ياللعار على مرتب المدرسين فى مصر(كارتةمايو)

[mahmoudnet1]

الاخوة الافاضل اللي بيشتموا ويسبوا لمرسي وللاخوان ياريت يكون عندهم الجراة ويذكروا ولو كلمة عن اي مسئول بالازهر هي كيد سياسي فلولي وخلاص ياريت الادمن يمنع مثل هذه الاساءات سواء للازهر او اي رمز من رموز مصر والاخ اللي بياخد 645 انا اقل منه 635 اساله سؤال كنت بتاخد كام قبل الثورة المحترمة اللي طهرتنا من الظلمة الحرامية ارجو الانصاف يا سادة وجزاكم الله خييرا

[Mr Ahmed lotfy]

المشاركة الأصلية كتبت بواسطة mahmoudnet1

الاخوة الافاضل اللي بيشتموا ويسبوا لمرسي وللاخوان ياريت يكون عندهم الجراة ويذكروا ولو كلمة عن اي مسئول بالازهر هي كيد سياسي فلولي وخلاص ياريت الادمن يمنع مثل هذه الاساءات سواء للازهر او اي رمز من رموز مصر والاخ اللي بياخد 645 انا اقل منه 635 اساله سؤال كنت بتاخد كام قبل الثورة المحترمة اللي طهرتنا من الظلمة الحرامية ارجو الانصاف يا سادة وجزاكم الله خييرا

هو 600 جنيه دول يعملو ايه وبعدين مرسى ما زودناش مليم الزياده من ايام المجلس العسكرى اما مرسى والاخوان الله ينكد عليهم فى كل مكان انا النهارده مسافر فى القطار ما حدش صدق ان فى مرتب 600 جنيه لحد دلوقتى

[حسام الدين ريه]

يا جماعة لى زميل مدرس معى فى الأزهر وزوجته مدرسة فى التربية والتعليم سألته عن الموضوع ده بيحلف لى بالله انه بيقبض اكثر من مراته مع انها اقدم منه بسنتين ثلاثة. وطبعا العهدة على الراوى .

[مصرى من الصميم]

مع احترامى لحضرتك كلامك عارى تماما من الصحة معلمى التربية و التعليم كانو بياخدو 720 قبل زيادة الاساسى و بعد الزيادة مرتبهم عدا ال 800 جنية واساسي دفعة 2008 فى التربية والتعليم بعد اضافة ال 30 % وصل 273 جنية
تقدر تقولى حضرتك مرتبك انت كام بعد الزيادة واساسيك كام

[هشام عرفة]

مش تحمدو ربنا ان احنا اتثبتنا اصلا يا رجالة وحتى لو مرتبك وصل الف جنيه لازم تعمل اى مصلحة تانية جمب الوظيفة

[rambo3]

الاخ اللى بيقول كنت بتاخد كام قبل الثورة المحترمة اللي طهرتنا من الظلمة الحرامية
أولا واضح جدا انه اخوانى
ثانيا ياريت يسأل نفسه الاسعار كانت كام قبل الثورة
الامن والكهرباء والغاز والسولار الخ الخ الخ
الاخوان مش هيضحكوا علينا تانى فالظلم موجود وواضح وضوح الشمس
اين العدالة فى الاجور اين الحد الادنى
اقسم بالله لو يهودى نزل امام الاخوان فى انتخابات مجلس النواب القادمة هانتخبه
دا لو الاخوان فضلوا موجودين

[الاستاذة نجلاء علي]

قبضنا اليوم مرتب شهر مايو بالنسبة لمن ضم لهم خمس علاوات
المرتب إما 688 أو 691 أو 694

[ndeem55]

ما علاقة الإخوان في الفساد الإداري في الأزهر ؟
، مجموعة من حملة الدبلومات يتحكمون في مشائخ الأزهر ، ويصيبون الأزهر بالجمود ، ويحقدون على معلمي الأزهر ، وللأسف يستغفلون جهل المشائخ في الادارة والقانون

اذهبوا لزملائكم بالتربية والتعليم لتقارنوا بينكم وبينهم ، فهم بالنسبة للدولة موظفون مثلكم تماما ، لكننا بالأزهر لا نريد التطوير ولا يملك الكثير منا اتساع الأفق والنظرة المنصفة العميقة ، نريد أن نركب موجة القاء أخاؤنا وفساد الكثيرين منا على السلطة الحاكمة ، فلا نسعى للحصول على حقوقنا ولا تطهير صفوفنا ممن يملكون رقابنا !!!!!!!
مرتبي يقل عن مرتب زميلي بالتربية والتعليم نفس التعيين بكثير ، فهل هذا خطأ المالية والحكومة أم خطأ ادارة الأزهر ؟

[صبرى الدنجاوى]

عايز ارجعلك يا مصر واحس بكرامتى وكرامة المعلم المصرى الذى له له الفضل بعد الله سبحانه وتعالى فى تعليم ابناء العالم العربى وغيره . بحبك يا مصر يا بلدى
معلم فى الغربه

[محمد أبوغانم]

لسلام عليكم ورحمة الله وبركاته
اقتراح على سيادتكم ما يلي:
1- عمل توكيلات جماعية من الزملاء النشطين لمحامي يقدم شكوى للمحكمة الادارية واخرى للمحكمة الدستورية لاجبار الازهر على رد مستحقاتنا ومعاملتنا بالمثل مع معلمي التربية والتعليم كما نص عليه قانون تنظيم الازهر وقوانين مجلس الوزراء ومبدأ تكافؤ الفرص الذي نص عليه الدستور.
2- مقاطعة الامتحانات والتصحيح في كافة المعاهد على مستوى الجمهورية.
3- الخطوة الأخيرة هي تقديم استقالات جماعية على أن تكون استقالة مسببة.