ايه اللى بيحصل دا ؟؟؟؟؟

[To Be Is To Do]

لما نلاقى واحد كفيف ماشى ونلاقى عيال أطفال بيشنكلوه ونلاقيه بيقع ف الشارع
يبقى لازم نسأل إيه إللى بيحصل

لما نلاقى الإبن رافع إيده على والده وشويه شويه حيضربه
يبقى لازم نسأل إيه إللى بيحصل

لما نلاقى الأطفال الذين لا تتعدى أعمارهم سوى العشر سنوات ، فى أيديهم السيجاره ويتفاخرون بها
يبقى لازم نسأل إيه إللى بيحصل

[soosoo_kotp2000]

لما الاقى الناس اللى ( بتشحت ) فى الطريق اساسا مستواهم احسن مننا يبقى لازم تقول ايه اللى بيحصل ده .... امبارح وفى وسط النهار واحده صاحبتى راحت المسجد بين الدروس بس جت من المسجد مزهوله جدا فى المسجد شافت الستات اللى ( بيسرحوا ع الطريق ) واللى شغالين يعينى دعا للناس وعاملين فيها من اولياء الله فاطرين ايوه كانو بياكلوا تمر فى المسجد كمان لاقيتهم لابسين لبس جميل ونضيف تحت اللبس المبهدل وساعتها طلعت انا وهى الشارع ويا سلام وشوفناهم تانى وبصراحه انا بحتقرهم جدا والناس يعينى عماله تديلهم فلوس ومنفعلين مع منظرهم وكدا بقيت اقول ايه اللى بيحصل ده ...... موقف من نفس القبيل بس مش انا اللى شوفته المستر بتاعنا هو اللى شافه وكان بيحكيلنا ... برده حصل فى اليومين دول .... الصبح بدرى هو طالع الشغل لقى ست من الستات دى جايبه طفل صغير وجابت شاش و حاجه لونها احمر من الصيدليه و عماله تربطله الشاش وعايزه تحط عليه الماده الحمرا دى عليه ( على اساس انها دم يعنى ) والطفل عمال يجرى منها وهى تقوله ( تعالا يا ابن الكلب دا أنا مأجراك من أهلك ) ... "سورى ف اللفظ بس ده اللى حصل وبقا عادى جدا " ......... يعنى تلت مصايب فى مصيبه التسول و تأجير الأطفال وخداع الناس ... لما ده يحصل يبقى لازم نقول ايه اللى بيحصل ده ........... فى مواقف كتير بتحصل فى الدنيا تخلينا حاسين ان احنا عايشين غلط

[ميزو اكس 2012]

عندما ارى حال الدنيا من حولى احزن اشد الحزن على مايحدث من ضياع اخلاق وانسانية ومروءة

[المتفائله...]

موقف دائما بتحصل
بارك الله فيكم

[ميزو اكس 2012]

لم تعد دنيا التى نعيش فيها فقد اصبحت غابة

[Seif Albaz]

ايه الي بيحصل ده !

قولتها يوم النتيجه .... يوم مالقيت انا واصحابي -الحمد لله- كنا متفوقين جدااا بس للاسف لقينا كل تعبنا راح وبنجري علي الجامعات الخاصه !! ومش كده بس لقينا الاقل مننا بكتير ضمن لنفسه مكان في الكليات الحكوميه ! تحس المنظومه اتقلبت ! وطبعا قولتها ساعت النتيجه بتاعت التنسيق السنادي التنسيق اعلى من السنه الي فاتت O.0 والفجعه انه الاعداد كمان في الكليات قلت !i!i! واه صح كمان يوم امتحان النتيجه لما لقيت كله طالع منهار وبيعط والي بيغمى عليها !!!! لقيت نفسي واقف في مكاني حسيت الدنيا كلها اصوات وانا في عالم تاني خالص !!!!!!!
وطبعا بقولها الايام ديه علي النور الي بيقطع بالساعتين والتلاته !!
لما بعدي جنب النيل الي المفروض بنشرب منه والاقي لونه حاجه غريبه معقول ده بنشرب منه !! ايه الي بيحصل ده !!!!
خلينا نقول كمان :: ايه الي بيحصل ده قدام افران العيش !!
ايه الي بيحصل ده في المصالح الحكوميه الي مابتخلصش !!
ايه الي بيحصل ده في الفن والثقافه !!
ايه الي بيحصل ده انه ضمرت جميع الكليات ولم يبقى غير كليات يدعون انها "كليات القمه" !!
ايه الي بيحصل في كل المصريين الي بيتظلموا كل يوم بشكل مختلف ويتحججوا بانهم "طيبين " !!!

