نضع هنا رايك فى التعديلات الجديدة على المنهج

[مامادو شاهين]

المفروض كان زادت الدرجات للمادة لانها لغة العصر والى بتخرج دلوقتى وعايز يشتغل بيتسأل فى أى مقابلة بتعرف ايه فى الكمبيوتر انما مبتسألشى بتعرف ايه فى الدراسات او العلوم او حتى الرياضيات لازم اهتمام بالمادة قبل محتواها

[وجيه أمين محمد]

زملائى الاعزاء:
إليكم أطيب التحيات وأجملها وبعد:
فإن أسعد الناس فى الدنيا من يوفقه الله إلى زملاء يبادلهم الحب والاخلاص.
أما عن وجهة نظرى حول المنهج الجديد للصف الثالث الاعدادى عام 2013
فهى تتلخص فى العناصر التالية:
1- قلة الفكر والابداع مقارنة بالمنهج السابق
2- غير منظم وغير مرتب .. أى ... من كل فيلم أغنية
3- ضياع الفكرة الاساسية للكتاب السابق وهى .. ( تعلم مبادئ البرمجة ) بسبب عدم التنظيم
4- وجود أخطاء جوهرية .. ومن الواضح أنها ليست سهواً أو طباعة
5- لا عنوان للكتاب على الغلاف مقارنة بعنوان الكتاب السابق
( مقدمة عن البرمجة)
6- ضعف الاسئلة والنماذج الموجودة فى نهاية المنهج الجديد
7- كثرة الاجزاء العملية دون أساس هادف تستند إليه

سؤال صعب الاجابة عليه
لماذا تم تغيير المنهج ... !؟
الاجابة فى المرفقات و أنتظر الرد ... والتعليق

[mahmoudbeso]

لو كلامك صح تبقي مصيبه
وفعلا انا مستغرب من سرعة التغيير بدون معرفه مسبقة وكمان ترم واحد اللي نزل لغاية دلوقتي

ربنا يسطر ..........

[tamav]

المشاركة الأصلية كتبت بواسطة mahmoudbeso

يا جماعه المنهج اصبح فصل نظري و3 عملي ...........
والامتحان مش بيركز غير علي الكلام النظري ..........لان مفيش امتحان عملي لـــ 3 اعدادي .....
ومحدش بصراحه بيطبق عملي غير قليل جدا
المفروض ان المادة تكون نصف درجاتها عملي والنصف الثاني علي النظري بس دا يعني لو زادت عن 10 درجات ...........................

في حاجه مهمه .............. هما مهتمين بمادة من 10 درجات وغيروا المنهج بتاعها في حين ان طلبه كتير مش بيهتموا بالحاسب (يعني الطالب بالعقل كدا يذاكر العربي مثلا اللي من 40 درجه ولا الحاسب ابو 10 درجات دا حتي يبقي بيوجع دماغه )

يعني من الاخر التغيير كان لازم يكون مرتبط بزيادة درجات المادة علشان دي تعتبر مادة مستوي رفيع لتالته اعدادي

