بتكره الفيزيا ؟ هحببهالك ... بتحب الفيزيا؟ هخليك تعشقها :)

[lolo nice]

شكرا جدا جدا على الموضوع الرائع
هى الفيزياء حلوة يعنى أنا كنت بحبها الصراحة فى اولى ثانوى بس مش عاارفة فى تالتة ثانوى هحبها و لا ؟؟!! ^_*

[MARRON-5]

ع فكرة اكتر مادتين انا حبيتهم الكيمياء و الفيزياء لانهم قريبين من الواقع وتطبيقاتهم موجوده فيه وبعدين مواد ممتعة جدا وياريت كمان اكمل ف الكلية بس تبقي فيزيا وكيمياء حديثة
بجد مواد روعة والله
بس الاحياء يعنى كلها حفظ اه والله حتى الفهم لازم نحفظه

[donia0]

شكرا علي الموضوع الرائع

[Engineer ..]

المشاركة الأصلية كتبت بواسطة إليزابيث

صح مدرسنا ده اخره بياع جرايد وكترت عليه كمان
أنا عارفة ان العيب عندي انا بس انا مش قصدي ان التوبيــك بتاعك وحش بالعكس ده مفيد جدا اكيد ناس كتير استفادت منه و انا استفدت منه شوية بردو حتى لو قلت انه وحش مين انا اصلا عشان اقول كده أنا قصدي من العبارة دي انه مفيش امــــل فيه مهما حصل يعني هكرهها مش التوبيك وحش بس حضرتك فهمتها بطريقتك واكيد التوبيك مفيد جدا
أقدم لك أسفي

ولا يهمك
ربنا يصلح الحال ... أنا أتمنى تكونوا راضيين مش أكتر

[Engineer ..]

المشاركة الأصلية كتبت بواسطة mo7amed_s3d

مشكلة الفيزياء ان فى ناس كتيير بتدرسها كـ دراسة او تعليم أكاديمى يعنى يقعد يحل ويذاكر ويجيب فيها درجات بس ميحبش المادة هو هدفه منها الخمسين درجة وبس
وبالنسبة للمدرسين بيبقى ليهم اثر كبير جداااا على الطلاب وهى دى المشكلة الأكبر ( المدرسين اللى عايشينها بالبركة )

والله المشكلة في اللي بيعلم إنه وصلنا للنقطة دي ... بقيت عايز أجيب ال50 عشان ألحق الجامعة وأطلع من الإمتحان ناسي المنهج ...
عار والله عااااااااار

[Engineer ..]

المشاركة الأصلية كتبت بواسطة نور يوسر

فعلا المدرسييييييين هما اللى بيخلو الانسان يحب الفيزياء او يكرهها انا مثلا فى اولى ثانوى بابا مدرس فيزياء كان هو اللى بيديلها كنت بحبها جداااااااااااااااااااااااااااااااااا اما فى تالته ثانوى بابا كان مشغووووووووول ع طووووووووووول فخدنى عند مدرس المدرس ده كرهنى الفيزياء واليوم اللى شفتها فييييه ويوم ما دخلت التعليم كله معرفش كرهتها اوووووووووووى واجلتها كمااااااان ما امتحنتهاش يعنى المدرس هو المسؤل فى الاول والاخر ياما مواد كتيير كنت بكرهها وعلشان المدرس حبتها والعكس
الطريقه اللى بتقول عنها يا باشمهندس دي فعلا اللى كنت بعملها فى طريقة مذاكرتى لكن برضه منفعتش فييييها هحاول اجربها السنه دى تانى وربنا يستر
توبيك رائع الف شكر

ماهو للأسف المدرس هو السبب انه علم غلط ... أسف أقصد حفظ غلط ...
إنا لله وإنا إليه راجعون ... في تعليمنا

[Engineer ..]

