الرئيس يخشى شعبه الذى انتخبه

[Mr.Ahmed EL-hady]

دي سياسة الاخوان من زمان... السيطره علي المساجد لنشر فكرهم بين الناس

[Mr.Ahmed EL-hady]

شاب أسيوطي في رسالة لـ"مرسي": "تيجي وترجع بالسلامة ياريس.. ويارب أسيوط المزيفة تعجبك"





بعث شاب في مطلع العقد الثاني من عمره برسالة عبر حسابه الشخصي علي موقع التواصل الاجتماعي "فيسبوك" إلي الرئيس محمد مرسي قبيل زيارته إلي المحافظة غدًا الجمعة فماذا قال فيها؟

"أنا عرفت إنك هتزور محافظة أسيوط يوم الجمعة.. والصراحة أنا معرفتش من الجرايد أو القنوات التليفزيونية.. أنا عرفت لما مشيت في الشوارع، ولقيتها لأول مرة منورة والصرف الصحي شغال وكأني عايش في باريس".

"لأ عشان أكون صريح معاك ياريس دي مش أول مرة أشوف فيها أسيوط كدة.. دي المرة التانية، عارف حضرتك المرة الأولي لما المخلوع مبارك قرر إنه يزور المحافظة.. نفس النظام بنفس النور والعمال اللي شغالين من صباحية ربنا عشان يغيروا لأسيوط للأحسن لمدة يومين بس لحد ما حضرتك تمشي".

"ياريس حبيت أقولك إن كل حاجة هتشوفها لما تيجي كذب.. دي مش أسيوط، ولا الناس اللي هيحضروا خطابك دول أهل أسيوط كلهم.. ياريتك ياريس تمشي اتنين كيلو بعيد عن المنطقة اللي هتبقي فيها وأنت تشوف بنفسك أسيوط الحقيقية.. الناس عندنا بتخزن المياه من دلوقتي عشان احتمال تقطع.. أكيد حضرتك مش عارف أصلك بتشرب مياه معدنية".

"ياريس الأمن اللي هتشوفة يوم زيارتك عمره ماكان موجود قبل ماتيجي.. ولاهيبقي موجود بعد ماتمشي، والأرض اللي هتمشي عليها عربيتك عمرها ماكانت بالنضافة دي.. وفي الختام تيجي وترجع بالسلامة ياريس.. ويارب أسيوط المزيفة تعجبك".

يذكر أن الرسالة تم تزييلها باسم أيمن صديق زيدان، الذي يبلغ من العمر 21 عامًا، ويعمل كاتبًا حرًا، ودرس الإعلام بكلية الآداب بجامعة أسيوط، وقام أكثر من 15 شخصًا بالتعليق علي الرسالة، ولقيت إعجاب أكثر من 54 شخصًا آخرين.


http://gate.ahram.org.eg/News/267133.aspx

[Mr.Ahmed EL-hady]

[محمد محمود بدر]

عليه العوض فى البلد

[راغب السيد رويه]

جزاك الله خيرا وبارك فيك