هتعمل ايه النهارده قبل نتيجة التنسيق بساعات ؟؟؟؟؟؟

[MohamadoZ]

هكون بشرب ميه لحد الفجر وبعدها انام واصحي عالرسالة

[Nihal !]

ربنا معاكي يا بسنت ان شاء الله تدخلي اللي بتتمنيه
بس هي هتظهر الفجر بجد !!
وبالنسبه للجرايد دي بالظبط اللي احنا بنقول عليه ( هبل في الجبل )
كل كلامها توقعااات واشتغلااات
بالله عليكوا تدعولي الحق الكليه اللي بتمناها

[طالبة الجنة 2012]

ربنا يكرمنا كلنا بالكليات اللى بنتمناها وبالنسبة ليه انا هبطل تفكير واقول الخيرة فيما اختاره الله وعسى ان تكرهوا شيئا ويجعل الله فيه خيرا كثيرا

[احمد السطوحى]

يارب كل اللى بيتمنى كليه يدخلها وربنا يستر فى التنسيق بكره ان شاء الله

[Highlevelmath2]

هألعب Half life 2

[just want heaven]

هدعي لأختي تدخل الكلية اللي بتتمناها و ربنا يكتبلها الخير فيها
و هدعي التنسيق ييجي قليل عن التوقعات
و هدعي كل اللي تعب عشان هدف ربنا يحققه له ... يا رب كل واحد نفسه في كلية و بيحب مجال يدخله
يا رب استجب دعوة كل من قال آمين .. و كل من دعى لأخيه في ظهر الغيب
انه لا يعجزك شيء في الأرض و لا في السماء .. انك على كل شيء قدير

[faress666666]

أنا متابع المنتدى بخصوص موضوع التنسيق من بدري جدا بس مكنتش بشارك بأي تعليق لأني كنت ملاحظ أن كل واحد فينا يا أما محبط أو يائس أو فاقد الأمل , بس النهاردة أنا فرحان .. بجد فرحان مش عشان مثلا التنسيق هينزل , لا , عشان حاسس أن اللي أحنا فيه ده أختبار صغير أوي على اللي هنوجهه في حياتنا بعد كده , أنا منكرش اني كنت مضايق و محبط و يائس لو ملحقتش الكلية اللي أنا عايزها بس عارفين لما أصلي الفجر و التراويح و انسى التنسيق و اعيش مع ربنا بحس بحقارة اللي بفكر فيه , ايه هيفيد التنسيق ولا الجامعات كلها قدام رضا ربنا , هو أنا لو دخلت طب هدخل الجنة ولو دخلت اي كلية تانية يبقاا نار , لو دخلت طب ربنا هيرضي عني و لو دخلت اي حاجة تاني مش هيبقاا راضي و العياذ بالله , صدقوني أنا فارحان لأني حاسس أن كل واحد هنا أتعلم درس جديد أذا تثق بالله , ازاي تتوكل على الله , كل واحد فينا عمل اللي عليه , منا اللي ذاكر و تعب و جاب مجموع كويس , و مننا اللى غش و جاب بردو مجموع كويس , و مينا اللي مذكرش و مغشش و مجبش مجموع و هكذا , بس هسأل سؤال هو أنت راضي عن نفسك و راضي ربك ؟ يبقاا خلاص توكل على الله و متشلش هموم ولا متاعب اللي عايزه ربنا هيكون , الدرس الجديد ده هيفدنا في حياتنا كل واحد شايف انن حلم السنين زي ما هو متوقع هيضيع هيعرف ان الفرصة لسه قدامه و في حلم جديد و ربنا عايزله حاجة أحسن , يااااااااااااااااه تخيلوا لما نثق في ربنا بأني مقدرتش اخش المكلية اللي انا عايزة و دخلت كلية مجبرة عليها لان ربنا شايف الخير هنا , صدقوني كلنا هنستريح و هننجح , يا رب مكنش طولت ولا أكون ازعجت و دي أول مشاركة ليا من فترة كبيرة , و ربنا يهدينا للخير و يحقق أماني كل واحد فينا , أميييين يا رب

[حسن يونس .]

المشاركة الأصلية كتبت بواسطة faress666666

أنا متابع المنتدى بخصوص موضوع التنسيق من بدري جدا بس مكنتش بشارك بأي تعليق لأني كنت ملاحظ أن كل واحد فينا يا أما محبط أو يائس أو فاقد الأمل , بس النهاردة أنا فرحان .. بجد فرحان مش عشان مثلا التنسيق هينزل , لا , عشان حاسس أن اللي أحنا فيه ده أختبار صغير أوي على اللي هنوجهه في حياتنا بعد كده , أنا منكرش اني كنت مضايق و محبط و يائس لو ملحقتش الكلية اللي أنا عايزها بس عارفين لما أصلي الفجر و التراويح و انسى التنسيق و اعيش مع ربنا بحس بحقارة اللي بفكر فيه , ايه هيفيد التنسيق ولا الجامعات كلها قدام رضا ربنا , هو أنا لو دخلت طب هدخل الجنة ولو دخلت اي كلية تانية يبقاا نار , لو دخلت طب ربنا هيرضي عني و لو دخلت اي حاجة تاني مش هيبقاا راضي و العياذ بالله , صدقوني أنا فارحان لأني حاسس أن كل واحد هنا أتعلم درس جديد أذا تثق بالله , ازاي تتوكل على الله , كل واحد فينا عمل اللي عليه , منا اللي ذاكر و تعب و جاب مجموع كويس , و مننا اللى غش و جاب بردو مجموع كويس , و مينا اللي مذكرش و مغشش و مجبش مجموع و هكذا , بس هسأل سؤال هو أنت راضي عن نفسك و راضي ربك ؟ يبقاا خلاص توكل على الله و متشلش هموم ولا متاعب اللي عايزه ربنا هيكون , الدرس الجديد ده هيفدنا في حياتنا كل واحد شايف انن حلم السنين زي ما هو متوقع هيضيع هيعرف ان الفرصة لسه قدامه و في حلم جديد و ربنا عايزله حاجة أحسن , يااااااااااااااااه تخيلوا لما نثق في ربنا بأني مقدرتش اخش المكلية اللي انا عايزة و دخلت كلية مجبرة عليها لان ربنا شايف الخير هنا , صدقوني كلنا هنستريح و هننجح , يا رب مكنش طولت ولا أكون ازعجت و دي أول مشاركة ليا من فترة كبيرة , و ربنا يهدينا للخير و يحقق أماني كل واحد فينا , أميييين يا رب

ياريت كل الناس زيك

[" أحبك ربى "]

ولااااااااااا اى حاجة هدعى ربنا و اللى ربنا عايزه هيكون
ربنا مش هيجيبلى غير الخير ان شاء الله وانا ثقتى فى ربنا كبيرة

[faress666666]

المشاركة الأصلية كتبت بواسطة hassan youness

ياريت كل الناس زيك

في ناس كتيرة زي و أحسن مني كمان , و كمان في ناس هنا كتيرة عارفة أن الحاجة اللي احنا مستنينها خير أن شاء الله لان ربنا هو اللي عايز كده , ربنا يوفقك الجميع و يا رب لل تجعل اليومين القادمين يمران إلا و كل طالب بات في فراشه سعيدا مسرورا قانعا راضيا يا أرحم الحرمين .

[abdosami]

يااااااااارب يتقبل منا جميعا

[Dr Mahmooud]

جزاكم الله خيرا