أنا طبعا متفق مع الاستاذ فى كل اللى بيقوله لكن انا عايز اوضح نقط
اولاً : استاذ احمد هاشم الزبدى الموضوع رائيك ايه فى المنهج فاحنا بنتناقش من اجل التقييم الافضل يعنى انا عايز اقول لحضرتك انا من الفيوم فى تقريبا 99 % من مدرسى الحاسب فى الفيوم مش مقتنعين ان الطالب يدرس فى 3 اعدادى فيجول بيسك
انا عن نفسى شايف ان البرمجه هى الفرصه الوحيده للمواطن المصرى علشان يظهر ويتفوق على باقى دول العالم اللى مسحانا لان ببساطه كل الاحتياج لجهاز كمبيوتر وده موجود فى كل منزل ( بالمنسبه بنتين من حاسبات ومعلومات الفيوم وخدين السنه دى فى مشروع التخرج بتعهم براءة اختراع من الكليه وامريكا ده لتأكيد كلامى )
ثانيا : نرجع للمهم المنهج الجديد : ( اتا قرأة المنهج حوالى 6 مرات )
المميزات :
أ ) اهتم بالخرائط ورتبها ترتيب صحيح عن العك اللى فى الكتاب القديم بمعنى انها متسلسله تسلسل جيد من السهل للصعب
ب ) لغى شوية الامثله المتخلفه اللى كانت فى الباب الرابع المنهج القديم ( تشغيل الكاسيت - الراجل اللى ماشى تحت المطر - سياره بيضاء )
العيوب :
أ ) نتيجة حذف بعض اجزاء من المنهج فى معلومات اصبحت نصف معلومه ولازم المدرس يبقى دارس المنهج القديم علشان يكتشف الفجوه اللى فى المعلومة
ب ) بسبب الحذف ولاحتياجه لتكبير المنهج بداء فى شرح تفاصيل تفاصيل التفاصيل لكل النوافذ واصبحة جزء من المنهج وجعل العملى نظرى وطبعا ده هيحول الماده اللى مادة حفظ لان الموجهيين هيتوجه للجزء ده فى الامتحانات ذى امثلة الكتاب وده يقلل من الماده او من اللى المفروض توصله الماده
ج ) الباب الرابع اللى كان معاه امثلة عجيبه كان المفروض يفضل بس الامثله تبقى على الكمبيوتر نفسه لان الكائن والخصائص والتصنيف اتكلوا وده اللى عامل الفجوه اللى بقول عليها تقريبا
د ) المنهج القديم كان فى ترتيب للادوات واضح واسهل بمعنى ان الترم الثانى كان فى ادوات بتنظم طبقا لاحتياج الباب مش كله على بعضه وخلاص وبالتالى كان الطالب بشعر باهمية الاده زى CheckBox كانت فى باب قاعدة IF وده بيأكد على الطالب ان طالما فى CheckBox يبقى فى IF وهكذا
هـ ) المنهج القديم الفصل الدراسى الاول كان الطالب بيدرس فى الباب الخامس والسادس حوالى 6 اسطر مختلفة من كتابة الاكواد الجديد سطر واحد وهو استخدام الصيغة العامة للخصائص

واخيرا هناك خطاء كبير من المفروض ان المنهج فى الفصل الاول والثانى منهج مكمل يجب معرفة محتويات الفصل الثانى ايضا لربما تكون هناك بعض الاجزاء المرتبطه بالترم الاول ويجب التاكيد على الطالب بالاهتمام بها فاين منهج الترم الثانى

اسف على الاطالة وشكرا لكم
انطون اميل
مدرس حاسب الى
الفيوم

[abou_esed]

رائــــــــــــــــــــــــــع

[prof_marwa]

لسلام عليكم ورحمة الله وبركاته
ده رايي وارجو المشاركه والتعقيب من جميع الزملاء
انا هتكلم عن خرائط التدفق هو ينفع ان الخريطة يتكتب فيها بالعربى زى مثلا غير مسموح وغير معرف المفروض ان الكلام كله انجليزى لان خريطة التدفق معروف ان كلها بالانجليزى
انا اول مره اشوف ان للادخال تستخدم كلمتى enter و get انا اعرف read و input
وحاجه تانية هو مش مفروض فى الحلقات التكرارية يكون فيه نهايه يعنى مثلا فى الخرائط لقيت ان الكتاب عند false يوصل للنهايه ولما تنتهى الحلقة التكرارية مش موصل للنهايه مش فاهمه ده على اى اساس

على فكرة خرائط التدفق عادى جدا لو كتبت فبها باللغه العربيه او لو اتكتبت كلها عربى لان الخريطه عربى او انجلش لانها طريقه للحل ومش محدده اللغه ده تمثيل للبيانات
اما كلمات الادخال برده كلها صح واستخدم الافضل ليك
الجزء بتاع النهايه ده تعتبر من الاخطاء التى تؤخد عليهم وده دور المدرس يعطى المعلومه صح للطالب لان برده الاخطاء مازالت مستمره وهنطالب بالتعديل فى الاخطاء

