ملاحظات على قصة 3ث الجديدة

[فاطمه حافظ]

رائععععععععععععععععععععع

[Mohammed Yacout]

بصراحة القصص الثلاثة سيئة و طويلة و مملة و يا ليتهم فكروا فى قصص أخرى و لكنى أعتقد أن هناك تسرع و أحب من خلال هذا الملتقى الاسرى الجميل أن أسجل اعتراضى على سؤال Find the mistake
السال سوف يعرضنا لكثير من السخافات خاصة من أصحاب النفوس الضعيفة

[Mr Osman]

مع وافر الاحترام لكل من تكلم في هذه الصفحة عن القصص الثلاث وطبعاً الأراء واحدة ومتطابقة : إلا أنني لـم أجـد معلم واحد منهم قـد استخرج خطأً ولو واحد في أي من النصوص الثلاثة.... هـذا يـعـني أن :-
1- لا أحـد منهم قـرأ أي نص ؟ !!
2- كلهم قرأوا ولم يجدوا أي أخطاء فالنصوص وصلت لمرحلة الكمال ؟!!!
3- كلهم قرأوا ولكنهن لا يستطيعون استخدام مهارة التفكير النقدي لأنها تنقصهم ومشغولون فقط بلقمة العيش والحاجة السهلة أما تطوير النفس والقراءة قلا مكان لهما الأن عند أغلب المدرسين ؟ !!!!

[Mr. Nashaat El-Hamaki]

والله ياجماعه قصة Oliver هى احلى اختيار مش لانها قصه مناسبه او حلوه لكن لأن من خلالها تم التخلص من Short stories العقيمه والممله السابقه
اما قصة العناكب كان فيها مضمون كويس وعصريه وفيها اثاره لفكر الطلاب واعتقد ان The mask كانت على نفس مستو ى ٍSpiders

كان عملوا شبه استطلاع للمدرسين والمشرفين او الموجهين اللى اديهم فى اللعبه ان صح التعبير

لكن سؤالى هل هم فعلا متواصلين معنا وبيخدوا بأراء المدرسين اللى فى ارض الواقع
متهيألى ده مبيحصلش بدليل ان طول عمرنا ننبه على اخطاء او ما هو افضل مما لا يسبب ارتباك للطلاب واعتقد المدرسين ولكن لا حياة لمن تنادى
ان شاء الله بتواصلنا هنا فى المنتدى ممكن نعدى ونعدل حاجات كتير والله ولى التوفيق

[samikh]

مع كامل تقديرى لكل اساتذة المنتدى .. ولكن لاحظت ان كلهم علقوا على القصص ذاتها .. ودة بقة امر واقع ,, القصص مش مجرد مشروع, دى مطبوعة وفى ايد الولاد ..
خلينا فى المهم ..
التعليقات..
و أنا باقرأ chapter 3 لقيت خطأ بسيط و هو وضع question mark بدلا من full stop. تعالو نشوف الكلام بيقول ايه..
ch3 - p21 - Line..11
"?surely this way, however, was into a part of town where the people supported Duke Mickael"
أرجو الاهتمام ..
شكراُ

[moaaz aboud]

القصة الثالثة بصراحة مش ليها اي لازمة و اعتقد ان السبب في انها نزلت في المقرر الجديد انهم يتعبوا الطلاب و المدرسين يعني مفيش اي مقارنة في المستوي بينها و بين قصة hard times التي كانت مقررة في المنهج القديم انا مش لاقي فيها اي افكار فنية دي بالضبط زي الافلام او المسلسلات الهابطة التي تعرض حاليا انا مش مصدق و الله انه فيه مستشار بيعرف اي حاجة يختار هذه القصة هي القصص قطعت يعني علي فكرة القصة الرذلة ديه بتفكرني ب 6 قصص بتوع سنة اولي كفاية بس الاسماء المذكورة في هذه القصة المملة و الله بدل ما الطالب يحفظهم يخلص المناهج كلها مذاكرة و مراجعة و الله لو طالب في الابتدائي يألف قصة احسن منها هم بالقصة ديه بيأكدوا علي ان التعليم في مصر يشرف عليه مجموعة من الجهلاء الذين ليس لهم علاقة بالتعليم فبدلا من ان يتعلم الطالب قيمة اخلاقية نحاول ان نحفظه اسم الامراء السته طول الستة و ابقوا قابلوني لو حفظهم لاخر العام طبعا معظم المدرسين بتنظر علي القصة في اطارها الكلي و بتقول انها قصة عادية لكن تخيلوا لو واضع الامتحان حب يجيب الامتحان صعب فيها والله و لا طالب ممكن يجاوب فيها سؤال

[عادل333]

إذا كان المدرسين رأيهم كده يبقى الله يكون فى عون الطالب

[moaaz aboud]

القصة الثالثة بصراحة مش ليها اي لازمة و اعتقد ان السبب في انها نزلت في المقرر الجديد انهم يتعبوا الطلاب و المدرسين
يعني مفيش اي مقارنة في المستوي بينها و بين قصة hard times التي كانت مقررة في المنهج القديم
انا مش لاقي فيها اي افكار فنية
دي بالضبط زي الافلام او المسلسلات الهابطة التي تعرض حاليا
انا مش مصدق و الله انه فيه مستشار بيعرف اي حاجة يختار هذه القصة
هي القصص قطعت يعني
علي فكرة القصة الرذلة ديه بتفكرني ب 6 قصص بتوع سنة اولي
كفاية بس الاسماء المذكورة في هذه القصة المملة و الله بدل ما الطالب يحفظهم يخلص المناهج كلها مذاكرة و مراجعة
و الله لو طالب في الابتدائي يألف قصة احسن منها
هم بالقصة ديه بيأكدوا علي ان التعليم في مصر يشرف عليه مجموعة من الجهلاء الذين ليس لهم علاقة بالتعليم
فبدلا من ان يتعلم الطالب قيمة اخلاقية نحاول ان نحفظه اسم الامراء السته طول السنة و ابقوا قابلوني لو حفظهم لاخر العام
طبعا معظم المدرسين بتنظر علي القصة في اطارها الكلي و بتقول انها قصة عادية لكن تخيلوا لو واضع الامتحان حب يجيب الامتحان صعب فيها والله و لا طالب ممكن يجاوب فيها سؤال

[مستر محمد أيمن]

فى رأىالمتواضع أفضلهم Oliver Twist ثم Prisoner of Zenda اما أسخفهم على الأطلاق وبجدارة فهى Gulliver's Travels

[wagih mahmoud]

ارى أن اللجنة التى اختارت القصص وضعت فى الاعتبار ان تختار الوحدة الثانية من كل مرحلة كما تلاحظ اخى المعلم دون النظر لأى اعتبارات اخرى من جمال القصة او مناسبتها للواقع او مدى الإثارة ويعجبنى منهم أوليفر فقط