأكبر في السن عقله لايستطيع استيعاب متطلبات العصر

تجده في حياته كلاسيكي على النظام القديم

مشكلتنا هي تقليد الغرب في كل شئ

هما عندهم نظامهم الخاص لو احنا بنطبقة كاملا يبقى لامشكلة

لكن احنا لينا عاداتنا وتقاليدنا ودينا

هما مثلا
الانسان في هذه المرحلة يمارس الرذيلة بمنتهى الحرية

وعندما يصل للسن الذي تسمونه سن الرشد يتزوج

لكن بما أن مجتمعنا لا يمكن أن يكون مثل ذلك

فلماذا نصر على هذا الشرط؟؟؟

الدراسة ليست مانعا
وبالإرادة تتحقق الآمال

[Ra2oF]

تمام الكلام ده السن مش مقياس :: عقلك هو مقياسك :: بمعني انك بتفكيرك بتجبر القدامك انه يحترمك و تفكيرك ده برده البيخليك تبقي متدين و محترم ::: المشكلة في الحوار كله الفلووووس :::: حكاية تحمل المسؤولية :: بتختلف من شخص لشخص حسب طريقة التربية :: يعني ممكن يبقي واد فافي و مش بتاع تحمل مسؤولية و ممكن يبقي العكس ::
المشكلة هي هتنفق ازاي علي الاسرة ::: الحكاية ديه تنفع في الدول الاوربية و امريكا اوي علشان الشاب لما بيشتغل ممكن يعمل عائد "" بس بره مبدأ الجواز مش مهم عندهم ::: بيجي في الاخر بعد العمل :: و كله ::: علشان بيبقي عنده اساس girl friend او هي عندها boy friend و عندهم مفيش تقاليد زي العندنا :: ء : : علشان كيده الجواز بيجي في الاخر ::::::

شكرا للموضوع و تقبل رأي