الي الي بيحصل ده في ايه ولا ايه ولا ايه ...........

[smsmzeros]

دا طلع اللى بشوفو قليل قوى ربنا يعينكم بقى
وميرسى لمروركم

[smsmzeros]

لما تلاقى حد بيقل ادبو على الاكبر منو ولا يحترم رايه تحت مسمى الحريه يبقى لازم نسأل نفسنا ايه اللى بيحصل دا ؟؟؟؟؟؟؟؟؟

لما تشوف الجرائم ترتكب بس تحت اسماء اخرى وكانها بتتغير بتغير اسمها يبقى لازم نسأل اااايه اللى بيييحصل دا ؟؟؟؟؟؟

لما تشوف دم اخوك وابن بلدك بيروح هدر وبدون تمن وكأنه لا شى او انو حلال قتلو يبقى لازم نسأل ايه اللى بيحصل دا ؟؟؟؟؟؟

لما تمر علينا فتره والواحد خايف يطلع من بيتو او يروح يجيب عيش عشان ميموتش يبقى لازم نسأل ايه اللى بيحصل دا؟؟؟؟؟؟؟؟

تقبلو تحياتى ....... يتبع

[MARRON-5]

طيب انا ح اقول موقف مش قادرة انساه لغاية دلوقتى
كنت ف الاوضة بذاكر وكنا ف الشتا وفجاة سمعت حد بيصرخ ف الاول قلت يمكن قطة ولا حاجة وسمعت الصوت تانى جريت بسرعة وكل اللى ف البيت سالو اللى بيحصل
المهم طلعت البلكونة الاول لقيت عربية نص نقل و (متشعلق) عليها عيل صغير بيشد شنطة من ست منقبة و شايلة ابنها ع كتفها
ولان شارعنا ضلمة ومفيش حد ولا سبت بيعدى فيه من الساعة 5 بعد العصر مفيش حد مسك العربية ولا عرف مين اللى سرق الست دى
ساعتها انا كان قلبى ف لرجلى وحاسه ان ضغطى 100000000000000000000000000000000000000000
المهم كان ف بقال جاب لها كرسى وبعدين هدت من العياط وركبت تاكسى وروحت
متهيالى لو كان حد حكى الموقف ده ما كنتش ح صدقو:exc l:

[ميزو اكس 2012]

من كتر المواقف الوحشة اللى بقيت بشوفها مبقتش استغرب من اى حاجة وبقيت اتوقع اى شى ممكن يحصل

[smsmzeros]

لما يجى رمضان ومتحسش بيه ومتشفش تغير فى الناس وتعاملتهم يبقى لازم نسأل ايه اللى بيحصل دا ؟؟؟؟

لما يجى رمضان ومتلاقاش زينه متعلقه فى الشوارع والحارات يبقى لازم نسأل ايه اللى بيحصل دا ؟؟؟؟؟؟؟؟؟؟؟

لما يجى رمضان ومتلاقيش الجوامع ملاينه بالمصلين زى زمان يبقى لازم نسأل ايه اللى بيحصل دا ؟؟؟؟؟؟؟؟؟؟