المشاركة الأصلية كتبت بواسطة the coder

للاسف اساتذة الفيزيا عملوا للطلاب حالة يصعب علاجها
انا بحب الفيزياء و كنت كويس فيها
كنت ببقي فاشل في الحصة و قاعد مش بجاوب
ولما اذاكر
و يبقي مثلاً عندي اسئلة او افكار اعرضها علي الاستاذ ميفهمنيش و يقولي خليك في منهجك
وده اسوأ ما يكون من استاذ
ييعني بعيداً عن ان الاساتذة مش بتشرح كويس و بتكره الطالب في المادة هما حافظين المادة مش كلهم فاهمين
و للاسف عودوا طلابهم علي كده عشان يجيبوا الدرجات كلها لازم يحفظوا
ربنا يصلح حالنا يارب
والله انا نفسي كل طالب كان في تالتة ثانوي او داخل تالتة ثانوي يسأل سؤال في الفيزياء محيره او حاجة مش مقتنع بيها
هتفرق معاهم كتير في حب المادة من كرهها
موضوع رائع يا باشمهندس جزاك الله خير

ربنا يخليك يا أحمد ... حلوة حكاية ان أي حد عنده شك في موضوع كان ف الفيزيا يعرضوا علينا ونوصلهوله ....
وخصوصاً إن طلبة رياضة كل حياتهم هتبقى فيزيا

[Engineer ..]

المشاركة الأصلية كتبت بواسطة ..: Pink rose :..

شكراا عالتوبيك ..جزاك الله خيرا

وإياكم ... ولا شكر على واجب

المشاركة الأصلية كتبت بواسطة marwan0

شكرا علي الموضوع الرائع

الشكر لله .. نورت الموضوع

المشاركة الأصلية كتبت بواسطة lolo nice

شكرا جدا جدا على الموضوع الرائع
هى الفيزياء حلوة يعنى أنا كنت بحبها الصراحة فى اولى ثانوى بس مش عاارفة فى تالتة ثانوى هحبها و لا ؟؟!! ^_*

إن شاء الله هتحبها وهي أحلى بكتيييييييييييييييييير جداااااااا من فيزيا نيوتن ( أولى ثانوي )

المشاركة الأصلية كتبت بواسطة marron-5

ع فكرة اكتر مادتين انا حبيتهم الكيمياء و الفيزياء لانهم قريبين من الواقع وتطبيقاتهم موجوده فيه وبعدين مواد ممتعة جدا وياريت كمان اكمل ف الكلية بس تبقي فيزيا وكيمياء حديثة
بجد مواد روعة والله
بس الاحياء يعنى كلها حفظ اه والله حتى الفهم لازم نحفظه

يلا هتعمل ايه احنا في بلد أصلاً لا تهتم بالتعليم بالعكس الطلبة هي اللي بتهتم بالتعليم أكتر من اللي ماسكين التعليم نفسه !!
ربنا يوفقك إن شاء الله ..

[د/نداء الجنة المصرية]

مدرس الفيزيا السنة اللى فاتت كان بيدينا كل يوم وبيطلب مننا اننا فى اليوم الواحد نذاكر اللى اخدناه وكان بيدينا 60مسالة نحلهم فى يوم واحد ماكنتش بانام الفترة دى وبصراحة كنت حاسة ان الفيزيا دى من اعدائى عشان بتحرمنى من النوم ده غير انى رحت عند مدرس تانى كمان شهرين كنت بخاف منه جداومن كتر الدروس اللى بروحها والمذاكرة اللى بتنطلب منى نسيت مسالة فى الواجب وانضربت عليها بس بعد ماانضربت سبت الدرس خالص ولما بدات اذاكرها مع نفسى بره اللى بينطلب منى فى الدرس لقيتها بسيطة ومسلية فعلا لازم يبقى فى تطوير فى كليات التربية والعلوم وتدريب اكتر للمدرسين

[حامله رايه الاسلام]

جزاك الله خيرا