[tamav]

المشاركة الأصلية كتبت بواسطة prof_marwa

على فكرة خرائط التدفق عادى جدا لو كتبت فبها باللغه العربيه او لو اتكتبت كلها عربى لان الخريطه عربى او انجلش لانها طريقه للحل ومش محدده اللغه ده تمثيل للبيانات
اما كلمات الادخال برده كلها صح واستخدم الافضل ليك
الجزء بتاع النهايه ده تعتبر من الاخطاء التى تؤخد عليهم وده دور المدرس يعطى المعلومه صح للطالب لان برده الاخطاء مازالت مستمره وهنطالب بالتعديل فى الاخطاء

الكلام ده مظبوط جدا
بس المشكله الاكبر ان فى مدرسيين كتير ميعرفوش الصح

[tarek elhamy]

ان ما تم من تغيير له حسنه
انا أصيحنا نترحم على المنهج القديم رغم ما فيه من أخطاء لانه كان مرتب منطقيا
لان التغيير أصبح بتر للمعلومه وليس تغيير متكامل
المعالجه لخرائط التدفق فيها اخطاء ، علاوه على ان طريقه الحل ليست على وتيرة واحده
-كما انه صعب الخرائط على الطلبه شويه…….
وتم اخراج الكتاب بشكل أفضل .............. وعلاج بعض القصور فى الكتاب السابق
ولكنه أضاف بعض القصور الجديد
ملحوظه تم القراءة على السريع

[اسامة منير]

انا معاك في الحلقات التكرارية ترك جزي من الخريطة لم يوصله للنهاية والمعروف ان الخريطه لها بداية واحده ونهاية واحدة

[khaledahmedshahin]

اخوكم عمر بقوش مدرس الحاسب والبرمجة
المنهج اصبح أكثر صعوبة على الطالب وثانيا اصبح اكثر عملى من النظرى ولا يوجد معامل لتدريسة
ثانيا الامتحانات يأتى بشكل نظري ..... كما ان درجة الامتحان لا تتعدى عشر درجات فى الترم وهناك فروق فردية بين الطلاب فبعضهم لا يعى البرمجه اساسا فهما تغير المنهج لا يعى ذلك كما ان المنهج القديم لم يعد ثلاث سنوات حتى تم التعديل فيه ارجو عند عمل تعديل اخر جمع المدرسين لاتخاذ ارائهم

[sasa2_007]

ملهاش لزمه المنهج المفروض يبقي فيه عملي زياده

[يوسف محمود عبد المنعم]

بصراحة المنهج الجديد أحسن من القديم والسودود كود مع خرائط التدفق اسهل بكثير
واضافة فصل الكود كويس جدا

[himaazema]

ارى المنهج اصبح عملى اكثر

[ALmokhlsany]

المشاركة الأصلية كتبت بواسطة tamav

الكلام ده مظبوط جدا
بس المشكله الاكبر ان فى مدرسيين كتير ميعرفوش الصح

هو انا لما اعلم طالب يكتب الخريطة عربى واقله تعالى نحولها انجليزى دة صح يحول العربى انجليزى ولا
لما تكون انجليزى تتحول لانجليزى
وبعدين خريطة التدفق المشكله فيها انها تتحل بالعربى ولا الانجليزى

[مصطفى_عبد الظاهر]

السلام عليكم
منهج العام الماضى كان موضوع بطريقة أكثر علمية ولكنه كان غير مناسب للطالب تماما من حيث الأمثلة الكثيرة التى كانت غير مقررة
أما المنهج الجديد فأقل حرفية ولكن مناسب للطالب
أما موضوع العملى فده يدل على أن الحال كما هو عليه قبل الثورة