تقبلو تحياتى .......... يتبع

[نور يوسر]

لما تلاقى الحال فى مصر بيسوء كل يوم كل يوم كل ما نلاقى نفسنا خلاص هنستقر نرجع نقع تانى فى حفره اكبر من الحفره الاولى يبقى لازم نسأل هو اييه اللى بيحصل
لما نلاقى واحد خايب جدا ويدوبك جايب 70% بالعافيه وواحد تانى جايب 99.1% والاولانى معاه شوية فلوس لكن التانى على قد حاله واول يدخل هندسه خاصه بالفلوس والتانى ميحصلش حاجه نقول هو ايه اللى بيحصل ده
لما نلاقى ان كل واحد هامو بس مصلحتو وبيدوس على كرامة الناس بكل جبروت وقوه نقووووول هو ايييه اللى بيحصل
لما نلاقى اكتر من 100 مسلسل نازلين السنه دى فى رمضان وكل سنه بتكلفة مليارات وناس مش لاقيه تاكل او فى واقفين فى طوابير المستشفيات مستنين المووووووووت نقوووووووووول هو اييه اللى بيحصل
لما نلاقى بعض البنات ماشيين فى الشارع وسورى يعنى البنطلونات فى النازل والباديهات فى الطالع نقول هو ايه اللى بيحصل
لما نلاقى ابن يقتل ابوه علشان 10 جنيه او صاحب يقتل صاحبه على 50 قرش نقول هو ايه اللى بيحصل
لما نلاقى ان نسبة الاميه فى مصر بين الاولاد من سن 15 الى25 بئت 38% وفى الطالع نقول هو ايه اللى بيحصل
لما نلاقى مصرى يستشهد على الحدود فى ساعة مغربيه وبيفطر المغرب وفجأه يطلقوا عليه الرصاص ومحدش هياخدلهم حقهم نقول هو ايه اللى حصل
لما نلاقى .................................................. ............لما نلاقى .................................................. ...........

[smsmzeros]

لما تلاقى الكهربا بتقطع كل يوم واكتر من مره فاليوم يبقى لازم نسأل ايه اللى بيحصل ؟؟

لما تلاقى ازمات واضرابات واعتصامات فى كل حاجه فالبلد يبقى لازم نسأل ايه اللى بيحصل ؟؟

لما تسمع ان فى اطفال كتير ماتو فالحضانات بسبب انقطاع الكهربا عن المستشفيات يبقى لازم نسأل ايه اللى بيحصل ؟؟

لما تكتشف ان فى ناس عايزين يكرهونا فى بلدنا وبيخنقونا يبقى لازم نسأل ايه اللى بيحصل؟؟

لما تشوف ناس شغاله تلعن اليوم اللى قامت فيه ثوره بسبب اللى بيشوفوه ومش قادرين يصبرو لحد ما يجنو الثمار
يبقى لازم نسألأ ايه اللى بيحصل دا ؟؟

ميرسى لمروركم وتقبلو تحياتى ... ... يتبع

[Dr. Hoda Ahmed]

الغريب لو جاوبت انى اول ما بفتح عينى بقول الكلمة دى

ايه اللى بيحصل دا


على مواقف ملهاش حصر ِ

[smsmzeros]

لما يخلص رمضان وتلاقى بعض الناس فرحنين انو خلاص خلص يبقى لازم نسأل ايه اللى بيحصل دا ؟؟

لما يخلص رمضان ومتحسش بتغيير فى نفسك او فى غيرك يبقى لازم نسأل ايه اللى بييحصل دا ؟؟

لما ياجى العيد وتلاقى ناس لسه شايله من بعضيها يبقى لازم نسأل ايه اللى بيحصل دا

لما ياجى العيد ومتخدش عيديه يبقى لازم نسال ايه اللى بيحصل دا ؟؟

ههههه امال ايه دى من السنه للسنه

اسعدنى مروركم ..... تقبلو تحياتى